من هي صاحبة الابيات

[الجنازه 37]

السلام عليكم ورحمة الله وبركاته
اما بعد :
قيل من سياق الابيات انها لنوره الرشيد ولاكن هناك شخص يقول القصيده ل منيره بنت عبدالعزيز بن متعب الرشيد
ارجو من الذي يعرف صاحبة القصيده ان يرد في نفس الموضوع وسلامتكم


ابكي هالي هل العلوم المليحه ولا=ألوم عيني لو بكت دمعها دم
إخواني أبكي والقصور الفليحة=إخواني اللي لا بغو لازمٍ تم
ياما إنتخو بإسمي ليا حل صيحة=اليا انتخو بي كافر الجن يسلم
إسمي كما نجمٍ ضرب قاع بيحة=أو الصواقع يوم للضلع ترجم
نورة أنا بنت الشيوخ الفليحة=أبوي حاكم وإخوتي صفوة الجم
يا حيف حايل فارقن ريح شيحه=بذيك الشغايا تقل ما قيل لي سم
محمد طلال اللي جرح للقريحة=وناسٍ بنا خانو .. وناسٍ بنا نم
خانو بحايل كاسبين الفضيحة=وأهل العمايم جعلهم في جهنم
أهل العمايم يدعون النصيحة=جهال بدوٍ ما تعرف التيمم
يالعبد عقب العز كبدي جريحة=حب الوطن يالعبد من عصر آدم
يالعبد ماهي من حكايا الفضيحة=خل السهر لي وإنت يالعبد قم نم
من أولٍ نأمر تجيب الذ بيحة=واليوم!! ياعصر الندم صرت لي عم

[ابن قشعم]

اول شي يابعدحي ممكن تصغر الحجم شوي آخذ الصفحة واكثر هههههههه

بعدين اعلمك لمن القصيدة

واللي اوله شرط آخره نور

تحيــــــاتـــــــي

[عايش الزوبعي]

القصيده للاميره نوره الرشيد رحمة الله عليه

قالتها بعد سقوط حائل وماتت بعد سردها

والله اعلم

[الحزينه]

اخي الجنازه 37

نعم هذه الابيات للاميره نوره الرشيد والقصه معروفه لدي الجميع

الف شكر
تحياتي

[الجنازه 37]

مشكورين على الرد السريع الحقيقه اني اول مره اجرب اكتب بالخط هذا يابن قشعم
بعدين من يقدر يجيبلي اسمه الكامل من الابو الى سابع جد

[ابن قشعم]

خذ العلـم الوكاد

القصيدة ماهي لأي واحدة من بنات آل رشيــد

بل يقال 00 والقول على ذمة الراوي 00

انها لأحد الشعراء وقيل انه الشاعر المرحوم منصور بن سعدي الرمالي على لسان نورة التي هي منخاة آل رشيد !!؟

وسمعت من احد ابناء آل رشيد انه لا توجد في تلك الفترة ـ فترة سقوط حايـل ـ لا توجد إمـرأة من آل رشيد اسمها نورة !!!

وعليه 00 فالرأي عند الغالبية ان القصيدة ليست للمسماة نورة آل رشيـد !!؟

والله اعلــــــــم 00 وهذا لا يعنـي ان ما كتبته صحيـح 100% فهذا ما سمعته 0000

تحيــــــــاتـــــي

[الفهد]

الاخ العزيز :الجنازه 37 القصيه الاميره نوره الرشيد وانا متأكد 100%
الاخ العزيز ابن قشعم الذي قلته لم يصل الي 1% لان لم اسمع من احد قال ان منصور سعدي الرمالي قالها
وانا يوجد عندي كتاب للمرحوم وتقريبا بعض الاشرطه بصوته ولم يذكر هذي القصيده

[مطنوخ الطنايا]

السلام عليكم ورجمه الله وبركاته

اولا :
يعطيك الف عافيه يالجنازة عللى موضوعك المتميز

[الجنازه 37]

مشكور يالمطنوخ على المعلومه بعدين انا قريت الكلمه وقلت يمكن مخطي بالكتابه بس مدام انه مو مخطي تبي تخرب السالفه

[أحمـــــــد]

يسلموووووو على القصيدة الرائعه وووووووو



وكلام الأعضاء هو الصحيح والعلم عند الله


لنوره آل الرشيد بعد سقوط حائل

[نهار بن هيشان الوبير]

اخواني الكرام

الجنازة
بن قشعم

الفهد

مطنوخ الطنايا

الف شكر على مشاركاتكم وردودكم وحضوركم المتميز

وماحصل قد يكون ناتج عن خطاء مطبعي من بن قشعم وغير مقصود بالتأكيد

وقد قمت بتعديله وتصحيحه ولم يحصل الا الخير وكلكم اخوة اعزاء علي وعلى ادارة المنتدى

لكم مني كل محبه وتقدير

اخوكم0 الصريح

[مطنوخ الطنايا]

يالصريح يعطيك العافيه على الترقيعه هذي وماقصرت
لان نيتك صافيه والهدف وحده القبيله

[ابن قشعم]

ما ادري المجال مفتوح والديمغراطية على قولتكم الى هالدرجة !!؟؟



وحلال عليك المكان ويحرم علي طبته تسان اهله ما ردوا لي إعتباري .؟؟؟

وسلاما

[نهار بن هيشان الوبير]

الاخوان

مطنوخ الطنايا

الفهد

انا استغرب منكم تكرار الموضوع رغم اني قمت بتعديل الخطاء غير المقصود

واحب اخبركم ان بن قشعم والجنازة صار بينهم اتصال عبر الرسايل الخاصة واعتقد انهم تفاهموا على الموضوع

لهذا تم اقفال الموضوع نهائيا

ـــــــــــــــــــ

الاخ بن قشعم

نحن نعرف ان الذي قلته هو خطاء مطبعي وغير مقصود وقد اوضحت للاخوان ذلك

واعتبارك كامل يبن قشعم وغير ناقص والحمد لله وما حدث هو عبارة عن التباس بالآمر فقط لاغير

الف شكر للجميع

انتهاء الموضوع