تفضلوا هذه قصيده متواضعه اضعها بين أيديكم واتمنى تنال إعجابكم

[طير شمر]

بسم الله الرحمن الرحيم

السلام عليكم ورحمة الله وبركاته

سبب القصيده / كلكم تذكرون البرتقاله وماسببت من مصايب هههههههههههههههه

يوم وقت البرتقاله انا كنت من اشد المعارضين للبرتقاله وكنت ما اداني شوفتها وكنت ماعمري شفتها
لدرجة اني إذا دخلت مجلس ولقيتهم مشغلين التلفاز على البرتقاله على طول اطلع برا المجلس

وجاء يوم من الايام وكنت جالس انا وواحد من زملائي الخاصين والمقربين لأبعد درجه تتوقعون

وقالي تكفى يابو حمود ابيك تشوف البرتقاله وتعطيني رايك فيها قلت لو تحج البقر على سنونه مو على قرونه ماشفت البرتقاله المهم جلس يحاول فيني مره يمين ومره يسار الين رضخت للأمر الواقع وقلت بشوفها مره وحده بس قال اوكي

والله وانا اشوف الفديو كليب حق البرتقاله وياليتني ماشفتها . من عقب البرتقاله رحت فيها وقالي خويي يالله ابي رايك قلت رايي يجيك يومين بس وهو عندك

وقلت القصيده
يالله مشينا نبي شرق عمان *** دارن بها يذكرون البرتقاله
غزالةٍ لمحتها وسط غزلان *** معها من الحلوات ريم وغزاله
من بعدها اصبحت حاير وولهان *** وأحترت انا بين الجمال ودلاله
من شافها أصبح مع الوقت هيمان *** ماظنتي ينساه لوهي محاله
بنتٍ ربت بالزين والزين فتان *** من شافها تصير حالته حاله
ليـا تـثـنـت قـدهـا مـال رـيان *** هنيت من يجلس معاها وقباله
وليا ضحكت قمنا شباب وشيبان *** وبعض النساء يالربع صابه هباله
ألا يابعد من حطتس على الراس تيجان*** وألا يابعد ناسٍ غلاهم رزاله
جمال نصف الكون في عينها بان *** وباقي جمال الكون باقي جماله

[ابو هديرس]

صح لسانك ياطير شمر

ياطير عندك للسما قو جنحان
طير السعد ياحي دربن عناله
لاترجي طيورن لها سبق منان
تطلع وتركد والبلا من حباله

[ابو النوري]

الغالي طير شمر

صح لسانك

ابيات رائعة

[غثيث بن نجيفان]

طير شمر
جمال البرتقاله جعلك تفقد السيطره على وزن القصيده الله يلوم اللي يلومك
وعلى العموم انتبه يابعدي للوزن وننتظر جديد مميز وليسى عليك غريب
تقبلى مروري اخوك : غثيث بن نجيفان

[ابن هذيل]

هههههههههههههههههههههههه

عزي لك ياطير شمر

وكله بويات ماخلت صبغ ماحطته على خشته ههههههههه

[الهنوف الوايلية]

امحق ذوووووووووق البرتقاله عاد والله اني اطلق منها >> من سألتس

[المستمع]

يعطيك العافيه

[طير شمر]

مشكووووورين على مروركم وصح بدنكم ولاهنتم

كل الشكر لكم على ردودكم الجميله

اخوي غثيث نقدك أضعه على راسي ويخليك ربي

فيه بيت معليش ملخبط فيه اللي يقول فيه

بنتٍ ربت بالزين والزين فتان = من شافها تصير حالته حاله

الشطر الثاني والله ما ادري شلون جاء انا كاتب

بنتٍ ربت بالزين والزين فتان = لو شافها شيخ الحرم هي حلاله
بس ما ادري شلون جت كذا

ارجع واقول مشكورين على المرور

[متعب المنيعي]

طير شمر
الله العالم انك بعد ماشفت البرتقاله
ماتفارق قناة نجوم
ههههههههههههه
صح لسانك

[طير شمر]

صح بدنك يامتعب انا والله علمي بقناة نجوم قبل اربع ايام

بس قهر اخر مره جابوها قبل اسبوع ههههههههههههههههه

والله انا مفتوون بها

بس القهر ما انفتنت بها الا عقب ماخلصوا منها العالم ههههههههه

[أبو فلاح]

هههههههههههههههههههههههههههههههه
:65: :65: :65:

أفا هذا اللي يعارض صار به كذا أجل وش لون لو كنت متلهف .

والله طلعت قطيفي تقلب بسرعة <---- ليه حمامه هو :65:


المهم صح لسانك ولا تعودها يا بطل .