الخريصي
2007-11-08, 04:06 PM
ياغاليه روحي كذا ماعاد بالصبر احتمال=واحلف لك بربي تضل فياض قلبي مقفره
هذا نصيبي كل ماشديت للـــفرحه رحـال=ادري قبل مانوخ ركــابي تقول المـعذره
دايم ليا شديتها يم الجنوب اقفت شمــال=وان سقتها للشرق يم الغرب ولت مدبره
بنيت باوهامي قصور واثري قصوري رمال=ذرات رمل واهنه جاه الهبوب وبعثره
من يوم ماجاني الخبر وانا اشرق بشرب الزلال=والدمع ياصل للهدب اخجل واحازل اقهره
واذا تبيني اعذرك معذوره يابت الحلال= والمشكله دايم يكون العفو عند المقدره
تدرين وش وجه الشبه بين الاجابه والسوئال= حبيبتي مثل الشبه بين الخطا والمغفره
وتدرين وش فرق الحقيقه عن تصاوير الخيال=كالفرق بين الغيمه الصما وبين الممطره
كنتي حبيبه وانتهيتي مابقا لحبك مجال= كنتي بخورا احترق وانا بقيت المبخره
ياغليه روحي كذا ماتنفعن كلمت تعال= وان قلتها حتى لساني صدقي بستحقره
الشيمه الي داخلي مايرويه غير الحلال=عودتها على الوضوح ولا تعرف الدغمره
تدرين قلبي لو عجز ينساك دسته (.....)=واودع له ضلوعي سياج مثل سور المقبره
ماني نبي لاكن مفاهيمي قريبه للكمال=خذيت من بداوتي اصدق صفاتي واطهره
منها خذيت الصبر والحكمه وعادات الرجال=وفيها عرفت ان الوفا ماتملكه مثلك مره
مانكر اني ارتعش لاجابو اسمك لا ازال=وادري بان حروفك بذهني تضل معسكره
لاكن ترا مهما يطول الظلم ولا الاحتلال=لابد ماتاتيه ثوره ياحبيبي تدحره
تقبلو تحيتي
هذا نصيبي كل ماشديت للـــفرحه رحـال=ادري قبل مانوخ ركــابي تقول المـعذره
دايم ليا شديتها يم الجنوب اقفت شمــال=وان سقتها للشرق يم الغرب ولت مدبره
بنيت باوهامي قصور واثري قصوري رمال=ذرات رمل واهنه جاه الهبوب وبعثره
من يوم ماجاني الخبر وانا اشرق بشرب الزلال=والدمع ياصل للهدب اخجل واحازل اقهره
واذا تبيني اعذرك معذوره يابت الحلال= والمشكله دايم يكون العفو عند المقدره
تدرين وش وجه الشبه بين الاجابه والسوئال= حبيبتي مثل الشبه بين الخطا والمغفره
وتدرين وش فرق الحقيقه عن تصاوير الخيال=كالفرق بين الغيمه الصما وبين الممطره
كنتي حبيبه وانتهيتي مابقا لحبك مجال= كنتي بخورا احترق وانا بقيت المبخره
ياغليه روحي كذا ماتنفعن كلمت تعال= وان قلتها حتى لساني صدقي بستحقره
الشيمه الي داخلي مايرويه غير الحلال=عودتها على الوضوح ولا تعرف الدغمره
تدرين قلبي لو عجز ينساك دسته (.....)=واودع له ضلوعي سياج مثل سور المقبره
ماني نبي لاكن مفاهيمي قريبه للكمال=خذيت من بداوتي اصدق صفاتي واطهره
منها خذيت الصبر والحكمه وعادات الرجال=وفيها عرفت ان الوفا ماتملكه مثلك مره
مانكر اني ارتعش لاجابو اسمك لا ازال=وادري بان حروفك بذهني تضل معسكره
لاكن ترا مهما يطول الظلم ولا الاحتلال=لابد ماتاتيه ثوره ياحبيبي تدحره
تقبلو تحيتي