ابن قشعم
2005-05-29, 11:27 AM
احداث هذه القصة وقعت بعد معركة بقعاء المشهوره بمدة قصيره واهل القصيم وخاصة اهل عنيزة حاقدين على شمر !؟
بسبب المذبحة اللي صارت عليهم بكون بقعاء 000
وقِيل : ان اسلمية ركّادة بعنيزه ورحلت بالربيع اثاريه نزلت بحمى ابن سليم ؛ طلع عليه ابن سليم !!
وقال: هه وش اللي جايبكم بالحمى !!؟
قالت : يابعدحيي مادرينا انه حمى ولامعنى شين معنى هالجملين وخمس معزى !!
وعنده وليد له جذيع 00 ودلى بهالشوحط يضرب الوليد !!
وهي تدلِّي تشفّع له وتطلبه : ياخيي ادخل على الله لاتضرب هالوغيد ياخيي !!
الثمـرة ماارد عليه !!
اثاريه غبنِه المسكينه وقالت : ياعبيد اودز ( انظر الينا )<< والله من زي التوضيح !!!
قال : بعد تنخى عبيد !! من به عرق كلب نبح ؟؟..
وهو يرد للسيف وهو يضربه اليا قاطع راسه هذا الوليد !!؟
وقيل انه ذبحه بالخمس الأواخـر من رمضان ؟
راح العلم وجاء عبيد وهو يوم دري !!
قال : انا اخو نوره !! وهالحين مازعل عليه وذبحه الا يوم قالت ياعبيد اودز ؟؟!!
يالله يا شمر والله الا يوم النحر ( عيد الضحيه )
و يوم جا ليلة العيد وهو يكمن لهم . . وهم يوم تعيدوا سرحوا ادباشهم ، ويرسل عبيد عليهم الجيش(عددهن 30 ذلول ) قال : خوذوا الدبش من شان ليا شافوهم اهل جيش كل الديرة تفزع مايبقى احد واللي بي يروح يفزع وماهو على مطية خلوه يفزع , راح الفزاع ؛ هاه وشي اللي جتكم ؟ قالوا : جيش . كم هم؟ قالوا : قيمة ثلاثين ذلول !!
وهي تفزع الديرة كله (اهل عنيزه) , واكمن ياعبيد ليا ما شاف الحريم طلعن من برا الديره يراعن لمهف رجالهن !؟
وهذا معناه انه ما بقي رجال بالديره << يبيهم كلهم .. حي والله الشجاعة .. الا ياحبيبي اكالوجه :)
قال عبيد: يالله اقطعوا ثنوهم وتروا اليوم مافيه منع !! وهم يعثون بهم شمر 00 وهو يخز عبيد هكالخيال المجوّخ ـ لابس جوخه ليبرز نفسه يعني من فرسان الديرة ـ وهو يلحقه !! التفت راع الفرس ليا هذا عبيد جايه << انننحش
قال : لا ياشيخ ياعبيد لاتذبحن !؟
قال: ماهو انت ابن سليم ؟
قال لاوالله يابعد حيي ـ صار يرطن رطننا ـ انا ابو بطين!!
قال عبيد : وين ابن سليم ؟
قال: راع هكالشقرا وغتره عليه (اشر له هذااااك هو) وهو يهرمسه عليه !!
وابن سليم يسدحه للقصر يبي الديره هجيج !؟ ولا يلحقه الا عند دروازة القصر(دروازة : كلمة فارسيه) وهو يسجفه بالشلفا ليا طاوي رسنه واذبحه وهات فرسه << اوووووووه لاوااااا حلولات ياللي معهم هههه
عاد يقصد عبيد العلي الرشيد ، يقول :-
يابوبطين اسأل لي الخالديه=قل وشلون نومه يوم خلي المكاني
شلّيت زوجه فوق بنت العبيه=عامين ما شمّه عريب الحصاني
كله لعيني صيحة الاسلميه=دللت سيفي بطوال الاذاني
وش االلي يحرم دمكم بالضحيه=وحنا يحلل دمنا برمضاني
وسلامتكم هذا اللي عرفنا منه 00 والمعذرة 000
بسبب المذبحة اللي صارت عليهم بكون بقعاء 000
وقِيل : ان اسلمية ركّادة بعنيزه ورحلت بالربيع اثاريه نزلت بحمى ابن سليم ؛ طلع عليه ابن سليم !!
وقال: هه وش اللي جايبكم بالحمى !!؟
قالت : يابعدحيي مادرينا انه حمى ولامعنى شين معنى هالجملين وخمس معزى !!
وعنده وليد له جذيع 00 ودلى بهالشوحط يضرب الوليد !!
وهي تدلِّي تشفّع له وتطلبه : ياخيي ادخل على الله لاتضرب هالوغيد ياخيي !!
الثمـرة ماارد عليه !!
اثاريه غبنِه المسكينه وقالت : ياعبيد اودز ( انظر الينا )<< والله من زي التوضيح !!!
قال : بعد تنخى عبيد !! من به عرق كلب نبح ؟؟..
وهو يرد للسيف وهو يضربه اليا قاطع راسه هذا الوليد !!؟
وقيل انه ذبحه بالخمس الأواخـر من رمضان ؟
راح العلم وجاء عبيد وهو يوم دري !!
قال : انا اخو نوره !! وهالحين مازعل عليه وذبحه الا يوم قالت ياعبيد اودز ؟؟!!
يالله يا شمر والله الا يوم النحر ( عيد الضحيه )
و يوم جا ليلة العيد وهو يكمن لهم . . وهم يوم تعيدوا سرحوا ادباشهم ، ويرسل عبيد عليهم الجيش(عددهن 30 ذلول ) قال : خوذوا الدبش من شان ليا شافوهم اهل جيش كل الديرة تفزع مايبقى احد واللي بي يروح يفزع وماهو على مطية خلوه يفزع , راح الفزاع ؛ هاه وشي اللي جتكم ؟ قالوا : جيش . كم هم؟ قالوا : قيمة ثلاثين ذلول !!
وهي تفزع الديرة كله (اهل عنيزه) , واكمن ياعبيد ليا ما شاف الحريم طلعن من برا الديره يراعن لمهف رجالهن !؟
وهذا معناه انه ما بقي رجال بالديره << يبيهم كلهم .. حي والله الشجاعة .. الا ياحبيبي اكالوجه :)
قال عبيد: يالله اقطعوا ثنوهم وتروا اليوم مافيه منع !! وهم يعثون بهم شمر 00 وهو يخز عبيد هكالخيال المجوّخ ـ لابس جوخه ليبرز نفسه يعني من فرسان الديرة ـ وهو يلحقه !! التفت راع الفرس ليا هذا عبيد جايه << انننحش
قال : لا ياشيخ ياعبيد لاتذبحن !؟
قال: ماهو انت ابن سليم ؟
قال لاوالله يابعد حيي ـ صار يرطن رطننا ـ انا ابو بطين!!
قال عبيد : وين ابن سليم ؟
قال: راع هكالشقرا وغتره عليه (اشر له هذااااك هو) وهو يهرمسه عليه !!
وابن سليم يسدحه للقصر يبي الديره هجيج !؟ ولا يلحقه الا عند دروازة القصر(دروازة : كلمة فارسيه) وهو يسجفه بالشلفا ليا طاوي رسنه واذبحه وهات فرسه << اوووووووه لاوااااا حلولات ياللي معهم هههه
عاد يقصد عبيد العلي الرشيد ، يقول :-
يابوبطين اسأل لي الخالديه=قل وشلون نومه يوم خلي المكاني
شلّيت زوجه فوق بنت العبيه=عامين ما شمّه عريب الحصاني
كله لعيني صيحة الاسلميه=دللت سيفي بطوال الاذاني
وش االلي يحرم دمكم بالضحيه=وحنا يحلل دمنا برمضاني
وسلامتكم هذا اللي عرفنا منه 00 والمعذرة 000