الشاعر /ابو زويد رحمه الله في نصح ولده

[راع العوشزية]

دخيل خذ من والدك لك مساله
مسالة مايفهمه كل رجال
احشم خويك من دروب الرذاله
تر الخوي عند الاجاويد له حال
المرجله بالك ترخي حباله
وبالك تعيل ولا تراخى لمن عال
إن كان ماتدعى على كل قاله
تراك من حسبت هدوم بها أزوال
ورفيقك الداني الى شفت حاله
احمل عليك من المعاليق ماشال
يعل رجل شوفته بس حاله
عسى تدور زوجته فيه الابدال
الحمره تدرك معوشة عياله
والا الرجل يبغى منه بعض الاحوال
وان صار لك من عوص الانضاء زماله
حمراء تورد بك الى صنقر اللال
خله مع الديان تمشي لحاله
ليصار ما أنت لمسة الخشم حمال
تر ربع يوم مقعدك بالشكاله
يسوى حلال عايش فيه الانذال

[فـهد الـبرغوث]

مشكور على الابيات الحلوه


واكرر شكري والله لايحرمنا من جديدك

[ابن برزان]

اي ابيات
ابن برزان

[أبو حواس]

مو طالع شي أخوي..