ليش ياشمر وينكم عن هذول كلهم...ولابس القريب له نصيب والبعيد ماله

[كنة شمر]

بسم الله الرحمن الرحيم
انا قريت كثير عن شمر بالتاريخ والقصص وعاشرت ناس من شمر كثير وسمعت عنهم وعن اخلاقهم وطيبتهم وكرمهم لكن اليوم بعد ماقريت اللي قريته بالمنتدى ان في ناس تساعد قلت يمكن اقدر اساعد ناس كثيره يمكن اقدر اساعد ماديا بعض منهم لكن بعض منهم مايحتاج الماده البعض منهم فقد حس الامان ببلد هو انولد وتربى فيه ودرس فيه واخر شي ايش يكون مصيره مجهول فيه انا مااتكلم عن شمر بس في ناس كثيره لكن كل الناس تحاول تصلح وتساعد عيالها الا شمر للاسف
انا مااتهمكم بالعكس انتم تاج راسي صحيح اني ماني شمريه ولو اني اتمنى اكون منكم بس يمكن اللي شفته بان شمر اللي عايشين بالسعوديه يساعدون وفيهم الخير لكن شمر اللي بره السعوديه كل واحد واصل ويقدر يساعد اهله لكنه والله العظيم خايف ع منصبه او جنسيته مايصير
في قصص كثيره حبيت اعرضها عليكم واتمنى منكم تحكمون ولو كان في شي اخطوا فيه هالناس قولوا
القصه الاولى
اب اسره جا وهو صغير لسعوديه من الكويت يحمل الجنسيه العراقيه مع انه كان بدون المهم حاول يعمل بعمل حكومي بالكويت ماكان من نصيبه بس من نصيب خوانه جا السعوديه وفي ذاك اليوم كان من نصيبه انه يعمل بدوله خليجيه وبعمل نفس العمل الاول بالكويت وخدم فيه اكثر من 30 سنه ويعطى جنسيه البلد اللي عمل به المهم بعد ماكبروا العيال وتخرجوا الاغلب منهم من الجامعات وبعض منهم بالمدارس تسحب الجنسيه منه ومن عياله بسبب ان واحد من عايلتهم البعيده يحمل جنسيتين وهذا ممنوع ويمنع عياله من العمل بسبب انهم بدون لازم يجيبون جنسيه ثانيه عساس يعملون بها ولجاوا لناس من شمر وواصلين جدا بالبلد جدا جدا
ويقولون لهم حصل خير وبينتهي الموضوع صارلهم سنه وكم من شهر وهم ع هالحال الاب كبير بالعمر والعيال ماالهم اي شغل يقدرون يساعدون به اهلهم وشمر تتفرج ولو تبغون يعني الاثبات موجود لكن للي يدير هالموقع او المنتدى
والقصه الثانيه
ناس من سوريا عيال عم كلهم جوا لنفس البلد عساس يشتغلون الكبير فيهم خريج بكالريوس وع اساس انهم راح يشتغلون بشركات ويحسننون وضعهم المادي لكن ايش اللي صار صار استعباد لشخص يحمل اسم شمر عشان لقمت العيش وممنوع تشوف اخوك مثل الهنود والخدم حتى الهنود يكون لهم الحريه يجيبون ربعهم ويتجمعون ويباتون عند بعض هذول ممنوعين وخصوصا اللي مايحني راسه للكفيل وعمهم يحمل جنسيه البلد اللي يعيشون فيه بس مايقدر يسوي شي
وعيال عمامهم سعوديين يعني كيف شمري وله كفيل وينكم ياشمر
القصه الثالثه وهي الاغرب جدا
شخص تاجر وعنده حلال ماشاء الله كان بدون من الكويت وبنى نفسه لكنه خرج من بلده ومازاها من 16 سنه
مشكلته ان ولا بلد خليجي يقدر ينتمي له وطبعا هو كتب في احد الموقع لشمر وحكى قصته بقصيده ولكن مامن مجيب
حكى بانه وغيره لجا لشيخ شمر بالبلد اللي تجارته وحلاله فيها يعني انسان واصل والحمدالله
كيف ياشمر عيالكم قاعدين يضيعون بس اللي له معارف يقدر يطلع وياخذ حقه واللي ماله يضيع عيالكم يضيعون مب من الناحيه الماديه بالعكس الناحيه الاجتماعيه لا قادرين يتزوجون ولا يدرسون حتى لو عندهم حلال بس هم ينتمون لكم
اللي يقدر يساعد او يقول حل لهناس موجود ارقام تلفوناتهم والبلد اللي يعيشون فيه وكل شي بس للي يقدر يساعد او القائمين ع الموقع
اقدر اساعدهم ماديا لكن مشاكلهم ماراح تنحل
اتمنى ماكون طولت عليكم ولا خالفت قوانين المنتدى بشي
طبعا انا عرضت الموضوع بموقع اخر لشمر واتمنى بس تصير صحوه لشمر ويرجعون مثل القصص اللي قريتها عنهم ولا هذا مستحيل؟!

[نديم الجبلين]

الله يعطيك العافيه

انا اشوف ان السبب من شيوخ القبيلة المحترمين

ليه مايتكلمون ليه مايعملون اجتماع ويقررون



يعطيك العافية ياكنة شمر والله يكثر من امثالك

نعم شي يقهر والله العظيم حاله

ماودي اتكلم اكثر

[كنة شمر]

:36_1_44: اخ نديم مشكور ع مرورك بس انا اشوف كل القبايل حتى قبيلتنا بقطر ولو لجاوا هم لاي شخص حتى لو مب واصل كثير يساعد الناس الا شمر اللي طول حياتي اعتبرهم شيوخ كل القبايل واحسنهم

[ابن الطنايا]

ربنا يوفقك ياكنه قولي آآآآآآآآآآآمين

اعتقد ان المشكلات سياسيه وهي مايتجنبه شيوخ شمر

علي كل حال اعرف قصص كثيره وقف به شيوخ شمر واوجدوا له حل

دمتي سالمه

[الشريطي]

هذا واحد من تجار مطير اتفق مع الدويش وسوا لجنة مساعدات لقبيلة مطير فقط طول الله عمره

.. نتمنى ان الفكره تعيييد نفسها بس ينقلب الاسم من مطير الى شمر والفكره مشالله نجحت عند مطير واكيد راح تنجح عندنا اذا أقرت وعمل بها ...

[كنة شمر]

اخ ابن الطنايا مشكور وربي يوفقك بس انتم وش تشوفن الحل لهناس حياتهم متوقفه ع اثبات وهم منكم وفيكم عندنا بقطر يوم صارت سالفه قبيله المره قاموا الدنيا ولا قعدوها لين رجعوا لهم جوزاتهم واثباتتاهم ودول كثيره عرضت عليهم انهم يحملون جنسيتها
المهم ليه يعني شمر بالذات يعني وش ناقصها
اخوي الشريطي انتم تقولون ياليت بس لو الواحد بيظل ع كلمة ياليت بيتعب كثير ليه ماتحاولون انتم وكل واحد عنده قرابه او معرفه يحاول
لو عندي كيف اساعد هذولي الناس كان ساعدتهم كان جبتهم وساعدتهم يدخلون البلد عندنا ويعيشون فيها حتى لو يكلفهم هذا يعيشون 50 سنه بس بالاخير يحصلون ع اثبات يحميهم من كلمة كفيل او تاشيره او اقامه صاروا شمر يطلبون منهم تاشيره مثل الاسيويين والله ياحيف ع الرجال اذا شيوخ العرب مايقدرون يعيشون مثل العرب الباقين وصار ..... يكفلونهم والله دنيا
مشكورين ع مرورك واتمنى اكثر تكون في غيره ع بعض لان غيرنا يغارون ع بعض مايرضون تكلم فيهم مب بس تاذيهم وانتم قاعدين تاذون عيالكم وتقطعون برزقكم وتخونون بعض ليه يعني؟

[فوازاللغيصم]

ربنا يوفقك ياكنه قولي آآآآآآآآآآآمين

اعتقد ان المشكلات سياسيه وهي مايتجنبه شيوخ شمر

علي كل حال اعرف قصص كثيره وقف به شيوخ شمر واوجدوا له حل

دمتي سالمه


تعليقك شدني لي ايراد وجهة نظري

لايوجد هناك مشاكل سياسيه
لاكن يوجد حسد وغيرة وعدم الاكتراث بمصير بعض ابناء القبيلة
ويوجد هناك من يريدون الصيت والعلم بدون فعل اي شي يذكر
ويوجد هناك اصحاب علاقات قوية في جميع حومات الخليجي من شيوخ وابناء شمر لاكن لللاسف من كان قادرا عن ايجاد الحل تخلى عن المساعدة اما لخوف او لحب الدنيا


ومن مايثير اسفي انه يوجد اشخاص لللاسف من شيوخ القبائل فعلوا المستحيل لقبيلتهم حاضرا وبخصوص هذا الموضوع ابتغا وجه الله ونصرة لاابناء القبيله

الا انه لللاسف حتي في منتداكم او منتدى قبيلتنا لم يذكروا ولم تذكر محاسنهم ولم تذكر قصصهم اسوتا بغيرهم

لللاسف اننا في اغلب الاوقات نفتقد لللانصاف وهذا ما يوجد ثغره للحاسدين في احباط المتحمسين من ابناء وشيوخ القبيله للمساعده

[الشريطي]

قالها بن سرور الله يرحمه : شيوخ نجد الي تهز الطوابير ... ينثر لها الحب مثل الدجاجي

[كنة شمر]

تعليقك شدني لي ايراد وجهة نظري

لايوجد هناك مشاكل سياسيه
لاكن يوجد حسد وغيرة وعدم الاكتراث بمصير بعض ابناء القبيلة
ويوجد هناك من يريدون الصيت والعلم بدون فعل اي شي يذكر
ويوجد هناك اصحاب علاقات قوية في جميع حومات الخليجي من شيوخ وابناء شمر لاكن لللاسف من كان قادرا عن ايجاد الحل تخلى عن المساعدة اما لخوف او لحب الدنيا


ومن مايثير اسفي انه يوجد اشخاص لللاسف من شيوخ القبائل فعلوا المستحيل لقبيلتهم حاضرا وبخصوص هذا الموضوع ابتغا وجه الله ونصرة لاابناء القبيله

الا انه لللاسف حتي في منتداكم او منتدى قبيلتنا لم يذكروا ولم تذكر محاسنهم ولم تذكر قصصهم اسوتا بغيرهم

لللاسف اننا في اغلب الاوقات نفتقد لللانصاف وهذا ما يوجد ثغره للحاسدين في احباط المتحمسين من ابناء وشيوخ القبيله للمساعده

اخ فواز يمكن بالسعوديه شيوخ شمر يقدرون يسوون شي ومب كلهم لكن بقطر او بدول ثانيه لانهم يعتقدون انهم هم خايفين ع الجنسيه اللي يحملونها صدقني لو اذكرلك قصص ثانيه واسامي ناس بتنصدم ع اللي سووه مع الناس هني وبدول الخليج الثانيه اوكي لو مثل ماتقول في شيوخ شمر يساعدون اذكروا قصصهم ومنهم ومااعتقد واحد فيهم يعيش ببلد غير السعوديه
واحنا مانحقد ع شمر بالعكس شمر تاج راسنا الواحد مايذكر او انا ماذكرت هالقصص وعرضتها عليكم الا ان حال ناس فعلا متوقف ع ان ربعهم وجماعتهم ماساعدوهم واذا تبغيني اذكر لك اسماء الناس وتتاكد من وضعهم انا جاهزه بس عشان تعرف ان في تقصير وناس تضيع مع ان شيوخ القبايل متعهدين بدول الخليج بعيالهم وهذا موجود كقانون بالسعوديه وهني ولكن من يراعي
انا من حبي لكم ياشمر ذكرت هالشي لان ربعي كلهم من شمر وحالهم مايخليني انام الليل من الماساه اللي عايشينها
لو في احد يقدر يساعد بحل مب بس تعليق يقول ولاتعتقدون باني انتقد لا انا ماانتقد ربعي وتاج راسي
ومشكورين ع المرور

[الشريطي]

الضرب بالميت حرام

[فوازاللغيصم]

قالها بن سرور الله يرحمه : شيوخ نجد الي تهز الطوابير ... ينثر لها الحب مثل الدجاجي


الاخ العزيز الشريطي دولة الكويت


ارجوا منك الانصاف وعدم التعميم ولا نسمح لك بقذف شيوخ شمر وشيوخ نجد مستدلا بقصيدة شخص منحرف ومطرود من الحكومة السعودية وان كنت تجهل قائل هذه القصيدة وماهو وضعه عند قبيلته وربعه فلا الومك وقصيدته هذه موجهه لربعه شيوخ قبيلته

[فوازاللغيصم]

اخ فواز يمكن بالسعوديه شيوخ شمر يقدرون يسوون شي ومب كلهم لكن بقطر او بدول ثانيه لانهم يعتقدون انهم هم خايفين ع الجنسيه اللي يحملونها صدقني لو اذكرلك قصص ثانيه واسامي ناس بتنصدم ع اللي سووه مع الناس هني وبدول الخليج الثانيه اوكي لو مثل ماتقول في شيوخ شمر يساعدون اذكروا قصصهم ومنهم ومااعتقد واحد فيهم يعيش ببلد غير السعوديه
واحنا مانحقد ع شمر بالعكس شمر تاج راسنا الواحد مايذكر او انا ماذكرت هالقصص وعرضتها عليكم الا ان حال ناس فعلا متوقف ع ان ربعهم وجماعتهم ماساعدوهم واذا تبغيني اذكر لك اسماء الناس وتتاكد من وضعهم انا جاهزه بس عشان تعرف ان في تقصير وناس تضيع مع ان شيوخ القبايل متعهدين بدول الخليج بعيالهم وهذا موجود كقانون بالسعوديه وهني ولكن من يراعي
انا من حبي لكم ياشمر ذكرت هالشي لان ربعي كلهم من شمر وحالهم مايخليني انام الليل من الماساه اللي عايشينها
لو في احد يقدر يساعد بحل مب بس تعليق يقول ولاتعتقدون باني انتقد لا انا ماانتقد ربعي وتاج راسي
ومشكورين ع المرور


الاخت كنة

نقدر لك مشاعرك الطيبة تجاه اصدقائك من قبيلتنا

ونحن معك في مطالبات واي مساعداتاو اي شي يخدم مصلحة القبيلة

[الشريطي]

الاخ العزيز الشريطي دولة الكويت


ارجوا منك الانصاف وعدم التعميم ولا نسمح لك بقذف شيوخ شمر وشيوخ نجد مستدلا بقصيدة شخص منحرف ومطرود من الحكومة السعودية وان كنت تجهل قائل هذه القصيدة وماهو وضعه عند قبيلته وربعه فلا الومك وقصيدته هذه موجهه لربعه شيوخ قبيلته

يا اخ فواز سلم لي على الشيوخ الي اتكلم عنهم وبوسهم لي حته حته .. ارجع واقول الضرب بالميت حرام .. وكنت اتمنى الموضوع هذا طرح باحد المواقع التي تتييح حرية الراي الى اقصى حدودها لكي نتمكن من المجادلة ( السنعه ) ... شكرأ

[فوازاللغيصم]

يا اخ فواز سلم لي على الشيوخ الي اتكلم عنهم وبوسهم لي حته حته .. ارجع واقول الضرب بالميت حرام .. وكنت اتمنى الموضوع هذا طرح باحد المواقع التي تتييح حرية الراي الى اقصى حدودها لكي نتمكن من المجادلة ( السنعه ) ... شكرأ

شكرا لك على دماثه خلقك

وخذ راحتك وحريتك الفكرية المطلقه

وانما نحن هنا لي ابداء ارائنا ووجهات نظرنا

ودمت بود اخ مسلم وابن عم شمري

ان اصبت فــــ من الله وان اخطاءت فـــــــــ من الشيطان

[الشريطي]

وانما نحن هنا لي ابداء ارائنا ووجهات نظرنا
^^^^
^^^
^^
^

هالجمله ذكرتني بشيوخ شمر الي اجتمعوا باجتماع شمر التشاوري بالجهرا ... تيتي تيتي مثل مارحتي جيتي ... قلنا يمكن الاجتماع هذا يجيب فايده لاخواننا البدون الذين نحس بمشكالهم .. لكن كالعاده شكثر مايجتمعون بمناسبات اخرى .. ولاكن لاحياة لمن تنادي !!!! وللاسف البعض يكتفي بفعل جده السابع عشر !!!!!!!!

[فوازاللغيصم]

للمره الثانية

شكرا لك على دماثه خلقك

وهذه وجهة نظرك ويجب ان احترمها كما يجب عليك احترام وجهة نظري


وهنا اكتفي لانني سبق ان ذكرت وجهة نظري

[فوازاللغيصم]

ولاننكر تخاذل البعض ولاكن لانبخس حق وتحمس البعض الاخر هذا ما اردتك ان تفهمه وشكرا لك

[الشريطي]

اخ وابن عم غالي يافواز ... ولاتلومنا اذا ورد خطأ لانها اشياء ترفع الظغط

[فوازاللغيصم]

شمر هلي

الله يعزك ويا غالي

وانا لست معارض لفكرة الموضوع ابدا وهم اخواننا ونحن اخوتهم ويجب علينا فعل المستحيل من اجلهم ولست سعيدا بهذا الوضع وهناك اشخاص تسعى ليلا ونهارا في حل مثل هذه المواضيع للقبيلة


ولاكن ما عارضت طرحه من بعض الردود هو قذف شيوخ نجد بانهم اموات او انهم ينثر لهم حب دجاج

لاننكر انهم اخوة واتجمعنا بهم قرابت دم ونحنا ابناء شمر شيخ او غير شيخ فليس من واجبنا بخس حق اي شخص اجتهد

ويجب ان نبتعد عن التعميم لاننكر هناك بعض الشيوخ مساعدته لاابناء القبيله مشلوله تماما

ولاكن هناك في المقابل من خسر اشياء كثيرة من الحكومات من مناصب ومن جاه ومن غيره بسبب حماسه وفزعته لي ابناء القبيله المظلومين واخذ حقوق من الدوله ليست واجبه على بعض ابناء القبيله واعطائها ابن القبيله وكثيرا من القصص وفي الاخير نقوم بقذفه بهذه الابيات او نقلل من فزعته


يجب ان نقول للشخص انت عملت للقبيله كذا وكذا

وانت لم تعمل شي

وبالعوده لللاجداد ففعل الاجداد لمنهم في عصر الاجداد

وفعل الابناء يجب ان يكون في الابناء

[فوازاللغيصم]

غالي والله يا الشريطي تراك وغالين ربعك

وتربطني بهم قرابه وناس احترمهم كثير

ومنهم ناس لاننسى مواقفهم الطيبة

[كنة شمر]

:36_1_30: يااخواني انا ماعرضت هالموضوع وهالمشكله عشان تختلفون بارائكم او تتهاوشون بالعكس انا بس ابغى حل لهناس اللي مالهم حل كيف ولمن يروحون انا عرضت هذا الموضوع عساس كل شمري يغار ع اسم قبيلته يعطي راي او يدلنا ع اللي يقدر يعمل شي
مازلت مؤمنه بان شمر فيهم من يقدر يحل مشاكل ربعه وهله
مشكور اخ فواز واخ الشريطي
ولعلمكم بس ياشمر عيالكم هذول عندهم اثباتات بانهم من الكويت او السعوديه بس وين وين يروحون وكل الابواب مقفله في وجيهم
اللي عنده راي يدلي به ولا نختلف الله يصلحكم عشان مصلحه عيالكم

[كنة شمر]

:36_1_30: يااخواني انا ماعرضت هالموضوع وهالمشكله عشان تختلفون بارائكم او تتهاوشون بالعكس انا بس ابغى حل لهناس اللي مالهم حل كيف ولمن يروحون انا عرضت هذا الموضوع عساس كل شمري يغار ع اسم قبيلته يعطي راي او يدلنا ع اللي يقدر يعمل شي
مازلت مؤمنه بان شمر فيهم من يقدر يحل مشاكل ربعه وهله
مشكور اخ فواز واخ الشريطي
ولعلمكم بس ياشمر عيالكم هذول عندهم اثباتات بانهم من الكويت او السعوديه بس وين وين يروحون وكل الابواب مقفله في وجيهم
اللي عنده راي يدلي به ولا نختلف الله يصلحكم عشان مصلحه عيالكم

[الشريطي]

:36_1_30: يااخواني انا ماعرضت هالموضوع وهالمشكله عشان تختلفون بارائكم او تتهاوشون


بالعكس مافي اي خلاف لاسمح الله بل اختلاف في وجهات النظر والاخ فواز ابن عم غالي وعزيز ولايمكن ان لاسمح الله يحدث ماتتكلمين عنه .. بس المشكله امور ولاة امر سوا ولي امر دوله او قبيلة هم الي يضعون الحل وفيه مشكله اكبر الي هي ان بعض ابناء شمر الله يهداهم عندهم جناسي دول اخرى ولاكن ( طقت براسه ) انه ياخذ الجنسيه الكويتيه او القطريه او او وبتالي " خرب " على عيال عمه الي فعلأ يستحقون الجنسيه وصارت الشغله "شبه صعبه" ولاكن المشكله الاكبر السكوت وعدم التحرك وواحد يقطها براس الثاني

[كنة شمر]

:139: اخ الشريطي كلامك صحيح هذا اللي صار لاحد العوائل اللي تكلمت عنهم واحد خرب عليهم
المهم انت بنظركم وش الحل لمن يلجاون؟هل في اشخاص معينين يلجاون لهم وهم عندهم اثباتات من شيوخ شمر بانهم بدون من البلد الفلاني.........؟
وشكرا ع المورو

[الشريطي]

ماعتقد ان فيه شيخ من شيوخ شمر يبي يروح ويقول فلان يستحق الجنسيه لانه من ابناء هذا الوطن وفلان مايستحق لاننا نعرفه قبل سنه جا من الدوله الفلانيه .. لان قال او ماقال للاسف محد راح يرد عليه من الجهات المعنيه .. بس بيدينهم اشياء اخرى هم يعرفونها ولا احب ان اتطرق لها لكي اضمن بقاء الموضوع ولايتم حذفه بحجة " شؤؤن دوله " ....!!




والى الوداع ونشوفكم انشالله بعد شهر رمضان .......


مع السلامه

[شمر هلي]

كلام صحيح وجميل اخي الشريطي

مبروك الاجازه وكل عام وانت بخير بعدين ترى مايصير تعزمنا على المنتدا وتروح ههههههه

[محمد بن جدي]

السلام عليكم بنسبه للي ذكروه الاخون في ناس انسحبت الجنسيه منهم من شمر كبار شمر مقصرو ما في شمري انسحبت منه الارجعتله في ناس مرجعتلهم لانهم مهم من شمر وخذو الجنسيه بسم شمر مع احترمي لهم ميستهلون ينتسبون لشمرولايرفعون الرس لسبب هذ محد تحرك بموضعهم ونا من قطر وعرف السولف هذي والحين مكرمه اميريه بتجنيس شمر وتم شي بصيط من شمر عليهم الدور ويتجنسون وشمري يبونه اهل قطر ويعطكم العفيه

[أسلمية]

ايه بالله ان شاء الله احد يحس بهم والله يقطعون القلب ..لا جو يروحون على اي دولة خليجية عند اهلهم وربعهم لازم تأشيرة والله تحس انهم هنود مو عرب أو شمر ... والله اعرف ناس ابوهم بروفسور و عياله مهندسين و معهم ماجستير و بكالوريوس.. و اهلهم بالسعودية.. بس هم الله يعينهم ...
الشكوة لله

[أبو حواس]

مشكووووره يا كنة شمر على هذا الطرح الرائع

[كنة شمر]

:36_13_3: اخ محمد لا تقول مافي فيه واجيب لك اسامي والسبب بان صاروا بدون ربعكم منكم وفيكم
وغير هذول ناس من شمر عندهم اوراق ثبوتيه من شيوخ الزقاريط بالكويت بانهم من شمر بس يظلون بدون
اخت اسلميه مشكوره ع مرورك
اخ ابو حواس مشكور ع مرورك

[ثامر الخريصي]

في العراق كان الشيخ عيادة الصديد
يطلع الشمري من الاعدام ومثلة الشيخ محسن العجيل الذيب الاحمر اللة يطول بعمرة
بس الحين ماعرف شصاير في الناس يمكن الدنيا تغيرت ولا حنا تغيرنا بس ما اقول غير
دنيا غريبة زاد فيها كدرنا
وزاد العنا من وقتنا بعض الاسباب
واللة لولا المرجلة ما صبرنا
ولا يحتمل وقتن محمل بالاتعاب

[اهات الشمري]

كنه شمر ..جزاكي الله كل الخير على هالموضوع

مثل ما يقولون جبتيها ع الجرح...

حنا في قطر اكثر من 100 بيت ويمكن اكثر ننتظر الفرج ..واهلنا اللي واصليين محد مستعد يفزع لعيال

عمه كلن خايف على نفسه...خيرهم لغيرهم ....

والقبايل الثانية يزينهم كل واحد يفزع لولد عمه حتى لو كان على باطل ...

بس الحمدلله على كل حال ...حنا نبي فزعة الله

[ابوو عايض]

الوقت هذا اقشر وشيوخ شمر مايلحقهم كلام ولاراح ينقصهم الكلام ولا يزيدهم
ومواقفهم جزيلة وتبيض الوجة وماقصروا مع البدون ومع غيرهم
وبعدين انتم عارفين الاوضاع السياسية المتازمة بين الدول
والدنيا ماتجي على كيفهم وولاة الامور انتم عارفين وضعهم ومافي اليد حيلة


هذا زمـــــــــان اللي مخباة مليان

االلة يزين الامور

[الكرار]

وانا اعرف واحد شمري في السعوديه مسجون عليه دين خسائر في الاسهم 350 الف له اكثر من ثلاثه شهور والله مادرو عنه شمر قلت له اطلب المساعده من جماعتك انتم ياشمر اهل كرم وتعطون البعيد كيف القريب يعني لو الف واحد من 350 ريال فقط انتها دينك وخرجت من السجن
قال والله ماامد يدي غير لله و جماعتي يعرفون اني مسجون على دين والبعض منهم ضعيف مادياً ولن ازيدهم هموم فوق همومهم واستغربت انا ماني من شمر بس كنت اتمناء ان شمر اهلي بس بعد ماسمعت موضوع الاخوان اقف حاير هل يعقل ان تصل شمر الى هذه الحال

[كنة شمر]

السلام عليكم
مشكورين ع المرور
بس اخ ثامر انت قلت كان يعني شي ماضي

اهات في ناس كثيرين ولهم اثباتات بانهم شمر ومافي غايده الهندي يتجنس واهم حرام عليهم

ابو عايض
ندري الحال بس في ناس تقدر توصل لمدى بعيد بس لمصلحتها

الكرار
هذا جزء من اللي صاير مع شمر
وانا اتمنى شمر هل(ن) لي
مشكورين

[الكرار]

واحد شمري في الجوف مطلوب عليه ديه او القتل وتنفيذ الحكم بعد عيد الضحيه واين شمر عنه الي يبي جنسيه مايقدرون يساعدونه والي يبي وظيفه مايقدرون يساعدونه والمحتاج مساعده ماديه مايقدرون يساعدونه اجل ليش يقال لهم ابناء عم وقرابه الله المستعان

[ابراهيم بن حسان]

السلام عليكم ورحمة الله وبركاته


اختي كنة شمر .. اسعد الله مساءك وكل عام وانتي بخير..

معروف ان نظام الدول لايسمح (بالإزدواج) بالنسبه للجنسية,,

ارجوا ان توضحي اكثر عن القصه الاولى ..واريد ان اعرف ماهي جنسية الشخص الان ؟؟

هل كان يحمل جنسيتين خليجيتين ام ماذا ؟؟؟؟
وكيف لي ان احصل على معلومات اكثر لهذا الشخص او العائله ؟

طابت اوقاتك.

[سنجار]

الاخت كنة شمر الف شكر على هذا الموضوع الرائع واشكر احساسك نحو ابناء قبيلة شمر

الحياده في الخليج اصبحت ماديه وتتجه نحو العلاقات المصلحيه إ لا القليل الذين يتمسكون بالقيم

والمبادىء وهذه ضريبة الحضاره الحديثه والشيوخ من ضمن هذا المجتمع

[كنة شمر]

مشكور اخ سنجار واخ ابراهيم ع مروركم
اخ سنجار كلامك صحيح ترى الدنيا هني صارت ماديه جدا بس ولو كانوا ماديين كانوا ساعدوا اللي عندهم حلال ومال الدنيا صارت مصالح مب بس ماديه اجتماعيه بعد
يعني لو عندي مصلحه معه اين كانت بساعده
ولو ماعندي مصلحه معه والله لو يكون ابن شيخ قبيله ولو يكون هو شيخ نفسه مالي حاجه به ليه اساعده
اخ
ابراهيم رديت عليك برساله
وشكرا

[فدا شمر]

شمر قبيله من نجد وجدنا حاتم سكن فيها بحايل
وعلى الجوع على نجد انتقلت الى العراق وسوريا
والبعض منهم بقي في حايل
والشمري ليه يخاف على الجنسيه هذا اصله جده سكن فبيها
المهم الغلط من شيوخ شمر
فقط لانه اذا راح تنسحب الجنسيه المفروض
يجتمعون ويقروون انه ماينمنع عن دفع المصروف عن اهله

[كنة شمر]

السلام عليكم فدا
محد يعترض ع جنسيه مثل العراقيه او السوريه بس المشكله هم عاشوا بعدها في دول خليجيه وبين اهلهم بعد ويصيرون بدون اكثر من 30 سنه انزين اكثر من 40 سنه
انزين اكثر من 80 يعني من جدهم او ابوهم او هم نفسهم
وش يكون مصيرهم وتنسحب منهم الجناسي يعني مايقدرون يشتغلون او يتزوجون
الله يعين بس:36_1_42:

[اهات الشمري]

جزاكي الله خيرا اختي ...لا حياة لمن تنادي

اخوي ابن حسان حنا ما نتكلم عن ازدواجية الجنسية في هذا الموضوع حنا نتكلم عن بدون قطر اللي

من قبيلة شمر اللي عاشوا قرابة ال 35 سنة في ربوع الدوحة وعلما بان كلهم خدموا بالعسكرية

القطرية لمدة 20 سنة وفي منهم خدم اكثر وتقريبا كل عيالهم مواليد الدوحة يعني تقريبا نقدر نقول

جميع شروط الجنسية القطرية تنطبق عليهم... بس تعال يا الشمري الواصل تكلم لعيال عمك افزع لهم

ابد الكل نفسي نفسي ..انا اعاتب روس شمر القطريين في منهم شخصيات مرموقة بالمجتمع القطري

اشهر على نار من علم بس محد يبي يتكلم خوفا على نفسه ... لو لقينا احد يتكلم بموضوعنا ما كان هذا

حالنا اليوم بس ياليتني بزمن ابو خوذه كان مو هذا حالي.... لا حول ولا قوة الا بالله العلي العظيم

[ابن الطنايا]

بعيدا عن الموضوع

والى الوداع ونشوفكم انشالله بعد شهر رمضان .......


مع السلامه

اقتبستها من كلام المرحوم بااذن الله الشريطي

قال الوداع وهو وداع حقيقي

ووعدنا للحظور بعد العيد لكنه مكث تحت الثري

ادعوا له بالرحمه والمغفره

[دانية]

8

8

سبحان الله .. الله يرحمه ويغفر له .. ولا يحرمه الجنة في أعلى مقام من الفردوس الأعلى




اللهم آمين

[فوازاللغيصم]

السلام عليكم ورحمة الله وبركاتة

اولا نتمني لي اخواننا ابناء القبيلة عامه بان يفرج الله همهم وكربتهم ان شاء الله

وبالنسبة للتقصير فشيوخ القبائل الاغلبية تسعى بالخير والله

لاكن هناك خوف سياسي غير مبرر من لحكومات الخليجية صراحه

وموضوع تعدد الجنسيات كنت مصدقه في سابق الامر لاكن بعد الاختلاط باخواني الخليجيين ومن جميع الطبقات

اكتشفت ان اغلب ابناء المسووووووووووووووووووولين الخليجيين يحملون غير جنسيتهم جناسي امريكيه وبريطانية وفرنسيه

ويجب تصعيدا لامر سياسيا صراحه

وان شاء الله انا واعوذالله من كلمة انا في طور عمل تحرك سياسي نشط في جميع الاصدعه مستقبلا وليس بعيدا بعد القيام بدراسات وقراءت سياسية ولقد قمت بجمع كمية كبيرة من صور جوازات ابناء مسؤولين كبار في الخليج
والتحرك سيكون اعلامي ان شاء الله بمساعدة قنوات اعلامية على جميع الاصعده واتمنى منكم مساعدتي منكم بجمع اكثر عدد من المعلومات والنقاط التي تصب في هذا التوجه



اخوكم فواز نجم اللغيصم
الولايات المتحدة الامريكيه
منظمة العفو الدولية
ALLUGHAISIM@GMAIL.COM

[كنة شمر]

السلام عليكم
اخ فواز كيف مافهمت وش قصدك بهذا الموضوع:37:

[اهات الشمري]

اخي فواز اللغيصم ...ممكن توضح لنا وشتقصد بكلامك؟؟؟

[فوازاللغيصم]

السلام عليكم ورحمة الله وبركاتة

اقصد في المستقبل القريب ان شاء الله بعد الانتهاء من جمع اكثر عدد من الدراسات والمقابلات والاثباتات لوضع ابناء قبيلة شمر وغيرها من قبائلنا قبائل الشمال التي ضلمت من غير وجه حق تبنيت هذه المطالبة وسوف ينطلق المشروع من منظمة العفو الدولية مرورا لحقوق الانسان متزامنا مع تسليط الضوء الاعلامي على هذه القضية

ونطلب منكم الدعاء لنا بالتوفيق في احداث تغيير تجاه هذه القضية

ولانستغني عن توجيهاتكم وتعليقاتكم التي تصب في هذا الموضوع

وابشركم انني لااحتاج منكم سواء الدعم المعنوي والارشادات والدعاء بتسهيل الامور من العزيز الحكيم

[اهات الشمري]

موضوع منو بالضبط اخوي فواز تقصد شمر بدون الكويت والا قطر والا الامارات

المستقبل القريب ...متى يعني ؟؟؟؟ ملينا من الانتظار ...اصعب شي بالحياة انك تعيش بلا هوية

[أسلمية]

الله يوفقك و يسمع منك ويحل هالمشكلة وكلنا معك يا فواز اللغيصم

[كنة شمر]

اخ فواز احنا معاك ومع اي شخص يحاول يساعد شمر او اي قبيله اخرى
بس اهات مب بقطر والامارات في الكويت المصيبه الاكبر

[رااعي اللقيه]

اختي كنة شمر العزيزه .. اشكرك من كل قلبي عغلى حميتك وغيرتك على ابناء شمر والقبايل كله

نعم اختي وضع ابناء القبايل بالتجنيس صعب وبالذات شمرررر واصبح الهندي والايراني يتمتع

بخيرات خليجنا ونحن العرب القحاح ابناء قحطان وعدنان بدون وفي حالة فقر شديد وشيوخ القبايل

ليس لهم هم سوى انفسهم والتكشخ .. اه والله اني اموت من القهر على عيال عمي رغم اني مو بدون

انا من شمر حايل وسعودي ولكن احس بمعاناة عيال عمي بكل مكان


الجذيلي ( ولد العود)

[فوازاللغيصم]

موضوع منو بالضبط اخوي فواز تقصد شمر بدون والا قطر والا الامارات

المستقبل القريب ...متى يعني ؟؟؟؟ ملينا من الانتظار ...اصعب شي بالحياة انك تعيش بلا هوية


القضية سوف تقوم برفعها منظمة حقوق الانسان الدولية واطرافها دول الخليج وقطروالامارت

اما السعودية فاثبتت عدم الممانعه في تجنيس القبائل النازحه وغير محددي الجنسية فقد تم ارسال تقاريرمن قبل الجهات السعودية الرسمية تفيد انها جنست وتجنس الي الان وانهاء خلال فترة قريبه سوف تنتهي من تجنيس جميع منهم في داخل السعودية

والبحرين اثبت انهاء تسير على خطا مقاربه للنهج السعودي

الا انه لايوجد تجاوب صريح وغير مبطن من الكويت والامارات وقطر
بالرغم انه تم رفع قضايا على هذه الدول سابقا الا انها قضايا فردية ولم يتم النظر لها ام الان فالقضايا من منظمات حقوقية دولية

هذا والله يكتب الي فيه الخير لنا ولكم

[اهات الشمري]

بسم الله الرحمن الرحيم
راعي اللقيه جزاك الله خير على شعورك بمعاناتنا فيك الخير اخوي والا غيرك ما يحس...
وجزاك الله خير اخوي فواز بس حنا الظاهر حالتنا ميئوس منه...
شكلي بهاجر لاي بلد يعطيني جواز وهوية لي

[كنة شمر]

والكويت وينها من هذا كله؟
اللي عيال شمر بعد بذلوا ارواحهم اهم وغيرهم عشانها
الله يعين
ونتمنى يصير قريب

[صقر السيافا]

السلام عليكم ورحمة الله وبركاتة

اقصد في المستقبل القريب ان شاء الله بعد الانتهاء من جمع اكثر عدد من الدراسات والمقابلات والاثباتات لوضع ابناء قبيلة شمر وغيرها من قبائلنا قبائل الشمال التي ضلمت من غير وجه حق تبنيت هذه المطالبة وسوف ينطلق المشروع من منظمة العفو الدولية مرورا لحقوق الانسان متزامنا مع تسليط الضوء الاعلامي على هذه القضية

ونطلب منكم الدعاء لنا بالتوفيق في احداث تغيير تجاه هذه القضية

ولانستغني عن توجيهاتكم وتعليقاتكم التي تصب في هذا الموضوع

وابشركم انني لااحتاج منكم سواء الدعم المعنوي والارشادات والدعاء بتسهيل الامور من العزيز الحكيم

=============================================
الحمدلله على كل حل ونسئل الله العلي العظيم ان يفرج همهم ويسعدهــم ويسهل امرهم
ونحن معهم قلبا وقالبا

تقبل تحياتي

[فوازاللغيصم]

القريب في الامر ان الدول العظمي

بمجرد ان تولد في ارضها تمنح الجنسية ولو انت من اعدائهم كماهو واضح لنا من حال الامة الاسلامية
امريكا وبريطانيا وفرسنا وغيرها من الدول نهاجمها كثيرا ولاكن لللاسف انهم يحترمون الامور التي تعتبر مصيرية لللافراد

اما نحن على اننا نعتبر من دول العالم الثالث الا اننا نكابر بمنح هذه الورقة لي اشخاص تربطنا بهم علاقة دم ونمنع من اعطاءهم الجنسية

اما اللاعب او الفنان او الفنانة او او او او نمنحه الجنسية برمشة عين

فعلا يجب علينا ان نتكاتف في وجه الاخر لكي نحقق مطالبنا الانسانية

عجبي من هذا الواقع ويدعون اننا عنصريين وهم العنصريين بعدم منحهم ابناءنا واهلنا هذا الحق

[كنة شمر]

صح لسانك اخ فواز في ناس من شمر وعنزه بدون عايشين بره وخذوا الجنسيه عشان يوفرون لنفسهم العيشه الهنيه
في دوله ماتتخيلها فقيره جدا ناس عيال قبايل ماخذين جنسيتها عشان يعيشون مو حرام

[اهات الشمري]

بسم الله الرحمن الرحيم

مثل ما قلت اخوي فواز لو كان مطرب او ممثل او لاعب على طول عطوه بس حتى حنا من

حملة الشهادات الجامعية معظمنا اللي دارس قانون ولغات وشريعة وانا حاليا ادرس بتخصص

علوم مالية ومصرفية يعني نستحق الجنسية اكثر من اللاعب والممثل والمطرب....

لكن كما ذكرت اختي كنه شمر الكثير من اهلنا هاجروا بريطانيا واذا جتنا الفرصه نهاجر مثلهم

ما راح نتردد...

بس لما نفكر بتفكير بسيط جدا انما هي اوراق سخفيه تمنعنا من زيارة اهلنا واداء مناسك

الحج او العمره والامر من ذلك تمنعنا من الزواج والعمل ...فهل هذه تعتبر حياة؟؟؟؟؟؟

[أسلمية]

والله انك تشوف واحد طول عمره عايش بالسعودية او الكويت وروحه ودمه فدا البلد لكن من يحس فيه ..
خبر جديد .. بالبحرين يجنسون المصاروة والافارقة والهنود والايرانيين والقبايل لهم الله
الله يعلم بحالهم والله ان الهنود صارو خليجيين و هم اللي عاداتهم وتقاليدهم كلها مثلنا قاطيهم ولا يسألون عنهم والله لو هم يهود ما سوو هالشكل فيهم!!
ولا تحصل واحد ايراني مايعرف كلمة بالعربي ويقول انا بحريني ولا كويتي مو حرام
الله يسهل لهم وييسر امرهم ..

[فوازاللغيصم]

نعم

هذه العنصرية التي تمارس ضدنا(البدو)

هو ذنبنا اننا بدو فقط لاغير

لانامت عيون الجبناء