الا يامير توبه مانرد السبهان

[سيف الطنايا]

السلام عليكم زرحمه الله وبركاته

القبيله الابيه التي صمدت امام جيش المهاد اربعين صباح (متفرقه) كان في هذه الغزوه بسبب منعهم دفع الزكاة لمندوب الامير
محمد العبدالله أبن سبهان فأثار ذلك غضب الامير وأمر بفل طليفيح لغزوهم 0 وقد احتمت القبيله برجالها الافذاذ الا أن قوه الامير الرشيد
وجيشه اجبرتهم على الانصياع له والسمع والطاعه لآوامره ودفع الزكاة له كاباقي القبايل في نجد والحجاز عدا الحرمين الشرفين
بعد تلك المعركه صور الشاعر /الشويب بن جذعان 0من الروقه
تلك المعركه بأ بيات تحكي ما جرى بين تلك القبيلتين ؛بكل صدق وأمانه فقد اوضح ماجرى رغم ان قبيلته هزمت فالرجال غالب ومغلوب







الآيالله طلبتك يا مقل الطير بالجنحان
مقله با لهوا يلفخ بزينات الجناحينا

كما انك قادر تنجي من اللي ياخذ العربان
اخو نوره محمد لا ظهر بالحرب ناصينا

الايامير توبه مالك الله نرد السبهان
لعلك دايم بالعز وأنت اللي تزكينا

الاوشيب عيني من منازا الخيل بالتومان
الى قلت أدبرت خيل الىخيل تناحينا

الالا عدت يايوم جرى لي بايمن البرقان
اشوف البيرق الجاير عن الحلة معدينا

حدونا في لهيب القيض لامزهب ولاصملان
عسى ربي كتب هذا علينا مايخلينا

ذبح تركي ذبح متروك مع شبابة النيران
يحسبون الضياغم نجع صلاح تناحينا

غدينا عقب ماحنا عرب نمشي مع السيدان
على قطعة حمير يقدع اولنا لتالينا

اخوكم عواد الخريصي

[فيصل بن نجيفان]

عواد الخريصي


السلام عليكم

قصة رائعة وواقعة مشرفه انتصرت فيها قبيلة شمر بقياده

الأمير / محمد العبدالله الرشيد ( المهاد ) ...

الف شكر لك ولا تحرمنا من هذه القصص الطيبه والمشرفة

التي يجب تدوينها وعرضها للجميع ...



تحياتي لك

[سعود الخليل]

تحياتي لك اخوي عواد

قصه روعه

وقصيدة اروع

لا هنت

وصح لسانك على النقل الرائع

اخوك / سعود الجعفري

[سيف الطنايا]

السلام عليكم ورحمه الله وبركاته

شكرا لكم اخواني فيصل وسعود علي مروركم الكريم

وتقبلوا ارق التحايا من اخوكم
عواد الخريصي

[ولد الطنايا]

مشكوووووووو ر أخ عواد على القصه

[الحيران]

عواد الخريصي

سلمت يمناك على المجهود اللي تقدمه

اما حول المقصود بالقصيده السبهان

هو سالم السبهان امير الرياض على وقت الامير محمد العبدالله

وعندما كان سالم السبهان امير الرياض حدثة معارك بين شمر وعتيبه اكثر من 38معركه

وكان جميع الغزوات النصر فيهن لشمر

وبيت القصيد اللي ذكر فيه السبهان

الايامير توبـه مالـك الله نـرد السبهـان
لعلك دايـم بالعـز وأنـت اللـي تزكينـا

واللي اعرفه ان البيت بالشكل هذا

الايامير توبـه مالـك الله طرد السبهـان
لعلك دايـم بالعـز وأنـت اللـي تزكينـا


يقصد بطرد سالم السبهان من الرياض
اي انه كان ابن سبهان وقته هو اللي

شديد عليهم وحار على القبايل هناك

وحريص على مصالح دولة الرشيد من ناحية الضرايب والزكاة

وبعد هذه المعركه (لاعرف باي عام بالتحديد)

قتل غزلان ابن سعود واتهم سالم السبهان بانه قاتل غزلان

وكان غزلان وباقي افراد اسرة السعود بالخرج وقتها

فــــــ مبادره من الامير محمدالعبدالله الرشيد

ليخمدهم ويسكت الثوره ضد ابن سبهان والاتهامات

زاح سالم السبهان عن امارة الرياض

وعين فهاد الرخيص امير عليها

لفتره محدده حتى تهدى الفتن

وبعدها اعاد سالم السبهان للرياض امير

هذا والله اعلم

لعل اني قدمت شي مفيد لكم


كما اشكر ابن عمي الغالي ابن سبهان

على ماطرحه هنا واحب ان اتكلم واقول لمن يتكلمون بهذه الكلمات

وخاصه عن اللي في اخر حكم الرشيد

حمود وزامل السبهان واولادهم

حمود السبهان وزامل السبهان من الرجال الذين صنعوا لآنفسهم وأهلهم مواقف لما كانا عليهما من شجاعة وأقدام وشدة البأس وبعد نظر وحنكة فهذا حمود السبهان وأخوته يوم شافوا إن عيال عبد الله الرشيد ذبحوا قاموا ولاذوا بولد أختهم سعود الرشيد الملقب بابو خشم وفروا به للمدينة حتى يقدر الله امرا مفعول ودائم حنكة الرجال وعقلهم ودرايتهم وشجاعتهم هي الوسيلةبعد توفيق الله للتمكين والقبول عند الناس وبالفعل كان لبعد نظرهم وحنكتهم معنى ،يوم ضاقوا اهل حائل باوضاعهم وتلخبطت بعض الامور على سعود العبيد رحمه الله امير حائل وقتها قاموا وكاتبوا حمود السبهان في المدينة وكتب السيندي قصيدة وأرسلها لحمود بالخفية وقال فيها




يالله ياسمّاع صوت المهتدي=بجنح الظلام خاضع لك يسجدي

ندعيك ما ندعي الة غيرك =يلي بالسماء ياواحد متفردي

تجبر عزا دار تجف أركانه=حنت من الفرقا حنين مفردي

دار تقلل نورها من جاءلها= وضي جنابه عقب راعي المسندي

وصارت مرابي للثعالب والرخم =والنيص دلي في حقوقها مفسدي

وضاعت حقوق الدار عقب أهل الثناء=والجار خلي عقبهم في سرمدي

زملِ ترد أرقابها لوثورها=وتنتف أوبارها لعلعا تجحدي

ماتاخذ الحجام من قبيلها=شره على راعي بساط الأحمدي

من عقب ما جملهن محرابه=على ضديد من المهابة مبعدي

مار أنا برجوا فالق الحب والنوى =سامع دبيب النمل بالليل الأسودي

يعود على تالي البلاد بعزها=كود الزراقة اهل السيوف الوردي

سعود ولد عبدالعزيز وخالة=خال الزحام للطراد هو البدي

او اي خال من مقاديم مسرب =ذياب وابا زيد عليه متقلدي

لاختلط ذيل الجواد ورأسه=خيل المعادي عن جنابة شردي

جاء من ظهر سبهان حواش الثناء=حكم العرب بينه وبين محمدي

وزامل ولد سبع الرجال المشتهر=كمل الجنوب بضرب كل محددي

قال أعتصم ياحمود في =وجه اهل الردات والوجه الصدي

كيف النماء والماء تبيه كبودنا=وش بيت بحب العليا مردي

ونعيت الصبخا تجود بذرها=بديارنا فيها زروع ترجدي

ياحمود لو تسمع حنين جباله=ماقمت يوم بالمدينة مفردي

صاحت لك السمراء ورمان الأحمر=وخشوم جلدية وضلع أباعدي

وخشوم سلمى والنفود بصوتها تقول=وين حمود ستره خطي

ياحمود حائل والعليا تنتظر=من كلمدت سقاي شراع الودي سم

وتوجه يم ضلعان الجبل =ثم أعتصم بالله وانت مساعدي

وانشر وقدامك مفاتيح الفرج=لجيت دار الشمرين فاسترشدي

دوك الراعية تنتظر للراعي=وحنا لكم ياشيوخنا بالسندي...


وبعد ما قرأ حمود السبهان هالقصيدة جهز رجاله وتوجه لحائل ويقول ابراهيم السالم السبهان يوم قربوا لحائل تحسسوا من الديرة وأرسلوا لمطلق السليمان المطلق القويعي يبون يدخلون من لبدة فقال اقبلوا ماقدامكم إلا أهلكم ومن يبيكم ودخلوا الديرة وقامت العرضة ومضاهر الفرح بقدوم السبهان ولد أختهم وعقبها صار سعود أبو خشم أمير على حائل وبعد ما مات حمود السبهان رحمة الله تولى أمر حائل

زامل السبهان وكان رجل حكيم وسياسي ومحنك وهو إلى أمر بناء سور على مدينة حائل وزامل السبهان له قصص كثيرة منها أنه انتخى لعجمي السعدون على إبن سويط ، حيث أن إبن سويط قام وغزا قوم عجمي وهو غايب وسبى ماله وصيح حريمه وقص ذوايبهن وقطع خصورهن يوم انها رجع وشاف حالة أهله قام ولبس ثوب أسود وبشت أسود وكل شئه أسود وحلف أنه مايرمي السواد حتى يرد كرامته ويأخذ بحقة وأشار عليه العوني أن مالك إلا الله ثم ابن رشيد يقصد حكم سعود ابو خشم والي متوليه خاله زامل السبهان وأطاع شوره بعد ما تردد وراح لحائل هو والعوني وبعض عبيد له ويوم وصل أدنى النفود أرسل مرسول لزامل السبهان وصل المرسول لزامل السبهان وعلمه بطلب إبن سعدون قال زامل حياه الله يجي وأرسل لآبن عيادة راعي اللقيطة وقاله إذا جاك إبن سعدون أكرمه اكرام زايد ويوم جاء لحائل و عرفوا أنه يبي يدخل لحائل حول العصر جمع زامل اهل حائل وأمر عيال العبيد يعرضون وقال وش عندك يالفويه قال انا :


اقول ماناخذ يجي دور =على خمسة ايام بطانا

يقول الأمير ومنتهى الشور=نبي فزعة للي نصانا


وعقب ماكرموه غزا زامل معه أهل حائل وشمر ابن سويط وأستردو ا كرامة عجمي السعدون وربعة ومن طيب زامل وحنكتة ومرجلته يوم قال له العوني والله يطول العمر هذي ماجزاه إلا من الله يجيكم إبن سعدون وانتم قوم وتناصرونه وتأخذون حقه من ابن سويط لكن انا ماعندي غير لساني رد عليه زامل مرد الرجال الشهمين الطيبين وقال بيني وبينك الله هذا سعود ابن رشيد وانا واحد من عرض شمر وقال العوني قصيدة طويله يمدح بها سعود بن رشيد وعمر سعود اكا الوقت 14 سنه منها:


كابر وجاهل هل الدنيا وفاخرها=يطفئ لبا مطفي الهيجاء ومفاخره

تراك لطريت ذكره =تشهد الملا جميع باديها وحاضره

ان الثناء منبعه وصلها =لسعود ميراث جدانه ذخيارها

ان دلت الناس منهم مسلكها معا =واسترشدة من بصايرهم بصايرها



هذا ماقدموه السبهان لاهل حائل والرشيد وشمر

بس مقيوله مايعيب الا الطيب

سلاااااامي للجميع




الحيران

[عبدالكريم الوبيري]

^

^

^

مااحد حقر العتبان ابد ... بس معركه صارت بين شمر وعتيبه وصبحهم ابن رشيد

وذبّح من فريسهم قومتن وقعده ... وانتصرت شمر عليهم وذكر الاخ عواد القصه لا اكثر وهذي ماتقلل من طيب

القبيله والغريب في الامر ان اكثرهم ينكرون هالشي ... ويقولون ان اكثرهم ( يدفن حضوه ) <--- يعني مايعد الحقيقه

المراد الشمس ماتحجب بغربال ... او كما يقال ...

بالوفا تاريخن ابيض ينكتب *** لا حكوا باالحق حيين الضمير

لا حكوا باالحق حيين الضمير

لا حكوا باالحق حيين الضمير

لا حكوا باالحق حيين الضمير

حط تحته 70 خط ...... ماحد يعد الحق على نفسوه الا قليل ... ويكفينا حكمنا نجد

وخلينا كل قبايل نجد تسوق الزكاه ..........


ونعمين بالسبهان كلهم رجالن وافين


وسلام ياربعي

[الأجودي]

عواد بيض الله وجهك واشكر الحيران على مااضاف فبن سبهان له تاريخه وافعاله ترفع الراس
يعطيكم العافيه يالطنايا

[مغامس آل مغامس]

فقط اريد ان اقول عبارة واحده......

اللي يظلم حمولة السبهان ويشكك بهم ....عسى الله لا يوفقه دنيا وآخره.....

ان هذة الأسرة العريقه لا تستحق الا قولة ((الف نعم ))...

واخيرا........تحيه للأخ ابن سبهان وتحياتي باسم قبيلة الزقاريط كافه.

[توارن 2005]

بارك الله فيك اخي الكريم ورحم الله هذا الشاعر العتيبي حيث انه عد الحقيقه وقال الصحيح مو سوالفهم الحين الي كلها كذب في كذب وقصص وبطولات وهميه ؟ الانسان الحر الشريف ما ينكر تاريخه لو ايش ما كان شمر الي هي شمر اكبر واقوي القبايل تعترف انها انهزمت في اكثر من معركه وهاذي هي حال الحروب والبشر وشمر وعتيبه ماهم اكرم عند الله من الرسول محمد صلي الله عليه وسلم ولا اكرم من الصحابه الي انهزموا بمعركة احد وانجرح فيها الرسول صلي الله عليه وسلم جرح كبير.

[سيف الطنايا]

جزاكم االله الف خير علي كل من عقب واضاف اضافه مفيده

والف شكر لكم

[ربد الشمال]

يعطيك العافيه علي المشاركه

والله لايهينك


تحيتي