أحلام العرب

[عبدالمجيد الحسيني]

بسم الله الرحمن الرحيم

أحلام العرب




ياسيدي حالي مـن الهـم آهـات=سوق العرب ماله مع الغرب سلطه
الفرس والرومان والسبع كوبـات=تأخذ مصادرنـا وبالعنـق ربطـه
منا المصادر والمعـارف مجـالات=بالطب والابحساب الفلك منه غبطه
والهندسة مـن عندنـا للمجـرات=وتعاقبت بجيالنـا نصـف جلطـه
صاحين وبعيون الأوربي مطمـات=ترميبنا العثرة على ألفين ورطـه
ونقول ومع هذا مظاهـر خرافـات=حنا العرب ندرس مع الغرب مغطه
ندرس صحيح وعلمنا به مطبـات=العلم من ساس العرب قبل كشطه
مكشوط اسمه وغيروبه علامـات=وصرنا شتات وعلمنا شبه نقطـه
وصرنا بلا حيله حلـوم ومتاهـات=مكتوب في قصر العرب ربع شرطه
وصار المعلم في أوروبا منـارات=وصرنا مع الاغزام قصر(ن) بنطه
ياحرها ياصار منا ومنا خسـارات=العلم دونه من بنا العلـم شفطـه
الغرب ترقى للقمر مع عربسـات=وحنا على ماقيـل شيلـن وحطـه
عشنا كذا فوق البسيطة معانـات=وصرنا بلا حيله مع العلـم قلطـه
نحلم ونتكبـر وبالـرأس غطـات=الروس هي الروس والفرق غطـه
الغرب فوق الأرض ترسم مدارات=وحنا بليـا روس بـرج ومحطـه

وسلامتكم


عبدالمجيد الحسيني
7- 12- 1428هـ

[متعب المنيعي]

عبد المجيد الحسيني
انت شاعر نفخر بتواجده في هذى الصرح
لاعدمناك

[عبدالمجيد الحسيني]

لاهنت اخوي متعب ومنكم ولكم نجتهد لارضاء اذواقكم معتذرا عن قلة الحضور لظروفي العملية والدراسية

[غثيث بن نجيفان]

والهندسة مـن عندنـا للمجـرات+++++
+++++++++++++++++++++++++++++
الاخ عبدالمجيد الحسيني الله يعطيك العافيه وعلى القوه لك تحياتي
اخوك : غثيث بن نجيفان

[عبدالمجيد الحسيني]

تسلم يمناك يابن نجيفان ولاهنت يالغالي

[أبو فلاح]

قصيدة تحكي واقعنا .


صح لسانك يا (( عبد المجيد الحسيني ))


أصبت وأجدت .

[@الوبيري@]

الله يعطيك الف عااافيه يالغالي على القصيده التي تووضح فيها معانات العرب

ولاتحرررررمنا جديدك يالغالي

[عبدالمجيد الحسيني]

قصيدة تحكي واقعنا .


صح لسانك يا (( عبد المجيد الحسيني ))


أصبت وأجدت .

صح بدنك ولاهنت يالغالي على حضورك وتواجدك معي هنا

[عبدالمجيد الحسيني]

الله يعطيك الف عااافيه يالغالي على القصيده التي تووضح فيها معانات العرب

ولاتحرررررمنا جديدك يالغالي

ياهلا فيك ويامرحبا بك يالحبيب على مرورك الطيب

[محمد بن فهد الشمري]

الغرب ترقى للقمر مـع عربسـات .. وحنا على ماقيل شيلـن وحطـه


..
.


صح لسانك يالغالي .. جزله من راس جزل ..


لاهنت وبإ‘نتظار جديدك :)

[عبدالمجيد الحسيني]

الغرب ترقى للقمر مـع عربسـات .. وحنا على ماقيل شيلـن وحطـه


..
.


صح لسانك يالغالي .. جزله من راس جزل ..


لاهنت وبإ‘نتظار جديدك :)

الله يعطيك العافية ويبارك فيك