فواز الغسلان
2007-04-25, 07:57 PM
قصيدة (الشيخه) للشاعر عدوان الهربيد من السويد من شمر قصيده اختلف الناس في روايتها على عدة
اوجه والسبب في ذلك انها تذكر اسماء شيوخ فقط دون شرح عنهم وافي لذلك اصبح من السهل لضعفاء
النفوس انيبدلوا اسم باسم دون ان يتغير شي في قاف ووزن القصيده لذلك احببت ان اذكرها كماهي دون
زياده او نقص حسب ماسمعتها من كبار السن من السويد وخاصة المقربين من الشاعر وعلى راسهم لافي
بن شامان المسعود الهربيد السويدي الشمري وهي نفس رواية الراوي الكبير فهيد الفرج الغيثي الشمري
(الحبك) مع ترجمه لكل من ذكر فيها وثبتوها لتكون مرجع على مسؤليتي انا
الراوي ابن غسلان000 اجدبت ديار السويد فخرج بهم عساف الهربيد (اخوشقاء) الى شمال وبالاخص
(مكيحيل) وهو من موارد الشرارات وعندما مضى ثلاث شهور عليهم اقترب القيض وانتبه لذلك عدوان عندما
رأى (الاناثي) وهي النجوم مغاريب أي غربت وكان الناس لاهين بالربيع والخير فأراد الهربيد ان ينصحهم
بالرحيل قبل حر القيظ فقال: وهي تسمى (مفتاح الشيخه) يعني سبب القصيده :
زعنا من الغوطة شمـال بتغريـب =وصارت بنا عن سوق حايل مناحي
التتـن قـل وكملـوه الشواريـب= ونكسوا لابو عوينان مثـل الطياحـي
مودع عصيف الشاوري كنه السيب= وبرية ريحه على الجمـر فاحـي
ماكنه الا العيلمـي مـارد النيـب= لا قلّت الامواه هـن والضحاحـي
نتلي ضعاين نيبنا شمّـخ النيـب= جل البكـار منفضـات الطياحـي
ربّع بنا عسّاف قرب اللواهيـب= عشب يغذيـه الغشيـم الرواحـي
ياما قطعنا من طـوال العراقيـب= وياما نزوح الصيـد بالإرتماحـي
وياما إعتلينـا نايفـات المراقيـب =وياما رتعن بأقصى الدحيل اللقاحي
وياما صبرنا بي نحور الأجانيـب= يوم ان كـل بالأمـان إستراحـي
لعيون غضّات البنـات الرعابيـب =تسعين ليله مـا رمينـا السلاحـي
بديار ابن يكلب وكـلاّب وكليـب =بين البيات ومحتريـن الصباحـي
بشرقي مكيحيـل رعينـا الغابيـب =فرس تهزّع بالخبـوب السماحـي
ياخو شقا شف الأناثـي مغاريـب= زل الربيع وزل وقت الصلاحـي
وديارنا من دونهن يتلـف الذيـب= قولوا لوندات الحريـم الرواحـي
دنوا لنا العتلات هن والمصاعيـب= مثل الصدير من المقور القراحـي
عندها تكلم اسماعيل
وسعيد منهم مستبعدين الخطر الذي قاله الهربيد في قصيدته وزادو على ذلك بقولهم ياعدوان شف الفرس
والضمران يغطي الابل وين نتركه ونمشي فقال الهربيد اخاف ان الضمران والفرس يتسببن بذبحكم يالربع00
فقال سعيد لاوالله عادتكم يالشعراء زواريب (أي جبناء مرجفون) ترجفون بربعكم وكل شاعر زاروبه00 فقال
الهربيد خص ولاتعم 0 فكان الغضب قد بلغ ذروته فقالوا الا كل شاعر زاروبه بدون تخصيص000 عند ذلك غضب
الهربيد لكونهم عموا جميع الشعراء بهذه الخصله السيئه فقال ردا عليهم وذاكرا نموذجا من الشعراء الذين
جمعوا مع الشعر ذكر طيب وعلم غانم اما بفرسه او بكرم فقال :
المجلس اللي به اسماعيل وسعيد=ينعاف لو قربه على القلب غالي
اسماعيل ماسمته سموت الاجاويد=وسعيد ماداجوا عليه الرجالي
غيالك الضمران والفرس ياسعيد= ياعل مالحميض الاطعاس والي
اخاف من قومن تجينا عراجيد=تبني على روس الندف له ظلالي
مابين شمطان اللحي والاواليد=تضيمنا ياسعيد بالاحتمالي
اخاف من اللي ينقلون البواريد=هل البنادق ميتمين العيالي
ركضاتهم ياسعيد مابه تصاديد=ذباحة الطيب نهار القتالي
اللي بدكلات السبايا سوانيد=ياما وقع بنحورهم كل غالي
ياسعيد لاتضرب على دارة الديد=بزرقاء تسل الروح بالاحتمالي
بديار فطمات البقر مغتر الصيد=ولاعندك اللي عن حوالك يسالي
ياسعيد هرجك به مغير وتراديد=وتوقر بالهرج الرخيص الجمالي
وهرجن على اكناف العذارى مناقيد=مايطيب الصبيان كود الفعالي
ذرب جوابك يافتى الجود ياسعيد=عن قولتن ياحيف سعيد استزالي
عميت بالسايه جميع القواصيد=ماقلت بالشعار طامن وعالي
عميت نمرن والمهادي وابا زيد=عز الضعن حبس الكمين الهلالي
ومشعان والطيار وعبيد ياسعيد=وعبدالله المسطور عز الاهالي
والعسكري وهديب ومصيخ ورشيد=وحسين حماي الركاب التوالي
وجمل وابن حثلين والفغم وفهيد=وعنتر ليامن اثقل الشيل مالي
وعرار وعميرن هل الكود والكيد=مخلين سرج الخيل ويالدوالي
ورميزان هو والعرفجي والذي زيد=وساجر مسوي للهجين النعالي
وحطاب اللي بالصحن ينثر الغيد=وبريك محيي بالركاب الهزالي
وشايع مجفل بالفلاة المفاريد=وجارد ملفي بالشخيل الجلالي
وجديع خيال المهار المصاعيد=مودع مع الدعكول مثل العزالي
وصعب من الصيداد سقم الاضاديد=وبرجس دلال معبسات الشمالي
والاشمل اللي من مناه التحاميد=ومطلق مطبق بالغدير الزلالي
وجريسن اللي كرمته كنها العيد=ابن سمير اللي بقرن الشمالي
وابن دعيجاء اللي كمابيته الحيد=وسعودن بن سعود راع العمالي
ومغير بن غازي ونومان ياسعيد=زبن الحشور اليااعتلاه الجفالي
وحتى الشريف اللي تقولون ياسعيد=مع حاتمن معطي العطايا الجزالي
عشرين مع عشرين لاانقص ولاازيد=وافين من غير القصيد الفعالي
ياسعيد انا ثنواي دون الاجاويد=هل المصاحف متعبين الدلالي
اللي بهم ياسعيد صدرن وتوريد=وفهقن وتقليطن وقول وفعالي
والا انت مابك عند ربعك مناقيد=وانا بعد مثلك على قد حالي
وحنا عباتن مابباطه لواكيد=ولا قيل حنا بالدروج العوالي
وصلاة ربي عد ماهل من عيد=على النبي وعداد وبل الخيالي
ولعلنا نلقي الضوء على تراجم المذكورين علما ان الشاعر ذكر نماذج فقط لم يقصد استقصاء جميع من
حمل هذه الصفات والا لاحتاج اربعمائه بدل اربعين000
(1)- نمر هو ابن عدوان شاعر وشيخ عشائر عدوان بالبلقاء بالاردن00
(2)- المهادي هو محمد من قحطان وقصته بالجيره مضرب مثل00
(3)- ابوزيد الهلالي ابرز فرسان بني هلال المنحدره من مضر من عدنان وقصصه مشهوره0
(4)-العسكري من العمارات من عنزه فارس مغوار وكريم لايخشى الفقر واندثرت اخباره0
(5)-مصيخ هو ابن فرحان من الرمال من الغفيله من شمر (راعي جبه) واشتهر بالكرم النقي0
(6)-هديب ابن صبيح الهربيد من عشيرة الشاعر شاعر وفارس وكريم0
(7)-رشيد هو النومسي من ابرز فرسان النوامس من عنزه واللي تقصصت باروده من كثر الرمي00
(8)-حسين الذنيب فارس وشاعر من عشيرة الشاعر0
(9)-جمل هو ابن لبده من شيوخ قحطان وكان من مشاهير العرب شعرا وشجاعه0
(10)- ابن حثلين راكان شيخ العجمان وهو معروف للجميع0
(11)- الفغم هو ضيدان الفغم شيخ فخذ ذوي عون من مطير الغطفانيه من عشيرة الصهبه ذاع صيته0
(12)-فهيد هو ابن معبهل الشعلان صاحب نخوا ونجده وشجاعه منقطعة النظير0
(13)-عنتر ابن شداد العبسي معروف صاحب المعلقه الشعريه المشهوره0
(14)- رميزان ابن غشام التميمي من فرسان زمانه وقصصه مشهوره مع اشراف مكه0
(15)-العرفجي هو محمد العلي من البوعليان من العناقر من تميم والذي حكمت عشيرته القصيم 300 عام0
(16)-الذي زيد هو ذياب ابن غانم حطوه عن عشر فرسان ورفض وزايدوه لين حطوه عن خمسين فارس0
(17)-ساجر الرفدي من ابرز فرسان السلقا من عنزه وهو معروف للجميع0
(18)- جديع ابن هذال من شيوخ عنزه المشهورين فارس لايشق له غبار في زمانه0
(19)-(20)- عرار وعمير من فرسان الضياغم المذحجيه القحطانيه واخبارهم معروفه0
(21-22)-عبيد وعبدالله الرشيد فرسان شمر ونجد وهم اشهر من نار على علم0
(23)-مشعان هو ابن هذال شيخ عنزه قاطبه مشهور بكل طرق المرجله0
(24)- الاشمل هو بنية الجرباء سمي الاشمل لانه يضرب بالشمال (اشدف) ومن قال غير ذلك واهم0
(25)-مطلق هو الجرباء والمعروف لايعرف0
(26)-شايع هو الامسح من فرسان الرمال وشمر بشكل عام وقصته مع ابن عريعر مشهوره0
(27)-جارد ابن رمال من اهل الكرم والجود وفيهم مشيخة الرمال 0
(28)-صعب الصديد من شيوخ شمر وفرسانهم بالعراق ابناء عم للجربان وانشقوا قليلا عنهم بسبب خلاف0
(29)-برجس هو ابن مجلاد من شيوخ الدهامشه من عنزه من مشاهير العرب كرم وفرسه0
(30)-جريس هو اليماني من العجمان وليس الجرباء كما يتوهم البعض وله صيت ذائع بالترفع عن الجارات0
(31)-حاتم هو الطائي معروف0
(32)-حطاب هو ابن سراح من شيوخ الجوف اشتهر بكرمه ويرجعون للخرصه من شمر0
(33)-بريك هو الاسعدي راعي بقعاء اشتهر بالكرم وكان يلقب بيطار الاشعار0
(34)-ابن دعيجاء هو خلف من الشرارات اشتهر بالكرم وقصته مع صفوق الجرباء مشهوره0
(35)-ابن سمير هو محمد ابن سمير شيخ ضنى ذري من ولد علي من عنزه اللي ادخل على الدوله0
(36)-مغير بن غازي من فرسان العليان من الدغيرات من شمر مشهور 0
(37)-نومان الحسيني من فرسان الظفير قائل ياسابقي ساعة وردنا للينه 0
(38)-فهيد الفواري من فرسان العمود من شمر مشهور بالفرسه والكرم0
(39)-الشريف هو بركات وقصايده مشهوره0
(40)-سعود ابن سعود ابن عبدالعزيز بن محمد بن سعود من ائمة الدوله السعوديه الاولى0
هؤلاء هم الاربعين وغير هؤلاء فهو مضاف غلطا او عمدا وتقبلوا تحياتي الراوي ابن غسلان يالعزوه00
اوجه والسبب في ذلك انها تذكر اسماء شيوخ فقط دون شرح عنهم وافي لذلك اصبح من السهل لضعفاء
النفوس انيبدلوا اسم باسم دون ان يتغير شي في قاف ووزن القصيده لذلك احببت ان اذكرها كماهي دون
زياده او نقص حسب ماسمعتها من كبار السن من السويد وخاصة المقربين من الشاعر وعلى راسهم لافي
بن شامان المسعود الهربيد السويدي الشمري وهي نفس رواية الراوي الكبير فهيد الفرج الغيثي الشمري
(الحبك) مع ترجمه لكل من ذكر فيها وثبتوها لتكون مرجع على مسؤليتي انا
الراوي ابن غسلان000 اجدبت ديار السويد فخرج بهم عساف الهربيد (اخوشقاء) الى شمال وبالاخص
(مكيحيل) وهو من موارد الشرارات وعندما مضى ثلاث شهور عليهم اقترب القيض وانتبه لذلك عدوان عندما
رأى (الاناثي) وهي النجوم مغاريب أي غربت وكان الناس لاهين بالربيع والخير فأراد الهربيد ان ينصحهم
بالرحيل قبل حر القيظ فقال: وهي تسمى (مفتاح الشيخه) يعني سبب القصيده :
زعنا من الغوطة شمـال بتغريـب =وصارت بنا عن سوق حايل مناحي
التتـن قـل وكملـوه الشواريـب= ونكسوا لابو عوينان مثـل الطياحـي
مودع عصيف الشاوري كنه السيب= وبرية ريحه على الجمـر فاحـي
ماكنه الا العيلمـي مـارد النيـب= لا قلّت الامواه هـن والضحاحـي
نتلي ضعاين نيبنا شمّـخ النيـب= جل البكـار منفضـات الطياحـي
ربّع بنا عسّاف قرب اللواهيـب= عشب يغذيـه الغشيـم الرواحـي
ياما قطعنا من طـوال العراقيـب= وياما نزوح الصيـد بالإرتماحـي
وياما إعتلينـا نايفـات المراقيـب =وياما رتعن بأقصى الدحيل اللقاحي
وياما صبرنا بي نحور الأجانيـب= يوم ان كـل بالأمـان إستراحـي
لعيون غضّات البنـات الرعابيـب =تسعين ليله مـا رمينـا السلاحـي
بديار ابن يكلب وكـلاّب وكليـب =بين البيات ومحتريـن الصباحـي
بشرقي مكيحيـل رعينـا الغابيـب =فرس تهزّع بالخبـوب السماحـي
ياخو شقا شف الأناثـي مغاريـب= زل الربيع وزل وقت الصلاحـي
وديارنا من دونهن يتلـف الذيـب= قولوا لوندات الحريـم الرواحـي
دنوا لنا العتلات هن والمصاعيـب= مثل الصدير من المقور القراحـي
عندها تكلم اسماعيل
وسعيد منهم مستبعدين الخطر الذي قاله الهربيد في قصيدته وزادو على ذلك بقولهم ياعدوان شف الفرس
والضمران يغطي الابل وين نتركه ونمشي فقال الهربيد اخاف ان الضمران والفرس يتسببن بذبحكم يالربع00
فقال سعيد لاوالله عادتكم يالشعراء زواريب (أي جبناء مرجفون) ترجفون بربعكم وكل شاعر زاروبه00 فقال
الهربيد خص ولاتعم 0 فكان الغضب قد بلغ ذروته فقالوا الا كل شاعر زاروبه بدون تخصيص000 عند ذلك غضب
الهربيد لكونهم عموا جميع الشعراء بهذه الخصله السيئه فقال ردا عليهم وذاكرا نموذجا من الشعراء الذين
جمعوا مع الشعر ذكر طيب وعلم غانم اما بفرسه او بكرم فقال :
المجلس اللي به اسماعيل وسعيد=ينعاف لو قربه على القلب غالي
اسماعيل ماسمته سموت الاجاويد=وسعيد ماداجوا عليه الرجالي
غيالك الضمران والفرس ياسعيد= ياعل مالحميض الاطعاس والي
اخاف من قومن تجينا عراجيد=تبني على روس الندف له ظلالي
مابين شمطان اللحي والاواليد=تضيمنا ياسعيد بالاحتمالي
اخاف من اللي ينقلون البواريد=هل البنادق ميتمين العيالي
ركضاتهم ياسعيد مابه تصاديد=ذباحة الطيب نهار القتالي
اللي بدكلات السبايا سوانيد=ياما وقع بنحورهم كل غالي
ياسعيد لاتضرب على دارة الديد=بزرقاء تسل الروح بالاحتمالي
بديار فطمات البقر مغتر الصيد=ولاعندك اللي عن حوالك يسالي
ياسعيد هرجك به مغير وتراديد=وتوقر بالهرج الرخيص الجمالي
وهرجن على اكناف العذارى مناقيد=مايطيب الصبيان كود الفعالي
ذرب جوابك يافتى الجود ياسعيد=عن قولتن ياحيف سعيد استزالي
عميت بالسايه جميع القواصيد=ماقلت بالشعار طامن وعالي
عميت نمرن والمهادي وابا زيد=عز الضعن حبس الكمين الهلالي
ومشعان والطيار وعبيد ياسعيد=وعبدالله المسطور عز الاهالي
والعسكري وهديب ومصيخ ورشيد=وحسين حماي الركاب التوالي
وجمل وابن حثلين والفغم وفهيد=وعنتر ليامن اثقل الشيل مالي
وعرار وعميرن هل الكود والكيد=مخلين سرج الخيل ويالدوالي
ورميزان هو والعرفجي والذي زيد=وساجر مسوي للهجين النعالي
وحطاب اللي بالصحن ينثر الغيد=وبريك محيي بالركاب الهزالي
وشايع مجفل بالفلاة المفاريد=وجارد ملفي بالشخيل الجلالي
وجديع خيال المهار المصاعيد=مودع مع الدعكول مثل العزالي
وصعب من الصيداد سقم الاضاديد=وبرجس دلال معبسات الشمالي
والاشمل اللي من مناه التحاميد=ومطلق مطبق بالغدير الزلالي
وجريسن اللي كرمته كنها العيد=ابن سمير اللي بقرن الشمالي
وابن دعيجاء اللي كمابيته الحيد=وسعودن بن سعود راع العمالي
ومغير بن غازي ونومان ياسعيد=زبن الحشور اليااعتلاه الجفالي
وحتى الشريف اللي تقولون ياسعيد=مع حاتمن معطي العطايا الجزالي
عشرين مع عشرين لاانقص ولاازيد=وافين من غير القصيد الفعالي
ياسعيد انا ثنواي دون الاجاويد=هل المصاحف متعبين الدلالي
اللي بهم ياسعيد صدرن وتوريد=وفهقن وتقليطن وقول وفعالي
والا انت مابك عند ربعك مناقيد=وانا بعد مثلك على قد حالي
وحنا عباتن مابباطه لواكيد=ولا قيل حنا بالدروج العوالي
وصلاة ربي عد ماهل من عيد=على النبي وعداد وبل الخيالي
ولعلنا نلقي الضوء على تراجم المذكورين علما ان الشاعر ذكر نماذج فقط لم يقصد استقصاء جميع من
حمل هذه الصفات والا لاحتاج اربعمائه بدل اربعين000
(1)- نمر هو ابن عدوان شاعر وشيخ عشائر عدوان بالبلقاء بالاردن00
(2)- المهادي هو محمد من قحطان وقصته بالجيره مضرب مثل00
(3)- ابوزيد الهلالي ابرز فرسان بني هلال المنحدره من مضر من عدنان وقصصه مشهوره0
(4)-العسكري من العمارات من عنزه فارس مغوار وكريم لايخشى الفقر واندثرت اخباره0
(5)-مصيخ هو ابن فرحان من الرمال من الغفيله من شمر (راعي جبه) واشتهر بالكرم النقي0
(6)-هديب ابن صبيح الهربيد من عشيرة الشاعر شاعر وفارس وكريم0
(7)-رشيد هو النومسي من ابرز فرسان النوامس من عنزه واللي تقصصت باروده من كثر الرمي00
(8)-حسين الذنيب فارس وشاعر من عشيرة الشاعر0
(9)-جمل هو ابن لبده من شيوخ قحطان وكان من مشاهير العرب شعرا وشجاعه0
(10)- ابن حثلين راكان شيخ العجمان وهو معروف للجميع0
(11)- الفغم هو ضيدان الفغم شيخ فخذ ذوي عون من مطير الغطفانيه من عشيرة الصهبه ذاع صيته0
(12)-فهيد هو ابن معبهل الشعلان صاحب نخوا ونجده وشجاعه منقطعة النظير0
(13)-عنتر ابن شداد العبسي معروف صاحب المعلقه الشعريه المشهوره0
(14)- رميزان ابن غشام التميمي من فرسان زمانه وقصصه مشهوره مع اشراف مكه0
(15)-العرفجي هو محمد العلي من البوعليان من العناقر من تميم والذي حكمت عشيرته القصيم 300 عام0
(16)-الذي زيد هو ذياب ابن غانم حطوه عن عشر فرسان ورفض وزايدوه لين حطوه عن خمسين فارس0
(17)-ساجر الرفدي من ابرز فرسان السلقا من عنزه وهو معروف للجميع0
(18)- جديع ابن هذال من شيوخ عنزه المشهورين فارس لايشق له غبار في زمانه0
(19)-(20)- عرار وعمير من فرسان الضياغم المذحجيه القحطانيه واخبارهم معروفه0
(21-22)-عبيد وعبدالله الرشيد فرسان شمر ونجد وهم اشهر من نار على علم0
(23)-مشعان هو ابن هذال شيخ عنزه قاطبه مشهور بكل طرق المرجله0
(24)- الاشمل هو بنية الجرباء سمي الاشمل لانه يضرب بالشمال (اشدف) ومن قال غير ذلك واهم0
(25)-مطلق هو الجرباء والمعروف لايعرف0
(26)-شايع هو الامسح من فرسان الرمال وشمر بشكل عام وقصته مع ابن عريعر مشهوره0
(27)-جارد ابن رمال من اهل الكرم والجود وفيهم مشيخة الرمال 0
(28)-صعب الصديد من شيوخ شمر وفرسانهم بالعراق ابناء عم للجربان وانشقوا قليلا عنهم بسبب خلاف0
(29)-برجس هو ابن مجلاد من شيوخ الدهامشه من عنزه من مشاهير العرب كرم وفرسه0
(30)-جريس هو اليماني من العجمان وليس الجرباء كما يتوهم البعض وله صيت ذائع بالترفع عن الجارات0
(31)-حاتم هو الطائي معروف0
(32)-حطاب هو ابن سراح من شيوخ الجوف اشتهر بكرمه ويرجعون للخرصه من شمر0
(33)-بريك هو الاسعدي راعي بقعاء اشتهر بالكرم وكان يلقب بيطار الاشعار0
(34)-ابن دعيجاء هو خلف من الشرارات اشتهر بالكرم وقصته مع صفوق الجرباء مشهوره0
(35)-ابن سمير هو محمد ابن سمير شيخ ضنى ذري من ولد علي من عنزه اللي ادخل على الدوله0
(36)-مغير بن غازي من فرسان العليان من الدغيرات من شمر مشهور 0
(37)-نومان الحسيني من فرسان الظفير قائل ياسابقي ساعة وردنا للينه 0
(38)-فهيد الفواري من فرسان العمود من شمر مشهور بالفرسه والكرم0
(39)-الشريف هو بركات وقصايده مشهوره0
(40)-سعود ابن سعود ابن عبدالعزيز بن محمد بن سعود من ائمة الدوله السعوديه الاولى0
هؤلاء هم الاربعين وغير هؤلاء فهو مضاف غلطا او عمدا وتقبلوا تحياتي الراوي ابن غسلان يالعزوه00