إلى الراوية والأستاذ الكريم (فواز الغسلان)

[عبد المحسن الهشال]

السلام عليكم ورحمة الله وبركاته

الأستاذ الكريم /فواز الغسلان

ودي وياليت فضلاً لا أمراً قصيد الشاعر عبد الله الأشقر

اللي يقول فيها

يالله يا منشي سحاب لدار === عليم ما يخفى مدار
ياواحد كلٍ ذليلٍ لسطوته === به نستجير بحيث ماجاره يجار

وسلمتكم

[سيف السيافا]

يفيدك الراوي ويعطيك الله عافيه لحرصك على مثل هالقصائد

[المرجف]

يالله حيوه

لقيت لك واحدن اسرع من الراوي ابن غسلان

استلم القصيدة .. بس ياهي طويلة ههههه



يا الله يا منشي الغمام لدار =عليم ، ما يخفاه بالدنيا مدار

يا واحد ٍ كل ٍ ذليلٍ لسطوته =به نستجير بحيث ما جاره يجارْ

وخلاف ذا يا عيال حوفوا على النضا =بأكوار مامونات ؛ حوفوهن بكارْ

حوفوا على مثل الادامي بزيّهن =صطرات ، لاطال المسير ، صبارْ

عجلات وجلاتٍ عيادٍ على السرا =تعاطن المكنون ، طوعاتٍ ، زعارْ

لاهاوزوهن ، ثم لجّن ولجلجن =شرّاد فرّادٍ ، عن النار نيَارْ

تماعطوهن يوم ساجن حبالهن =حيدٍ يبيّن فيه والثاني غتارْ

وأنا أذكر الله يوم علّق دلالهن =بيضٍ تمارى في ضحى العيد زمارْ

بالله عليكم لأي حيٍ نوَن بكم =ذا محبس المعلوق للفن استدارْ

قالوا : لحايل حيّها عزوةٍ لنا =حاجة حزين القلب ما عنها عذارْ

تريّضوا لي يوم سرتوا لمطلبي =حيث إنكم في دزّ السلام شطارْ

وَصْلت جمالتكم وصونوا وصيتي =سيروا جناح الليل مع نور النهارْ

أسرّكم ، وليا لفيتوا ديارنا ؛ =أسرارنا معكم تكون جهارْ

أضفوا على دار الضياغم سلامنا =سلام ما دام السلام يدارْ

بإعداد ما حدره وفوقه من الملا =واعداد ما يرمي الحجيج جمارْ

وما سمعت الأسماع واللي يرى البصر =وما شالت البيداء ثرى وثمارْ

سلام من قلبٍ من الود مستقي =سلام ما ناح الحمام وطارْ

سلام يا دار ٍ غذتنا بدرّها =سلام للقاع الهشيم أزهارْ

أحلى من الصحة بعد سقم ٍ انجلى =وألذّ من يسر ٍ يسوق عسارْ

دار الصخا والجود من قام ساسها =دار ٍ بها للغانمين وقارْ

دارٍ بها الناموس يشرى ويلتقى =والمرجلة بذيك الديار تدارْ

دارٍ بها المعروف حاشوه سكنها =من قبلهم حاشوه شيّاب ٍ كبارْ

دار ٍ بها المضيوم يلجي بجالها =ورجالها عن كل عار ستارْ

دارٍ بها تكسى الأرامل ومن عرا =ونفوس أهلها للقصير صغارْ

دار ٍ بها الطولات غالٍ مبيعها =دارٍ أهلها للديار دمارْ

دار ٍ بها من نسل ضيغم حمولة =من صلب عبدالله حرار نْدَارْ

ياما فنى بأسبابها من قبيلة =وتعشّت الأطيار من دونه عمارْ

أم ٍ لنا يا سعد منهو غذاً لها =نسله من أفعاله تزود وقارْ

أم ٍ لنا خيره وشرّه يعمنا =لو شان وقته مالنا منه منَارْ

عيبٍ على رجلٍ صغيرٍ كبر بها =وكبرت متونه بالمضيف ونارْ

ياكل حلاويها ويشمت بمرّها =ويدعي عليها بالدهر والدمارْ

تلقى لنارك غير دارك تعقّها =تر والدك عقّه عذاب وعارْ

يا قايل الطليان خاب الرجا بها=الزير ما يذكر يجيب اجفارْ

ذولا عمامك كبّر عضاك فضلهم =ينسى ثنا المعروف من حظه هيارْ

شيوخٍ بظل شيوخ كلٍ بظلهم =ظلٍ عساه يدوم للعالم مزارْ

ذولا الجنايز سدّهم فعل جدهم =ذولا وبا الفرسان برماح ٍ شطارْ

ذولا ستر نورة بيوم النكايد =ذولا لكلحين الوجيه هجارْ

أخوان نورة عز دار ٍ ثنوا لها =سباعٍ على عيال السباع جسارْ

أخوان نورة سترها لا اعتزوا بها =بملكادهم تلقى العثار كثارْ

إلى حصل يومٍ تزارق به القنا =لاخوان نورة بأول الجمع زيارْ

أعيادهم بأنكادهم ساعة اللقا =شلع العدا والعاديات طيارْ

لهم مضيفٍ ما تبطّل لهايبه =من نار عبدالله على النار شرارْ

يمسي بلا باد ٍ ، ويصبح بلا عدد =مصباح عد ٍ والحلال خمارْ

ذولا على أولهم وذولا كد أقبلوا =وذولا كما ورد ٍ يزيد صدارْ

وذولا ورا الداعي وذولا بلا ندا =وذولا قديم ٍ بالمضيف حضارْ

ما عاد يرضى كنّس الحيل والغنم =السمن من فوق الجميع يدارْ

ذولا أهل سيّة وحسنا تعمّهم =وذولا مسايير ٍ يبون أخبارْ

وذولا يبون الصلح يخشون صطوته =يخشون يوم ٍ عن صحاه غبارْ

وذولا بعيدينٍ هداياهم المها =يبون من مرعى الحماد جهارْ

يخشون قومٍ روسها تنقل العيا =ربيعهم يوم ٍ حلاه أمرارْ

قوٍّ ، بسوّّ ، بسمّ ساعة لضدّهم =للجار كار ، وللبعيد هجارْ

يا ويل جمعٍ بالملاقى بلي بهم =عزي لنزلٍ تقتديه نحارْ

وقتٍ مضى لا هبّبوا ثم سبّبوا =شبيب وعيادة عطاه خيارْ

غدا لهم بمفرق الجيش صيحة =وجضّ النضا متعوّدٍ للمغارْ

قالوا : ترى باكر يمدنّ ثقالنا =تباشر الغلمان بحضار المسارْ

مدّوا هل البيرق وشمّر تقدّموا =قادوا من الطفقات عرباتٍ عيارْ

بيرق أهل حايل توسّط جموعهم =عَبْدَة يمين الشيخ والصايح يسارْ

يحيى وربيعيّة والغفيلة وزوبع =يالابةٍ بالجود ما تعطي قرارْ

يالابةٍ طاعت لها كل لابة =تزور دار عداه ، ما داره تزارْ

شمر بعيدين المدالي على العدا =شمر هل الردّات بأيامٍ كدارْ

شمر أهل ضمّر وقحصٍ من المها =شمر هل الميدان ، من عاد لعَرارْ

شمر سبور الموت والقوت للقدر =لا حلّ في تالي الجريم مثارْ

نادى المنادي بالوعد عقب ما مشوا =وصفّوا ورا الدمام دربينٍ جسارْ

قالوا : مغرّب ، وأثر ضدّه مرادهم =تلقى حلال الشرق مع شمر خشارْ

قومٍ تعدّاهم ، وقوم عدا بهم ، =وقومٍ خذاه بليل ، والرابع نهارْ

وجوٍّ لقاه خلوّ عزّب به نضاه =من بعد ذا بأيام للغرب استدارْ

خلّى عليهم شيّب الشاب ما جرى =خلج النسا والنيب توحي له حرارْ

ثم انتسف لديار حيّه وعزوته =وقصرٍ زمى مبناه حامينه نمارْ

تلفي مراكيب الاجانيب لا لفى =كاسيهم الذلّ الكبير خمارْ

كلٍ يريد الصلح ويسوق ما طلب =من عقب ذاك الطول غادينٍ قصارْ

سبحان من تغيير الأملاك بيده =مغيّر حوال الدهر من جارٍ لجارْ

ثم افتكر يا صاح في نثر شملهم =راحوا هل الناموس بأحوالٍ حقارْ

راحوا هل المعروف والبذل والثنا =راحوا هل الشيمات بالدنيا فرارْ

راحوا عذاب الجيش عنها تغرّبوا =اختاروا الاجناب عن دار القرارْ

أهل الندى ضيم العدا صفوة الملا =ترعى بها الجيران بدروب الخطارْ

لا جا الخبر منهم لقوم ٍ تكففوا =كلٍ يطقّ البيت في خافي غتارْ

زهّاف زلاّفٍ خفَافٍ الى عدوا =بيّاع للعمر العزيز سكارْ

عبّار جبّارٍ صبَارٍ على اللقا =لهيب لجموع الحريب صقارْ

عزّام جزّامٍ شمَامٍ تدلّقوا =وردوا على الصابور بقلوبٍ صبارْ

غلاّب جلاّبٍ ليوثٍ زلازل =فهودٍ زهود نكود ونمارٍ ضرارْ

يكره ملاقاهم كما يكره الوهم =ماصٍ به المفراص ما يثّر غيارْ

دنياك هذي خايبٍ من رغب بها =تمسي معك والصبح توريك النكارْ

ما دامت الدنيا لشدّاد قبلهم =وكسرى وهارونٍ ملوك بحارْ

ذكر جليل الملك بمحكم كتابه =مداول الأيام وأفلاكٍ تدارْ

يوم إنها شامت لشيخٍ شقا بها =صلطان نجد طلاّب ٍ بثارْ

شامت لأبو تركي قديمٍ هو أهلها =ما لومحت لهتيم ، والناس الثبارْ

عبَى لها جزل العطا مدلهمّة =ريف الهجافى للضديد وسارْ

سياقها رقابٍ عليهم يسوقها =ماهي تراه بلاش أو لعب القمارْ

حولين حايل حاربينه قبايل =جند عليه جنود قوٍ باقتدارْ

رجالها بجبالها دون جالها =والله عطاه سعود وأعطانا الدبارْ

ترى الملوك بحور درّ وتهالك =والهرج لا وصل المحيط يحارْ

من زاعم المقرن قصر دون فعلهم =كل الملا من دون علياهم قصارْ

لو تنشد المالود يشهد ويعترف =إنْ نجد جارٍ للسعود مجارْ

لكن يغبن القلب ذم ٍ على نقا =والشمس ما يستر سناه ستارْ

ولا ينشمت بأمرٍ إلى فاته القضا =أمرٍ مريده واحد ٍ قهّارْ

الله ينصر من نوى نصر ديننا =ويديم للدين القويم أنصارْ

تمت وصلى الله على صفوة الورى =ما هلّ هطّال المخيل بدارْ

تحيتي

[محمد ابن مزيريب]

لاهنت يا اخوي المرجف

ويعطيك العافيه اخوي عبدالمحسن الهشال

شكرا

[عبد المحسن الهشال]

مشكور أخوي المرجف ولاهنت ولكن عندي ذا الرواية

وأنا أبي رواية الغسلان لأن رواية الغسلان تختلف عن هذه

ومشكور وماقصرت

وسلمتكم

[خالد السبهان]

يسلم المرجف ولله على إيراده للقصيدة لكن بناء على طلب الأخ عبدالمحسن فقد وجدت طلبه وهي قصيدة الأشقر في الرد على فهد بن صليبيخ لكن حسب رواية الأخ الراوي فوّاز الغسلان وقد نقلتها من إحدى مشاركاته في أحد المنتديات....




يالله يامنشـي السـحـاب لــدار=عليـم مايخفـى علـيـك مــدار
ياواحـد كـل ذلـيـل لسطـوتـك=بك نستجير بحيث من جارك يجار
وخلاف ذا ياعيال حوفوا على النضا=باكوار مامونـات حوفوهـن بكـار
حوفوا على مثل الادامـي بزيهـن=طفقات يا طـال المغـار اسطـار
عجلات وجلات خفاف على الوطـا=تعاطن المكنـون طوعـات ذعـار
لاهاوزوهـن ثـم لجـن ولجلجـن=شـراد فـراد عـن النـاس نيـار
انا اذكـر الله يـوم علـق دلاهـن=بيض تمارى في ضحى العيد زمار
بالله عليكـم يـم حـيٍ نـون بكـم=لامحـت المعلـوق للفـن استـدار
قالو لحايـل حياهـا عـزوة لنـا=حاجة حزين القلب ماعنهـا عـذار
قد قلت لهـم بالله عليكـم تريضـوا=حيث انكم لـدار السـلام اشطـار
وصلت جمالتكم وشيلـوا وصيتـي=سيروا جناح الليل مع نور النهـار
اسركـم وليـا وصلتـو ديـاركـم=اسرارنـا معكـم تصيـر جهـار
اضفوا على دار الضياغم سلامـي=سـلام مــادام الـسـلام يــدار
عداد ماحدره وفوقـه مـن المـلأ=وعداد مايرمـي الحجيـج جمـار
وماسمعت الاذنين واللي يرى البصر=وماشالـت البيـداء ثـرى واثمـار
سلام من قلب من الحـب مستقـي=وداد مـانـاح الحـمـام وطــار
احلى من الصحة بعد سقـم انجلـى=والذ مـن يسـر يسـوق اعسـار
دار الصخا والجود من قام ساسهـا=دار بـهـا للغانمـيـن وقـــار
دار بها يكسى الارامل ومـن عنـا=دار اهلـهـا للـديـار دمـــار
ياما فنت مـن دونهـا مـن قبيلـة=وتعشت الاخيار من دونـه عمـار
هـي امنـا خيـرة وشـره يعمنـا=لو شان وقته مالنـا عنهـا منـار
عيبا على رجل صغيـر كبـر بـه=كبـرت متونـه بالمضيـف ونـار
ياكـل حلاويهـا ويشمـت بمرهـا=ويدعـي عليهـا بادهـر والدمـار
قلت قال نارك غير دارك عدو لـه=تر والـدك عقـه عـذاب وعـار
ياقايل الطليان خـاب الرجـا بـك=الزيـر مايذكـر يجيـب جـفـار
لولا عمامك كبر عضـاك فضلهـم=ينسا ثنا المعروف من حظه هيـار
ذولا الجنايز سدهـم فعـل جدهـم=ذولا وبا الفرسان برمـاح قصـار
اخوان نوره سترها لا عتـزو بهـا=مل كادهـم تلقـى العثـار كثـار
ياويل جمعـا بالملاقـا بلـي بهـم=عـزي لقومـا تقتديهـم جـهـار
قومن على الضـد ماعنـه صـده=للجـار كـار وللحريـب فـقـار
الله علـى لانبهـوا ثـم صـوتـوا=شبيـب وعيـاده عطـوا اخـبـار
قدا لهم من رزت الجيـش صيحـه=جـض النضـا محتريـن مـغـار
قالـوا تـرا باكـر تمـد ثقالـنـا=قادوا من الطفقات عبـرات عبـار
مدوا هل البيـرق وشمـر تقدمـوا=وصفوا ورا الدمـام دربيـن كثـار
بيرق اهل حايل توسـط جموعنـا=عبده يمين الشيخ والصايـح يسـار
قالوا مغـرب قلـت هـذا مرادهـم=تلقا حلال الشرق من قبلـه كثـار
قومـا تعداهـم وقومـا عـدا بهـم=وقوم خـذاه بليـل والاخـر نهـار
جوٍ لقـاه خلـو وعليـه استـراح=وبعـد ذا بايـام للغـرب استـدار
خلا عليهم يشيب الشـاب ماجـرا=خلج النساء والنيب تسمع له صرار
ثم انتسف لديـار حيـه وعزوتـه=لقصرا زما مبنـاه حامينـه نمـار
تلقا مراكيـب الاجانيـب لا لفـوا=غاشيهـم الـذل والكبـار صغـار
كلا يريد الصلـح يسـوق ماطلـب=من عقب ذاك الطول غادين قصـار
هـذولا مساييـر هادييـن بالمهـل=وذولا بعيديـن يـبـون اخـبـار
وهذولا اهل سيـه وحسنـا تعمهـا=يبغون من مرعـا الحمـاد جهـار
مار سبحان من يدير الاملاك بيـده=مغير دهور الدور مـن داراًلجـار
مار افتكر ياصاح في نثـر شملهـم=راحوا هل الطولات باحولاً انحـدار
راحوا هل المعروف عنـا تقربـو=واختارو الاجناب عن دار القـرار
قوم الندا ضيم العدا صفـوة المـلأ=ترعا بهم الجيران بدروب الاخطار
ياجا الخبر منهـم لقومـاً تكفكفـوا=الكل يطق لبيت في خافـي غتـار
يخشون قوما روسهـا تنقـل العيـا=ربيعهـم يـوم وحــلاه مــرار
شمر اهل ضمر وقحصاً من المهـا=شمـر ليـا غشـا الكـرار كـرار
يحيـا وربيعيـه ولاسلـم وزوبـع=يالابـة بالكـون ماتعطـي قـرار
عبار جبار صبـار علـى اللقـى=لهيب الجمـوع للحريـب اصقـار
غـلاب جــلاب فـهـودٍ زلازل=فهودٍ زهود نكود وانمـار ضـرار
تكره ملاقاهم كمـا تكـره الوهـم=ماصٍ به المفراص مايشكي الغيـار
اعيادهم بانكادهـم ساعـات اللقـى=شلـع العـدا والعاديـات اطـيـار
ولاينشمت بأمرٍ ليـا حـل القـدر=امـر يـديـره واحــدٍ قـهـار
يوم انها شامت لشيخـاٍ شقـا بهـا=سلطـان نجـد طــلابٍ بـثـار
شامت لابن مقرن قديماٍ من اهلهـا=مالومحـت000 والنـاس الثـبـار
عبالهـا جـزل العطـى مدلهمـه=سباع على عيال السبـاع شطـار
شيوخٍ بظـل شيـوخ قبـلٍ بظلهـم=تر مثـل هذاقبـلٍ عليهـم صـار
الله ينصر من نـوى نصـر ديننـا=ويديـم للديـن العزيـز انـصـار
تمت وصلى الله على صفوة المـلأ=ماهـل همـال المخـيـل بــدار