سؤال عن قصيدة لابن رشيد

[المصلوخي]

في قصيدة للشيخ ابن رشيد يقول فيها :

حنا ضياغم ساسنا بقحطان ____ وانتوا بني وايل صدق بلا من


ابي القصيدة كاملة اذا ممكن

[راكان المعجل]

أخي المصلوخي بالنسبه للقصيده فهي للشاعر فجحان الفراوي من قبيله مطير على لسان الامير محمد العبدالله الرشيد
وهي مرسوله للأمير محمد بن سعود ال سعود الملقب غزلان
ومنها :

ياراكب من فـوق سـت وثمانـي=بين الحجر ومحقيـه دوم يرعـن
بنـات حـر ضربوهـن اعمانـي=وجن الابكار وكلبوهن علي سـن
وعصيان اهلهن كلهـن خيزرانـي=وكل الكلايف فوقهن مـا يخطـرن
تلفوا محمد شوق صافي الثمانـي=ابن سعود ويفعل الزيـن لـه فـن
دنيـاك هـذي ماتجـي بالتمانـي=كم خاب من له في رجاها بغي ظن
بسلاحنا المصقـول والشيشخانـي=وشين مانعرف اجناسهن توهن جن
لابـد مامـن ساعـه بامتحانـي=خيولنـا تاتيـك عـرج باهلهـن
ومنها ماذكرت :

وحنا الضياغم واصلنا بقحطاني = وانتم بني وايل صدق بلا ظن
وقال الامير محمد بن سعود ال سعود

بديت ذكر الله علـي كـل شانـي=ومن وحد الواحد علي الرشد له فن
واخـلاف ذا يا راكبيـن السمـانـي=اكواعهن لا زاوروهن ما ينوشـن
قطم الفخـوذ مـوردات المثانـي=بتر الفخوذ اذيالهن مثلهـن هـن
يازين سوق اعصيهـن باليمانـي=من قصر جدي ياسعد وين يمسـن
باسفل شعيب سديرعنـد الشبانـي=ان نوخوهن اقترن هـن واهلهـن
يلفن اخو نوره منجـي الحصانـي=وليا لفنـه جعلـهـن مـايـردن
لايحسبنـي عـن لقـاه متوانـي=ناصيه وابغا آتيـه لزمـا بلامـن
وقد أنتهت هذه الردود بقتل الامير محمد بن سعود ال سعود
وشكرا" لك

[المرجف]

تسلم ياراكان على حسن الجواب

تحيتي

[علي الوهبي]

الشكر للجميع

واخص اخي راكان..

ولكن للامانه التاريخيه فان القصائد اطول من كذا ... اذا كان صاحب السؤال اكتفى بهذا براحته .. واذا يبيها كامله نكمله له

وحنا هنا نكمل بعضنا ولله الحمد ..

اكرر شكري واعتذاري

دمتم

[المصلوخي]

اخ راكان ساعدتني حيل

بارك الله بيك يا ابن الحمولة

[محمد السنجاري]

وهذا البيت المذكوره اعلاه
وجدناه في كتاب اصدق الدلائل في انساب بني وائل لإبن عبار العنزي
والخطأ الفادح أنه نسب هذا البيت للأمير عبيد الرشيد !
عموماً شكراً للآخ السائل
وشكراً لـ راكان على الإجابه
وياهلا ومسهلا
.

[فواز الغسلان]

بسم الله الرحمن الرحيم



اشكر اخوي العزيز صاحب السؤال والاخوه اللذين افادونا افاده وافيه


عن هذا الموضوع ولزيادة الفايده فأن محمد بن سعود الملقب بلقب


((غزالان)) لجماله ستولى على الاماره من اعمامه بالقوه على الرياض


وكانت هي السبب للامير محمد العبدالله الرشيد لادخال الرياض ضمن


حدود امارته لانه تركها سابقا للصداقه اللتي تجمع الامام فيصل بن


تركي مع عبدالله بن رشيد ولما استولى عليها غزالان من اولاد فيصل


اصبح لابن رشيد العذر الكامل وقصد فجحان الفراوي كما قلت انت


قصيده منها:

الزين ماينفع خطات الحصاني=ليا صردن مثل العدن قفوهن كن

اطعت شور مريشين الاذاني=وان جوك بيضان الغتر كنهم جن


ورد هو بقصيده منها:

الزين مايدقم شبات السناني=والشين مايقصر يدينن يطولن

والقاز يعبى للظروس المتاني= واعرف ترى سن اللبن يقلعه سن


وهناك قصيده ثالثه معهن وعلى قافهن وبنفس الموضوع لمفوز


ابن مفتاح الغيثي قليل من يوردها عند ذكر هذا الحدث وان لم تكن


عند الاخوه سنوردها لاحقا انشالله,,,


وغزاه محمد بن رشيد عام 1304 هجري على ارجح الاقوال وقتله


كليب بن شريم في بنبان القريب من الرياض وبذلك اصبحت شبه


الجزيره تحت سلطة ابن رشيد وسمي المهاد وقصد ابن سبيل راعي


نفي قصيدته المشهوره بمحمد بن رشيد ومطلعها:


بديت بذكر الله على كل ماطرى=مجيب الدعاء معطي العطايا الجزايل


هذا ماحبيت اضافته للفايده وتقبلوا تحياتي يالعزوه,,,


(((( الراوي ))))

[فيصل بن نجيفان]

نرحب بك اخي المصلوخي

وكذلك اشكر الاخوه على اجابتهم على سؤالك ..

والشكر موصول للراوي فواز الغسلان لأضافته ..

يعطيكم العافيه

[راكان المعجل]

وهناك قصيده ثالثه معهن وعلى قافهن وبنفس الموضوع لمفوز


ابن مفتاح الغيثي قليل من يوردها عند ذكر هذا الحدث وان لم تكن


عند الاخوه سنوردها لاحقا انشالله,,,


بيض الله وجهك يابوفهد وبالنسبه للقصائد الثلاث اللي لغزلان

ولفجحان ولمفوز خلطوا بينهن الرواه كثيرا" وبالنسبه لقصيده

مفوز أبن مفتاح الغيثي فهي لدي كامله من غير نقص ولا زياده

وهي رد على غزلان ولكن نبيها منك يالغالي لتكون أروع..وتسلم

يالعزيز..