مطنوخ الطنايا
2005-07-05, 04:55 AM
السلام عليكم ورحمة الله وبركاته
بالله عليكم شوفو شلون راعي الدهما يحاول انه يسبق القصيدة ويروح لفزعة خويه
ياطويلين العمر هذي قصة حدثت في الفترة مابين (( 1947_1949 ))
يعني مافيه سنة مؤكدة ولكن هي في هذي الفترة
.................................................. ...........
.................................................. ...........
ياطويلين العمر
جو عشرين فارس من قبيلة الرولة بقيادة فارسهم فواز الرسن ( خيال المطاليق)وكانو رايحين شمال للجوف وبالطريق شافولهم واحد يسوق الذود
والحلال ... وطمعو فيه الرولة وقالو هذا من نصيبنا .... وفعلا استولو على النياق والحلال كلها
وكان راعي الحلال رجال شمري ينقال له ...ماجد مريجيج الشمري وهو من سنجارة
المهم جاء انت يا ماجد يبي يمنعهم لكن الكثرة تغلب الشجاعه ورضخ للامر الواقع
وتمر عليه الايام وهو يتحسر عليهن
وقال مالي الا ارتجي الله ثم خوياي يرجعون لي الحلال
وماجد كان له خويا بارض العراق وهم معروفون بالشجاعه (( جاسم بن سوهج راعي الدهما ))
و (( مشعل بن ذعار اخو ترفه )) وهم من بني قشعم ومن فرسانها المشهورين
وماجد كان يعرفهم من ايام كان صغير بحكم ان ماجد ولد في العراق وخواله بني قشعم وتربى معهم
ولما صار رجال ابوه ارسل له انه يجي يعاونه . وهذا كان اخر يوم شاف فيه خوياه جاسم مشعل
المهم فكر ماجد بطريقة وقال مالي الا الشعر لانه يوصل بسرعه ويعلمهم بحالي (( على رغم ان ماجد لم يكن شاعر قط ))
قال وهو يتحسر على حلاله اللي راح وهو يخاطب ابن اخوه سعد لعله يوصل لخوياه القصيدة :
قال الذي ما قط نظم قوافي ...... تبرا حالتي يا سعد كل الطواريق
وجدي عليهن روحن بالفيافي.......وجدي كما اللي فارقه عز المخاليق
راحن وانا بي رجتن لها خفافي.....يا عزوتي وين اللي يفك المعاليق
يوم الرويلي ساقهن بلا انصافي.... وخلا الوسيعة بصدري كلها ضيق
الى ان يصل لاخر القصيدة وهي طويلة وتعذروني عن كتابتها لاني نسيت بعض الابيات
ويقول في اخر ابيات منها :
علام اخو ترفه بحالنا ما يرافي ....... علام راعي الدهما خيال المسابيق
هذا قصيدي موافقن كل الاعرافي....... ما ارتجي غير راس خيال المطاليق
وخيال المطاليق مثل ما ذكرت هو كبير الفريس اللي خذو حلال ابن مريجيج
المهم
ويروح انت يا سعد للعراق يبي يوصل العلم واللي صار لعمه الى خوالهم القشعم
وماجد ابن مريجيج ظل يتحرى الفزعة اللي تاخرت كثير لان سعد كان صغير بالعمر (( فاهي مثل مايقولون قبل )) وما ييعرف وين منازل خواله
وتمر اكثر من عشر ايام الين ما وصل سعد لخواله
وهو يبلغ راعي الدهما واخو ترفه باللي صار لخويهم وقامو يتعزوون كلمن بعزوته
قال مشعل اخو ترفه نرسل له قصيدة تصبره الين ما نتجهز للرد على الرولة
حيث قال:
ياغلام . عمك علينا حقن واعترافي.....عز الرجال لا بغو شوف الصديق
وان ما خذينا حقنا بضرب الاسيافي.... والا ترا ارواحنا صارت مراهيق
وش عذري من الناس لا قالو سنافي.... وخوي يشتكي جورن ومضاييق
فواز راسك الا اقطعه بين الاكتافي.....ويرد ذودك يالخوي زودن له الريق
وهي ايضا طويلة ولكني كتبت اللي حافظه منها
هذا كان راي اخو ترفه
اما راعي الدهما جاسم قال ما انام ليلي بين ربعي ..لابد ااروح لماجد قبل القصيدة
(( شوفو ياناس الفزعه ... يسابق القصيدة ... الله اكبر ))
ويروح راعي الدهما وما بلغ خويه اخو ترفه
ولما وصل اطراف ديرة فواز ابن رسن تحايل على ربع فواز
وتغافلهم وذبح الراعي اللي يحرسهن وساق الحلال ورده لخويه ماجد
ولما شاف ماجد حلاله رجع له وشاف الرجال اللي ردهن له قال والله انك راعي الدهما
رد عليه راعي الدهما ابشر بعزك وجيتك قبل لا القصيدة تجيك
وتجمعو كل الخويا عند ماجد وجااهم ايضا اخو ترفه ومعه 11 خيال من شمر (( 6من عبد من اليحيى 3 من بني قشعم
وواحد من العفاريت وواحد ثابتي ))
ووراحو يطلبون ابن رسن الين ما صارت الوقعه بينهم وانتهت بخسارة الرولة لفارسهم فواز
واخذو شمر تقريبا نصف حلال ربع فواز وساقوه لماجد تعويض له
................................
...............................
ياناس شوفو شلون يتسابقون على الفزعه
بالله عليكم شوفو شلون راعي الدهما يحاول انه يسبق القصيدة ويروح لفزعة خويه
ياطويلين العمر هذي قصة حدثت في الفترة مابين (( 1947_1949 ))
يعني مافيه سنة مؤكدة ولكن هي في هذي الفترة
.................................................. ...........
.................................................. ...........
ياطويلين العمر
جو عشرين فارس من قبيلة الرولة بقيادة فارسهم فواز الرسن ( خيال المطاليق)وكانو رايحين شمال للجوف وبالطريق شافولهم واحد يسوق الذود
والحلال ... وطمعو فيه الرولة وقالو هذا من نصيبنا .... وفعلا استولو على النياق والحلال كلها
وكان راعي الحلال رجال شمري ينقال له ...ماجد مريجيج الشمري وهو من سنجارة
المهم جاء انت يا ماجد يبي يمنعهم لكن الكثرة تغلب الشجاعه ورضخ للامر الواقع
وتمر عليه الايام وهو يتحسر عليهن
وقال مالي الا ارتجي الله ثم خوياي يرجعون لي الحلال
وماجد كان له خويا بارض العراق وهم معروفون بالشجاعه (( جاسم بن سوهج راعي الدهما ))
و (( مشعل بن ذعار اخو ترفه )) وهم من بني قشعم ومن فرسانها المشهورين
وماجد كان يعرفهم من ايام كان صغير بحكم ان ماجد ولد في العراق وخواله بني قشعم وتربى معهم
ولما صار رجال ابوه ارسل له انه يجي يعاونه . وهذا كان اخر يوم شاف فيه خوياه جاسم مشعل
المهم فكر ماجد بطريقة وقال مالي الا الشعر لانه يوصل بسرعه ويعلمهم بحالي (( على رغم ان ماجد لم يكن شاعر قط ))
قال وهو يتحسر على حلاله اللي راح وهو يخاطب ابن اخوه سعد لعله يوصل لخوياه القصيدة :
قال الذي ما قط نظم قوافي ...... تبرا حالتي يا سعد كل الطواريق
وجدي عليهن روحن بالفيافي.......وجدي كما اللي فارقه عز المخاليق
راحن وانا بي رجتن لها خفافي.....يا عزوتي وين اللي يفك المعاليق
يوم الرويلي ساقهن بلا انصافي.... وخلا الوسيعة بصدري كلها ضيق
الى ان يصل لاخر القصيدة وهي طويلة وتعذروني عن كتابتها لاني نسيت بعض الابيات
ويقول في اخر ابيات منها :
علام اخو ترفه بحالنا ما يرافي ....... علام راعي الدهما خيال المسابيق
هذا قصيدي موافقن كل الاعرافي....... ما ارتجي غير راس خيال المطاليق
وخيال المطاليق مثل ما ذكرت هو كبير الفريس اللي خذو حلال ابن مريجيج
المهم
ويروح انت يا سعد للعراق يبي يوصل العلم واللي صار لعمه الى خوالهم القشعم
وماجد ابن مريجيج ظل يتحرى الفزعة اللي تاخرت كثير لان سعد كان صغير بالعمر (( فاهي مثل مايقولون قبل )) وما ييعرف وين منازل خواله
وتمر اكثر من عشر ايام الين ما وصل سعد لخواله
وهو يبلغ راعي الدهما واخو ترفه باللي صار لخويهم وقامو يتعزوون كلمن بعزوته
قال مشعل اخو ترفه نرسل له قصيدة تصبره الين ما نتجهز للرد على الرولة
حيث قال:
ياغلام . عمك علينا حقن واعترافي.....عز الرجال لا بغو شوف الصديق
وان ما خذينا حقنا بضرب الاسيافي.... والا ترا ارواحنا صارت مراهيق
وش عذري من الناس لا قالو سنافي.... وخوي يشتكي جورن ومضاييق
فواز راسك الا اقطعه بين الاكتافي.....ويرد ذودك يالخوي زودن له الريق
وهي ايضا طويلة ولكني كتبت اللي حافظه منها
هذا كان راي اخو ترفه
اما راعي الدهما جاسم قال ما انام ليلي بين ربعي ..لابد ااروح لماجد قبل القصيدة
(( شوفو ياناس الفزعه ... يسابق القصيدة ... الله اكبر ))
ويروح راعي الدهما وما بلغ خويه اخو ترفه
ولما وصل اطراف ديرة فواز ابن رسن تحايل على ربع فواز
وتغافلهم وذبح الراعي اللي يحرسهن وساق الحلال ورده لخويه ماجد
ولما شاف ماجد حلاله رجع له وشاف الرجال اللي ردهن له قال والله انك راعي الدهما
رد عليه راعي الدهما ابشر بعزك وجيتك قبل لا القصيدة تجيك
وتجمعو كل الخويا عند ماجد وجااهم ايضا اخو ترفه ومعه 11 خيال من شمر (( 6من عبد من اليحيى 3 من بني قشعم
وواحد من العفاريت وواحد ثابتي ))
ووراحو يطلبون ابن رسن الين ما صارت الوقعه بينهم وانتهت بخسارة الرولة لفارسهم فواز
واخذو شمر تقريبا نصف حلال ربع فواز وساقوه لماجد تعويض له
................................
...............................
ياناس شوفو شلون يتسابقون على الفزعه