قصيدة خليل الرشدان بالمرحوم عبدالله سعود الركاد..

[ابوضيغم]

عام الحزن عام سبعه وعشرين = عام خذا ناس نغلي ترابه
اول خــبر جـانا عليه محـزنـين =ليلة عرفات جانا خبر لاهلابه
قالوا انتقل عند رب العالمين = الله يرحم ابوسعود ويرحم ترابه
ويجمعنا بجنة الخلد اميــن = رجل اغليه واغليه واغلي ترابه
رجل رحل والنوم فارق العين=والدمع عيى يجف لحضة غيابه
عبدالله وين رحت خليتنا وين=عسى الله يفتح لك جميع ابوبه

[ابوضيغم]

مرثيه بالمرحوم عبدالله سعود النجم الركاد
بديت بسم الله بديع السموات= محيي العضام الباليات الهزيله
اللي بعث الروح في خلق(ن)اموات=مدبر الفلك مابين يوم وليله
رحمتك ياغفار في كل الاوقات=انا دخيلك يامنجي دخيله
من بعد ذكره درت بالوزن ابيات= جواهر بانتاج فكري جزياه
القرم ابوخالد برز بالمهمات= مواقفه بالوزن تصبح ثقيله
يجتاز ياصكه ضروف صعيبات=رجلا برز يعرف بوقته وجيله
نسق مع الاخلاءدقايق وساعات=ياسعد منهو بالاصل ينتميله
وللخال ابوساير حب وتحيات= عطر الفعايل للمولف دليله
له بطيب الفعل كنوز وزعامات=يوم الزمن يركب على العدل ميله
وصفو عمامه بالعزوم القويات=وقفاتهم تشدي لوصف المخيله
بوجيههم تلقى السعد له علامات=كلن يسايل بالمواقف خليله
يوم الفعول النادرات القويات= اهل الصخا يوم السنين الهزيله
وحضروا خواله يافتى الجود فزعات=مواقف بالطيب تصبح جليله
عاداتهم بوقت المهمات وقفات= لوهي مبارز بالسيوف الصقيله
وقاموا بواجبهم على اطيب مجالات=هذا الوفاماينكر مع جميله
وقت الزياره دربهم يرهب الذات =قاموا سواء ياعز فخر القبيله
بالمركزي وسط عرعر جماعات=وقفاتهم وقت الشدايد نبيله
وعبدالله اللي له فعول بشهادات= رجل نضيف ولامشى بالرذيله
نضيف قلب وللفعايل وسامات=كلن يحاول بس يصبح مثيله
نجم برز مابث نشر الدعايات=نجم رفيع المستوى من يجيله
كوكب شبيه الشمالي مسافات=ثابت على المجهر وعينك تخيله
ماملت العين الحزينه مراعات =دمه ودمي ينتمي من فصيله
عليه جر الصوت بالحزن ونات=وارفع صدى صوت الحزن بالخميله
في لوحة الكتمان تلقى علامات=والدمع من عيني تحدر بسيله
وابديت ماكنيت بالصدر عبرات=واجرع مع العبرات للحنضيلله
ولاجه وراجه حسرة بالخفيات=والصدر كنه فوق حام المليله
على فقيد راح مابه مراوات=قفت ضعونه مارضينا رحيله
اللي ضحى الجمعه صادف عرفات=يوم به المخلوق ترجي الفضيله
عساه في جاه الولي وسط جنات=في جاه رب البيت يصبح نزيله
عبدالله بن سعود راع المروات=ابن نجم راع الوفا والفضيله
اللي فعوله بالمواقف جزيلات=الاسلمي فعله يعز القبيله
عليه عيني تنثر الصبح عبرات=والدمع من عيني تزايد هميله
امرا مقدر ماتجي فيه حيلات = والصبر واجب بالقلوب الجليله
وصلات ربي عد ماتقرا الايات=على محمد عد يوما وليله
للشاعر خليل ابراهيم الرشدان الشمري

[مطنوووخ]

صــــــــــــح لســــــــــــــــــــــــــــانك ولســـــــــــان الشاعر وتسلم على هالقصيده

[بن جشعم@]

صح لسانك وتسلم اخوك ابن جشعم

[ياسرالخليل]

الله يعطيك العافية
يالخــــــــــال ابومشاري

والله يقويك

وعلى قولتهم قصيدة جزله وفالك المليار يالضيغمي

[ربد الشمال]

يعطيك العافيه علي المشاركه
والله لايهينك
تحياتي لك

[أبو حواس]

مشكوووووووووور أخووووووووووووووي على موضوعك الرائع

والله يعطيك ألف عافيه

ولا هنت

تقبل مروري

أخوك أبو حواس

[ابن برزان]

سلمت اناملك على القصيده الجميله
ابن برزان

[أبو فلاح]

صح لسانك أبو ضيغم .


والله يرحم ميتكم .

[ابن هذيل]

الله يرحمه

وتسلم اخوي ابو ضيغم