قصيدة أمير قبيلة الشريهه ( الشيخه )

[التـبـيـنـاوي]

(الشـيـــخـــة )
للشيخ حسن التبيناوي بالأمير / محمد عبدالله الرشيد يرحمه الله بمغزاه على عتيبه

يامزنتن غراء مشـت مـن لديـده
منشاه من حد الهضـاب المضلـه
جت من شمال وقبلتـن مستريـده
إذهاب خطـو المصطفـق عادتلـه
من خشـم عرنـان إلينـة لضيـده
باالطول ماجت با المخاييـل كلـه
وباالبعد به من هام ضـده يصيـده
لوهو ورى دار الحبـش مرتعلـه
نمراء على نجـدن تعمـر مديـده
فيحاء من المـاء كـل واد ٍ تبلـه
زامت على خشم الهضاب المشيـده
وطم العريق وخشم أبانـات ضلـه
وإنقاد مـن بيـن القرايـاء مديـده
فوق إجفناء وإبحـار والنيـر هلـه
إبن عقيـل هـو ومسلـط مجيـده
هلـت بردهـا فوقهـم تقـل جلـه
وراح بغثاهـا مسلـط ٍ ذاق عيـده
من ماطره حتى القلـوب إسفهلـه
مرهاش ياما ضاع به مـن بديـده
وياما هفابـه مـن حـلال ٍ وحلـه
خيال ٍ يفرق والـدن عـن وليـده
من اللي يورث باالقلـوب المذلـه
كدراء طحوح ٍمثل وصف الوقيـده
إذهاب أجاويـد العـرب سهمتلـه
ياما أذهبت من شيخ قـوم ٍ حميـده
ومن عاشق ٍعقب الضحاء عاف خله
بتدبير من يافي باالأشيـاء وعيـده
اللـي تـولاء نجـد عقـده وحلـه
بسردن عشاهن بااللـوازم حديـده
كاالديدحـان لبوسهـن يـوم فلـه
شقر(ن) زهت بلبوس غاوي جديده
وصفرن نقـاد المزنـة المستهلـه
تشداء عراقيب الدبـاء يـوم قيـده
إن جدعوا حين الصبـاح الإجلـه
تحيزموا شيوخ الحـرار وعبيـده
لمرهاش تجلاء عن صداء الكبد عله
مرهاش يتلف علط الأرقاب ميـده
تشداء لجاج الحشر يـوم إستهلـه
ثار العجـاج وصوتـوا باالوعيـده
على جماعـة مسلـط ٍ يـوم حلـه
حريبنـا مايهتنـي فـي رقـيـده
بكدراء ومثلـوث الشفـاء مردفلـه
وغوش اليتيم ليـا تغـازوا حميـده
أبطال وإن ثـار الدخـن منوتلـه
بسعود طخم إرشوم مفني ضديـده
فرز الوغى كسـاب دقـه وجلـه
ذعارالسباياءكان صـارت وكيـده
المصطفق زبن الطحـوس المخلـه
إليا أقرشن باالأبطال يقصروريـده
إن كربت قشـط المحـازم وحلـه
بمصافق الأمـواج زبـن البليـده
محمد نفـل سبـع المخاليـق كلـه
لو تجمع أقلام الملاء لـي وأزيـده
تكتب خصايل ريف الأيتـام كلـه
تحتار تبلـش بـا الدفاتـر مجيـده
ليل الضـلام اللـي غدابـه مدلـه
إن قلت سلطان(ن) تراء هو عنيـده
وإن قلت درة كوثـرن مـا تملـه
إن قلت نوّر نجـد عمـه وسيـده
سراجه ولكبـود الصناديـد علـه
مغني الفقـاراء باالسنيـن اللهيـده
تلقاء اليتاماء والبوش فـي محلـه
من كـل ناحـن ماتميـز عقيـده
تشداء حجيج البيت يااللـي فطلـه
يجف طاري مجدهـم يـوم أريـده
واللي حذاكم مثـل غوجـن نتلـه
ياتالـي الأجـواد ويـن الوعيـده
اللـي وعدتونـي تـراء مستحلـه
عطيتـن مابيـن أميـر وقعـيـده
وحمود عندك خابره شاهـدن لـه
ياما عطيتوا مثـل عنـق الفريـده
ومن خزنتن تغني الفقـاراء المقلـه
ومن غرستن يغني مصافق جريـده
وأقطاع تبراء له خطـات السملـه
الله يجمـع زولكـم عـن بعـيـده
عن خوف يفرحن القلـوب المغلـه
ياللي لكـم سبـع القبايـل مقيـده
با الملك ماجت بـا ا لتواريـخ لله
ماهي عطاءجت في قواطع حديـده
بضرب الهنادي لين أطاعت وذلـه
وصلوا على خير البرايـاء وسيـده
إمحمد المعصوم عـن كـل زلـه

[ربد الشمال]

مشكوووووووووور أخووووووووووووووي على موضوعك الرائع

والله يعطيك ألف عافيه

ولا هنت

تقبل مروري

[أبو حواس]

مشكوووووووووور أخووووووووووووووي على موضوعك الرائع

والله يعطيك ألف عافيه

ولا هنت

تقبل مروري



أبو حواس

[ولد الطنايا]

ألف شكر اخوي على القصيدة

ولد الطنايا

[سنجار]

الف شكر يالتبيناوي على القصيده ورحم الله محمد العبدالله وحسن

التبيناوي واعتذر عن الخطأ الفني واكرر شكري لك

[ابوو عايض]

إن قلت سلطان(ن) تراء هو عنيـده
وإن قلت درة كوثـرن مـا تملـه
إن قلت نوّر نجـد عمـه وسيـده
سراجه ولكبـود الصناديـد علـه
مغني الفقـاراء باالسنيـن اللهيـده
تلقاء اليتاماء والبوش فـي محلـه
الله يرحم الامير محمد الرشيد وشاعر شمر حسن التبيناوي

والله يعطيك العافيه يالتبيناوي على القصيده

تحيـــــــــــــــــــتي

[التـبـيـنـاوي]

بسم الله الرحمن الرحيم

.
.
.

أخواني

.
.
.

بدر الشمري

.
.
.

أبو حواس

.
.
.

ولد الطنايا

.
.
.

سنجار

.
.
.

أبو عايض

.
.
.

الف شكر على مروركم الكريم وقبلو فائق احترامي

[ابن برزان]

يعطيك العافيه على القصيده
الجميله شكرآ لك
ابن برزان

[الماسي]

التبيناوي الله يعافيك على الموضوع تشكر