علاج وعمل

[ابو جمال المنيس]

هذه القصيده قلتها عندما حصلت على إستراحة عام 1993 سنتين وكنت استعد لمغادرة الكويت إلى السعوديه / حايل


عشرين عامٍ قضيناها عـلاج وعمـل = العفو يا أصحابنـا والعـذر والمعـذره
خلاص قررت أسا فر دوروا لـي بـدل = وأنا أبا أدوّر لحالي في ظـلال شجـره
أوراقها ياسمين وعودهـا مـن نفـل = وظلالها مـا يميـل وريحهـا عنبـره
أنتم ترجـون زرعٍٍ زيـن مالـه سبـل = وش فايدة زرع ما له بالحصاد إثمـره
تبقون بالقاع وأنا أبي إرتفع في جبـل = ما بين سلمى وأجا نفـود وألاّ حجـره
بقيت عايش على الموعد ولا فيه آمـل = ألعَبْ ثلاثين عام ولا حصل لـي كُـره
الشيب في راسي والبارح جميعه كمـل = دورت به سود ما حصلت غير شعـره
ورضيت في شرع ربي ما سجدت لهبل = وحرمت بيع الربا والخمـر والميسـره
حنـا جنيهـات وتساوونـا بالهـلـل = قد شفت وجهي نهار العيـد بالمنظـره
أموت واوقف مثل شمر ومثـل النخـل = وبعض الرجاجيل يقنع في شجره عشره
وداع وأنا ضميري فيـه تالـي زعـل = يا قشر طعن الصديق بحجة القشمـره
لكن عزيزين ما زلتـوا وعصرالجهـل =ولىّ وباقي سنيـن الجـد والمفخـره

عقيل سعود المنيس الشمري

[ابو جمال المنيس]

وعندما سمعها الشاعر غانم عدهان جاراها بهذه القصيدة الرائعه ولكنها على وزن آخر،،.



مرحبا يا خويٍ مـا يجـدد سمـل = دق نجره وقلبي من شمال خطـره
ما عزمني ولكن جيت لـه منهبـل = آه ... وازين طنية ربعنا مأقشـره
عويةٍ للمنيسـي هزهـزة للجبـل = مار ما أحدٍ سمعها بالهم غشمـره
فوق عشرين عام وقال أنا بأعتزل = اللياقة قضت مـن فـرة السنتـره
مثلك إن شاف في قلبه هبوط وعلل = إتكل للمعالج مـا أنتظـر قسطـره
قوم دوّر وليا منك ركبـت العقـل = ود غيرك طريقك بالجهر وأخبـره
يا عقيل الكواكب غير كوكب زحـل = الحرارة شديـدة مـا نفـع تمبـره
آه ما تدري إن بالقلب دود ونمـل = ودي أحكي وخايف لأفقد السيطـره
بعضنا يا عقيل إن طاح طيحة جمل = الصديق الصدوق يسل له خنجـره
وأنت خابر نهار العيد يومه يهـل = القمـر زارنـا ونجومـه إمبعثـره
كل ذيبٍ خبرته صار مثـل الحمـل = ماسآلت العشيرإش جاه من معشره
من يساوي النداوي مثل طير الحجل = غير ليلٍ بغاها سمسـره بسمسـره
شيل رجلك ليامن طيّنـة بالوحـل = و إرتفع لا تنـادي ميـت المقبـره
ظهر سلمى حلالٍ وأنت شرعاً محل = وكل صقرٍ لزوم يرد فـي مصقـره
ثم تعوذ من الشيطان وأعزم وصل = كلٍ أدرى بذنبه وأطلـب المغفـره
وأبتهل وإتكل وأجهد وشد وإرتحل = لا تعذر بعض إذنٍ بهـا شوشـره
ليت لي مثل ما تملك يدين ورجـل = والله إني لأسمي الجسر بالقنطـره
أنت تملك مفاتيـحٍ لهـاك القفـل = مير انا عاجزٍ والقفل مـن يكسـره
الشاعر غانم العدهان الشمري

[ابو جمال المنيس]

وبعد أن وصل رد غانم جاء هذا الرد من عقيل






البقاء بالزميـل اللـي بـرده كفـل = كل من هم يبـون الـدار والدنـدره
قبل أعزمه عزم للطيب شال ونـزل = منزلٍ مـا نزلـه البـوم والحمـره
وإجتهد حسب رايه وإنتخى وإعتجل = في مرده ونقـص جـرة المسطـره
يا أبو يوسف ترى الدنيا تبي له مهل = وكل بحـار ملـزومٍ يقيـس بحـره
توك إتقول لي سافـر وأنـا متكـل = ما بقى لي يا غير اربعطعش بمبـره
عاد عيدك وذاك العيـد مالـه دخـل = خل علمه يمـوت ولا نبـي نذكـره
إن قرينا تبـارك والرعـد والنحـل = ضمية المصدرة والـورد والمغـدره
وأنت يا غانم العدهـان فعـلاً بطـل = وكـل طيّـب سواتـك لازمٍ نشكـره
كلمةٍ قلتها من جد مـا أدري هـزل = تاضع الصايبه في قصـة المنكـره
ليه تستعجل الشمـلان لَـمْ الشمـل = وجوهم فيه غيم وطرقهـم موعـره
وقتنا اليوم للتطبيل وآهـل الطبـل = وراعي الدار مع زيره ولـو ينقـره
في بلد واق واق نشوف واجد شلـل = تاكل الملح وتـدوّر علـى السكـره
بدلـوا ثوبنـا الأول ولبسـوا بـدل = والسفر في بلـد لبنـان والاّ أنقـره
الشباب الجديـد المتـرف المبتـذل = صرت أضيّع مبين الرجل هو والمره
لبسهم زي واحـد بنطلـون وقـذل = بالشوارع تحصلهـم لهـم كركـره
ماأقدرأسمي أهل الزيف وأهل الدجل = يزعل العبد يـا غـزة لـه الزنقـره
مير أبا أخفف السرعه وأبا آخذ ثقل = قالوا الرجل يا غانم عُرف بأصغـره
ولا نعم الجميع الناس سلـم وملـل = كل واحد علـى ملـة هلـه نخبـره
فيهم اللي ليامن صار مـس الحبـل = كل من ضامته بقعـا يبـي يذكـره
مير أنا قلت لك صبري لحده وصـل = وطيب من كان طيّب عيب ما ننكـره
وقلت أبا أشيل من مي البحر للدحل = وأترك الثـور والثرثـار والثرثـره
ما لحقني مخصّه مير جانـي وجـل = ساهر ليل بعض الناس ما تسهـره
لي مناوي كبار تعـم سبـع الـدول = حضر شمر وكل البـدو والمحمـره
مومن إن الطنايا كلهـم لـي أهـل = وأنت لا تحسد المومن على شمـره
وطيبين العرب واجد وأنا لي حـول = ما شلع شوكة الرجال غير إضفـره
وبالختام السموحه والحلـل بالحلـل = ولو مرض كفي الأيمن لزوم ابتـره
وبعد ما يصبح الرمان مثـل الرمـل = نعرف اللوح له مسمـار ونمسمـره
وإتفق معك بالجمعة نزيـل العُطـل = وكل مثبور في وادي حظـن نثبـره
لين شعب الجدال يكثـرون الجـدل = كل ثـوبٍ طويـل نجيلـه نقصّـره
والعوج لا يغرك لـو يقـول إعتـدل = أنـت تعـرف متيـح ولازم تكفـره

عقيل سعود المنيس الشمري

[متعب المنيعي]

ابو جمال المنيس
صح لسانك ولسان الشاعر
قصائد في قمت الروعه
تقبل مروري

[غثيث بن نجيفان]

احترت بانتقا الافضل فوجدتها فضائل ودررى الله الله الله ابوجمال تبدو بقمه الروعه
الله لايهينك ويكثر جنسك تقبل فائق تقديري وااحترامي لشخصك الغالي

عشرين عامٍ قضيناها عـلاج وعمـل
العفو يا أصحابنـا والعـذر والمعـذره
خلاص قررت أسا فر دوروا لـي بـدل
وأنا أبا أدوّر لحالي في ظـلال شجـره
أوراقها ياسمين وعودهـا مـن نفـل
وظلالها مـا يميـل وريحهـا عنبـره
أنتم ترجـون زرعٍٍ زيـن مالـه سبـل
وش فايدة زرع ما له بالحصاد إثمـره
تبقون بالقاع وأنا أبي إرتفع في جبـل
ما بين سلمى وأجا نفـود وألاّ حجـره
بقيت عايش على الموعد ولا فيه آمـل
ألعَبْ ثلاثين عام ولا حصل لـي كُـره
الشيب في راسي والبارح جميعه كمـل
دورت به سود ما حصلت غير شعـره
ورضيت في شرع ربي ما سجدت لهبل
وحرمت بيع الربا والخمـر والميسـره
حنـا جنيهـات وتساوونـا بالهـلـل
قد شفت وجهي نهار العيـد بالمنظـره
أموت واوقف مثل شمر ومثـل النخـل
وبعض الرجاجيل يقنع في شجره عشره

وخاتمه اجمل من المسك والريحان والعنبر الله لايضرك

وداع وأنا ضميري فيـه تالـي زعـل
يا قشر طعن الصديق بحجة القشمـره
لكن عزيزين ما زلتـوا وعصرالجهـل
ولىّ وباقي سنيـن الجـد والمفخـره
اخوك : غثيث بن نجيفان

[@الوبيري@]

وداع وأنا ضميري فيـه تالـي زعـل
يا قشر طعن الصديق بحجة القشمـره
لكن عزيزين ما زلتـوا وعصرالجهـل
ولىّ وباقي سنيـن الجـد والمفخـره

الله يعطيك العاااااااااااااااااافيه يالغالي على القصيده الرائعه بيض الله ووجهك يالغالي

[محمد بن فهد الشمري]

صحت السنكم .. ولاهنت يالغالي :)


وهذي الحياه حل وترحال ^_^

[فيصل بن نجيفان]

رائع يا ابو جمال

قصيده ورديات اكثر من رائعة . !

.
.



الشيب في راسي والبارح جميعه كمـل=دورت به سود ما حصلت غير شعـره .
.

شباب يابو جمال عسى الله يطول بعمرك ويستر علينا وعليك انشاء الله

ابيات رائعة من شاعر اروع

.
.
صح لسانك يابو جمال

ولا تحرمنا من جديدكـ

[عبيد الغشام]

كل شي هنا رااااااااائع


صح لسانك ولسان الشاعر الاخر

كل الود

[ابو جمال المنيس]

اخوي العزيز متعب المنيعي

صح بدنك والروعه الحقيقية هو مرورك الكريم وثناءك على القصائد

تقبل تحيتي وتقديري ...اخوك ابو جمال المنيس

[ابو جمال المنيس]

اخوي الغالي غثيث بن نجيفان

الف شكر على هذا المرور العطر

واتمنى ان اكون عند حسن ظنك دائما

تقبل شكري وتقديري واعتزازي بكل حرف كتبته

اخوك ابو جمال المنيس

[ابو جمال المنيس]

عزيزي الوبيري

الله يعافيك ويرحم والديك

والف شكر على هذا المرور الكريم

تقبل تحيتي وتقديري لمرورك الطيب

بناخيك ابو جمال المنيس

[ابو جمال المنيس]

اخوي العزيز الأكحل

صح بدنك واتمنى ان تكون كل مشاركاتي تحظى باعجابك

وصحيح ان الحياة حل وترحال ولكن يبقى المربا واصدقاء الطفوله

لهم ذكرياتهم وفقدهم عزيز على النفس

اخوك ابو جمال المنيس

[ابو جمال المنيس]

اخوي الغالي فيصل بن نجيفان

صح بدنك والروعه الحقيقية هي تواصلك مع الجميع

وكلامك الجميل الذي اضفى على القصايد الكثير من الجمال

اخوك ابو جمال المنيس

[ابو جمال المنيس]

اخوي ابو طيف

صح بدنك والروعه هو مرورك وتشجيعك للجميع

تقبل تحيتي وتقديري....ابو جمال المنيس

[ابو النوري]

صح السنكم

قصايد ورديات ولا اروع

لا عدمناكم

[ابو جمال المنيس]

اخوي ابو النوري

صح بدنك والف شكر على المرو الكريم

تقبل تحيتي وتقديري...ابو جمال

[محمد الصفوقي]

صح اللـــــــــــــــــــــــــــه ألسااااااااااااااانك يا أبو جمااااااااااااااااال
فأنته شااااااعر ولك أسم بااارز في سماء الشعر ,, والشااااهد الله أني مهما قلت رأيي في هذه الروائع تبقى شهادتي مجرووووحه ,,, لا يسعني سوى أن اقووول صح ألسااااااااانك وبأنتظااااااااار الجديييييييييييييييييييييييييييد يا أبو جماااااااااااااااال



تقبل مرووووووووووووووووووووووووووووووووووووري

[مانع الخريصي]

ابو جمال المنيس
صح لسانك ولسان الشاعر زميلك قصائد جزله ولكم تحياتي جميع