اليــتيمــه

[صلاح الجباري]

تموت بعيني النظره وبدت بدموعها ميـــــلاد **** وكانت دمعتـي أول وآخـر عيـد ميـلادي
اصدق كذبها يمّه واقـول إن الأمـل ميعــــــاد **** وباكر يبتـدي يـومٍ جديـد ودمعهـا زادي
اكف الدمع وانساها وانا الي عشتها بسهـاد **** صبرت ولانفع دمعٍ علـى الخديـن مافـادي
تبيني اكتب القصـه تخيـل ذاهبـه تنعـــــــاد **** روتها قصـةٍ ماتـت تقـول الآه يامنـادي
دفنوها وانطفى نورٍ وبرقٍ بالسمـاء رعّـــاد **** وكل الكون يبكيها عليهـا لابـس حـدادي
رثاها شاعرٍ سافر ينـادي باسمهـا ببــــلاد **** حياةٍ مالها قيمـه وعمـره بعدهـا عـادي
تجود بحزنهـا دايـم عليـه همهـا وقّــــــــاد **** وعشت بحزنها عامين وجرحٍ بأولـه بـادي
تجيني من معانيها سوالف وارتـوي وازداد **** وبحفظ من بقاياهـا قصيـدة ليـل تنعـادي
تصدق دامت القصه وعاشت مع عرب وسياد **** وعاشت قصة المبلي يتيمه لزمـن شـادي
ولكن وش يفيد الي رحل عن دنيته ماعـاد **** وعادت دمعتي يمّـه تحـدى قـوة عنـادي

[نزهان الاسلمي]

صـــــــــلاح الجباري



صح لسانك صح لسانك صح لسانك



مبدع يابن العم ولا هنت



كلمات تعكس لنا صوره خياليه مبدعه وروعه بقلم كاتبها



بكوني الاول من قرائها سادتني البهجه والسرور والفخر بالقصيده وبالشاعر


ابن عمي


شكري لك ولابداعك ادامك الله


والى الاماااااااااام لا هنت


ننتظر جديدك

[محمد الخريصي]

صح لسانك يا ولد العم

وللإمام إن شاء الله

[متعب الخريصي]

صح لسانك اخوي

[الساري]

صح لسانك يا الغــلا

[ذيب شمر]

صح لسانك وقصيده جزله

[أحمـــــــد]

صح لسانك ولاهنت يالغالي

قصيدة رائعه

وبأنتظار أبداعاتك

تحياتي لك

أحمـــــد

[الأديب]

صح لسانك ياصلاح الجباري

وسلم بنانك



قصيده ... ونبره حزينه

ودمعة حائره








ننتظر منك المزيد