سؤال عن رديه جلوي التبيناوي؟؟

[فتاة الطنايا]

السلام عليكم ورحمة الله وبركاته

بغيت اسال عن رديه بين جلوي التبيناوي والسديري

واعرف بس مبداها وياليت اللي يعرفها يكملها

وشكرا

قال التبيناوي:::

قلبي نشدني وانا اقول مرخوص
مرخوص لك واحذر تنوش المعاصي

[ابو حارث المدعول]

نقل الى هنا وفتح الموضوع

وان شاء الله

يجي من يفيدنا عن تسأل الاخت

فتاة الطنايا

[فتاة الطنايا]

يعطيك العافيه يابو الحارث

وبانتظار احد يعرف الرديه

[طواري الجنيدي]

,


وعليكم السلام والرحمه والإكرام
قصيدة الشاعر جلوي التبيناوي رحمه الله كانت قوية بمعناها الواضح وبما فيها من الغموض والدفن , والأقوى هي القافيه اللتي أجبرت الشاعر والأمير محمد السديري بإكتفاءه بإرسال التحيه والسلام فقط للشاعر التبيناوي .


قــلبي يـنـاشــدنـي وانا قلـت مرخــوص
مـرخوصـلك واحذر تـنـوش المعـاصـي
وإنـهـل مني هـلة الطـعــس بـرخــوص
روابـــع ٍ مــتــقـافـيــات ٍ قـصـــاصــــي
در ٍ بـمـحـاره ظـهر نـقـــــوة الـغــوص
أشقـر حـمــر شـــعاع نوره خـلاصـــي
دنـيــــاك لابد من الــــزود بـنـقـــــوص
قــصـيـّـتـن حـيـلـه عـلـى كـــل قاصــي
أقـفــت على ركّابت الكنّــس العـــوص
اللي عـلـيهـن يــبـعـدون الـمـنـــاصـي
ويـبـرالهم قُـبّ ٍ ســريعـات وقـحــوص
قـُبّ ٍ ولامــن ضــافـيـات الـنــواصـــي
لا أقوى أنفهق ولا تــقـدم ولاحـــوص
و لا مـن يمين ولا يسـار ٍ مـحـاصـي
تشكي قفاظفرك واناالكوع مقـصوص
الله عـليـم بـحـالـتــــي واخـتـصـاصـي



* للمعلوميه * القصيده أطول من ذلك , وبمشيئة الله غدا ً سأحصل على بقية الأبيات ــ والغريب في قصائد التبيناوي أن الكثير من الأبيات محفوظه بمفردات مختلفه "لكنها لم تؤثر على الوزن"
وأتمنى أنني أفدتك أخت فتاة الطنايا .


,

[فتاة الطنايا]

طواري

الله يعافيك ويسلمك

من زمان وانا ادور هالرديه ماقصرت مشكووووووووور ياخووي

بانتظار تكملة الابيات

[طواري الجنيدي]

طواري

الله يعافيك ويسلمك

من زمان وانا ادور هالرديه ماقصرت مشكووووووووور ياخووي

بانتظار تكملة الابيات



,


الـعـفـو , وإليك التكمله . . وأعتذر عن التأخير


محمد عضيد اللي على الجال مرصوص**عِلّة عنيد اللي على الحق عاصـي
إلـْ صـاحبه در وعلى الضد عاكــوص ** مَرّن حلو مثل العـسـل بالـقـلاصــي
ياكـبـرت الـقـالات بالضـيـق مخصوص ** للعي هو حـزمة وريـده نـغـاصــي
بالـود فـرّار اللـوالـيـب فـاروص ** يـقـطـع حـديـد الـمـاص بـفـراص مـاصـي
شوق العفيف مضمر البطن ممهوص ** مسلوبة ٍ باوسط حـشـاه امـهـاصـي
شخص ٍيعوض امناه عن جملة إشخوص**تعوض عن جملة كثير ٍشخاصـي
عـيـن الفـريد مـذيره رمي وقنوص ** تـحـقــقـت بالـزول شـوف ٍ خـصـاصـي
وصـلاة ربـي عـد مايـومـي الخـوص** عـلـى نـبـي ٍ قــام ديــنــه نـصــاصـي


,

[فتاة الطنايا]

الف الف الف شكر اخوي طواري

بيض الله وجهك

يعطيك الف عاافيه ماقصرت والله

[الدغــيري]

السلام عليكم كيف حالكم يا رجال انا سجلت لان حبيت اساعدكم جلوى التبيناوي هو جدي والى يبي معلومات حاضرين