هجوم على المخيم

[الشراع]

السلام عليكم ورحمة الله وبركاته


الشتا اللي مضى ( والحمد لله إنه قظى )

كنا مخيمين بجنب حدا المخيمات

وكان ذلك المخيم عندهم شعار من العيار الثقيل

ولكن .. مخيمنا مهو بسييييط

عندنا طير شلوا ( فواز بن نهير ) ( ياجبل مايهزك ريح )

المهم

كان بيننا وبين ذاك المخيم مساجلات فكاهيه

وهجوم بالأسلحه البيضاء

ليله من الليالي سيرت عليهم

يمار ... دهوووور ( محل ــ جدب ) ماعندهم عشا

ماغير خبز لبناني .. يشوون على الفحم ( ومدخن الخبز )

ومن حسن الحظ إن كان بينهم نزاع ( طريف )

واحد منهم .. مثقف ،، مايشرب ألا ماء صحه

وجاء واحد من خوياه .. وشرب الماء

وصارت قضيه ( والحمد لله إنه ماوصلت لمجلس الأمن الدولي ):110:

المهم ..

أنا ( اصطدت بالماء العكر ):34:

ورتبت اللي حدر

وطبعته بالكمبيوتر ..

واعذروني ..

ترا الموضوع مزح × مزح






ياطالب التقرير جبناه مطبوع=خل الغلط .. واقبل صوابه وصحه

للتسليه ،، ولاّ العتب فيه مرفوع=والشاعر النايم من النوم صحه

ون زدت بالتهمه ترا الخط مرجوع=بمحاية الأقلام ( يافلان ) محّه

جينا على خيمه بها يلعب الجوع=يصيبك الخبز المدخن بكحه

وطبخ العشا يصعب كما حبة الكوع=وصارت قضاياهم على بطل صحه

يقوم واحدهم من الجوع مصروع=يشبه لميلة حاشي(ن) وسط دحه

ماغير كاسه مابها أي منفوع=وكم حلق شايب أصبحت فيه بحه

وبن(ن) منقّى أفضل الصنف والنوع=ياليت لو حصلت وياه سحه

الرز والكبسات ممنوووووع ممنوووع=غير النواشف كنهم بالمصحه

وفلوسهم تفتح بها أي مشروع=لكن بهم من جيهة البذل شحه

البعض خاف إن الليالي بها لوع=وشال الدراهم للامور الملّحه

قسم(ن) بلعب الهند تابع ومتبوع=وقسم(ن) على المركا تفرك اسبحه

وبالصيف يوم السبت من كل أسبوع=خبز الايراني إن حصل معه جحّه










وسلالالالامتكم

[سليمان الذويخ]

وبالصيف يوم السبت من كل أسبوع
خبز الايراني إن حصل معـه جحّـه


عليك نور
وصح لسانك

وعساك على الجحه
قصدي عساك على القوه

اردت فمددت فأبدعت فأفدت

[نهار بن هيشان الوبير]

قصيدة جميلة ورائعة

في قافيتها وفي مضمونها وفي اسلوبها

تسلم يالشراع لاهنت

[الأديب]

الله يسلمك



وصح لسانك



عز الله ماعينو خير





وتحيه للشراع

[الشراع]

أبو أحمد

صح بدنك

وتعليقك ممتع أكثر من القصيده



والجميل هو انقضاء الشتاء

ومثل مايقول المثل : صبرنا ونلنا













الصريح

يشرفني وجودك

وأشكرك على التعليق

لاعدمناك ..












الأديب

صح بدنك

لاتخاف على الجماعه

عندهم اللي يوفي الدين

وعسى الله يستر منهم

[الساري]

صح لسانك يا الشراع


قصيده منتازهـ



وبالعافيه الجحه والخبزز



تحياتي الساري

[الاســـــلمي]

السلام عليكم ورحمة الله وبركاته
الف شكر علي هالقصيده يا الشراع وصح لسانك وانا من زمان ما دشيت هالمنتدى وخذيتلي فره ولقيت هالقصيده وحبيت ارفعها لانها تخص حيل ^_^ وانت ادري بالشي وانا ابي اجيب الرد (( وشرايك اجيبه )) ^_^ -_*
وعـــــلى قووولتهم ياا كلــــــيب شب الناااااار شبه نبي نحرك المنافسه من جديد
مع تحيات اخوكم لاســــــلمي
نثير لاحداااااث بعد غيااااااب طويل ^_^

[فيصل بن نجيفان]

الشراااع

كعادتك مبدع

صح لسانك

[ذيب شمر]

الشراع صح لسانك وعز الله هجوم ما بعده هجوم

قسم(ن) بلعب الهند تابـع ومتبـوع=
وقسم(ن) على المركا تفرك اسبحـه

وبالصيف يوم السبت من كل أسبوع=
خبز الايراني إن حصل معـه جحّـه