][ صورة الامير / مشعل بن سعود بن عبد العزيز الرشيد ][

[فيصل بن نجيفان]

السلام عليكم ورحمه الله وبركاته

نكمل ما سبقنا البدء فيه من اضافه جميع صور شيوخ وامراء قبيلة شمر

وهذه الصورة هي صورة الامير مشعل بن سعود بن عبد العزيز الرشيد .

كما اتمنى من لديه اي معلومه عن اي صورة اضيفها الرجاء اضافتها حتى

نستفيد منها نحن والقارء ..

7
7
7
7
7

[ابن قشعم]

اتمنى من لديه اي معلومه عن اي صورة اضيفها الرجاء اضافتها حتى

نستفيد منها نحن والقارء ..
ابشــــر بسعــدك !!

هذي مــرثيــة بالأميــر مشعــل بن سعـود بن عبدالعـزيـز المتعب آل رشيــد


ياواحـدٍ فـوق السمـاوات قيـوم=يافزعة اللـي لاذ بـه واستجـارا
أسألك ياجالي غثـى كـل مهمـوم=تفرج لمن نومه عن العيـن طـارا
يحق دمع العين دايم علـى الـدوم=والانس لمن مثلي حرامـاً وعـارا
نفسٍ تطيب ومشعلٍ فوق زحـزوم=حدر الثرى دهـدم عليـه الغبـارا
عارٍ علي ان كان ابااستر بالنـوم=والحال حـلّ بـه البـلا والدمـارا
هجرالطرب والكيف والنوم ملـزوم=فرضٍ علي واجب ولابـه انكـارا
عليك ياحامي مقامه عـن اللـوم=ياسابـقٍ جيلـه بصمـت ووقـارا
عليك غبني دايـم الـدوم مكظـوم=بين الحنايـا والحشـا والستـارا
امس اللحد مسرور وامسيت مهموم=العود بات بربـح وبـت بخسـارا
مرحوم ياما بك مـن العزّمظمـوم=الله لحد لو عشت طـول الشكـارا
ليتك مخلاّ ساعةٍ تـدرج اللحـوم=وتعيش من كفـك نجـوع فقـارا
لاشك ما خلا بكفـه الهـرّ والبـوم=اصبح يكابـرك السمـك والحبـارا
زيزوم غلبا لوجبت وبارت القـوم=وبارت هنادي والتفـق والمهـارا
شب ونشا وعن طروق اللوم معصوم=كود المروؤه والنقـا لـه جـوارا
مرحوم ياشيخ السناعيس مرحـوم=مرحـوم ياترثـت املـوكٍ خيـارا
اطلب من اللي نزل الكهف والـروم=يغفـر ذنوبـك دقهـا والكـبـارا
امين يا رحمن يافـارض الصـوم=تجعل ثـرى قبـره انهـارٍ تجـارا
لا تحسب اني سالين عنك لو يـوم=ولا تحسب ان صبري عليك احتقارا
منساك كان العين تسلى عن النوم=ولا انساك كان الخلج تنسى الحوارا
مار اتصبـر دورب العـزّ والـزوم=واسلى واسير كـن مابـي غيـارا
وادري الجلب لعداي والقلب مهموم=واضحك وانا كني على جال نـارا
وادري شمات اللاش واهزل والقوم=لو كان سمّ الساع بالجاش سـارا
على الذي تستر به الناس معصوم=ماشافـت العينيـن مثلـه جهـارا
عمّ ولد عمّ على الكيـف صـاروم=اخواٍ عزيزٍلي على الكيـف صـارا
ماعمر عاتبني ولوكنـت ماشـوم=دايـم يرانـي محتـرم واعتبـارا
مار حرم على ملايمه كل شغمـوم=عقبك فـلا لـي بالصناديـد كـارا
وصلاة ربي عد ماهلـت ارسـوم=على النبي مانـاض برقـا ونـارا

الشاعر والكاتب / فهد المارك رحمه الله

من اهالــي حايــــــل 000

تحيتي

[الحزينه]

اخي العزيز فيصل بن نجيفان

الله لايهنيك ياصقر الطنايا والله يعطيك الف عافيه

وانا بضيف صوره تجمع الشيخ مشعل وسعود ومحمد الرشيد

http://www.alajman.net/vb/uploaded/al3jman3.jpg
صوره تجمع الشيوخ من اليمين سعود ومشعل ومحمد الرشيد


ولكم مني اجمل الامنيات

[ابن قشعم]

http://www.alajman.net/vb/uploaded/al3jman3.jpg

اظنهم من اليمين محمد ومشعل وسعود ابناء سعود العبدالعزيز المتعب الرشيد

ولك تحيتي

[فيصل بن نجيفان]

ابن قشعم

اهلا بك وشكرا على اضافه القصيده .

الحزينه

اهلا بك اختي وشاكر لك الحضور والاضافه

وأما عن الترتيب بالصور فهــو

كما قالت الحزينه هم من اليمين الى اليسار

سعود ومشعل ومحمد

وسأضيف لكل واحد صورة بموضوع مستقل مستقبلا ..

يعطيكم العافيه

[الساري]

يعطيك الف عافيه يا فيصل والله لا يهينك على إضافة هالصور الرائــعـه ..


رحمهم الله

[الشمري2006]

مشكور على هالصور اللي تمثل الامراء الرشيد
ونتمنى المزيد من المشاركات
والف شكر لك اخوي على هالمشاركه

اخوكم /// سعد راضي السنجاري

[فيصل بن نجيفان]

الأخ الساري

حياكـ الله وشاكر لك هالحضور

الأخ اسعد راضي السنجاري

لا شكر على واجب .. ويعطيك العافيه على حضورك المشرف

تحياتي لكم

[نجم الشمري]

شكرا على هذه الصور

[بتار]

رحمة الله عليك

[فيصل بن نجيفان]

الأخوه الكرام

نجم الشمري - بتار

السلام عليكم

يعطيكم العافيه على حضوركم ولا هنتم

تحياتي لكم

[أحمـــــــد]

يسلموووووو فيصل وووووووووووو


على اضافة الصورة وما قصرت يالغالي

وبأنتظار جديدك المتمييز

تحياتي لك

[فيصل بن نجيفان]

حياك الله اخوي احمد وشاكر لك الحضور

يعطيك العافيه

تحياتي لك

اخوك

[سنجار]

لكم انتم رائعين والاروع تعاونكم الاخ فيصل والاخ ابن قشعم الاخت الحزينه والف شكر لكم على الصور ونقل القصيده
وصح لسان فهد المارك رحمه الله الذي كان سفير اللمملكه في دمشق وقد ألف كتاب من شيم العرب ويتألف من خمس أجزاء ضخمه
وتحياتي لكم

[فيصل بن نجيفان]

الأخ سنجار

لا يزيد المواضيع روعه الا حضوركم انتم ومتابعتها

والأستفاده منها ..!!

تحياتي لك

[ابن برزان]

يعطيك العافيه على
الصوره الجميله
ابن برزان

[راعي صرخه]

رحمه الله

مشكووووووووووووووووووووووووور

راعي صرخه

[أبو حواس]

سلمت يمناك يا ابو عبد الله أنت والإخوان...

[ربد الشمال]

يعطيك العافيه علي مشاركتك المميزه

وبانظار كل ماهو جديد

كل الود لك

بدر الشمري

[عبدالله الشلاقي]

يعطيك الف عافية يابو عبدالله على المجهود الطيب في جمع أرشيف مصور يخص شمر



و للعلم فالأمير /مشعل بن سعود بن عبدالعزيز ال رشيد "رحمه الله"هو الأخ غير الشقيق
لخادم الحرمين الشريفين الملك /عبدالله بن عبدالعزيز ال سعود "حفظه الله"


فوالدتهما هي /فهدة بن العاصي بن كليب بن شريم الشمري "رحمها الله"

[المهندس الرااقي]

نفسٍ تطيب ومشعلٍ فـوق زحـزوم
حدر الثـرى دهـدم عليـه الغبـارا

عارٍ علي ان كان ابااستـر بالنـوم
والحال حـلّ بـه البـلا والدمـارا


مشكوووووووووور يابن نجيفان

[طلال العلوي]

الف شكر للجميع وما قصرتوا

[صقر السيافا]

الله يجزاك بالخير

يابو عبدالله

على هذه الصوره

والله يرحمهم

تقبل مروري

مشاري

[راعي صرخه]

اخي العزيز فيصل بن نجيفان

الله لايهنيك ياصقر الطنايا والله يعطيك الف عافيه

وانا بضيف صوره تجمع الشيخ مشعل وسعود ومحمد الرشيد

http://www.alajman.net/vb/uploaded/al3jman3.jpg
صوره تجمع الشيوخ من اليمين سعود ومشعل ومحمد الرشيد


ولكم مني اجمل الامنيات

من اليمين محمد و مشعل و سعود

مشكوووووووووووووووووور و لاهنت