بشري : مزايين قبيله شمر...!!!

[ابن الطنايا]

الاخوه الاعزاء

صدرت الموافقه من وزاره الداخليه علي اقامت حفل مزايين لقبيله شمر

والان هنالك رجالات يقوموا بتنظيم واعداد للحفل وجمع اراء ودعم القبيله



سؤالي : مارائيك بهذا الاحتفال هل انت ضده او لا

وماهي ملاحظاتكـ التي تقدمها

ومامستوي نجاحه


اكتب ماتراءه لكن صوت بالاعلي بالموافقه من عدمها ..!!

دمتم سالمين

[شلاقي وخوالي حرب]

مـــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــشــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــكووووو وووووووووووووووووووورررررررررررررررررررررررررررررر رررررررررررررررر اخوي ابن الطانيا
والله انك ذيب الطنايا
سراحا هل خبيره فرحتني واجد
والله من جد الله يعطيك العافيه واكيد اوافق
بس اخوي اليبي يتبرع للمهرجان شـــــــــــــــــــــــــــــــلون علمنا وزيدنا من علــــــــــــــــــــــــــــــــــــــــمك
ومشكور ومشكور ومشكور ومشكور ومشكور ومشكور ومشكور ومشكور ومشكور ومشكور
ويشرفن اني من الاول الي ردو علا طرحك الرائع والمبدع

[ابن هذيل]

الف شكر لك اخي

ابن الطنايا

على البشرى الساره


نعم وبكل تأكيد نوافق على تنظيم لمزايين الابل

لقبيلة شمر

لانه فيه ناس وصل التفكير لديهم انه لا يوجد ابل ومزايين عند شمر تكفي


لعمل مسابقه وحفل .

وشمر معروفين من قديم الزمان لاقتنائهم احسن سلالات الابل والخيل

ولما لا ينظم حفل ؟

جميع القبائل قامت بتنظيم حفلات لمزاين الابل لديهم ونجحوا افلا ننجح نحن ونحن اهل الابل؟


وارجو من المنظمين لهذا الحفل دعوة جميع شيوخ قبيلة شمر سواء بالمملكه او بخارج

المملكه للاجتماع وبحث سبل انجاح هذا المهرجان لانه اول مهرجان او حفل يقام

بأسم قبيلة شمر ودعم شيوخ شمر مطلب اساسي لنجاح الحفل

وبعد ذالك دعوة جميع رجال الاعمال من قبيلة شمر ومن منطقة حائل لدعم الحفل مادياً

ودعوة جميع الاعلاميين من قبيلة شمر ومنطقة حائل وعمل حمله اعلاميه ضخمه

تليق بالحدث بشرط ان تبدأ الحمله قبل انطلاق الحفل بمده طويله


وفق الله قبيلة شمر

واتمنى النجاح لهذا الحفل اللي يتشرف به كل شمري


والف شكر لك اخي ابن الطنايا

[شلاقي وخوالي حرب]

الف شكر لك اخي

ابن الطنايا

على البشرى الساره


نعم وبكل تأكيد نوافق على تنظيم لمزايين الابل

لقبيلة شمر

لانه فيه ناس وصل التفكير لديهم انه لا يوجد ابل ومزايين عند شمر تكفي


لعمل مسابقه وحفل .

وشمر معروفين من قديم الزمان لاقتنائهم احسن سلالات الابل والخيل

ولما لا ينظم حفل ؟

جميع القبائل قامت بتنظيم حفلات لمزاين الابل لديهم ونجحوا افلا ننجح نحن ونحن اهل الابل؟


وارجو من المنظمين لهذا الحفل دعوة جميع شيوخ قبيلة شمر سواء بالمملكه او بخارج

المملكه للاجتماع وبحث سبل انجاح هذا المهرجان لانه اول مهرجان او حفل يقام

بأسم قبيلة شمر ودعم شيوخ شمر مطلب اساسي لنجاح الحفل

وبعد ذالك دعوة جميع رجال الاعمال من قبيلة شمر ومن منطقة حائل لدعم الحفل مادياً

ودعوة جميع الاعلاميين من قبيلة شمر ومنطقة حائل وعمل حمله اعلاميه ضخمه

تليق بالحدث بشرط ان تبدأ الحمله قبل انطلاق الحفل بمده طويله


وفق الله قبيلة شمر

واتمنى النجاح لهذا الحفل اللي يتشرف به كل شمري


والف شكر لك اخي ابن الطنايا

والله هرج عين الصواب ولازم يتنفذ
وماعليك خلاف
وانا اشهد انك سانفي
وانا بهل هرج اليوم انا مستانس
والله لايوريكم ولا يوري احد من شمر مكروه
وانشاء تننجح بذن الله

[حســ شمر ــاس]

حنا يابعد حيي مزاينا على صحوننا

[حســ شمر ــاس]

حنا يابعد حيي مزاينا على صحوننا

[محمد بن فهد الشمري]

لاهنـت يـ أبن الطنايــا ع الخبــر ..

ويعطيك الف ع ــاافيــة ..

وراايـــي .. مواافــق ..

اللـي سـوو .. مو أحســن مننـاا ..

ويـ اللي نبي نشوف حميـة شمــر :)

[الطوالي]

تــــــــــــــــــــسلم عالخبر ويعطيك الف الف الف مليون عافيه



تقبــــــــــــــــــــل مروري

اخوك



الطوالي

[الطوالي]

تــــــــــــــــــــسلم عالخبر ويعطيك الف الف الف مليون عافيه



تقبــــــــــــــــــــل مروري

اخوك


الطوالي

[ابوسلطان]

مشكورابن الطنايا علي هالخبر المفرح بحق ومثل ماقالو بقية الاخوه الناس تجهل شمر ونحسبه ماهي راعية ابل وبعدين حنا مثل غيرنا لنا تراثنا العريق اللذي لابد ان يظهر لهذه الاجيال والا هو معروف عند الاولين لايمكن ان يطمس مهما مرت السنون وفوق هذا كله التواصل بين افراد القبيله بعد ان تباعدت بهم ظروف الحياه ولنا الفخر بذلك وصوتنا بالموافقه ونعين ونعاون بس اتمنى ان تتحرى اللجنه المنظمه الدقه بتوزيع المهام والترتيب الهرمي والالتزام بتعليمات من ينتخب رئيسا و اللذي معه تنجح اي اداره لاي موضوع وترك كل الامور الخاصه لاعضاء اللجنه وجعل تركيزهم وهمهم فقط انجاح هذا المهرجان اتمنى التوفيق والنجاح لنا بهذا المهرجان تحياتي

[زدنــا]

اتمنى ان يكون الخبر غير صحيح

لأسباب متعددة

يصعب الوصول لميزانية عتيبة

يصعب الوصول لمستوى تنظيم عتيبة

أقل منهم نرفض وبشدة

مثلهم لو وصلنا فيه تبذير وصرف أموال يفترض تصرف على مساجين شمر مثلا

كثير من مشايخ شمر بيتسلف عشان يدعم المزايين !! لزوم الشهرة !!

علما بأني تابعت بشغف مزايين العتبان واعجبتني جدا وتابعت منتدياتهم وموقع المزايين الرسمي وارسلت مسجات لقناة الساحة كله حماس لمزايين الخوال

بس ما ودي شمر يكررون نفس الموال

الخوف من الله لا تصير فتنه

الحين تركنا حفلات الزواج واكتفوا الناس بعشى لأهل العروسين فقط تيسير وحفظ للنعمة ومحاربة للتبذير

نرجع لما هو أشد نزف للأموال بما نسمية مزايين !!

على فكرة اانا سمعت ان شمر ما لها مزايين لأنهم مزايينهم على سفرتهم ،،،

[شلاقي وخوالي حرب]

اتمنى ان يكون الخبر غير صحيح

لأسباب متعددة

1-يصعب الوصول لميزانية عتيبة
(ليش يصعب الوصول وشمر معروفه انها مايهما شين وشهرنا بلكرم من بد كل القبايل)

2-يصعب الوصول لمستوى تنظيم عتيبة
(ممكن هذا يكون سبب نعم بس الي خلا العتبان يقدرون يخلينا بذن الله ولازن نتفال بلخير)

3-أقل منهم نرفض وبشدة
(من قال حنا اقل منهم هم عارفين وش هم وحنا عارفين وش حنا وماهو مزاين الي تعرفنا)

4-مثلهم لو وصلنا فيه تبذير وصرف أموال يفترض تصرف على مساجين شمر مثلا
(احنا اكثر تبذير منهم واكثر صرف اموال ومايحتاج اوضح هل نقطه
واما من ناحيت يفترض هو يفترض بس يفترض هذي ماتسوى شين بهل عالم )

5-كثير من مشايخ شمر بيتسلف عشان يدعم المزايين !! لزوم الشهرة !!
(مايحتاج يتسلف المشايخ باقل القبائل عندهم اموال وخير وترا االحكومه ماتقصر وانت اضاهر انك مارحت وشفت ابيوت المشايخ وحلالهم وتراها ماوقفت على الشيوخ لازم كل شمر تتبرع الي يقدر يحط شين يحطه ماهو بس الشيوخ او التجار ياخي ساعد لو بايدك او بخيمه او بماء او باكل او باي شين )

6-علما بأني تابعت بشغف مزايين العتبان واعجبتني جدا وتابعت منتدياتهم وموقع المزايين الرسمي وارسلت مسجات لقناة الساحة كله حماس لمزايين الخوال

بس ما ودي شمر يكررون نفس الموال
(يعني هذا الشي اعجب وانت ساهمت بمزاين خوالك بارسال المسجات وتحميسهم وتابعت بشغف مع انه ماهو بني اخيك واعجبنك وعشان كذا قمت وتنعنيت ودخلت منتداهم
طيب ياخي افرحلنا وحمسنا وخلينا نسير احسن من هاك المنوال )


7-الخوف من الله لا تصير فتنه
(فال الله ولا فالك وهي ماوقفت على شمر وكل القبايل سوت وماسار فتن وان شاء الله الله يبعد عنا الفتن)


8-الحين تركنا حفلات الزواج واكتفوا الناس بعشى لأهل العروسين فقط تيسير وحفظ للنعمة ومحاربة للتبذير

نرجع لما هو أشد نزف للأموال بما نسمية مزايين !!

على فكرة اانا سمعت ان شمر ما لها مزايين لأنهم مزايينهم على سفرتهم ،،،

( شلون تقول تركنا حفلات الزواج وسرنا نعشي اهل العروسين وبعدين تقول سمعت انه ماعندنا مزاين وانا مزاين على سفرنا
لايسمعك احد ويصدق مع ان ضنتي ماحد يصدق ان شمر ماتسوي حفلات عشان توفر كمن قرش)
ارجو منك اخوي انك ماتزعل من الهرج الي قلتلك اياه حنا اخوان وعيال عم بس حنا نتقاش عشان الي غلطان يصحح غلطه والي مايعرف يعرف وحنا كلنا بهل الكلام ندور مصلحت القبيله دائم واتمنى من من كل قلبي انه مايكون شين بهرجي زعلك

[شبيه الريح]

السلام عليكم ورحمة الله وبركاته


شكرا اخوي ابن الطنايا علي اثاره هالموضوع


وانا برايي الشخصي


شمر مو محتاجه لاقامه مزاين للابل

ا و زياده شعبيه القبيله عند القبائل الاخرى


شمر معروفه ولا نحتاج الي اختبار او امتحان افراد القبيله بكرمهم او انتمائهم للقبيله


هذا من وجه نظري الشخصيه


لا انصح باقامه مزاين علي الاقل نحن لا نقلد الاخرين




شبيه الريح

[! شمالي !]

والله اليوم العاقل والواثق هو اللي مايسوي مزاين

[ابو النوري]

مشكور يابن الطنايا على البشرى ...... بكل تأكيد نوافق
دمت سالما

[العمودي]

خبر سار ياابن الطنايا ويجب على كل شمري ان يشمر عن ساعديه ليكون المزاين ناجحاً من حيث الدعم الاعلامي والتنظيم والاهم الدعم المادي والله يوفق ابناء القبيلة فرداً فرداً

[خالد الخريصي]

فتوى من دار الإفتاء في المملكة العربية السعودية من شيخيين كريميين ترفض اقامة مثل هذه
الإحتفالات لأنها بدع والـخ
انا عن رأيي الشخصي ارفض هذه الخزعبلات
وشمر اسمى من مزاين وتعويض نقص
وغيرنا اذا هم سوو مزاين فهم مو قدوة لنا

[الدليل]

انا شخصياً ضد مزايين الابل
هذه الموضة التي خرجت علينا في السنوات الاخيرة
اخي الكريم ما الفائدة من صرف الملايين على استعراض بحيوانات لو تعلم لضحكت علينا
اخواني عتيبة حسب ماصرح به جمعت 80 مليون لهذا التجمع
لو وضعت في فعل الخير للقبيلة كان افضل بكثير من رميها بنفود السر
80 مليون لو اعطي كل شاب مقبل على الزواج لكفي 2000 شاب هم الزواج
لو بنبت يها مساكن صغيرة او شقق سكنية لكفي مئات العوائل
لو وضعت في مستشفى لمدينتهم لكان افضل
اما ان توضع بهذه الطريق فهذا هو الاسراف الذي حذرنا منه
ارجو ان لاتقيم شمر مثل هذه الامور التي تقلل من شان القبيلة اكثر من ان تعزها
عز شمر ليس بصرف الملايين على استعارض البعارين !

[إبن عويشق]

والله اليوم العاقل والواثق هو اللي مايسوي مزاين
هذا زبدة الكلام....... اتركوا سوالف المهايط.... لو نتبرع للمحتاجين والمساكين والعزاب الي يبون يتزوجون احسن من هالخرابيط... ومثل ما قال اخوي الشمالي:

والله اليوم العاقل والواثق هو اللي مايسوي مزاين

[جدّي]

عزالله أنه خووووووش خبر

موافق وابصم بالعشرين مهو بالعشر

[شلاقي وخوالي حرب]

اخواني وبني اخي فيه ناس تحب البل وعندها البل تسوى حياتها
مثل منتى في لك اشياء تحبها ممكن عشان تحافض عليها تتدفع اكثر من قيمتها
والمزاين ماهي موضه ولاهي خزعبلات هي مصدر رزق بعض البدوووووووو
وليش نزعل انتو تقولو لو اندفعت في اشيلء واشياء طيب ياخي خلونا نجمع وندفع للناس المحتاجه يعني انه جمع الدراهم ماهو مستحيل ليش ان قول (لو) ليش مانسوي مو بس كلام
وفي بعض ناس قالو انها سواها ناس وحنا مانقتدي بهم اقوله لمعلوميتك انه شمر قد سوت مزاين وماهي اول مره وان كل القبايل قد سوت

[أبو حواس]

موااااااااااااااااااااااااااااااااااااااااافق..... ..

وليش ما أواااااااافق؟؟

هذا شي رائع صراحه.....

ومشكوووووور يا >>( ابن الطنايا )<<.... على هالخبر....

[عبدالله الشلاقي]

أقــامتــه ستكلف الكثير ...و ان كلفــت لن تـصل لربع ماقامت به عتيبة أخيرا
و هذا المزاين اولا و أخيرا أرى أنه لن يرفع من قيمة شمر اذا اقيم و لا ينقصها
اذا لم يقــام ...هذا رايي والسلام عليكم ورحمة الله وبركاته

[ولـ@الجربا@ـد]

الله يسمع منك انشالله ...
واعلق على الاخ الي يقول انها حتى لو صارت ماراح تكلف ربع قيمة مزايين عتيبه ..
حبيت اقوله اول شي هي مو على القميه الماديه بالعكس ..
يكفي لو نتجمع بشي واحد بأخر الوقت ..
وانا الي الملاحظه انه كل القبايل لها تجمعات .. الا شمر بالذات الله يستر ..
وشكرإأ ..

[شلاقي وخوالي حرب]

الخو عبدالله
أقــامتــه ستكلف الكثير ...و ان كلفــت لن تـصل لربع ماقامت به عتيبة أخيرا
و هذا المزاين اولا و أخيرا أرى أنه لن يرفع من قيمة شمر اذا اقيم و لا ينقصها
اذا لم يقــام ...هذا رايي والسلام عليكم ورحمة الله وبركاته هذا هرج عبدالله الشلاقي





الرد عليه
شلون ما ناصل اقرا الي انا كتبته فوق ومايسير تنطل الهرج وتسري علمنا ليه وكيف لان فيه
ناس تتابع ويمكن تصدق هرجك
فلو سمحت لو تكرمت توضحلنا لاني علمتك انه شـــــــــــــــــمر اللناس تعرف وشنهي وعتابه هي تعرف من هي وماتقارن قبيله تمتد الى الف الكيلو مترات بقبيله لاتتجوز ربع ماتملكه شمر<<<<<<<<< خلاصت الهرج حنا اكثر عدد واكرم ناس ولاابي اقول حنا تفضل وادخل مواقع القبايل الثانيه وشف وش كاتبه عن كرمنا

[ولد زامل]

أرفض .. ثم أرفض .. مابقى إلا الحيوانات ندفع أموالنا بها , وعيال عمنا إذا كانوا محتاجين قلنا مامعنا شيء.. طيبنا مثل مقال أحد الأعضاء طيبنا بصحوننا ومكارمنا , وفرحتنا بالضيف ..
قال تعالى :( وإذا أردنا أن نهلك قرية أمرنا مترفيها ففسقوا فيها فحق القول عليها فدمرناها تدميرا ً)..وهؤلاء مترفينا فسقوا وبغوا ..
اللـــــــــــــــــــــــــــــــــــــــه يستر..

[ياهيـــــه]

اخواني والله ياليت نسوي مزايا لقبيلة شمر
ولكن حنا يا شمر تنقصنا بعض الحاجات
ليش ديه خمس ملايين جمعوه بست سنين ؟؟؟؟؟
لماذا قبيلة الدواسر العزيزه جمعة ثلاثة عشر مليون خلال
عشرين يوم.. وهذا والله من طيبهم
حنا يا شمر طيبين ولا تنقصنا حاجه ولكن ودنا يسون صندوق لمساجين شمر
وهذا امل ياليت يتحقق مثل الارقاب الديون وغيره ،،،،،،
وبعدين يفكرون بالمزايا
والمزايا فكره جيدة للقبيلة ..... ولكن ياليت يتحقق اللي ببالي
وانا اقول لو ما تقوم احسن
ياخوان فيها اسراف وتبذير
تشوفون الوسم دخل ولا جانا مطر
هذا من ذنوبنا
شوفون الحلا اللي مات بدون سبب ما يدرى ليش هذا من ذنوبنا
وانا شخصيا والله اني اتحرا العقوبه السحاب يمر ولا تمطر
الا ان كان يبي يفرجلنا رب العلمين
تشوفون غلا الاسعار هذا من ذنوبنا والفسق
يحلفون بالله ان مزايا عتيبه انهم يشلون اللحم والرز بقلابيات وشيولات وجاهم
غبار يفضخ القلب وانهم يكبونه على شكله
ولاكن اقول
يالله تلطف علينا وترحمنا برحمته

[شلاقي وخوالي حرب]

ياهيه اختي انتي ابصراحه ابدعتي بردك الجميل والراقي
ابصراحه الكلام عن صندوق لازم تحطينه انتي بنفسك بموضوع عشان كل لاخوان يشفونه ويتناقشون به اما بنسبه للقحط الله قحط على كل العالم بسبب ذنوبهم
وكمان الدواسر يوم جمعو كان عندهم اعلام مساند وكتاب ذيابه طروحه بكل وادي وناس طلبت المساعده من ابناء القبيبه

[ثامر الشريهي]

وش ينقصنا عن القبائل الثانية

علمونا متى يبدا

[Ben Reshan]

انا لا اوافق


لان الاموال اللتي تبذر في سبيل مزايين الابل (لاتجوز)


تبذير لاجل ان يقال شمر لها مزايين الابل

<

هذا رئي

[نسل الطنايا؟]

خبر مفرح
لكن لابد من آلية جادة لتنظيمه..

دمت برعاية الله

[فتى نجد الشمري]

ياناس عندنا فقراء بالقبيله وعندنا ارامل وعندنا مساجين وعندنا وعندنا فلذلك هذولا ابرك من المزايين وحنا عارفين انفسنا والمعروف مايعرف يعني مايحتاج نقول شوفوا ابلنا وبعاريننا وهالسوالف يكفي ياجماعه الخير نقول اننا نكلفل اليتيم ونفك العاني ونزوج المحتاج وبناتنا وعيالنا ضاعت اعمارهم ماتزوجوا بسبب التكاليف

بلاش مزايين وخلوها مشاريع خير لعل الله يبارك لنا

[علي البهدل]

الحمد الله ومشكور ياخوي على هالخبر الحلو الي يوسع الصدر

[فيصل السلماني]

يعطيك العافية ابن الطنايا على الموضوع

[المستمع]

يعطيك العافيه

[كلمة سواء]

أنا أرفض وبشدة إقامة مثل هذا الحفل...

أتمنى من المؤيدين المتحمسين اللي يهاجمون المعترضين أن يبلغونا بالفائدة المرجوة من إقامة هذا الحفل!!!
والله لوصار هذا الحفل لتفرقت القبيلة فرقة أكثر مما هي عليه..

الوضع عند شمر معقد جدا ويختلف عن القبايل الأخرى..أرجو تفهم وجهة نظري..

حنا القبيلة الوحيدة اللي ماتنشب عندنا الخلافات والمشاكل إلا إذا اجتمعنا..

[راكان الطنايا]

][®][^][®][بسم اللة الرحمن الرحيم][®][^][®][

مشكور ياابن الطنايا على الخبر
شمر يكفي افعولة وانا مااؤايد اقامة مزايين لشمر
عندي اقتراح لو شيوخ وامراء شمر يفتحون صندوق
يتم فيه التبرعات من جميع ابناء القبيلة يخصص الصندوق
للمساعده ابناء شمر على تكاليف الزواج او اخراج المسجونين من ابناء شمر او التبرع للمحتاجين من ابناء شمرررررررررر
وشكرا لك ياابن الطنايا وللاخوه الكرام

~*¤ô§ô¤*~*¤ô§ô¤*~ودمتم ساااااااااااااااااالمين~*¤ô§ô¤*~*¤ô§ô¤*~

[مدرع ومطصوس]

الموضوع ماهو موضوع فقر وغنى زعل ورضى الموضوع موضوع ان حنى يا شمر لسنى متواجدين في مكان واحد واغلبنا بلعراق وسورياو دول الخليج(نشبه االربع )




يعني الدعوه مهي دعوة غيره
ويلزم ناس عارفه لأمكانيات شمر من الابل

[ابن عمود]

لا هنت على هالخبر يا الغالي ..

\\

تحيتي

[زوبعية]

السلام عليكم
انا ضد اكيد والسبب لان فية ناس مو لاقية تاكل ولو شافت المزايين تنكسر قلوبة
وثانيا اللي يعرض الابل حقاتة في المزايين يصير كل همة الابل حقتة تفوز يعني يطارد ورى هالمسابقات وربي لو انة مسابقة لتحفيظ القران مالقيت هالاقبال كلة ولالقيت واحد يتعنى ويجي فية ناس كل يوم تموت قهر لو شافت هالمسابقات
وانت ياراعي الابل لو كنت قادر تصدق بدل ماتتفاخر بالرزق اللي ربي عطاك اياة

[اماراتيه شمريه]

تسلم يا خوي ع الخبر تم التصويت بل موافقه

[الـقـفـيـعـي]

اللهم أنك ترى مكاننا وتسمع كلامننا



الله يستر اذا تم الحفل



أنظر الى الأبل كيف خلقت اعتبار وليس افتخار



الله يستر


بسبب محافل المزايين من حولنا يمين ويسار


شحت على البهائم الرتع الأمطار ونبت القفار ولم يسكن عن تقل الديار الأعاصير والغبار


وكم من أرامل ويتامى شمر أحق بالاموال من تلك الترهات التي لا تقدم ولا تأخر


لا حول ولا قوة الا بالله


اللهم لا تحمل السخط علينا وعلى ديارنا بما يفعل من بلاء



كم من الارواح زهقت والاطفال رحلت أيامهم بأسباب شتى ومن أكبرها مثل هذا المحافل وكم دمعت عيني لحوادث رأيته بالعامين الماضين أثرى هذه المحافل



أثمهما أكبر من نفعهما


لم تبشرني بما يسرني

[كــحــيــلان]

يابعد حيي يوم الدنيا دنيا وحنا هل البل والخيل

اما الحين اختلط سيله بالابطح وتغيرت المفاهيم ووكل الامر لغير اهلوه

حنا معروفين بليا هالمزاين وهالسوالف هذي

تاريخنا كلن يعرفوه حتى اليهود والنصارى تعرفوه

لذلك حنا هل الخيل والسيف وحنا ملكنا مزاين البل بيدينا وبسيوفنا

ولذلك ارفض بشده وارفض بشده وارفض بشده


ياصاحبـي كنّـا ونبقـى حلاحيـل
للمجد نرقـى فـوق قمّـة جبلهـا

افهم عدل لاتـأول الوضـع تأويـل
والكلمه العوجا من المـزح شلهـا

يومنها بالسيف والرمـح والخيـل
نملك مزاييـن الأبـل مـع فحلهـا

نغير في وسط الضحى واوسط الليل
ونجيبها غصبٍ عن خشـوم أهلهـا

[بدرالطنايا]

وبعد ذالك دعوة جميع رجال الاعمال من قبيلة شمر ومن منطقة حائل لدعم الحفل مادياً

ودعوة جميع الاعلاميين من قبيلة شمر ومنطقة حائل وعمل حمله اعلاميه ضخمه




ان شاء الله يكون الحفل عند حسن الظن

وعندي عتاب بسيط عليك اخوي

شمر بكل مكان وانت طلبت اهل حايل بس
فيه شمامره برفحاء وحفر الباطن وسكاكا وبعد ببعض المناطق ومنهم رجال اعمال

وكل شمر فيهم الخير والبركه

والله يعطيك العافسه

[بدرالطنايا]

خلل فني

العافسه=العافيه

اعتذر على الخطأ

[الزقــــروطي]

ممكن تفيدوننا عن وقت المزايين وموقعه

[مسي شمر]

ابن الطنايا مشكور على هالخبر لكن اقول اول شي خلنا نتفق وبعدين نسوي مزاينات اقول لو تجمع شمر ويسوون شركه عقاريه وهذا افضل وامن مشروع ويوظفون 25% من شباب شمر اللي جالسين بدون وظايف كان احسن من المهايط اللي ما له داعي واتمنى صوتي ياصل الى جميع شيوخ شمر لكن الشيوخ لهم مطامع شخصيه في هالمزاين وتكفون وتكفون وتكفون فكرو بالموضوع

[مسي شمر]

ابن الطنايا مشكور على هالخبر لكن اقول اول شي خلنا نتفق وبعدين نسوي مزاينات اقول لو تجمع شمر ويسوون شركه عقاريه وهذا افضل وامن مشروع ويوظفون 25% من شباب شمر اللي جالسين بدون وظايف كان احسن من المهايط اللي ما له داعي واتمنى صوتي ياصل الى جميع شيوخ شمر لكن الشيوخ لهم مطامع شخصيه في هالمزاين وتكفون وتكفون وتكفون فكرو بالموضوع

[ابن الطنايا]

شكرا لكم



لكن الموضوع من زمان بت فيه


وقد الغيت الفكره


ويعتبر الموضوع منتهي


دمتم سالمين

[آلعمر لحظآت]

الله يبشرك بالخير يابن الطنايا والحمد لله ان الفكره الغت وهذا عين العقل
اسئلكم بالله لو ذهبت هذه الاموال والجهود ليتامى وارامل ومحتاجين وعازبين شمر اليس

افضل من تبذيرها على هذه المحافل ااتي لايجنى من ورائها الا التعصب وخساره الاموال بغير وجه حق ...وفي ضل غلاء الاسعار

وتاريخنا معروف ولله الحمد وسيرتنا عطرة وين مارحنا ولا حنا محتاجين لمزايين ولا غيره

تم التصويت بالرفض والله من وراء القصد