ذيب الطنايا
2005-07-02, 01:43 AM
هذي نصيحة وارجو ان تحوز على رضاكم وهي على شكل الفية
الألف اولف ابدع القاف واجيب=واكتب قوافي من ضميري بترتيب
ابيات ناقيها عن الهزل والعيب=ابيات فيها من جزيل المعاني
(البا) بديت وقلت من زين الامثال=نصايحن يهدى بها كل من عال
نصايحن للمنحرف هو ويالضال=وراع الطرب والكيف هو والاغاني
(التا) توقع واحذر النذل والهيس=اللي خوتهم كما خوة ابليس
اللي على عروض الخلايق بلاليس=الكل منهم بالردى له مثاني
(الثا) ثقلك بالمجالس كمالي=يصير لك وزنن بوسط الرجالي
والهذرمه يالقرم عيب وعذالي=حيثه من طبوع الردي والهداني
(والجيم) جارك به الله وصاك=خلص له الواجب الياجاك ينخاك
واحذر تقصر في حقوقه الياجاك=خلك صبورن لو يطول الزماني
(الحا) حرام الدين بالك توطاه=وبالك تطاوع يافتى الجود من تاه
اللي مشى للعار والذنب بخطاه=وزن المعاصي راجحن بالحساني
(الخا) خويك لويشيّن طبوعه=لو ما يميّز بين شبره وبوعه
اصبر لياما يبعد الله نجوعه=وتسلم منه كانه بالايام شاني
(الدال) دور باليال الغنيمه=واحذر تخور بمنزلك كالبهيمه
من لادرك الطوله حياته عديمه=لو طال عمرك يافتي الجود فاني
(الذال)ذمك للمخاليق به عيب=نقص وعذاله في حقوقك وتثريب
جنب عنه حيثه بعيدن عن الطيب = ما يفعله الا خبيث المجاني
(الرا) راي الناس احذرك يغويك=واحذرك راي المنحرف لا يدهويك
من السلامة للمهالك يوديك=وتصير عقبه في وضيع المكاني
(الزا)زمانك ياعصاك وتغير=طاوع معه ياما يجيك المغيّر
ترى دوام الحال دايم قصيّر=لو شان لك يوم يتغيّر بثاني
(السين) سدك لا تذيعه على الناس=يفرح بسرك كل فاسد وبلاس
الناس يلقابه مخابيث وانجاس=السر نشره ما يتعدى ثواني
(الشين) شاور بالمشاكل عروفي=رجلن مجرب فاهمن بالصدوفي
كنه لردت فعل غيرك يشوفي=يرشدك عن درب الخطا والهواني
(الصا)صديقك لو حصل منه زله=ادمح خطاه ولا تبين ممله
واترك كلام الناس دقه وجله=ترى كلام الناس فرّق عواني
(الضاد) ضدك يافتى الجود حده=وبين بوجهه طول الاوقات شده
خلك بوجهه قاسين له تلده=الذل ماطوّل قصار اليماني
(الطا) طاوع من يدلك على الخير=وابعد عن اللي به شناوي وتقصير
واحرص على قرب الرجال المشاهير=نطاحت القالات زمل الصخاني
(الظا) ظلم الناس جور وظليمه=لابد ما يجلب عليك الوخيمه
يالعبد راقب من فضاله عميمه=من خاف ربه فاز بالامتحاني
(العين) عيب انك تخف الحقيقه=الحق واضح بينن في طريقه
ما فيه شي من الوسايل يعيقه=مهما تحاول خفية الحق باني
(الغين )غيب الوقت بالك تسبه=ولا تقلد ناس جهله لعبه
احل بالمخلوق تقدير ربه=هو الذي يعلم خفايا الزماني
(الفا) فلا تمشي دروب السفاله=وابعد عن المثبور هو والحثاله
مشيك خلا ولا مشاهد قباله=لو ما تشوف بموقعك مودماني
(القاف)قالة صاحبك يابليبه=احذر تجنب بالامور الصعيبه
حاول تساعد بالوقوت الرهيبه=ولا الرخا مالك من العون شاني
(الكاف) كان انه حصل لك غرابيل=فزبن على المعبود مهلك هل الفيل
الناس يالمخلوق ما بيده الحيل=كلن يقول الوقت هذا دهاني
(اللام) لاتترك عيالك يضيعون=ياهملتهم وسط الشوارع يهيتون
بالارصفه والسوق دايم يدوجون=كلن حكابك عند قاصي وداني
(الميم)ممشى الذل جنب وخله=وخلك عزيز النفس ربك يحله
لابد من يومن تجي مسفهله=الدون خله للنذل والجباني
(النون) نومك واعتراض الملامي=تصير بفام الخلايق كلامي
من دور الطوله يشد الحزامي=تر المراجل ما تجي بالتماني
(الها) هواك احذر يضلك ويرميك=تصير عقبه بالشن في بلاويك
مافيه من يظهرك منهن وينجيك=كلن تبرى منك وانت متواني
(الواو) وارد من تكلم وقالي=احذر تقاطع يافتى بالمقالي
الا بغيبه او نميمة رجالي=الا اقطع المهروج وما كان كاني
(اليا) ياسامع جوابي وما قلت=صلوا عدد ما لاح برقن وخيلت
على محمد عد ما قلت واهملت=اختصه المعبود بسبع المثاني
الألف اولف ابدع القاف واجيب=واكتب قوافي من ضميري بترتيب
ابيات ناقيها عن الهزل والعيب=ابيات فيها من جزيل المعاني
(البا) بديت وقلت من زين الامثال=نصايحن يهدى بها كل من عال
نصايحن للمنحرف هو ويالضال=وراع الطرب والكيف هو والاغاني
(التا) توقع واحذر النذل والهيس=اللي خوتهم كما خوة ابليس
اللي على عروض الخلايق بلاليس=الكل منهم بالردى له مثاني
(الثا) ثقلك بالمجالس كمالي=يصير لك وزنن بوسط الرجالي
والهذرمه يالقرم عيب وعذالي=حيثه من طبوع الردي والهداني
(والجيم) جارك به الله وصاك=خلص له الواجب الياجاك ينخاك
واحذر تقصر في حقوقه الياجاك=خلك صبورن لو يطول الزماني
(الحا) حرام الدين بالك توطاه=وبالك تطاوع يافتى الجود من تاه
اللي مشى للعار والذنب بخطاه=وزن المعاصي راجحن بالحساني
(الخا) خويك لويشيّن طبوعه=لو ما يميّز بين شبره وبوعه
اصبر لياما يبعد الله نجوعه=وتسلم منه كانه بالايام شاني
(الدال) دور باليال الغنيمه=واحذر تخور بمنزلك كالبهيمه
من لادرك الطوله حياته عديمه=لو طال عمرك يافتي الجود فاني
(الذال)ذمك للمخاليق به عيب=نقص وعذاله في حقوقك وتثريب
جنب عنه حيثه بعيدن عن الطيب = ما يفعله الا خبيث المجاني
(الرا) راي الناس احذرك يغويك=واحذرك راي المنحرف لا يدهويك
من السلامة للمهالك يوديك=وتصير عقبه في وضيع المكاني
(الزا)زمانك ياعصاك وتغير=طاوع معه ياما يجيك المغيّر
ترى دوام الحال دايم قصيّر=لو شان لك يوم يتغيّر بثاني
(السين) سدك لا تذيعه على الناس=يفرح بسرك كل فاسد وبلاس
الناس يلقابه مخابيث وانجاس=السر نشره ما يتعدى ثواني
(الشين) شاور بالمشاكل عروفي=رجلن مجرب فاهمن بالصدوفي
كنه لردت فعل غيرك يشوفي=يرشدك عن درب الخطا والهواني
(الصا)صديقك لو حصل منه زله=ادمح خطاه ولا تبين ممله
واترك كلام الناس دقه وجله=ترى كلام الناس فرّق عواني
(الضاد) ضدك يافتى الجود حده=وبين بوجهه طول الاوقات شده
خلك بوجهه قاسين له تلده=الذل ماطوّل قصار اليماني
(الطا) طاوع من يدلك على الخير=وابعد عن اللي به شناوي وتقصير
واحرص على قرب الرجال المشاهير=نطاحت القالات زمل الصخاني
(الظا) ظلم الناس جور وظليمه=لابد ما يجلب عليك الوخيمه
يالعبد راقب من فضاله عميمه=من خاف ربه فاز بالامتحاني
(العين) عيب انك تخف الحقيقه=الحق واضح بينن في طريقه
ما فيه شي من الوسايل يعيقه=مهما تحاول خفية الحق باني
(الغين )غيب الوقت بالك تسبه=ولا تقلد ناس جهله لعبه
احل بالمخلوق تقدير ربه=هو الذي يعلم خفايا الزماني
(الفا) فلا تمشي دروب السفاله=وابعد عن المثبور هو والحثاله
مشيك خلا ولا مشاهد قباله=لو ما تشوف بموقعك مودماني
(القاف)قالة صاحبك يابليبه=احذر تجنب بالامور الصعيبه
حاول تساعد بالوقوت الرهيبه=ولا الرخا مالك من العون شاني
(الكاف) كان انه حصل لك غرابيل=فزبن على المعبود مهلك هل الفيل
الناس يالمخلوق ما بيده الحيل=كلن يقول الوقت هذا دهاني
(اللام) لاتترك عيالك يضيعون=ياهملتهم وسط الشوارع يهيتون
بالارصفه والسوق دايم يدوجون=كلن حكابك عند قاصي وداني
(الميم)ممشى الذل جنب وخله=وخلك عزيز النفس ربك يحله
لابد من يومن تجي مسفهله=الدون خله للنذل والجباني
(النون) نومك واعتراض الملامي=تصير بفام الخلايق كلامي
من دور الطوله يشد الحزامي=تر المراجل ما تجي بالتماني
(الها) هواك احذر يضلك ويرميك=تصير عقبه بالشن في بلاويك
مافيه من يظهرك منهن وينجيك=كلن تبرى منك وانت متواني
(الواو) وارد من تكلم وقالي=احذر تقاطع يافتى بالمقالي
الا بغيبه او نميمة رجالي=الا اقطع المهروج وما كان كاني
(اليا) ياسامع جوابي وما قلت=صلوا عدد ما لاح برقن وخيلت
على محمد عد ما قلت واهملت=اختصه المعبود بسبع المثاني