قصيده على مناخ ظفره معركه بين عنزه وشمر

[سنجار]

قصيده قالها الجهيلي حسب ماسمعت على مناخ ظفره بين شمر وعنزه وهذا ماوجدته منها

مع العذر عن اي خطأ

يامزنةٍ غرى نشت له رفاريف = تمطر على ظفره مطرها انهشامي

زبيديها روس المهار المشانيف =عشبه قرون مسيحين الايدامي

ضعاين يجرن ويسرن من السيف =من واقصه مافيحن للمقامي

زبن الطواليات مثل الشواحيف = يسرن باثر عدوان شيخ الجهامي

يسرن باثرشيخً لنا رد للسيف =هوشيخنا خيال عجفا سنامي

نهجت اسر جموعهم بالتوا قيف=يامار وجيه القوم بانخدامي

ونكست لربعي عايزين التواصيف= يامار بالزهيم والجمع زامي

ونعمك من العصلان واولاد اباسيف=كساية العيدان ريش النعامي

انا اشهد ان قلوبهم صمع ياخليف = وردوا حياض الموت ورد الظوامي

وردن بزينين المحازم وهن عيف =لياما غدن مثل الهشيم الركامي

ولد علي هم ذربة الحرب اهل كيف= حريبهم مايهتني بالمنامي

لياقل مابكشوشهن والتطاريف = ردوا كصب مطلقات اللجامي

ياعركة ٍ بين الرمالات وخليف =تقتم ياكن النهار الظلامي

تصرخ حدب السيوف المهاديف = تفتح بقع النسور الآثامي

نذبح ونذبح عند هاك الحراجيف = سلمى ورمان وآ جا والعصامي

نبي نقلط ميرها للضيا يف = ليا صكن البيبان دون الطعامي

يما ذبحنا بين الاثماد وهييف = ومسعرن دونه عمار تسامي

دزن بعيدان البلنزي وتنجيف = دزن ليما اقفوا خروق الجلامي

يادار ابو سميط خلاك ياحيف = ريف اللغا ذباح عجفا سنامي

اقفى ولاخلى بنجد تحاسيف = ابوه وجده هم خراب الطعامي

اقفى ويتلنه قطاع هراجيف = حط الشرايع له قصاد يمامي

اما على لملوم ياخذ على الكيف = ولا على ديرة مربي الايتامي

[المرجف]

الغالي سنجار

الله يحييك ويبارك فيك على جهودك التي لاتفيها شكرنا

بس عندي ملاحظة طال عمرك

القصيدة المذكورة هذي للشاعر دايس الهقاز الحسيني العبدي الشمري

وأكيد الأخ راكان المعجل عنده الخبر الأكيد والقول الفصل

تحيتي لك

[طلال الخريصي]

أخوي المرجف

القصيده معروفه انه الشاعر / عقلا الجهيل وهي فعلاً فيه قصيد الشاعر

دايس الهقاز الحسيني العبدي الشمري بنفس المطلع حتي تقريباً البيت الرابع

وبعدين تغير ونفس الموضوع وكثير من الرجال تغلط بالقصيده

بس الشعار والمعننين بالقصيده أعرف وسبق ان سئل الشاعر سعد بن محشم عقلا الجهيلي

عن القصيد وجاب القصيدتين كلهن وتشابه كبير

وهذا توضيح بسيط

وشكر أخوي سنجار علي القصه والقصيد

وطرح المميز

وتقبل مروري

[ابو النوري]

مشكور اخوي سنجار على القصيدة والشكر موصول للاخوة المرجف زطلال الخريصي على التوضيح
تقبل مروري

[ربد الشمال]

يعطيك العافيه والله لايهينك

علي مشاركتك

[أبو حواس]

مشكووووووووووووووور أخووووووووووووووووووووي على الموضوع الروووووعه

لا هنت

وسلمت يمناك

والله يعطيك العافيه

تقبل مروري

أخوكـ:::::::

((((((أبـــــــ حــــــــــــواس ــــــــو))))))

[أبو شمر]

مشكور أخوي

سنجار

لاهنت

[صقر السيافا]

لاهنـــت اخوي واختيار موفق وقصيده رائعه صح لسان شاعرها وتسلم يمناك
تقبل مروري

[المرجف]

أخوي المرجف

سبق ان سئل الشاعر سعد بن محشم عقلا الجهيلي

عن القصيد وجاب القصيدتين كلهن وتشابه كبير

وهذا توضيح بسيط


وتقبل مروري

حياك الله اخوي طلال

ومشكور على التوضيح يابعدي

وياليت لو تسرد لنا القصيدتين حتى ينجلي عنا الخلط

نكون لك من الشاكرين

وتحيتي لك

[طلال الخريصي]

حياك الله اخوي طلال

ومشكور على التوضيح يابعدي

وياليت لو تسرد لنا القصيدتين حتى ينجلي عنا الخلط

نكون لك من الشاكرين

وتحيتي لك

الله يحييك أخوي المرجف ومرورك شرف

وأبشر بعزك بس مصدر المعلومات عندي الشيبان الله يطوال بعمارهم

ويبيلي وقت أول ماروح يم حايل طلبك يجيك

وتسلم على الرد والمرور

[شعيب الدغيرات]

الاخ سنجار
اسعد الله مساك
هذه القصيده علي اعتقادي انها لرشيد بن طوعان من الاسلم يمجد عدوان بن طواله والعصلان
من المسعود
ونعم بالشاعر وبعدوان والعصلان
لكن للاسف الشاعر اخطاء بحق مفتاح الغيثي وتجاهل مفتاح الذي كان عامل رئيسي والفضل لله وثم مفتاح في
انتصار المعركه لشمر 000 يوم قالهم لهم عندي لكم بواردي واحد عن اربعين بواردي
وشمر كانت تنوي الرحيل قبل المعركه ولكن جلسهم مفتاح وقوا عزيمتهم
والله اعلم
تقبلو تحياتي 0000 ودمتم

[سنجار]

اخي المرجف حياك الله اشكر كلماتك المعبره الله يبارك فيك ويسعدك

واشكر مداخلتك لقد كتبت حسب ماسمعت وسالت عن قصيدة دايس الهقاز اجبوني بعض

اللي عندهم من تاريخ قالوا يتشابهن ودم واسلم

[منوخ العمودي]

بيض الله وجهك ياسنجار

دائمٍ مواضيعك جميله ومفيده

[ابن عليان]

مشكور**الله يعطيك عافيه ****صح لسانك ولسان الشاعر *************

[الوادى]

الاخ سنجار القصيدة الي ذكرت لشاعر دايس الهقاز من الحسين من الدغيرات
الشاهد يوم يقول ونهجت اسر اجموعهم بالتواقيف يامار اوجية اجموعهم بن خدامي
وهاذا دليل علي ان الشاعر حاضر المعركة بنفسة والجهلي ماكان بنجد كان باجزيرة
والمعروف عند شمر انة للهقازوهذا شي موكد

[راكان المعجل]

القصيدة المذكورة هذي للشاعر دايس الهقاز الحسيني العبدي الشمري

وأكيد الأخ راكان المعجل عنده الخبر الأكيد والقول الفصل

تحيتي لك

هلا وغلا أخوي المرجف نعم القصيده هي لدايس أبن دندح الحسيني الدغيري وقد زيد عليها

بعض أبيات قصيده عقلا الجهيلي مع الاخذ بالعلم أن ترتيب القصيده ليس صحيح وبها أبيات

مستحدثه وبها السيف وكأن عدوان الطواله أتى من أحدى الديار التي تقع على البحر في


ضعاين يجرن ويسرن من (السيـف)=مـن واقصـه مافيحـن للمقامـي
زبن الطواليات مثـل الشواحيـف=يسرن باثر عدوان شيخ الجهامـي
وكذلك بعض

الابيات محرفه وهذا التحريف جاء عن قصد والله أعلم لأن بعض ضعاف الانفس يريدون

المدح ولو بالكذب مع أن المذكورين من أطيب شمر سيره وأفعالهم الطيبه يشهد بها العدوا قبل

الصديق:

ونعمك من العصلان واولاد اباسيف=كسايـة العيـدان ريـش النعامـي
انا اشهد ان قلوبهم صمع ياخليـف=وردوا حياض الموت ورد الظوامي
وردن بزينين المحازم وهن عيـف=لياما غدن مثل الهشيـم الركامـي
وهذه الابيات متداخله ومفبركه لأن دايس يقول:


أولاد علي ذربة الحرب اهل كيف=حريبهـم مايهتـنـي بالمنـامـي
ياقـل مير قشوشهـن والتطاريـف =ردوا لنصل مصقلات اللجامـي
وأنشهد أن قلوبهم صمع ياخليف = يردون حوض الموت ورد الضوامي
و قصيده دايس أبن دندح هي:


يادار ابو سميـط خلاتـس ياحيـف=فرز الوغى ذبـاح عجفـا سنامـي
اقفـى ولا خلـى بنجـد تحاسيـف=وابـوه وجـده مخربيـن الطعامـي
يامزنة غـرا نشـت لـه رفاريـف=تمطر على ظفرة مطرها انهشامـي
زبيديها روس المهـار المزاغيـف=وعشبه قـرون مسيحيـن الايدامـي
ونهجت اسر جموعهـم بالتواقيـف=يامـار وجـه جموعهـم بنخدامـي
ونحرت ربعي عايزين التواصيـف=يمـار بالزهـام والجمـع زامــي
اولاد على ذربت الحرب أهل كيف=حريبـهـم مايهتـنـي بالمنـامـي
ياقل ميـر قشوشهـن والتطاريـف=ردوا لنصـل مصقـلات اللجامـي
وانشهد ان أقلوبهم صمـع ياخليـف=يردون حوض الموت ورد الضوامي
وضرب بعيدان البلنـزي وتنجيـف=ياما أدبروا عنا خـروق الجلامـي
نطعن ونطعن دون هاك الحناجيـف=سلمى ورمان واجـاء والعصامـي
وياما ذبحنا بيـن الاثمـار وهييـف=تسعـرت دونـه عمـارا" تسامـي



أما عقلا الجهيلي فقد قال:



ياعيال يركاب مثـل الشواحيـف=متوجهينن صوب ديـره عمامـي
ونعم من العصلان واولاد أباسيف=كسايه العيـدان ريـش النعامـي
وكرارة يم الرمـالات وخليـف=خذابها كـن النهـار الظلامـي
زمل الطواليات جنـك هفاهيـف=من واقصه ماهولسوا بالمقامـي


وهو أصلا" لم يحضر المعركه ولم يكن بنجد وأنما يسمع بالأخبار وقد قال القصيده وهو زعلان

على دايس الهقاز بأمر ليس هنا ذكره وقبلها أرسل لمبيريك التبيناوي يعاتبه ويقول:

مبيريك هي صدق أعلوم لفتنا = ياشيخ ماتاقف وتزعج لنا صوت

دنياك هذي بالجزيره رمتنا = وكسبي ونيني يوم كسبك جمل نوت

ياما على هاك الجراير نهتنا = وأبن أدم مايشبع الا من الموت

وشكرا" وأسف على الاطاله ..!!

[راكان المعجل]

الاخ سنجار
اسعد الله مساك
هذه القصيده علي اعتقادي انها لرشيد بن طوعان من الاسلم يمجد عدوان بن طواله والعصلان
من المسعود
ونعم بالشاعر وبعدوان والعصلان
لكن للاسف الشاعر اخطاء بحق مفتاح الغيثي وتجاهل مفتاح الذي كان عامل رئيسي والفضل لله وثم مفتاح في
انتصار المعركه لشمر 000 يوم قالهم لهم عندي لكم بواردي واحد عن اربعين بواردي
وشمر كانت تنوي الرحيل قبل المعركه ولكن جلسهم مفتاح وقوا عزيمتهم
والله اعلم
تقبلو تحياتي 0000 ودمتم

أخوي الغالي بالنسبه لرشيد أبن طوعان من السويد وليس أسلمي وبالنسبه للعصلان

المذكورين بقصيده عقلا الجهيلي هم العمود وليسوا المسعود كما تظن وأما مفتاح الغيثي

فهو راعي المناخ فمناخ ظفره يسمى مناخ مفتاح وتنويخته للعرب معروفه لدى عنزه قبل شمر

هذا ما أحببت أن أوضحه وتسلم يالغالي..!!

[شعيب الدغيرات]

الاخ راكان
اسمحلي اقولك معلوماتك ضعيفه
القصيده لرشيد بن طوعان
ورشيد بن طوعان من الاسلم
والعصلان للعمود وللمسعود
وبالنسبه لمفتاح حنا ماقلنا الا كل خير علي مفتاح
لولا الله ثم مفتاح مانتصرت شمر
وتحياتي ودمت
واحببت ان ازيدك معلومه وتسلم يالغالي

[الـقـفـيـعـي]

مشكوووووووووورين والله يعطيكم الف عافية

لكن اخ شعيب الدغيرات حتى الابيات الي ذكرتها فيها تداخل

البيت الثالث والرابع والخامس والبيت العاشر والحادي عشر هذي من قصيدة عقلا الجهيلي على حسب الرواة الثقات ما اقول على حسب علمي لاني ما ذكرته ولا حضرت دورهم لكن انا ما اعرف قصيدة دايس لكن اعرف قصيدة الجهيلي والابيات الي ذكرتها فيها من قصيدة الجهيلي



شكررررررررررا واعذرونا على المداخله العفوووو

تقبلو مروري

[راعي الشعبه]

قصائد جميله وابيات مؤثره .........والمناخ يسمى مناخ مفتاح الغيثي ........
الفضل لله ثم لمفتاح والدغيرات لبقاء شمر بديارهم موقف واحد عن الف موقف من حيث
النتائج وقفت مفتاح والدغيرات من المعارك الحاسمه والفاصله بتاريخ شمر ...
تسلم .........على موضوعك الجميل ويعطيك عافيه

[راكان المعجل]

الاخ راكان
اسمحلي اقولك معلوماتك ضعيفه

شكرا" لهذا النقد البناء والمقبول..!!القصيده لرشيد بن طوعان

يارجال أذكر الله أقول هذي قصيدتين متداخلات وحده لعقلا الجهيلي ووحده لدايس الهقاز

الدغيري وش جاب طاري أبن طوعان في الموضوع...!!
ورشيد بن طوعان من الاسلم

والله أنك خربته حيل يالغالي شوين وتحط الدغيرات سويدات..!!

والعصلان للعمود وللمسعود

ماقلنا شي لكن المعنيين هنا هم العمود وليسوا المسعود..!!
وبالنسبه لمفتاح حنا ماقلنا الا كل خير علي مفتاح
لولا الله ثم مفتاح مانتصرت شمر

هذا أمر منتهيين منه من 200سنه تقريبا" وكل شمر وعنزه تعرف هالشي..!!واحببت ان ازيدك معلومه وتسلم يالغالي

أقول ليتنا سلمنا من هالمعلومه وياهلا بك ..!!

[محمد بن فهد الشمري]

ونعمك من العصلان واولاد اباسيف ** كسايـة العيـدان ريـش النعامـي

\
/
\
/

سلمـت يمنـااك يـ الغـاالـي ..


ولآهنـت ع الجـلب الطيـب ..

دمـت ،،

[شعيب الدغيرات]

الاخ راكان
ماقلت الدغيرات سويداة
وخلافنا علي صاحب القصيده انا قلت انه لرشيد بن طوعان
وبعدين القصيده الدغيرات ماهم مذكورين علشان احط الدغيرات سويداة
اذا انا اقول ان الشاعر ماذكر مفتاح وترجع تقول مفتاح معروف
انا ادري انه معروف بس انا اقول رايي بالقصيده وانا رايي في محله
الشاعر ماذكر موقف الدغيرات
وتحياتي

[اخوسلمى سلطان]

الاخ راكان
ماقلت الدغيرات سويداة
وخلافنا علي صاحب القصيده انا قلت انه لرشيد بن طوعان
وبعدين القصيده الدغيرات ماهم مذكورين علشان احط الدغيرات سويداة
اذا انا اقول ان الشاعر ماذكر مفتاح وترجع تقول مفتاح معروف
انا ادري انه معروف بس انا اقول رايي بالقصيده وانا رايي في محله
الشاعر ماذكر موقف الدغيرات
وتحياتي

هلا فيك المعركه اسمه معركة ضفرة مفتاح كيف مايذكره لان مدار المعركه واحداثها تدور حول وقفت مفتاح الغيثي
اذا القصيده به خلل اوناقصه

[الـقـفـيـعـي]

صــــــــــــــح لـــــــــســــــــــــــــــــــانك

ولا هنت اخوي سنجار وطاب فالك

والقصيدة الي ذكرتها على حسب اللي سمعته هذي لعقلا الجهيلي وما عليها غبار لكن الي يذكرونها شيباننا الى البيت السادس عشر

دزن بعيـدان البلنـزي وتنجيـف
دزن ليما اقفوا خـروق الجلامـي

اللي بعدها ما ادري على العموم مشكور اخوي سنجار على جهد بحثك

وعلى ما اشاد به المرررررررررجف انه تكتب كل القصيدتين قصيدة الجيهلي وقصيدة دايس

ويروح اللبس الي عند الاخوان

تقبلوا مروري

[سنجار]

الاخ طلال الخريصي حياك الله اشكر مرورك نحن كاخوه مشتركين في هذا يجب ان نتعاون

والاختلاف لايفسد للود قضيه حتى في هذه القصيده البطل الحقيقي لم يذكر اللي هو مفتاح

الغيثي رحمه الله الذي وقف بوجه الطامعين وشجع شمر على التصدي لهم وتحياتي لك

[سنجار]

الاخ ابو النوري حياك الله واشكر مرورك وتحياتي لك

[فيصل السلماني]

يعطيك الف عافية سنجار

[سنجار]

الاخ راكان المعجل حياك الله القصيده اللي مكتوبه هي لعقلا الجهيلي وهنا وتأكدت اكثر من

حمس من الشيبان انه لعقلا وعقلا حاضر المناخ بظفره وبعده بفتره سير على قرايبه

الخرصه في الجزيره عند القصيده اللي وجهها لمبيريك التبيناوي وكانت المسايير بين الشمرين عاديه

في ذلك الوقت والتحريف ليس وارد في هذه القصيده ارجوا ان تصحح معلوماتك واكد

لك ان عقلا كان حاضر المناخ وليس فيه لبس ولاتظلم الموتى وتستطيع ان تقول هكذا سمعت واشكرك

على هذه المداخله وتحياتي لك

[سنجار]

الاخ بدر الشمري لاهنت

[سنجار]

الاخ مانع الخريصي لاهنت

[سنجار]

الاخ ابن عليان حياك الله ولاهنت

[ابو جمال المنيس]

اخواني الاعزاء القصيدة المذكورة اعلاه هي لدايس الهقاز الحسيني

وعقلا الجهيلي لم يحضر معركة ظفرة لانه بالجزيرة يوم المعركة والدليل قصيدته

اللي يقول فيها :
مبيرك هــي صدقٍ علومٍ لفتنا == يـا خـي ما تاقف وتزعج لي الصوت
دنيــاك هـذي بالجزيره رمتنا == كسبي ونيني وأنت كسبك جمل نوت
يا ما على هاك الجزاير نهتنا == وإبـن آدمٍ ما يشــــبع الاّ مـــن الموت

ولكن بعد سنه من معركة ظفرة

نزل التمياط وابن طواله بالصحن وجاهم عقلا الجهيلي من الجزيرة

ونزل عليهم ومفتاح الغيثي ومن معه نزلوا بالخطة شمال حايل 50كيلو

ونزل عليهم عقاب العواجي قريبا من الغصب بصحب ولكن اخو الغصب

يوم يمر اهل موقق ويقول له راعي موقق الظاهر انك تروح عقاب وترجع غراب

وصار الصلح بين عقاب ومفتاح على ان مفتاح يحماه من شمر اللي من النفود وفوق

وعقاب يحماه من عنزة اللي غرب حايل وعندما علم ابن طواله والتمياط بهذا العهد

جو صوله حتى نزلوا بالمقنع شمال الخطة 25 كيلو وصبحوا عقاب وكسروه وانقض العهد

وقال عقلا الجهيلي قصيدته المشابهه لقصيدة دايس الهقاز

يقول عقلا الجهيلي :

ضعاينٍ تسري وتجري من السيف .... مـن واقصــه ما شـيعوا للمقامي
زمــل الطواليــات مثل الشواحيف .... يحــدن بثر عدوان ريف اليتامي
حدنهـن بيــض البنـــي الغطاريف .... من البــعد ياطـن الحفا والرثامي
يحــدن باثــر شيخٍ لياهد بالسيف .... أميــرنا هـو ريــف عجفا سنامي
نـزه الشــوارب ما يحب التخاليف .... عوق العديم ليا حضر بالزحامي
مقــدم عيــالٍ ينــزلون الاطـاريف .... منـزالهم بالخوف والقبس حامي

وعلى كل الاحوال المصب واحد وكلهم ما بينهم فرق ولكن حفظا للحق الادبي لكل الشاعرين

وعقلا الجهيلي له الكثير من القصائد وليس بحاجه لهذه القصيدة وكذلك الهقاز صاحب ضعاين

[المستمع]

الله يعطيك العافيه على النقل

[ابن هذيل]

اخي

سنجار

الف شكر لك على القصيده

تقبل مروري

[][رحــ*R7aAL*ــال][]

الله يعطيك العافيه اخوي سنجار ولاهنت ياغالي

[أبو فلاح]

لا هنت يا سنجار على هذه القصيدة .


ولا هنت يا طلال على التوضيح الجلي ، وعساك على القوة .

[سنجار]

الاخ الوادي حياك الله والنعم من الشاعرين ولكن حسب قول الشيبان انه

لعقلا الجهيلي وكان حاضر في ظفره وكثير من شمر كانت تتنقل بين الجزيره ونجد

وارحب في كل المدخلات وبطل الموقعه مفتاح الغيثي لم يذكر هل معناه انه ليس

موجود وتحياتي لك

[][رحــ*R7aAL*ــال][]

الله يعطيك العافيه لاهنت

بانتضار جديدك

[سنجار]

الاخ القفيعي حياك الله ولاهنت

[صعــب المنــأأأل]

يعطيك العافيه اخوي وصح لسانك ولسان شاعرها
\

تقبل مروري

[سنجار]

الاخ فيصل السلماني حياك الله ولاهنت

[سنجار]

الاخ ابوجمال المنيس حياك الله واشكرك على هذه المداخله واذا كان المصب واحد

لايوجد اختلاف

[سنجار]

الاخ سعد حياك الله ولاهنت

[سنجار]

الاخ ذيب العرب حياك الله واشكر مرورك لاهنت

[سنجار]

الاخ ابن هذيل حياك الله واشكر مرورك لاهنت

[أبن تومان]

"يقول الشمري" الباقية في عناصر الإبداع الشمالي!!
شاعر القصيده/هو جدي الله يرحمه منصور بن محمد العايش من قبيلت التومان من هدبه [شمري] له ست أبناء أكبرهم مناحي منصور التومان الشمري و محمد منصور محمد التومان الشمري و عبد الله منصور التومان الشمري و المرحوم خالد بن منصور التومان الشمري و ماجد بن منصور التومان الشمري و تركي بن منصور التومان الشمري وهم كلهم أعمامي ,وهم موجودين في محافظت نطاع وحكامها العايش

والذي غناها
الفنان الراحل فرج المبروك

عبدالرحمن الناصر
قبل حوالي "75" عاما قدم الشاعر منصور بن محمد العايش إبداعه في قصيدة وصفية شاملة امتازت بالحنين والعشق وطلب الوصل والمناجاة، هذه الرائعة " يقول الشمري" صاغها لحنا وغناء الفنان فرج المبروك رحمه الله قبل حوالي "45" عاما لتكون موروثاً باقياً.
فرج المبروك من "حائل" بالتأكيد قرأ وأحس بالقصيدة ليبدع في تقديمها وتأخذ منحنى آخر لانتشار الأغنية الشعبية وتنطلق خارج الحدود على مستوى الهلال الخصيب!! "يقول الشمري" رائعة الشمال عاد لغنائها الفنان الشمالي من عرعر "هليل محمد" قبل حوالي "25" عاما وانتشرت كثيراً بعد تداولها مع الفنانة السورية "سعاد توفيق" ..الأغنية الشعبية الكلاسيكية كانت في مرحلتها السابقة أنشط وأكثر تداولاً عن غيرها من الأشكال الغنائية الأخرى وربما كانت الأوفر حظاَ والامكن في بنائها كقصائد غنائية حملت لغة الأرض أو الجمل اللحنية المتصلة في روحها وإحساسها.

يظن متذوقو الفن الشعبي أن هذا العمل هو من نتاج فترة الثمانينات الميلادية في القرن الماضي، خاصة بعد عودة الاغنية الشعبية في ذلك الوقت وانتشار معظم فنانيها ومتابعة الإعلام لهم؟! ربما هذا التوقع هو ماجعل أغنية "يقول الشمري" تتواصل منذ بداية القرن الماضي إلى هذا الوقت مع امتلاكها كافة المؤهلات والتي تجعلها قمة في روحها وعطائها الفني؟

يقول الشمري حكي الوقاعه

ويثبت حجته في شاهديني

ذبحني من عيونه سم ساعه

حَمَارَ الخَدِ مثل الوردتيني

الزمن الماضي كان يسمى الحبيب ب "الصاحب" نظراَ لقيمته في روح العاشق!! الشاعر يتحول من منادمته لصديقه إلى الحديث المباشر للحبيب عندما ذهب لقول "قطعت الوصل"، كثيراً ما يحدث ذلك في القصائد الشعبية لان بها حديث الصحبة والعشق والمنادمة، اعتقد أن الاتصال الروحي بين القصيدة والإيقاع والجمل اللحنية من مقام وزمن وإحساس الأداء، هو التواصل الحسي مع القيمة الأدبية وتحولها إلى قيمة غنائية جميلة.

ألا يا صاحبي وشذا القطاعه

قطعت الوصل عني ما تجيني؟

حشا لله ما اصبر عنك ساعه

أشوفك بين حجاني وعيني

في الجملة التالية كثيراً ما نقرأها ونسمعها مع العديد من الشعراء إلا أن استغلال الصيغة في الكلمات العامية "الشعبية" وتحويلها إلى أجراس موسيقية بهذه القدرة الرائدة والاستفادة من مكوناتها وتقديم الوصف بالكلمات المتداولة في تلك المنطقة بالذات جعل لها رونقاً خاص يحمل الاحترافية في الأداء والقيمة التراثية، الفكر والإحساس بقيمة الكلمات جعل من الفرج رحمه الله أن يعتمد التصور البيئي، ربما التقارب الجغرافي وخروجهم من أرض خصبة جعل من ذلك الإحساس يلتقي في هذا العمل "يقول الشمري":

وخده لأكشف يضوي شعاعه

كما البلور ساطع با لجبيني

عسى المولى يصونك بالمناعة

ويحجب عنك شر الحاسديني

هذا العمل تغنى به العديد من فناني الخليج والوطن العربي نظراً للقيمة الفنية والتراثية واستغلال التواصل حتى في خصوصية بعض الكلمات الدارجة لبعض الأقطار العربية كما في "البلور" بمعنى المرآة، أيضا الزمن الموسيقي والحروف اللحنية واستغلال الإيقاع المنتشر في غالب الأقطار العربية "العربي" ساعد بشكل عام على انتشارها وتفاعلها بمرور هذا الزمن الطويل حتى بعد تطور الأغنية في الوقت الراهن.

ترى قلبي رهين لك وداعه

عذاب اهل الهوى للعاشقيني

وماتحكم علي سمع وطاعه

ونحن عن خطاكم سامحيني

تتالت أحداث القصيدة في بنائها اللغوي الوصفي واستمرار الخاتمة التي يتجلى بها شعراء تلك الفترة مع بلوغ الأجراس تفاعلها الفني في بناء اللحن تحت كوبليه واحد متصل في بُنَيَتِهَا في ارض خصبة جعلت من هذا العمل ركناً من أركان الفن في منطقة الشمال؟!

هناك من الاعمال ما تسمى "السهل الممتنع" فلسفه غنائية بسيطة يصعب تقليدها؟!فرج المبروك عضو فاعل ومهم في التواصل الحسي لأكثر من "نصف قرن".

هيا بالوصل وشف انتفاعه

ولاتجعلني منك صفر اليديني

صلى الله على راعي الشفاعه

سيد الاولين والاخريني

وجود العمل بعد هذا العمر الطويل هو العلامة الفارقة للفن الكلاسيكي في الجزيرة العربية وهو ما يؤكده بلوغ العديد من فناني هذا الجيل بغنائها، "يقول الشمري"، ألمع من الذهب وبقائها عبر قرنين من الزمن دليل على بقاء الأغنية الشعبية وتربعها، رغم حداثة بعض الآلات الموسيقية والتصوير الغنائي؟!

هناك عمل رائع قدم منذ فترة طويلة ومازال قائماً بقيمته الثقافية والأدبية والفنية، فرج المبروك ومنصور العايش "رحمهم الله" نطقوا في بناء الأغنية الخالدة واستمر في تواصلها الفنان هليل محمد.

"يقول الشمري" الباقية في عناصر الإبداع اللغوي والفن الشعبي الشمالي.



يقول الشمري حكـي الوقاعـه=ويثبت حجتـه فـي شاهدينـي
ذبحني من عيونه سـم ساعـه=حمار الخـد مثـل الوردتينـي
ألا ياصاحبي وش ذا القطاعـه=قطعت الوصل عني ماتجينـي
ترى قلبي رهينن لـك وداعـه=عذاب أهل الهـوى للعاشقينـي
وما تحكم عليّ سمعن وطاعـه=ونحنا عن خطاكـم سامحينـي
وخدك لا إنكشف يوضي شعاعه=كما البلـور ساطـع بالجبينـي
إذا حبيت بأكـون لـك تباعـه=وحقك أنـي بأوفيلـك بإدينـي
ولا تسمع كلامـن أو إشاعـه=من الحاسد وتجعلنـي حزينـي
هيّا بالوصل وشـوف إنتفاعـه=ولا تجعلني منك صفر اليدينـي
وصلى الله على راعي الشفاعه=سيـد الأوليـن والأخريـنـي



شاعر القصيدة هو\ منصور بن محمد العايش من قبيلة التومان من الهدبه الله يرحمك يا جدي :19:

[صقـر المساعيد]

طيب اخوي
ووين راحت القصيدة اللي بالتومان اللي مطلعه

ونعمك بالتومان خضابة السيف بالعون هاشو يوم هب الولامي

مع العلم انهم شاركو بمناخ ظفرة

مع اني سمعت ان اولاد سيف وقتها كانو بالجزيرة ولم يحضروا لمناخ



ارررررجو التوووضيح اخووووي للاهمية
واذا تبي القصيدة كاملة تراها موجودة

[ابو خلف الغيثي]

مشكور اخوي على المشاركه
دمت بخير

تحياتي............

[هايس أبن سعدي]

يعطيك العافيه والله لايهينك

علي مشاركتك

دمت بود

[سنجار]

الاخ رحال حياك الله شاكر مرورك لاهنت

[السنام]

الا خ سنجار

مشكوووووور والله يعطيك الف عافيه علي النقل المميز والجميل

[ابو غلا الزوبعي]

قصيده قالها الجهيلي حسب ماسمعت على مناخ ظفره بين شمر وعنزه وهذا ماوجدته منها

مع العذر عن اي خطأ

يامزنةٍ غرى نشت له رفاريف = تمطر على ظفره مطرها انهشامي

زبيديها روس المهار المشانيف =عشبه قرون مسيحين الايدامي

ضعاين يجرن ويسرن من السيف =من واقصه مافيحن للمقامي

زبن الطواليات مثل الشواحيف = يسرن باثر عدوان شيخ الجهامي

يسرن باثرشيخً لنا رد للسيف =هوشيخنا خيال عجفا سنامي

نهجت اسر جموعهم بالتوا قيف=يامار وجيه القوم بانخدامي

ونكست لربعي عايزين التواصيف= يامار بالزهيم والجمع زامي

ونعمك من العصلان واولاد اباسيف=كساية العيدان ريش النعامي

انا اشهد ان قلوبهم صمع ياخليف = وردوا حياض الموت ورد الظوامي

وردن بزينين المحازم وهن عيف =لياما غدن مثل الهشيم الركامي

ولد علي هم ذربة الحرب اهل كيف= حريبهم مايهتني بالمنامي

لياقل مابكشوشهن والتطاريف = ردوا كصب مطلقات اللجامي

ياعركة ٍ بين الرمالات وخليف =تقتم ياكن النهار الظلامي

تصرخ حدب السيوف المهاديف = تفتح بقع النسور الآثامي

نذبح ونذبح عند هاك الحراجيف = سلمى ورمان وآ جا والعصامي

نبي نقلط ميرها للضيا يف = ليا صكن البيبان دون الطعامي

يما ذبحنا بين الاثماد وهييف = ومسعرن دونه عمار تسامي

دزن بعيدان البلنزي وتنجيف = دزن ليما اقفوا خروق الجلامي

يادار ابو سميط خلاك ياحيف = ريف اللغا ذباح عجفا سنامي

اقفى ولاخلى بنجد تحاسيف = ابوه وجده هم خراب الطعامي

اقفى ويتلنه قطاع هراجيف = حط الشرايع له قصاد يمامي

اما على لملوم ياخذ على الكيف = ولا على ديرة مربي الايتامي

جزاك الله خير
ياسنجار وكفو منك
يالعزوه ونعم من الطنايا

[ظاهر المرعب]

حيرتني يازماني ماقدر ارد التحيه ..

يقول مبيريك التبيناوي وهو متوجداً على الجربا لانه لم يحظر مناخ ظفره :





يانجد ناحي ضدنا بالجهامي=زوع وخلانا بوجه الاجانيب
زوع وكيف بالجزيره ونامي=وتنام عينٍ ماغداله مطاليب
انحيت ياذباح عجفا سنامي=دونك من الديان مايتلف الذيب

انظر الى هذا الوجد وكيف يتمنى حضورهم .



وان شح في نفعه علينا وشامي=ريف المقى وابى السنين المجاديب

الان هو يخاطب الجربا ويقول اذا شحيت بحضورك علينا في هذه المعركه .


اعتاض بك خيّال تالي الجهامي=شيخ ٍ ولد شيخ ٍخياله منه هيب
ونفرح بجيّة مسلط بالزحامي=لاشافته خيل المعادي تقل ذيب


انظر من العوض بالجربا في معركة ومناخ ظفره المشهوره هو ( مسلط التمياط ) شيخ قبيلة التومان




واااعجبي كيف ينسون او يتناسون من وزعوا غنائم ظفره على شمر . وهم من قاد شمر في مناخ ظفره

اين انتم من ابيات الهقاز اللي يقول فيها:


ونعمك من التومان خضابة السيف=بالعون هاشوا يوم هب الولامي
يتلون ابن ضيدان زبن المواجيف=ياحط من فوق السيال القتامي
بالسيف ينسف دبشي الراس تنسيف=بمخضرٍ قيست ثمان الف شامي
ان ذعذعة هدلا على الخيل قل كيف=تدهش بطوعات السبايا الحوامي


و ( هدلا ) كانو ينتخون فيها التومان بالزمان القديم


عجيب امركم تلفقون اللي ماحضر في مناخ ظفره وتحطونه بالقصيده . والحاضر في هذا المناخ وهو زعيم المعركه ( تنسونه ) لشيءٍ في نفس يعقوب



( ولكن الشمس لاتحجب بغربال )



..

[سنجار]

الاخ صعب المنال حياك الله اشكر مرورك لاهنت

[سنجار]

الاخ ابن تومان حياك الله اشكر مرورك

[سنجار]

طيب اخوي
ووين راحت القصيدة اللي بالتومان اللي مطلعه

ونعمك بالتومان خضابة السيف بالعون هاشو يوم هب الولامي

مع العلم انهم شاركو بمناخ ظفرة

مع اني سمعت ان اولاد سيف وقتها كانو بالجزيرة ولم يحضروا لمناخ



ارررررجو التوووضيح اخووووي للاهمية
واذا تبي القصيدة كاملة تراها موجودة

الاخ صقر المساعيد حياك الله والف نعم من التومان قصيدة مبيريك التبيناوي موجوده بارشيف

الطنايا وقصيدة عقلا الجهيلي في تداخل بينه وبين قصيدة مبيريك اللي يذكر فيها الشيخ مسلط

التمياط والف نعم انا كنت اتمنى تضع ماعندك لنتعاون في وضع تاريخنا واذا وضعت اللي عندك

نستطيع ان نفرقهن اشكر مرورك لاهنت

[سنجار]

الاخ ابو خلف الغيثي حياك الله شاكر مرورك لاهنت