فواز الغسلان
2007-12-23, 09:59 AM
المزن هـاض وشاقنـي ببروقـه=يفرح بشوفـه مجـدب البدوانـي
كـن الكهـارب تشتعـل بطبوقـه=منـوة خفوقـن يتبـع الذيدانـي
بنـات حـر وطايلـن سمحوقـه=به من تواصيف الجمـل شقرانـي
من سيلها كن السمـاء مشقوقـه=لين امتلت من سيلهـا الغدرانـي
ومشيت ضايق مع ليـان فلوقـه=وسط الخضار ومزهر الريضانـي
الروض ريف وظاهـرن رقروقـه=ماغير عشب وطـارف الرعيانـي
في فيضتن شاق النظـر زملوقـه=تطرد هجوس العاشـق الولهانـي
والصيد بالريضان شفـت فروقـه=لا طار تسمع صفقـة الجنحانـي
يجهم له القنـاص قبـل شروقـه=طيـره زروم وليلتـه جيعـانـي
كـن الشعايـل تلتهـب بحدوقـه=لاشاح شوفـه يكشـف الوديانـي
ويوم اتعب القناص فـك سبوقـه=طـار وتعـلا وانثنـى شفقانـي
الجـول قدامـه صعيـب عتوقـه=وكل يلوذ عـن الـردى بالثانـي
حاس الحباري لين شفت شلوقـه=وراعيه عند اهل القنص طربانـي
الخرب بكفوفـه شلـق معلوقـه=لاهـد يشبـه هــدة العتبـانـي
يسلى به اللي ذايبن مـن شوقـه=ليله يـروح بضيقتـه سهرانـي
من خفرتن حبـه مشـى بعروقـه=رمشـه يشـادي قايـد الغزلانـي
لاحت لعيني دالهـن فـي سوقـه=وناطحتهـا مـع دخلـة الدكانـي
تنورتـه مـن ردفهـا مفتـوقـه=فتقه سبايـب جسمهـا المليانـي
الردف يطوي لبسهـا مـن فوقـه=وشفت البياض بهبـرة السيقانـي
كـل العطـور بجمسهـا مدفوقـه=ينثر وراهـا المسـك والريحانـي
قامت تغنـج بالحـلا مـن ذوقـه=له مبسمن مثـل القمـر لابانـي
فيها الثنايـا تلتعـج لـه لوقـه=مثل البرد يردم علـى الجدرانـي
والله فلا هـي بالحـلا مسبوقـه=واللـي يكـذب يزبـن الميدانـي
يفـرق حـلاه بطبعهـا وخلوقـه=وجسمن ورمشن للعـرب فتانـي
وجديلتـه بمتونـهـا مدلـوقـه=ليته يشوفـه شاعـر الربضانـي
قالت عيونـك صوبنـا مشنوقـه=راجع طبيـب الديـرة النفسانـي
قلت البلا عنقـن يزينـه طوقـه=وان طحت من رمشك تراك الجاني
قالت رضيت المحكمـه وحقوقـه=واللي يقـول بديـوي الوقدانـي
صارت مداخـل حجتـي مغلوقـه=ومالي سوى صبري مع الكتمانـي
كل الحلا فـي وصفهـا وعموقـه=طيفـه يشـب بخافقـي نيرانـي
وبالهرج يسحرني حـلا منطوقـه=مامثلهـا هرجـه وزيـن لسانـي
كـن الحنايـا بالقهـر مصفوقـه=ومحدن يروف بحالـة الغسلانـي
فرحة ضميري عقبهـا مسروقـه=يشهد بها القاصين قبـل الدانـي
ياغصن مـوزن ينثنـي بعــذوقـه=وصفه يجيـده محسـن الهزانـي
ادخل على الله عن دروب البوقـه=والله فــلا ني بالهوى خــوانـي
دامك رميت اللي عشق في عوقـه=وشلون تترك طايحـن مرضانـي
وان رحت وعروق الحشى محروقه=فأنته بقانـون الهـوى غلطانـي
راحت وروحي بالقهـر مطقوقـه=واقف واطالـع نقشـة الفستانـي
كـن الكهـارب تشتعـل بطبوقـه=منـوة خفوقـن يتبـع الذيدانـي
بنـات حـر وطايلـن سمحوقـه=به من تواصيف الجمـل شقرانـي
من سيلها كن السمـاء مشقوقـه=لين امتلت من سيلهـا الغدرانـي
ومشيت ضايق مع ليـان فلوقـه=وسط الخضار ومزهر الريضانـي
الروض ريف وظاهـرن رقروقـه=ماغير عشب وطـارف الرعيانـي
في فيضتن شاق النظـر زملوقـه=تطرد هجوس العاشـق الولهانـي
والصيد بالريضان شفـت فروقـه=لا طار تسمع صفقـة الجنحانـي
يجهم له القنـاص قبـل شروقـه=طيـره زروم وليلتـه جيعـانـي
كـن الشعايـل تلتهـب بحدوقـه=لاشاح شوفـه يكشـف الوديانـي
ويوم اتعب القناص فـك سبوقـه=طـار وتعـلا وانثنـى شفقانـي
الجـول قدامـه صعيـب عتوقـه=وكل يلوذ عـن الـردى بالثانـي
حاس الحباري لين شفت شلوقـه=وراعيه عند اهل القنص طربانـي
الخرب بكفوفـه شلـق معلوقـه=لاهـد يشبـه هــدة العتبـانـي
يسلى به اللي ذايبن مـن شوقـه=ليله يـروح بضيقتـه سهرانـي
من خفرتن حبـه مشـى بعروقـه=رمشـه يشـادي قايـد الغزلانـي
لاحت لعيني دالهـن فـي سوقـه=وناطحتهـا مـع دخلـة الدكانـي
تنورتـه مـن ردفهـا مفتـوقـه=فتقه سبايـب جسمهـا المليانـي
الردف يطوي لبسهـا مـن فوقـه=وشفت البياض بهبـرة السيقانـي
كـل العطـور بجمسهـا مدفوقـه=ينثر وراهـا المسـك والريحانـي
قامت تغنـج بالحـلا مـن ذوقـه=له مبسمن مثـل القمـر لابانـي
فيها الثنايـا تلتعـج لـه لوقـه=مثل البرد يردم علـى الجدرانـي
والله فلا هـي بالحـلا مسبوقـه=واللـي يكـذب يزبـن الميدانـي
يفـرق حـلاه بطبعهـا وخلوقـه=وجسمن ورمشن للعـرب فتانـي
وجديلتـه بمتونـهـا مدلـوقـه=ليته يشوفـه شاعـر الربضانـي
قالت عيونـك صوبنـا مشنوقـه=راجع طبيـب الديـرة النفسانـي
قلت البلا عنقـن يزينـه طوقـه=وان طحت من رمشك تراك الجاني
قالت رضيت المحكمـه وحقوقـه=واللي يقـول بديـوي الوقدانـي
صارت مداخـل حجتـي مغلوقـه=ومالي سوى صبري مع الكتمانـي
كل الحلا فـي وصفهـا وعموقـه=طيفـه يشـب بخافقـي نيرانـي
وبالهرج يسحرني حـلا منطوقـه=مامثلهـا هرجـه وزيـن لسانـي
كـن الحنايـا بالقهـر مصفوقـه=ومحدن يروف بحالـة الغسلانـي
فرحة ضميري عقبهـا مسروقـه=يشهد بها القاصين قبـل الدانـي
ياغصن مـوزن ينثنـي بعــذوقـه=وصفه يجيـده محسـن الهزانـي
ادخل على الله عن دروب البوقـه=والله فــلا ني بالهوى خــوانـي
دامك رميت اللي عشق في عوقـه=وشلون تترك طايحـن مرضانـي
وان رحت وعروق الحشى محروقه=فأنته بقانـون الهـوى غلطانـي
راحت وروحي بالقهـر مطقوقـه=واقف واطالـع نقشـة الفستانـي