ثلاث قصائد في حرب الجوف

[سيف الطنايا]

السلام عليكم ورحمه الله وبركاته

هذه هي قصائد محمد العوني في حرب الجوف والتي اثرت في كل قبائل شمر واتوا فزعه لاميرهم وابن عمهم سعود الرشيد ومن ضمن الذين فزعوا لابن رشيد الفارس الذي لا يشق له غبار ضاري الطواله وجماعته علي الرغم من سوء التفاهم الذي كان بينهم وهذا الذي ابكي ابن شعلان
وهي عند محاصره النوري بن شعلان ومعه ابو تايه شيخ الحويطات والعوازم والشرارات




الاعمـار سفـن والليـالـي ابـحـار..=..والاقـدار تجـري والغبـاب اغــزار
ولوهـب لـه ولـم سـارت سليـمـه..=..صيـور مرجـوع اعـمـار دمــار
الهي ملاذي مسنـدي وانـت فزعتـي..=..لاعـاد واحــد والخـصـوم اكـثـار
وانا في حماك وحـدر ظلـك وجيرتـك..=..وتبريـت مـن غيـرك وكـل جــوار
فوضت انا امري لـك بحيلـي وحيلتـي..=..وحاشـاك جـار فــي ذراك يــذار
ونويت انا ابعد بعد اتكالي عللي الولـي..=..اعـد مـاشـاف النظـيـر وصــار
واقـول للركـب العقيـلـي ترحـلـوا..=..علي اكـوار وسعـات الجبـاه حـرار
جـلايـل فــج الـحـور عـلاكــم..=..علـي اول جلـس مابهـن اعـشـار
حيـل تبـاري بالمسيـر الـي ادلجـن..=..مـشـن مــن دار وجــن ديــار
لاباس لـو رضتـوا لنـا قـدر ماطـرا..=..مايوجـبـن الساعـتـيـن احـيــار
الي قضي يـا ركـب شانـي وشانكـم..=..همـوا همـام مــا تــلاه احــوار
لا حركـوهـن بالمـسـر ولجلـجـن..=..يشـن شــادوف حــداه اعـصـار
اركبتهن من نقـره الجـوف واشملـن..=..كمـا جـول ربـد صابـهـن اذيــار
وعقـب خمـس ليـلات يلفـن قبيلـه..=..لهـم بالثنـا عـلـم ابـعـد وكــار
يلفـن لبـن شعـلان نـواف شيخهـم..=..يقولـون لـه علـم ايـعـد اجـهـار
يقولـون هـو مالـه شبيـه مقـاتـل..=..ياكـود مـا يكتـب علـيـه دمــار
ونخبرك في عشـر ليـلات جـرن لنـا.=...شفنـا بـهـن بالناضـريـن كـبـار
وهميـت بامـر مايهـمـه غـيـرك..=..وبغيـت تقنـص بالـدجـاج حــرار
وجبـت العـوازم والشـرارات هتمـه..=..وابوتايـه يـرثـع بغبـيـر هـجـار
وحاشي ولي العـرش يخلـف عوايـده..=..يركب علـي سـرج الحصـان احمـار
تكابـرت منزلكـم عليـنـا وعقلـكـم..=..تحسبوننـا حـظـر حـمـا احـظـار
وحنـا نـدور النـاس ماهـي تدورنـا.=..لاشـك ذي ثــاره بغـيـر اعـيـار
جونا مناجيـب مـن الجـوف قولهـم..=..ماعـاد بالجوبـه يـسـوج وســار
وجيـنـا ثلاثمـيـه ذلــول نحثـهـا.=.نبـغـي نـعـدل مـايــل وايـســار
لمـا وردنـا الحـزل جانـا ركـايـب..=..يقولـون كـل اللـي ايـقـال بــوار
يقولون بـن شعـلان بالجـوف نـازل..=..ومنهـو لكـم قبـل صـديـق وبــار
وابـن مويشـيـر تبـيـن بقولـكـم..=..وثـارت علـيـه الديرتـيـن وحــار
ينخـاك يازبـن المخـيـف ودونــه..=..نـار يشطـر عـن سـنـاه شــرار
وشرنا بربـع الـراس والحـاق قـوه..=..تــودع بوالـيـد الحـديـد اكـسـار
وشلع طيـر شلـوي ماتسمـع لقولنـا..=..يقـول مايـقـري الرفـيـق اعــذار
وعيب علـي مثلـي اليـا هـد ينثنـي..=..الـي شـاف نيـران الحريـب اكبـار
انا صلب عبـدالله وانـا شبلـه الـذي..=..بـنـي للمعـالـي فـــوق داره دار
وهـي الجـدانـي تـعـدد بقولـهـم..=..تدخـل ولا ننـشـد عــن المعـبـار
وصفق مثل غواص هـوي فـي غبـه...=.وشفتـوا بـنـا يالطيبـيـن عــوار
وكثروا هل الخونات مـع كثـر قومكـم..=..ورمتـوا مــور مـاتـرام اعـسـار
وزود طمعكـم قلـنـا قـبـل فعلـنـا..=..وحنـا بصـكـات الـلـزوم اكـثـاار
وجيتـوا اجمـوع صايلـيـن تبونـنـا..=..وهقواتكـم قـبـل الـزحـام اقـمـار
ولمـا سمعتـوا غلامـيـن قومـنـا..=..تنـادي بصـوت للحـريـب اذعــار
ووردوا شفقيـن علـي المـوت كنهـم..=..وورد تعـايـل ماعـلـيـه احـيــار
تناخـوا صبيـان الجبـل دون شيخهـم..=..الـي صـك كـلاب الحـديـد وجــار
ولمـا صدرتـوا تطلـبـون بيوتـكـم..=..والمـوت باتـلاكـم يـخـم اخـيـار
شفتوا وعفتوا رايكـم عقـب ماجـري..=..تقولـون نرويـهـم بـطـول مــدار
مساكيـن مايـدرون منهـو قبيلـهـم..=..الي شـب للحـرب الضـروس اسعـار
مادريـوا انـه شالهـم مـن ترابهـم..=..وهـم مـادروا وش بالزمـان يــدار
ابـرم عليـهـم حيـلـه ضيغمـيـه..=..بعـقـل وتدبـيـر وســداد وســار
اضـرم لهـم نـار حاظـي شرارهـا..=..ايضـا بعـد عقـبـه قـفـاه ابـنـار
ارسـل لحـر نـادر مــن مجـاذبـه..=..ابنـه الـي قـام الخصـيـم وثــار
وسعـود حمـال الاثقـال ابومشـعـل..=..علـي ردتـاه سـج اركـاب وســار
لمـا لفـي بــه عــزوه شمـريـه..=..شمـر الـي قـب العـجـاج وثــار
ومن حين من جاهم صاح بالصوت بينهم..=..وبكـي عبـره منهـا بكـن اعـبـار
بكـي وقـال الشيـخ ينخـا جمعـكـم..=..بنـي عمنـا مـن ترقبـون اخـيـار
بكـي عبـره منهـا جـرن ادموعهـم..=..ومنـا غـداد مـع الجلـوس انـثـار
شمر الي مـن العـرب عـدت العـرب..=..تـري دونهـم كـل العلـوم اصـغـار
لهـم بالعـلا والمعـضـلات قـدايـم..=..الـي قـل جـم الموجـبـات وغــار
ومن دار قحطـان ومـن قبـل التبـع..=..لهـم بالـعـلا وبالطـايـلات مـنـار
نمتهـم الـي العليـا فـروع قبـايـل..=..ماهـن لفـاق مـن حظيـر حـظـار
والله لولاهـم فــلا يـذكـر الـوفـا..=..ولا للحـمـيـه بالـعـبـاد مـــدار
شهـد لقولـي يـوم جانـب شيخهـم..=..وهـم قبـل غضبيـن عليـه اجهـار
مشوا من شنق شـط الفـرات عقايـب.=...سيـل غشـا وادي رويــل احـمـار
مشي من يميـن قبـلا وانهـل دوقـه..=..عجـل غشـا روس الجبـال اغـبـار
تلافوا علـي الحـزل القديـم واقبلـوا..=..علـي اكـوار حيـل كنهـن امـهـار
علي ايسر سكاكا لفاهـم سقـي الوبـا..=..لمـا ركـب خشـم الطعـوس وسـار
يرعد ويبـرق والغضـب فـي جوانبـه..=..شــم ابوسلـطـان سـنـاه ونــار
وخـلا هـل العليـا وخـلا حلالـهـم..=..وخــلا خيـامـه والاذواد يـســار
وخمسميـه مــن لابــه وايلـيـه..=..خـلاه للضبـااع والسـبـاع مــزار
وجنـب عـن امـه والعيـال ووالـده..=..وذا عـلـي مثـلـه كبـيـر وعــار
وخـلا المدافـع والمكايـن وانـهـزم...=.هـو وابوتايـه قفـل عقلـه وطــار
عقـب المكالـخ والخطـوط وقولـهـم..=..حنـا سبـاع صــار ديــك خــار
ساعه لمـح بالعيـن غلبـا وشافهـم..=..بــدل بنـيـات الثـبـات فـــرار
لابـد منـيـوم تصـيـده اشبولـهـا..=..لـو اخطـت مـره تصـيـده امــرار
علي راي ابومشعل معدل صغـا العـدا..=..شيـخ ايهـدي مـن عـلاه اصـطـار
نشا بشـب الحـرب والضـرب مولـع..=..صغيـر ولا طالـت علـيـه اشـبـار
كريـم السجايـا كـل ماحـاش طولـه..=..تـزايـد بحـلـم وعـفـه ووقــار
وربيـط جـاش بالمـلاقـي والـوغـا..=..ضحي الكون من ضرب الفوارس خـار
وهو ضارب الاخطار من دون ما بغـي..=..وهو مـودع العظـم الصليـب اكسـار
وهو مقدم الهيجا وهـو قطبـه الـذي..=..علـيـه دالـوبـت رحــاه ايــدار
وهـو عظيـم الشـان والجـاه والثنـا..=..وهـو واحـد الدنيـا بغـيـر انـكـار
فياطالبيـن الحكـم لاتجهـلـون بــه..=..رويـدا تـري قضـب الجـوم اعسـار
تمـت وصلـي الله علـي سيـد المـلا..=..عـدد مـن قصـد بيتـه وحـج وزار





وهذه القصيده الثانيه



مزنه حل الغضب من جوانبها=قادها المولي علي راس عدوانـــه
امطرت بالموت والفوت صايبها=صار بامره صها فوق عـــــــــدوانـــه
هلت القصدير وسعود يندبها=وانزعج سوا البلا قبل دخـــــــانــــه
الفخر والمدح للي بجانبها=يوم حل البين والنفس بلشانـــــــه
عاش من كفه ضحي الكون خضبها=يوم خطو اللاش به طارت اذهانه
امدحوا من هدوا دمي مخالبها=قدم ربعه ماتنقي بحـــــــــيطانــه
امدحوا صبيان حايل جلايبها=وردوا بايمانهم كل عطشانــــــــــه
يوم قام سعود بالصوت يندبها=وردوا حوض المنايا علي شانــــــه
خلوا الشعلان تطرخ ذوايبها=عند غرس الجوف تروح منشانـــه
ذيبي اللي بالغضا لاتجنبها=عن هل العليا تراهم بجدرانــــــــه


وهذه هي القصيده الثالثه



يانديبي سر علي كور قطعيه=حره من ساس ذرواه مفروده
ماحلا روله بدوه خلاويه=كنها الربدا عن الدوح مطروده
راكبه ياصاح ياطيب هالنيه=والضحي هذاك بالحزل منشوده
قل جري يوم عبوس سمك فيه=زلزل الضلعان والقاع برعوده
بيننا كن الموازر ضحي الهيه=ضوح برق الصيف والهند مجروده
والجنايز مثل جدع الجناديه =قبل شرب الما علي جال ماروده
والدما سالت علي القاع سبليه=عشبها للطير والذيب وجنوده
سته اغواش شعالين مع ميه=من رويل كنها الجيد مرجوده
سلبوا صبيان حايل قصاويه=وردوا ورد علي الماي ماكوده
لين بلوا كل نفس شقاويه=اشهد ان الطيب هم راس ماروده
يوم قام سعود ينخا الفداويه=زادت العلمان والعز بسعوده
شيخنا زبن الونيه عن السيه=في نهار يصبح الشيب مالوده

وهناك ايضا القصيده المعروفه للعوني علي لسان بن رشيد لينخا شمر والتي ساذكر لكم منها اول اربع ابيات منها وهي


راكب فوق حر يذعره ظله=======مثل طير كفخ من كف قضابه
ماحلا فزته والخرج زاه له=======والميارك علي متنه تثني به
من سكاكا ترحل واترك الذله======واحذر الخوف هاجوسك تهنا به
سر لشمر وخبر لابتي كله=======لابتي بالملاقا حي من لابه


وامل ان تكون مشاركتي حازت علي رضاكم
اخوكم
عواد الخريصي

[القاصف]

أنا أشـهد إن الموضـوع حاز على رِضـانا يالخريصـي

شيقول ..

سر لشمر وخبر لابتـي كلـه ** لابتي بالملاقا حي من لابه

هذي ضِمن أشهر وأجمَل القِصائِد التي سمِعناها للعوني ، ضِمن عشَرات الأبيات

اللي تنخى شمّر وفرسانها للفزعه بحرب الجَوف ،ولولا انتشار القصيد كانتشار

النار في الهشيم لَما استطاع فرسان شمّر وأبطالها اللحاق بسعود آل رشـيد ،

كفـو عليه اخو صـلفا ضاري بن طـواله .. والطواله (بنيخي العطاعطه) ،،

وكـفو عليك يا

[ ع وّ ا د ]


وأرجو أن تتحـفنا بمواضيعِكَ القيِّمه - كعادتك وكما عهِـدناك -



* * *

[راعي الكيف]

ياااااااااااااسلام عليك يالخريصي


عزالله انك ماقصرت


وصح السانك والسان الشاعر



وتسلم يالغالي

[سيف الطنايا]

السلام عليكم ورحمه الله وبركاته

اخي العزيز القاصف ((( وكم من شمري تكفي فله حجاجه )) تسلم علي الكلام الجميل وعلي مرورك الاجمل

ويحيالله بن نهير (ومن طول الغيبات جاب الغنايم ) اسعدني مرورك اخي العزيز
وتقبلوا تحيات اخوكم
عواد الخريصي

[الساري]

بيض الله وجهك يا عواد على هالقصائد التاريخيه للمعركه التاريخيه

[نهار بن هيشان الوبير]

تحياتي لك يا أخ عواد على هذا المجهود الكبير الذي يخدم موروث هذه القبيلة وتاريخها العريق المليء بالأحداث والوقائع .

ألف شكر لك .

[سيف الطنايا]

الف شكر لاخواني الساري والصريح علي مرورهم الكريم وتقبلوا مني
ارق التحايا
اخوكم عواد الخريصي

[ابن برزان]

فعلآ جميله ورائعه
سلــــــــــــمت وسلمت اناملك
ابن برزان

[ذيب شمر]

يعطيك الف عافيه ولا هنت

[سيف الطنايا]

السلام عليكم ورحمه الله وبركاته
اشكر اخواني ابن برزان وذيب شمر علي مرورهم الكريم
وتقبلوا مني ارق واجمل تحيه
اخوكم عواد الخريصي

[ابوو عايض]

عـــــــــــواد الله يعطيك مليون عافيه على الموضوع الرائع عن معركه الجوف التاريخيه والقويه


تحيــــــاتي