قصة عبد الله بن رشيد-----------

[صقر المناصير]

قصة عبدالله بن رشيد








عبدالله بن رشيد من آل رشيد من شمر حكام حائل بالزمان السابق . . . اشتهر بالشهامة والفروسية . . . وكان إلى جانب ذلك شاعراً مجيداً تتناقل الركاب شعره , وتتناشده البوادي وكان لفخره طعم خاص إذ تصدق أفعاله أقواله ومن درر هذا الشاعر الأمير

حنـا علينـا الجـار نرفـا خمـالـه

ونفزع لمن جانا من الضيـق دخـال

والضيف يقـرأ حين تبـرك رحالـه

عميلنـا نرخـص له الحـال والمـال

وإن جا عـدو من صديقـن صبالـه

ما بات وبقلبـه مـن البـوق ولـوال

ونصبر كما تصبـر رواسـي حبالـه

ما تنهـزع من وطي خافـي ونعـال



ومن حكايات عبدالله بن رشيد هذه الحكاية . . . ويقول الراوي
حينما كثرت النزاعات بين آل رشيد أنفسهم تغيرت أحوالهم وحصل ما حصل واضطر عبدالله بن رشيد إلى الخروج من حائل مشياً على الأقدام . . . وكان برفقته زوجته وخادم له اسمه ((حسين)) , ولأن الأرض صخرية في جبال حائل وكانت زوجته تمشي حافية ليس بقدميها نعال وهي بنت الشيوخ المدللة المخدومة ولكن نظراً لما حل بهم اضطرت للخروج مع زوجها . . . وكان الأمير وخادمه حسين قد تعودا على الخشونة والجلد فلم يتأثرا , أما هي فقد أحنى الصخر قدميها وأخذت تتمايل بمشيتها ولما التفت لها عبدالله وق لحالها وقدر ما هي به فأمر الخادم أن يرمي نعليه لها وهو يقول

ارم النعول لمعـزل العيـن يا حسيـن

أو اقطـع لها من ردن ثوبـك ليانـه

يا حسيـن والله ما لها سبـت رجليـن

يا حسيـن شيب بالضميـر إهكعانـه

جنب حفـاة القـاع واتبـع بها الليـن

واقصر إخطا رجليك وامش امشيانـه

وإن شلتها يا حسيـن ترما بها شيـن

حيث الخوي يا حسيـن مثل الأمانـه

ما يستشك يا حسيـن غيـر الردييـن

وإلا تـرى الطيـب وسيعـن بطانـه





منقول---------------

[ابن قشعم]

الاخ العـزيــز الشاعـر صقـر المناصيــر

اخي الكـريـم مثل ما انت عارف موضوعك هذا يمثـل تاريخ لأنه يتكلم عن علم من اعلامنا التـي اشعلـت لنا قبسات من تاريخ هذه الأمــة

ومن الـواجب علينا تحــري الـدقة فيما نكتـب او ننقــل ..؟

فليـس كـل منقـول مقبــول ! كما انه ليس كل ما كتب صحيــح او غيــر مغلـوط .!؟

ومن باب الحميــة لهـذه القبيلـة العـريقـة وانت واحـد منها كان من المفـروض والـواجب عليك البحـث في الكتب او سؤال كبار السن

ممن يعـرفـون التاريخ والقصيـد الصحيــح ..؟

المعـذرة اخـي الفاضـل فما اراك إلا واحـد من إخـوتـي مما يفـرض عليّ إسداء النصـيحة لك ولغيــرك .؟

القصيــدة التـي نقلتها فيها اغلاط واضحة وتختلف عما هو متداول بين الناس 000

فالحـذر الحـذر ممن يحاولون تحـريف التاريخ والحقائق والقصائـد لأغـراض خبيثـة كفانا الله وإياكم شرورهـم 000

مـرة اخـرى عفـوك اخي الكـريـم فلست انت المعنـي بالتحـريف وإنما انت ممن ينقـلـون بحـســن النيـة 000

مناسبة القصيدة هي عندما غزا عبيد العلي الرشيد على اهل عنيزة وصبحهم يوم عيد الأضحى والأسباب لهذا المغزى

كثيرة كان آخرها عندما قام ابن سليم بقتل ولد الأسلمية عندما قالت امه يا عبيـد اودز ؟

رابط الموضوع عن الاسلمية

http://www.allshmr.com/vb/showthread.php?p=8990#post8990

اهل القصيم عقب الدعوى هذي راحوا لفيصل ابن تركي ابن سعود يشتكون عنده لما قام به عبيد بن رشيد بذبحة اهل

عنيزة ؟

وهو يرسل عبدالله له مناديب لفيصل وعطاهم قصيدة وقال لا تعطونه اياه الياما ينشدكم عني .؟

جو المناديب عند فيصل بن تركي وقال : الله صاروا المسلمين اكباش تضحون بهم !؟

يالله يا اهل القصيم كل يكتب نواقصه لازم تدفعون لهم الدية يا شمر .؟

وهو يلتفت فيصل للمندوب وقال : شلون عبدالله ( طبعا فيه علاقة وطيدة بين عبدالله ابن رشيد وفيصل بن تركي ليس

المجال هنا لذكرها ) ؟

قام المندوب وهو يمد له المكاتيب اليا معهن قصيدة وهو يوم قراه قال: الله اثاريهم انتم المخطين يا اهل القصيم !؟

يالله روحوا لهلكم ما لكم دية وهو يطردهم ؟

والقصيدة هي تعبر عن معانيه .؟

يقول عبدالله العلـي الرشيـــد هذه القصيدة وتسمى بالشيخه لجودة معانيها وجزالتها :-



الحمد للباري فزع من شكاله = والحمد له ثاني على كل الأحوال
والحمد له ثالث بقدرة فعاله = حمد كثير عد ما قايل ٍ قال
أو عد مافوق الوطا من رماله= أوساح ظل ٍ في العوالي والأسهال
أو عد ماترمي لواقح خياله = سح ٍ وتسكاب ٍ وديم ٍ وهـمّال
كل الثنا والشكر له والجلاله = سبحان من هو كا ما راد فعال
رب السما رزق الملا من نواله = محيي الهشيم الميت الدارس البال
مولاي عازل شمسها عن ظلاله = سيدي ومسنادي ليا ظكن الحال
كم ضيقة ٍ من منته جت وزاله = وزاده بعز ماهقيناه بالبال
والحمد لله ماكرهنا لقاله = الا علينا عقوبته عز وأقبال
ومن قال ذا فعلي فهو من هباله= ربي معاوني على من علي عال
وأخلاف ذا يامن يودي الرساله = في صفح مصقول ٍ عليه القلم سال
سلام من منه على الشوف واله = ومشاهد اللي للثقيلات حمال
سلّم عليه ولا تقل به مقاله = الا ان تسان انه نشد عني او سال
وقال أخبرن عن صاحبي كيف حاله = عطه الجواب الي كتبنا والامثال
وقل له يقول لك ياخلف من غداله = من الحي والميت من العم والخال
ركبوا على عوص النجايب رجاله = ويبرا لهم يابو سمي كم خيال
جوه الضحى ياشيخ ماهي نطاله = وساروا لما رادوا على كل مشوال
هذاك حق اللي خطوطك عصى له = فرحان وأبن سبيت ما لقالهم بال
يوم الخطوط أقفت وجت ما قرا له = جاهم المقرّي والحق أولهم التال
وعيّا يودي ركبنا مع جماله = من عقب ماكزيت له كل مرسال
وعيا يطيع اللي بنصح ٍ حكى له = وأزريت من كثر الشكاوي والأرسال
وعادات فعل الزور باللي مشاله= يرميه بالميدان من غير خيال
عادة حلاف الزور شف وش جراله = ياعونة الله ما من الحي عقال
البغي كم ناس ٍ خلت من رجاله = ياما هفا بالبغي من ماضي الاجيال
زادوا وبادوا من هبايب شماله = وكل ٍ له الله يوم يحسبن الأعمال
يوم أنهم عجزو ا عني بالغياله = شبوا لنار الحرب بالغيظ صوال
ومن شب نار ٍ حرقه بشتعاله = وصارت عقوبة فاعله ذل وأذلال
وان كان ماشافوا وعافوا نواله = وصاروا بقاياهم هذولاك جهال
السيف للتايه ستاده حنى له = وندل به من هو عن الجادة مال
واليا كبا لونه محشنا صقاله = ولاهو من القلطات والضرب ملال
وعبيد ٍ اللي لا عدمنا خياله = حطه لهم مولاي نجم ٍ وزلزال
هذي علوم ديارنا من صفاله = مشروب ماه الا بقصاف الاجال
الياما صفت بالسيف ماهي جماله = وثنيت للرثاع بالقيد وعقال
ولا نفوز الا نروي سلاله = من دم هامات العدى عل وأنهال
وحق ٍ علينا الجار نرفى خماله = ونفزع لمن جانا من الضيم دخال
وللضيف نقري حين تبرك رحاله = ومن غير منّْ المحتري مانهج خال
وإن جا صديق ٍ من عدو ٍ صياله = رفيقنا نرخص له الحال والمال
ويامن بنا سرحه وضايع حلاله = ولا بات في قلبه من الخوف ولوال
ومن جأ يريد الزين يعطى سؤاله = وعن عاني الله ماقطعنا له أوصال
والشر ندفع به جانب سهاله = ولاني لتقريبه من الناس قبال
وان كان هو ركب الرشا للمحاله = وأستثقلة ماني من الحرب ملال
أصبر كما تصبر رواسي جباله = ماتنهزع من وطي حافي ونعال
وان كان تريد اليوم قصرة طواله = أعزم ولا تنظر لراضي وزعّال
يمناي ماترضى زوايد شماله = وأعطي الحقوق أهل المعالي والأرذال
شهودي بجلدي والعدو به مثاله = والناس تدري بالجدايد والأسمال

وسلامتكم 000

هذي الشيخة يا بعــدحي !!

مـلزوميـن نحافظ على هذا الإرث العظيـم 0000

والمعـذرة مـرة اخـرى 00 وحقك علي يالبناخــي:biggrin:

تحيـــاتــــي لكم

[صقر المناصير]

مشكووووووووووووووووووووور أخوي ابن قشعم على التصحيح وأنا آسف اني تسرعت بنشر الموضوع قبل ماأتأكد منه ---------- ومشكورررررررر الشكر الجزيل على التصحيح

[فيصل بن نجيفان]

صقر

السلام عليكم

المواضيع المنقوله والخاصه من هي تتكلم عن اعلام قبيلة شمر فمن الواجب التأكد منها لأنه ليس كل من يكتب محق في ما كتبه

فبعضهم يغير التاريخ حسب ما يشاء حيث هواه يجره يذهب بالتاريخ اليه ..

كما اشكر الاخ ابن قشعم على التصحيح وكما اني اضفت قصيده عبدالله الشيخه بـ منتدى الصناديد

شكرا لك يا صقر وتحيه لـ ابن قشعم

[ربد الشمال]

يعطيك العافيه علي المشاركه

والله لايهينك

تحيتي

[ابو النوري]

يعطيك العافية يا صقر

والشكر موصول مع التقدير لأخينا ابن قشعم