مايستشك ياحسين كود الرديين ** والا ترى الطيب وسيعٍ بطانه

[محمد السنجاري]

السلام عليكم ورحمة الله وبركاته
..
.
هذه القصه من اجمل القصص العظيمه

لأحد فرسان وأمراء قبيلتنا وهو // عبدالله بن علي بن رشيد

" اول حاكم لإمارة الرشيد "

اخواله هم آل حميان من شمر ،،

وتزوج ابنت عمه الاميره / منيره بنت جبر بن رشيد

وكان له من الابناء ثلاثه :

طلال ،، ومحمد ،، ومتعب ( والد الامير عبدالعزيز الجنازه )

ومتعب ولد في طريقه الي العراق ولهذا اختير اسمه .

وللآمير عبدالله قصيده مؤثره في زوجته

ورفيقه حسين عندما خرج من حائل متجهاً للعراق

وللمعلوميه حسين أسم حركي والصحيح كان ابن مسطح

وهو من سنجاره من شمّر

تقول القصيده : -


ارم النعل لمغيزل العين ياحسين=و اقطع لها من ردن ثوبك ليانه
ياحسين والله مالها سبت رجلين=ياحسين شيّب بالضمير اهكعانه
جنب حفاة القاع واتبع بها اللين=واقصر اخطا رجليك وامش امشيانه
وان شلتها ياحسين تر مابها شين=حيث الخوي ياحسين مثل الامانه
مايستشك ياحسين كود الرديين=والا ترى الطيب وسيعٍ بطانه
..
.
رحمة الله على الامير عبدالله

[حامد مدلول الجبل]

الاخ محمد شكرا على النقل المميز للقصه والقصيده


للامير عبدالله ابن رشيد رحمه الله رحمة واسعه



وكان له من الابناء اثنان : طلال ،، ومتعب ( والد الامير عبدالعزيز الجنازه )


نسيت محمد المهاد اللي دام حكمه 27 سنه وصار له نفوذ واسع؟

[الغلبا]

ياحسين والله مالها سبت رجلين

ياحسين شيَب بالضمير هكعانه


تسلم على الابيات اللي ولا اروع يالسنجاري


رحمة الله على الامير عبدالله بن رشيد

[ابن عمود]

تسلم ابن عمي


يا محمد السنجاري



ولاهنت

[محمد السنجاري]

"" حامد مدلول الجبل ""
..
.

أهلاً بالآخ العزيز ولاهنت على المرور
ولك خالص الشكر على التنبيه ،، وبالفعل انا نقلت المشاركه كما هي
من إحدى المقالات ،، عموماً تم تعديل المشاركه
وتقبّل خالص تحيتي لك
.

[محمد السنجاري]

"" الغلبا ""
..
.
الرائع مرورك الجميل وحضورك المميز
تقبّل خالص محبتي وتحيتي لك
ولآ عدمناك
.

[راكان المعجل]

أخوي محمد السنجاري تسلم على نقل القصيده ولكن الحقيقه التي تخفى على كثير من شمر هي أن القصيده

ليست لعبدالله الرشيد وأنما لبريكان التبيناوي وصديقه حسين العضيباوي الزميلي وسوف أنزل موضوع عن

القصيده ونسبها للأمير عبدالله الرشيد ولك تحياتي

[محمد السنجاري]

"" ابن عمود ""
..
.

ولا إنت ،، والله لا يهينك على المرور والتواصل
خالص الود لك
.

[محمد السنجاري]

"" راكان المعجل ""
..
.
لآهنت على التعقيب المميز
لاكن القصيده معروفه فـ هي للآمير // عبدالله بن رشيد
كما قرآناها بكتب الشعر النبطي
وهي من أروع القصائد والقصص ،،
لاكن سوف نكون بإنتظار موضوعك القادم بأحر من الجمر
خالص تحياتي وإحتراماتي لك
.

[نايف الشريهي]

مايستشك ياحسين كود الرديين .... ولا ترى الطيب وسيعٍ بطانه


هالبيت صار مـثـل يضرب به

الله يعطيك العافيه اخوي محمد

موضوع رائع ورحم الله ابو طلال

[ابن هذيل]

الاخ محمد
شكراً لك على القصه والقصيده الرائعه

[محمد السنجاري]

"" نايف الشريهي ""
..
.
لآهنت يا إبن العم على التعقيب
وبالفعل البيت صار مضرباً للمثل بين أبناء القبائل
شكراً لك .. ولآ عدمناااك
.

[محمد السنجاري]

"" إبن هذيل ""
..
.
لا شكر على واجب طال عمرك
ولآهنت على التعقيب ،،
لك خالص الشكر
.

[ابن خرصه]

تسلم يالسنجاري ولا هنت

[الأجودي]

عشت يا محمد عهالسوالف الزينه

[فاقد طلال]

لاهنت يامحمد السنجاري

وقصه رااائعه يالغلا

لاهنت يابعدي

[حامد مدلول الجبل]

أخوي محمد السنجاري تسلم على نقل القصيده ولكن الحقيقه التي تخفى على كثير من شمر هي أن القصيده
ليست لعبدالله الرشيد وأنما لبريكان التبيناوي وصديقه حسين العضيباوي الزميلي وسوف أنزل موضوع عن
القصيده ونسبها للأمير عبدالله الرشيد ولك تحياتي






الاخ راكان المعجل السلام عليكم ورحمة الله وبركاته


بالنسبه للقصيده المذكوره فهي للآمير عبدالله الرشيد ولايختلف عليها أثنين

ولكن ممكن انك تقصد قصيده ثانيه على نفس القاف ويختلف المعنى هي

اللي لبريكان التبيناوي


ومنها الخد قرطاس قروه المصلين,,,,,,الى ان قال ،عذروبها يحسين قل حصلانه


هالحين كثر التحريف من بعض الروأت، حتى اني سمعت من ناس ينسبون قصيدة عبدالله الرشيد
يوم كان بالعراق ويتوجد على نجد ،ينسبونها لغيره

وسمعت ايضأ من جريد ابن سليمان الشريهي يوافقك نفس الراي بخصوص ، قصيدة مايستشك

[راكان المعجل]

أخوي الغالي حامد القصيده فعلا" ليست للأمير عبدالله لانها غير لائقه بحقه كيف رجل فارس ويطلع لحكم

بلد ويقول لخويه شل زوجتي هل يعقل هذا الكلام ويقول له وهو يتغزل بها أرم النعل لمغيزل العين ياحسين

هل هذا الكلام يقوله الأمير عبدالله والحقيقه هي أن درعا عشيقه لبريكان التبيناوي وحسين

العضيباوي هو صديق لبريكان والحقيقه تتضح برد أبوحسين عندما وجه قصيدته التي يلوم ولده بأتباع حكي

التبيناوي وكيف أنه قطع ردن ثوبه لعشيقه صديقه عطني الوقت لأنزالها وتقبل تحياتي

[راكان المعجل]

قصيده تم الاختلاف عليها فمنهم من يقول أنها للأمير عبدالله أبن رشيد ومنهم من يقول

أنها لبريكان التبيناوي فتتبعت أثرها فوجدت رد لأحد الزميل وهو يرد على التبيناوي

ويسب حسين فأيقنت أنها لم تكن للأمير عبدالله وكما تعلمون بأنها لاتصلح الا لرجل عاشق

وليس لرجل هارب ومحكوم عليه بالقتل



ارم النعل لمغيزل العيـن ياحسيـن=و اقطع لها من ردن ثوبـك ليانـه

جنب حفاة القاع واتبع بهـا الليـن=واقصر اخطا رجليك وامش امشيانه



ياحسين والله مالها سبـت رجليـن=ياحسين شيّب بالضميـر اهكعانـه

وان شلتها ياحسين تر مابها شيـن=حيث الخوي ياحسين مثل الامانـه


الخد قرطاس بيد المصليين = شفته مع اللي يطلبون الديانه

وبالصدر ياحسين مثل الرمامين = شوفك لهن ياحسين أظنه ظنانه

وسميها اللي يلبسون التوامين = ولايلبسونه كود يود الكيانه

الى أخر القصيده

ولما قال سميها اللي يلبسون التوامين عرفنا أنه أسمها وهو درعا ولن أذكر الاسم كاملا"

وهذا لايعنينا وتعالوا نقراء ماقاله العضيباوي بحسين عندما وصله خبر تقطيع حسين لردونه

نعل لدرعا ليرضي صاحبه بريكان فقال




ياتايه الاشوار والراي ياحسين = عرضت نفسك للردى والمهانه

وشلك بدرعا تباريه ياملا الدين = يما أقطعله ردن ثوبك ليانه

عند التبيناني تبك اريش العين = اللي سعى لديارنا بالعانه


وهذا ما لدي والله أعلم

[بنت العصاة]

راكان المعجل

قصيده جميله

شكرا لك اخي العزيز على مانقلت

وشكرا على هذا المجهود

تحياتي لك

اختك بنت العصاة

[فاقد طلال]

اخووي الغالي راكان

انا قرأتها في كتاب انها لعبدالله الرشيد

والقصيده اخر ثلاث ابيات ماهي فيها

لاهنت يالغالي

[حامد مدلول الجبل]

الاخ راكان انا لازلت اكد لك انهن قصيدتين على نفس القافيه



كثير من القصيد اللي يتشابه في القاف والمعنى يصعب التفريق فيه
ولكن المشهور منه محفوظ ومعروف


على سبيل المثال :قصيدة عبدالله الرشيد اللي يقول ،شهودي بجلدي والعدو به بداله
يوجد على قافيته ثلاث قصايد


ثصيدة ،عبد ابن هذال اللي منها،من طاوع الثنتين، كذالك على قافيته ثلاث قصايد


قصيدة ابن خربوش اللي منها،حنا عرب مانردد الهرج ترديد ،كذالك ثلاث قصايد






هاذي لعبدالله

ارم النعل لمغيزل العين ... ياحسيـنو اقطع لها من ردن ثوبك ليانـه

جنب حفاة القاع واتبع بهـا الليـن ...واقصر اخطا رجليك وامش امشيانه

ياحسين والله مالها سبت رجليـن ...ياحسين شيّب بالضميـر اهكعانـه

وان شلتها ياحسين تر مابها شين ...حيث الخوي ياحسين مثل الامانـه


وهاذي للتبيناوي

الخـد قرطـاس بيـد المصلييـن ...شفته مع اللـي يطلبـون الديانـه

وبالصدر ياحسين مثل الرماميـن ...شوفك لهن ياحسين أظنـه ظنانـه

وسميها اللي يلبسـون التواميـن ...ولايلبسونـه كـود يـود الكيانـه

ماقلت من باب العذاريب به شين...عذروبها يحسين قل احصلانه

[فاقد طلال]

صدقت اخوووي حامد مدلول الجبل

وانا معك يالغالي



ولاهنت يالغالي راكان

[راكان المعجل]

أخوي حامد ماذا تفهم من رد العضيباوي وانا معك بتداخل القصيد مثل قصيده عبدالله بنزوحه للعراق وقصيده

أبن هديرس ولكن رد العضيباوي هو من أوقفني وليس قصيده بريكان ففي بعض الاحيان يكون الرد هو الدليل

على نسبه القصيده لفلان من الناس وهنا رد العضيباوي هو من أكد القصيده بأنها لبريكان عندما باراه

وقطع ردن ثوبه لها وهو يقول.....


ياتايه الاشوار والراي ياحسين=عرضت نفسك للردى والمهانه

وشلك بدرعا تباريه ياملا الدين=يما أقطعله ردن ثوبـك ليانـه

عند التبيناني تبك اريش العين=اللي سعـى لديارنـا بالعانـه


هذا ماأراه والله أعلم

[ابن عمود]

راكان المعجل

قصيده جميله



وسلمت اناملك

[حســ شمر ــاس]

لا هنت اخوي محمد

ويعطيك الف الف عافية

[سيف الطنايا]

تم دمج الموضوعين من قبلي