عبدالله الجرهدي
2007-09-07, 03:21 PM
اليكم هذي القصيدة وهي من نوع التمني
ياليت رصيدي واحد وسته اصفـار=علىاليميـن ولايكونـن شمالـي
يكفينـي المليـون ماريـد مليـار=لاصار رزقا من مصـادر حلالـي
مابيـه باليـن اليابـانـي ودولار=ابيه فـي عملـت بـلادي ريالـي
ابي اشتريلي جيب من نوع فكس ار=ادفع القيمه كاش لو كـان غالـي
مديل الفين وسبع بالوصف ماصار=حطو بـه اليابـان شيـن خيالـي
مضمون بالتصنيع مسمار مسمار=مشيك عليه مهندسـه بالكمالـي
يصلح مع الصحرا ويصلح مع القار=ويضا مصمـم للوعـر والرمالـي
جديد ماعمره ضرب كـل مشـوار=مركوب لصحاب السمو والمعالـي
والله لـو صناعتـه ماهـم كفـار=لدعو لهـم بوقـات كـل ابتهالـي
ابيـه لامنـي تنصيـت الاقـفـار=امشي مع البـران مرتـاح بالـي
معي ثلاثـه كلهـم نقـو وخيـار=الكل منهم مـن خيـار الرجالـي
واحد من اهل الدين وثنين شعـار=ربعـن عليهـم بالـزوم اتكالـي
اللي سوافهـم لياصـرت محتـار=تودع ضميرك دايم الـدوم سالـي
ماسولفو عن المسلسل والاخبـار=ولاشجعـو لنصـر ولا الهـلالـي
مافيـه متكبـر ولافيـه ثـرثـار=ولافيهم اللـي هرجتـه بالجدالـي
لاصار في روضن ومشبوبه النـار=على غديرن مـاه صافـي زلالـي
في خايعن متخالفن فيـه الازهـار=بس ام سالم صوتهـا بـه يلالـي
نبعد عن الديره وعن بث الاقمـار=عن عالمن تشوف فيها الهوالـي
هذا ربيع القلـب لاصـار ماصـار=ولا العمـر لابدلـه مـن زوالـي
الشاعر/عبدالله ضحوي الجرهدي
ياليت رصيدي واحد وسته اصفـار=علىاليميـن ولايكونـن شمالـي
يكفينـي المليـون ماريـد مليـار=لاصار رزقا من مصـادر حلالـي
مابيـه باليـن اليابـانـي ودولار=ابيه فـي عملـت بـلادي ريالـي
ابي اشتريلي جيب من نوع فكس ار=ادفع القيمه كاش لو كـان غالـي
مديل الفين وسبع بالوصف ماصار=حطو بـه اليابـان شيـن خيالـي
مضمون بالتصنيع مسمار مسمار=مشيك عليه مهندسـه بالكمالـي
يصلح مع الصحرا ويصلح مع القار=ويضا مصمـم للوعـر والرمالـي
جديد ماعمره ضرب كـل مشـوار=مركوب لصحاب السمو والمعالـي
والله لـو صناعتـه ماهـم كفـار=لدعو لهـم بوقـات كـل ابتهالـي
ابيـه لامنـي تنصيـت الاقـفـار=امشي مع البـران مرتـاح بالـي
معي ثلاثـه كلهـم نقـو وخيـار=الكل منهم مـن خيـار الرجالـي
واحد من اهل الدين وثنين شعـار=ربعـن عليهـم بالـزوم اتكالـي
اللي سوافهـم لياصـرت محتـار=تودع ضميرك دايم الـدوم سالـي
ماسولفو عن المسلسل والاخبـار=ولاشجعـو لنصـر ولا الهـلالـي
مافيـه متكبـر ولافيـه ثـرثـار=ولافيهم اللـي هرجتـه بالجدالـي
لاصار في روضن ومشبوبه النـار=على غديرن مـاه صافـي زلالـي
في خايعن متخالفن فيـه الازهـار=بس ام سالم صوتهـا بـه يلالـي
نبعد عن الديره وعن بث الاقمـار=عن عالمن تشوف فيها الهوالـي
هذا ربيع القلـب لاصـار ماصـار=ولا العمـر لابدلـه مـن زوالـي
الشاعر/عبدالله ضحوي الجرهدي