مانع الخريصي
2007-12-05, 05:54 PM
قالو تحب وقلت ميّه وسبعين= وضحن زهن في لون واحد خواتي
متعلّق قلبي بهن عدّة سنين= وممكن اواصل لين حزّة مماتي
شبه وراثه وارثً حبهن زين= ولبوي قبّلي كلّهن غالياتي
وبوه مثله يالكرام العزيزين= وجده كذالك تابع النايفاتي
من دونهن بالرمح والسيف قاسين= وقتً مضاء بسنينه القاسياتي
ياما طلبوهن من بعيد المسمين= اهل المهار الطيبين الغزاتي
قطّاعة الفرجه صفتهم عنيدين= الكل ودّه من وراهن غناتي
متلطمين الياحصل عنف شرسين= وسيوفهم بيمانهم لآمعاتي
على شعاع الشمس يبرق(ن)بالعين= وقته يصير الموت مثل الحياتي
خلاص دنيا فانيه زينها شين= مايبقاء غير علومها الطيباتي
وشدينا سروج خيولنا مستعدين= هذاك يوم(ن) فيه زدنا ثباتي
عيباً على من يعطي الضد كتفين= وجهن لوجه وماقسم حق ياتي
يأهل الرّمك انتم على الكسب عجلين= لاتجفلون اذوادنا بالفلاتي
ياما نطيب فالكم يالضريرين= ولسيركم مانجهل الموجباتي
هاذي سلوم الناس وانتم فهيمين= وكل القبايل تمتلك ميزاتي
غير الزهاب وغير حتى الصميلين= يعطاء جمل ويضآ يلبّس عباتي
هذا زمن وقت الجدود القديمين= يومنها صولات ومنازعاتي
واليوم زانت والقسى بدّل بلين= وجمعت قلوب الناس عقب الشتاتي
على كتاب الله صف متصافين= والشرع ساري في جميع الجهاتي
بأطهر وطن عشنا بلاد الحرمين= وعيوننا لحمايته ساهراتي
ماهزها من طبّعوه الخبيثين= بذن الله الاتعيش مجد وهناتي
ولد بها خاتم جميع النبيين= الهادي اللي كاملٍ بالصفاتي
وحنا على سنّة محمد مطيعين= نحب العدل ونقيم فرض الصلاتي
ونحج بيت الله جميعً ملبين= ومن اموالنا ندفع حقوق الزكاتي
ونصوم شهر الخير به مطمئنين= ناصل رحم ونحارب المنكراتي
ويضاء نشد عضود ناسٍ ضعيفين= اصل التكاتف عندنا له بداتي
العطف رحمه في حوال المساكين= الخير يأهل الخير قبل الفواتي
وياجارنا قدرك على الراس العين= تبقى عزيز سنينك الطايلاتي
أوصابك اللي بيّن النور بالدين= أمبشّر العشره بخير ونجاتي
الهادي المرسل لجمع الثقلين= نفنى ولاننسى هذيك الوصاتي
متعلّق قلبي بهن عدّة سنين= وممكن اواصل لين حزّة مماتي
شبه وراثه وارثً حبهن زين= ولبوي قبّلي كلّهن غالياتي
وبوه مثله يالكرام العزيزين= وجده كذالك تابع النايفاتي
من دونهن بالرمح والسيف قاسين= وقتً مضاء بسنينه القاسياتي
ياما طلبوهن من بعيد المسمين= اهل المهار الطيبين الغزاتي
قطّاعة الفرجه صفتهم عنيدين= الكل ودّه من وراهن غناتي
متلطمين الياحصل عنف شرسين= وسيوفهم بيمانهم لآمعاتي
على شعاع الشمس يبرق(ن)بالعين= وقته يصير الموت مثل الحياتي
خلاص دنيا فانيه زينها شين= مايبقاء غير علومها الطيباتي
وشدينا سروج خيولنا مستعدين= هذاك يوم(ن) فيه زدنا ثباتي
عيباً على من يعطي الضد كتفين= وجهن لوجه وماقسم حق ياتي
يأهل الرّمك انتم على الكسب عجلين= لاتجفلون اذوادنا بالفلاتي
ياما نطيب فالكم يالضريرين= ولسيركم مانجهل الموجباتي
هاذي سلوم الناس وانتم فهيمين= وكل القبايل تمتلك ميزاتي
غير الزهاب وغير حتى الصميلين= يعطاء جمل ويضآ يلبّس عباتي
هذا زمن وقت الجدود القديمين= يومنها صولات ومنازعاتي
واليوم زانت والقسى بدّل بلين= وجمعت قلوب الناس عقب الشتاتي
على كتاب الله صف متصافين= والشرع ساري في جميع الجهاتي
بأطهر وطن عشنا بلاد الحرمين= وعيوننا لحمايته ساهراتي
ماهزها من طبّعوه الخبيثين= بذن الله الاتعيش مجد وهناتي
ولد بها خاتم جميع النبيين= الهادي اللي كاملٍ بالصفاتي
وحنا على سنّة محمد مطيعين= نحب العدل ونقيم فرض الصلاتي
ونحج بيت الله جميعً ملبين= ومن اموالنا ندفع حقوق الزكاتي
ونصوم شهر الخير به مطمئنين= ناصل رحم ونحارب المنكراتي
ويضاء نشد عضود ناسٍ ضعيفين= اصل التكاتف عندنا له بداتي
العطف رحمه في حوال المساكين= الخير يأهل الخير قبل الفواتي
وياجارنا قدرك على الراس العين= تبقى عزيز سنينك الطايلاتي
أوصابك اللي بيّن النور بالدين= أمبشّر العشره بخير ونجاتي
الهادي المرسل لجمع الثقلين= نفنى ولاننسى هذيك الوصاتي