لاني من اصحاب السمو والسعادة

[اخو عليا]

تجردي من حزنك اللـي تقوليـــــــن
واستبشري مادام تبـي الشهـــــاده

ولاني من اللي يملكون الملاييــــن
ولاني من اصحاب السمو والسعاده

حلمي بسيط مايتعـدى جداريــــــــن
واحيان والله مايتعـدى الوســـــــاده

اليا رضينـا قالواحنـا مساكيـــــــــن
واليا زعلنا قالـوا هـذي قــــــــراده

واليـا تمردنـا يقولـوا شياطيــــــــن
واليا سكتنا غصب قالـوا بــــــــلاده

عندي من الدنيا متـاع المساكيـــــن
شعري وشعوري والقلم والعيـــاده

لاتقول صاحي كل ابونا مجانيــــــن
دام السبله تاقـف عليهـا جــــــراده

ليا عطينا قالـوا انتـم ملاعيــــــــن
واليا نصحناهـم يقولـوا سيــــــــاده

الشعب واجد لوحصيتـه بلاييـــــــن
قلي وش اللي يستحـق الاشـــــــاده

صدق انا ضيعت كـل العناوييــــــــن
فكري وطـن مايستحـق الابـــــــــاده

[أبو عبدالله]

صح لسانك ياخو عليا على القصيده الرائعه


ابدعت يالغالي


تقبل مروري

[ناصر الوبير]

صح لسانك على القصيدة الجميلة
ابدعت وماقصرت
تقبل مروري

[ابو النوري]

صح لسانك ياخوعليا على القصيدة الرائعة

بلغك الله آمالك

[متعب المنيعي]

ابو عليا
صح لسانك ابدعت
تحيتي

[اخو عليا]

الاخ/ ابو عبدالله


الاخ/ ابوتركي

الاخ/ابو النوري

الاخ/ متعب المنيعي

مروركم واطرائكم وسام لي شكرا لكم والله يعطيكم العافيه