ســوال شمري مهم يبحث عن اجابة؟؟

[الـقـفـيـعـي]

بسم الله الرحمن الرحيم

السلام عليكم ورحمة الله وبركاته

اسعد الله مسائكم ان كان مساءا واسعد الله صباحكم ان كان صباحا

اطرح اليكم هذذا السؤال المهم والذي في الحقيقة لابد من معرفة اجابته لدينا كأبناء لقبيلة شمر الطائية.
السوال لمن لديه معرفة وخبرة عن شعراء شمر الذين مروا عبر الزمن الماضي وكما قد روي الي انه في احدى جلسة من جلسات ابن رشيد قد سأل كبار وعوارف شمر عن منهم يستحقون ان يكونوا شعراء شمر فسكت المجلس لأهمية السوال.
منهم شعراء شمر؟؟

فقد اجمع المجلس على ان يكون شعراء شمر خمسة وهم :
1- مبيريك التبيناوي الشريهي الشمري
2- عدوان الهربيد السويدي الشمري
3- خضير الصعيليك الأسلمي الشمري
4- خلف ابوزيد الرخيص الزميلي الشمري
5- عجلان الرمالي الشمري

وقد قال ابن رشيد اريد شاعر من هؤلا؟
فقالوا التبيناوي شاعر للمعارك وحروب القبيلة وشعره سيف ثاني لقبيلة شمر وخلف ابو زويد للغزل والحكمة وووو...

وقال ابن رشيد اريد شاعر من هؤلاء؟

فقالوا: عـــداون الهــربـيــد السويدي سيل يغطيهم كلهم.

هكذا سمعت القصة و لا ادري عن مدى حقيقتها


ملاحظة خاصة بي : ولكن ربما هؤلاء الخمسة تفتقد الشاعر الكبير عقلاء الجهيلي وهو من فحول شعراء شمر.

الســــؤال : من هــو شاعر شمر في الماضي وعلى هذه الأجابة تبنى اجابة على السوال عن شاعر شمر في الوقت الحاضر ؟؟؟؟؟؟؟؟؟؟

وتقبلووا مني شفافية الموضوع وحساسيته واهمية لدينا.............. اخوكم

[محمد بن فهد الشمري]

الســلام عليكـم ..

اشكرك اخوي على هالموضوع ..

ومثل منت عارف والجميع عـارف شمـر قبيلـة " كبيـرة " .. وفيهـا من الشعـار يـاكثـر ..

وصعـب إنـك تحـدد شاعـر واحد لقبيلـة كبيـره ..

فشمـر أهـل شعـر .. وكـل عـائلـه بشمـر بـه شـااعـر ..

[الـقـفـيـعـي]

الله يسلمك ويسر امرك

ادري ان قبيلة شمر كبيرة وكل القبايل كبيرة لكن منهو شاعر شمر في الماضي ؟؟؟؟؟؟

ولا هو صعب على اهل العرف انهم يحدوون شاعر لقبيلة شمر بموجب قصائدهم وأبياتهم الي نتناقلها بمجالسنا وتناقله الناس بدياوين الشعر وسوالف الماضي

تقبلوا حروفي والعفو

[سيف الطنايا]

اخي العزيز القفيعي

صعب جدا ان تحصر شاعر او شاعرين لقبيله واحده ايا كانت القبيله وليس شمر فقط

فمن شمر هناك الهربيد وهناك عياده ابن منيس وهناك التبيناوي وهناك ابن طوعان من السويد وعبدالله وعبيد الرشيد وحمود العبيد الرشيد والجهلان وآخرين وهؤلاء كلهم من فحول الشعراء

فلن تستطيع ان تقول هذا شاعر شمر او شاعر عنزه الخ

واتمني ان اكون وفقت فيما اري

وشكرا اخي العزيز

[المستمع]

صعب انك تختار اربع او خمس شعراء القبيلة شمر
شمر قبيله كبيره وعندها شعراء كثر
ومشكور على موضوعك

[الـقـفـيـعـي]

شــــــــــــاعـــــــر شــــمــــــر

كما أجمع من قبلنا من كبار وعوارف شمر على أنه

الشاعر الكبير رحمه الله

عدوان الهربيد السويدي الشمري

[أبو حواس]

أنا أتفق مع كلامـ الاخوان,,,,

[مانع الخريصي]

الشاعر ياخوي هو من أثمر شعره عن كسب بطوله أو صد مصدر خطر عن القبيله

أو من شعره أخذ ثار للقبيله أو من أرضى بين شيوخ القبيله أو من وحّد صفوف القبيله بعد تفرّق

ومن الشعراء من شعره كان خاص ومن شعره كان وصفي يونس المجلس ومن شعره كان يثير بعض النعرات بين شمر

ومن شعره كان حكم وأمثال وعليك تحديد من في وجهت نظرك اللي يستحق أن يكون شاعر القبيله

كما قال الشاعر
من قال أنا خير الملأ ربحه العناء///////ومن قال أنا ظيم الرجال يظام
ولك تحياتي

[وولدعلي]

شــــــــــــاعـــــــر شــــمــــــر

كما أجمع من قبلنا من كبار وعوارف شمر على أنه

الشاعر الكبير رحمه الله

عدوان الهربيد السويدي الشمري


عزيزي القفيعي

عدوان الهربيد رحمه الله تعالى شاعر فحل لايختلف إثنان على شاعريته

ولاكن كيف حكمت على أنه شاعر شمر الاول

ولم أسمع بحياتي ولا أظن حتى الجميع أنهم سمعوا من قبل أن أحداً من رجال شمر أو كما ذكرت عواريف شمر أنهم قالوا هذا الذي تذكر

ولن يقحم عاقل نفسه في أن يقول ؟؟؟ لشــــــــــــــــــمر شاعر واحد؟؟؟؟

وتقبل التحيه أخي القفيعي

[نوال الهضباويه]

اسمحوالي يااخوان لاتغالطون علي شعار شمر الشعارمنهم

بدون استثنأء شعار بمعني الكلمه ولا عمري سمعت ان لشمر

شاعر فقط ولا تنسون ان القبيله تمتد من حدود تركيا الي نجد

وتقبلوا تحياتي

[الـقـفـيـعـي]

من قال أنا خير الملأ ربحه العناء///////ومن قال أنا ضيم الرجال يضام

الله يسامحك
يقول الشاعر:
الصدق في أقوالنا أقــوى لنا ,,,,, والكذب في أفعالنا أفـعـى لنا

ما قلت اني خير الملا ولا اطريت اي شي عن نفسي بالموضوع الي طرحته ولاني كاتب موضوعي علشان اضيم أحد او ابي اضهد حقوق غيري ولا تحديت احد ولا ناديت بقولت أنــــــــا
سألت سوال وصعب جوابه علينا وهذا ماهو مستغرب بسبب كبر حجمه وجاوبت عليه بالقصة المذكوره انفا من باب الايضاح لي ولغيري
لكـــــــــــــــــــن
اللي ما سمع القصة ما يجب انه ينفي كلام غيره..
أنا وأعوذ بالله من كلمة أنا صحيح ما عندي صك على قولي لكن ما يطلع علم من جدار ولا أكتب لأجل أعاندكم او أركب رأسي لكن القصة وصلتني كما ذكرت واجمعوا على شاعرية الهربيد وانه شاعر القبيلة كما قيل انه سيل يغطي الجميع بغض النظر عن أغراضه الشعرية أو توجهاته الوجدانية اقول هالكلام بكل تحررية ولا يحملني عليه ميول شخصي أو أعجاب بشعره بالرغم ان القصايد التي لدي عن الشاعر عدوان الهربيد قليلة وأبيات متفرقة لكن ماهو غريب ان قبيلة يمثلها شاعر اذا كان كفو ولا هو شي جديد عندك:
الومد شاعر عنزة
وراكان ابن حثلين شاعر العجمان
وشالح ابن هدلان شاعر قحطان
وتركي ابن حميد شاعر عتيبة

والله أعلـــــــم

تقبلوه كما أرويها وبكل شفافية

[مانع الخريصي]

من قال أنا خير الملأ ربحه العناء///////ومن قال أنا ضيم الرجال يضام

الله يسامحك
يقول الشاعر:
الصدق في أقوالنا أقــوى لنا ,,,,, والكذب في أفعالنا أفـعـى لنا

ما قلت اني خير الملا ولا اطريت اي شي عن نفسي بالموضوع الي طرحته ولاني كاتب موضوعي علشان اضيم أحد او ابي اضهد حقوق غيري ولا تحديت احد ولا ناديت بقولت أنــــــــا
سألت سوال وصعب جوابه علينا وهذا ماهو مستغرب بسبب كبر حجمه وجاوبت عليه بالقصة المذكوره انفا من باب الايضاح لي ولغيري
لكـــــــــــــــــــن
اللي ما سمع القصة ما يجب انه ينفي كلام غيره..
أنا وأعوذ بالله من كلمة أنا صحيح ما عندي صك على قولي لكن ما يطلع علم من جدار ولا أكتب لأجل أعاندكم او أركب رأسي لكن القصة وصلتني كما ذكرت واجمعوا على شاعرية الهربيد وانه شاعر القبيلة كما قيل انه سيل يغطي الجميع بغض النظر عن أغراضه الشعرية أو توجهاته الوجدانية اقول هالكلام بكل تحررية ولا يحملني عليه ميول شخصي أو أعجاب بشعره بالرغم ان القصايد التي لدي عن الشاعر عدوان الهربيد قليلة وأبيات متفرقة لكن ماهو غريب ان قبيلة يمثلها شاعر اذا كان كفو ولا هو شي جديد عندك:
الومد شاعر عنزة
وراكان ابن حثلين شاعر العجمان
وشالح ابن هدلان شاعر قحطان
وتركي ابن حميد شاعر عتيبة

والله أعلـــــــم

تقبلوه كما أرويها وبكل شفافية

القفيعي


كيف أخي تظن ان البيت يخصك وانا لم أذكر أنّه يخصك أصل تفسيرك للشرح سماوي

البيت الموضح أعلاه أقصد فيه أن كل شاعر يعد شعره هو الأقوى وهو الأجمل مع العلم أنك تقول التقييم أتى من غيرهم0ولو نشدو على وقتهم من الأفضل منهم سيقولون الجواب الصحيح
لأن في ذالك الوقت يقال الصحيح لك أو لغيرك



يالقفيعي ميّــــز الأقـــــوال ميّز////لآتجدد هرجت(ن)ماهي صحيحه
ما يضيق الكون دام هناك حيّز////الجمل لا طاح ماذا في مطيــــحه
لكل شمّر ما هنــاك أيا تحيـــّز////خذ جوابـــي وتحيــــــاتٍ صريحه

وتقبل تحياتي

[سنجار]

الاخ القفيعي اشكرك على هذا السؤال ارجوا ان تكون التقييمات واقعيه

وماذكرت كلهم شعراء مشهورين ولانستطيع ان نفضل احد منهم على احد ادوا دورهم

واغلبهم شعراء فخر واعتزاز لقبيلتهم رحمهم الله

[الـقـفـيـعـي]

بسم الله الرحمن الرحيم

أخ مانع العزيز:

من جاب طاري ان الشاعر يعد نفسه هو الأقوى بالقصة الي اوردتها والمعروف بالقصة ان الهربيد ما أطلق على نفسه انه شاعر شمر............................................... ...

وش الفايدة من بيت شعرك اللي وردته ليه مورده؟؟؟

انا اسئل سوال والاخوان جاوبوا اجاباتهم والاجابة واضحه منهم وناس يقولون القصه ما سمعناه لكن انت جبت بيت شعرك هذا وش دخله بجواب السوال؟

انا مسؤل عن نفسي وحرفي بالمنتدى ماني مسؤل عن اسقاطات غيري الي ترجع لذواتهم الشخصية.

ما كل الأقوال تميز بعض الأقوال ما تستحق التميز:

قــــــــيــــــــل جـــــــاز اوقـــــيــــل ما يصــبــح جـــويـّــز
وبـعــض القـــــــــــول الجـــــــرح يــكـــتــــب بـــــيــحــه

قــــــــيـــــــــل فـــمـــكانــــــه ولا يحــتـــــــاج عـــــــيـّــز
يـــــــوم بــعـــض الــقــيـــــل عــــوزه هــــو جــــريــحـه

مـــــن يــــــبـــــي يـــتــظــــاهـــــر إويــــدعـــى عـــزيـّـز
بالجـــــرح يــــبـــــغــى نــجـــــم حـــــــرفــه فــضــيـحــه

ولاهنت يالغالي يجي منك أكثر عسى الخير فالك والسعد منالك

كان ما كتبت الابيات ماله داعي اذا ما ادركت الموضوع ما هو من الذوق التعجيل بالتشهير ترى من خصال العقال التروي في طرح اموره الشخصية والهجوم ما يليق لا بالمنتدى ولا بأهله صحيح النقد مطلوب والتوضيح والاعتراض من أجل الفائدة لكن التعرض وذكر الاسماء من باب التقييم لي أو لغيري هذا ما هو مكان تقييم المشاركين بالمنتدى هذا يعرف وهذاك يجهل وذاك ما يميز

وتقبل تحياتي

[@الوبيري@]

السلام عليكم ورحمة الله وبركاته

ياجماااااااعه هدوو المووووووضوع

وترااااا كلكم اخووووووان ومن قبيله وحده واعيال عم

والله الله بسعة الصدرر يالرجال

[مانع الخريصي]

يا علو خير يالقفيعي

كلماتك سماويه ياخوي


كان بس ودّي أنك يوم أضطريت لكتب رد على الأبيات أنك وزنتها مضبوط شكلك ماسك ردميه فيها مطبات واجد


(الحديث معك ياخوي مميز وأنا حضي بري)

تقبل أجمل التحايا

[الـقـفـيـعـي]

مشكور يالوبيري ولا هنت على التداخل

ومقبولة تحيتك يا اخ مانع خل الردميات لي ولك صحاصيح دوه

( السماويات لنا وعليك بالقيعان )

نبقى عيال عم وتبقى القلوب سميحه

ولا هنت عسى الخير فالك والسعد منالك

[مانع الخريصي]

مشكور يالوبيري ولا هنت على التداخل

ومقبولة تحيتك يا اخ مانع خل الردميات لي ولك صحاصيح دوه

( السماويات لنا وعليك بالقيعان )

نبقى عيال عم وتبقى القلوب سميحه

ولا هنت عسى الخير فالك والسعد منالك

حياك الله ياخوي

القفيعي أشكرك على طاري القيعان؟؟؟؟؟؟؟؟؟؟؟؟؟؟؟؟؟؟؟؟؟؟


لو نهاب من المواجه لرجال////كان عقاب الخيل مات من الهرف

تحياتي ياتي

[حامد مدلول الجبل]

الاخ القفيعي تحيه لك ولموضوعك

الحقيقه انك ترحت موضوع جميل وبمحله وفعلا بألسابق كان لكل قبيله
( شاعر مميز ) من شعراء القبيله حتى ولو كان فيها الأف الشعراء ..

وانا مأستغرب من بعض الاخوان اللي مايعرفون هذه الشئ لصغر سنهم
ولكن الغريب كيف اللي ماعنده فكره مايقول انه مايدري ..

نرجع للموضوع .. شاعر القبيله تقريبا للمعارك هو مبارك التبيناوي والشاهد
على ذالك ان سعدون العواجي يوم أبا الوقي الشمري انتزع
جواد وسيف عقاب العواجي انقهر والده الشيخ سعدون لدرجة قيل انه
بكى وانغبن ، قالو ايش يبكيك ياطويل العمر ، قال ماقصدي السيف ولأ
الفرس ولكن انا خايف من (شاعر شمر التبيناوي) يقول

السيف من يمنى عقاب خذيناه .. والخيل بدل كدشها بألاصايل

وفعلا قالها مبارك بنفس الطريقه اللي كان سعدون متوقعا بدون يدري
عن توقعات سعدون العواجي ..

اما ابوزويد فهو شاعر شمر بوصف الهجن .. حمراء ، حمراء ، حمراء
( الخ )
والهربيد شاعر شمر تقريبا بألحكمه وصاحب الشيخه ولو فيه اقوى منه
بألحكمه كان انتزع منه لقب شيخة الهربيد ..

والسلام عليكم

[كــحــيــلان]

الاخ القفيعي تحيه لك ولموضوعك

الحقيقه انك ترحت موضوع جميل وبمحله وفعلا بألسابق كان لكل قبيله
( شاعر مميز ) من شعراء القبيله حتى ولو كان فيها الأف الشعراء ..

وانا مأستغرب من بعض الاخوان اللي مايعرفون هذه الشئ لصغر سنهم
ولكن الغريب كيف اللي ماعنده فكره مايقول انه مايدري ..

نرجع للموضوع .. شاعر القبيله تقريبا للمعارك هو مبارك التبيناوي والشاهد
على ذالك ان سعدون العواجي يوم أبا الوقي الشمري انتزع
جواد وسيف عقاب العواجي انقهر والده الشيخ سعدون لدرجة قيل انه
بكى وانغبن ، قالو ايش يبكيك ياطويل العمر ، قال ماقصدي السيف ولأ
الفرس ولكن انا خايف من (شاعر شمر التبيناوي) يقول

السيف من يمنى عقاب خذيناه .. والخيل بدل كدشها بألاصايل

وفعلا قالها مبارك بنفس الطريقه اللي كان سعدون متوقعا بدون يدري
عن توقعات سعدون العواجي ..

اما ابوزويد فهو شاعر شمر بوصف الهجن .. حمراء ، حمراء ، حمراء
( الخ )
والهربيد شاعر شمر تقريبا بألحكمه وصاحب الشيخه ولو فيه اقوى منه
بألحكمه كان انتزع منه لقب شيخة الهربيد ..

والسلام عليكم


انا مع هالكلام وفعلا هذا الصحيح ولو نرجع للتاريخ ولشيباننا

لقالوا مثل كلام الاخ الكريم / حامد مدلول الجبل

ولايهون اخوي الكريم / القفيعي

وانا اشكره جزيل الشكر على هذا الموضوع

والشاعر / مبيريك التبيناوي ( رحمه الله )

هو شاعر شمر الاول وخصوصا في الحروب



تحيتي

[الـقـفـيـعـي]

الله يقدركم ومشكورين على التداخل

وعسى الخير فالكم والسعد منالكم

صحيح مثل ما قلتوا أن التبيناوي شاعر شمر بالحروب والمعارك كما انه يعد شعره سيف من سيوف شمر البتاره وهذا لا يتخالف عليه اثنين ولكن لو نظرا الى الشعر من جملة أبوابه حرب ورثاء وغزل وحكمة كما أوردت في القصة أنه أطلق لقب شاعر شمر من جميع النواحي انه الشاعر عدوان الهربيد السويدي وقيل أنه سيل يغطي الجميع كله بشكل عام بينما لو نظر الى بعض التفاصيل والدقه تجد بعض قصايد من شعراء شمر افضل من قصيدة لعدوان ولكن اعني بالموضوع الطابع العام وابيات الشاعر ككل وقصايده ككل.

وشكرا والله أعلم واتقبلوا مروري

[الحسيني الخريصي]

يعطيك الف الف عافية



وتقبل تحياتي ومروري

[السعلووهـ]

والله السؤال صعب

والاجابه اصعب

لان مستحيل تحدد

شمر مهي صغيره عشان نحصر شعره بشاعر واحد

كلن لوه مواهبوه











وتقبل مروري

[البرق اللاعج]

الاخ القفيعي ............ تحيه طيبه
مشكور على طرح هذا الموضوع وعسى ان اتكون ممن يحبون الحوار والنقاش الادبي المفيد
اخي القفيعي :
اولا : هذه القصة لم نسمع بها
ثانيا : فهمت من موضوعك وانا متاكد من ذلك انك تحاول ادخال عجلان ابن ارمال مع قائمة الشعار المذكورين .. الشيخ عجلان ابن رمال رحمة الله لم يعاصر العصر الذهبي لقبيلة شمر ولم يحضر حكم ال رشيد الا في نهايته والشيخ عجلان على دور ابن مساعد وكان شاعر وحكيم لا يستهان به ..
هذا وتقبل تحياتي

[البرق اللاعج]

الاخ القفيعي ............ تحيه طيبه
مشكور على طرح هذا الموضوع وعسى ان اتكون ممن يحبون الحوار والنقاش الادبي المفيد
اخي القفيعي :
اولا : هذه القصة لم نسمع بها
ثانيا : فهمت من موضوعك وانا متاكد من ذلك انك تحاول ادخال عجلان ابن ارمال مع قائمة الشعار المذكورين .. الشيخ عجلان ابن رمال رحمة الله لم يعاصر العصر الذهبي لقبيلة شمر ولم يحضر حكم ال رشيد الا في نهايته والشيخ عجلان على دور ابن مساعد وكان شاعر وحكيم لا يستهان به ..
هذا وتقبل تحياتي