لمن هذه القصيدة؟؟؟؟؟

[فيصــــل الجبهــــان]

السلام عليكم ورحمة الله وبركاته


حبيت اعرف هالبيت هذا منو الشاعر الي قاله ومن اي قبيله

البيت هو

قال الذي يقرا بليا مكاتيب ................. ياللي تقرون العمى من عماكم

[سيف الطنايا]

المتعارف علي ان الشاعر اسمه جحيش ابن مهاوش ويقال انه من السرحان والله اعلم
والعلم تره ماهو وكاد

والقصيده هي

قال الذي يقرا بليا مكاتيب .....ياللي تقرون العمى من عماكم

ياعيالي اللي تشرفون المراقيب...... تريضوا لي واقصروا في خطاكم

خذوا كلام الصدق ما به تكاذيب.......مثل السند مضمون للي وراكم

ياعيال لا صرتوا ضيوف ومعازيب ..........ترى الكلام الزين ملحة قراكم

وتروا السبابة من كبار العذاريب ....... وهرج البلايس ما يطول لحاكم

المذهب الطيب فهو مذهب الطيب .......... والمذهب الخايب يبور نساكم

ياعيال ما سرحتكم باللواهيب .......ياعيال ما عمر المعزب ولاكم

ياعيال ماضربتكم بالمشاعيب ...... ولا سمعوا الجيران لجة بكاكم

ياما توليت القبايل تقل ذيب .......... من خوف لاينقص عليكم عشاكم

وياما شربت السمن من عرض ماجيب .......يـــفــز قــلبي يوم يبكي حداكم

أحفيت رجليني بحامي اللواهيب ......وخليت لحم الريم يخالط عشاكم

ياعيال دوكم لحتي كلها شيب .........هذا زمان قعودنا في ذراكم

قمت اتوكا فوق عوج المصاليب ......قصرت خطانا يوم طالت خطاكم

عطوني القرضة عليكم مطاليب ......... عطوني القرضة جزى من جزاكم

لابد يوم عاوي دوني الذيب ........ بالقبر ما افرق طيبكم من رداكم

ماني بفاضحكم بوسط الاجانيب ......... باعمالكم يدرون كل اقرباكم

لوكان تدرون الردى والمعاييب ........صرتوا مع المخلوق مثل خوياكم

خوالكم بالطيب تروي المغاليب ......... ولو تتبعون الجد محدن شناكم

وش علمكم يا تاركين المواجيب ......... حسبي عليكم هالردى وين جاكم

قصيتكم واسندت وادي سلاحيب ....... ولقيت بالصبخا مدافيق ماكم

ياعيال بعتوني (بصفر العراقيب)*......ما هي حقيقة سود الله قراكم

يالله عسى اعماركم شمسها تغيب .......يعتم قمركم ثم تظلم سماكم

يا علكم في حاميات اللواهيب ........ياللي على الوالد خبيث لغاكم

شفت الجفا والحيف والغلب والريب....... بضلوعكم لابيض الله قراكم

عسى نساكم ما تحمل ولا تجيب........ ولا حدن من البزران يمشي وراكم

اخسوا خسيتوا يا كبار اللغابيب...... اهبوا هبيتوا يقطع الله نماكم



وسامحنا علي القصور يالغالي

وان شاء الله يجي من يفيدنا

[أبو عبدالله]

ماقصرت اخوي سيف الطنايا

والشكر موصول لابن جبهان

[فيصــــل الجبهــــان]

مشكور اخوي سيف الطنايا

ولا هنت

تسلم يالغالي

[فيصــــل الجبهــــان]

مشكور اخوي ابو عبدالله

[أبو زاهر]

السلام عليكم شكرالمساهمتكم الكريمه وارجو ان يكون كل هدا بمرضاة الله
ارجو ان تعطوني اكمال القصيده
الا يالله ياعالم بحالي تشيل الهم من قلبي تشيله
ومن قائل هده القصيده
لكم كل احترامي

[أبو زاهر]

السلام عليكم شكرالمساهمتكم الكريمه وارجو ان يكون كل هدا بمرضاة الله
ارجو ان تعطوني اكمال القصيده
الا يالله ياعالم بحالي تشيل الهم من قلبي تشيله
ومن قائل هده القصيده
لكم كل احترامي

[محمد بن فهد الشمري]

لاهنت اخوي سيف على مساعدتك للاخ


وبيض الله وجهك :)

[فواز الغسلان]

السلام عليكم ورحمة الله وبركاته00

اما قصيدة الدعوه على العيال فهي لجحيش بن مهاوش السرحاني وقد نسبها الاديب ابن عبار

في كتابه للمدعو سويدان الحلام العمري وهو وهم غير صحيح بل هي لجحيش00

اما سؤال الاخ من سوريا عن:



الا يالله ياعالم بحالي= تزيل الهم عن قلبي تزيله
خذت مني الليالي اعز غالي= تفارقنا ولا باليد حيله
كفانا الله من شر الليالي =وياما فرقت خل وخليله
الا ليت البكا بيرد غالي =لااسيل وادي ماسال سيله
سهرت ايام ماعدت ليالي= وحالي من سبايبهم عليله

فهي قد غناها اكثر من واحد دون ان تنسب لشخص معين وهي من اشعار الفنان بشير حمد

شنان وقد اتهم البعض بسرقتها وصار لها خلافات واتهامات كثيره 00 وارى انها فعلا لبشير