استفسار عن أبيات قديمه ؟؟؟

[الـقـفـيـعـي]

بعد السلام والتحية اسعد الله مسائكم ان كان مساءا وأسعد الله صباحكم إن كان صباحاً:


هناك أبيات في ذكراتي من فترة قديمه وكنت مهتم في البحث عنها حينما كنت مهتم في الموروث الشعبي قبل أن تكبر علي دائرة الحياة ولكن تعبت عن البحث عن أصحابها في ذلك الوقت ولم أجد من كبار سن ولا من لديهم معرفة في التاريخ والقصص من الاقارب والمحليين حتى طاب الخاطر عن السؤال عنها واليوم في هذا المنتدى بما أنه يجمع أفراد قبيلتنا ويجمع من شتى أقسام وبطون وعماير وأفخاذ وعوائل شمـر أود ان اطرح الأبيات وارجوا ممن لديهم خبرة او معرفة أو من يجالس كبار السن او اشخاص لديهم معرفة بالقصص التاريخية وتاريخ شمر وحائل أن يسأل عنها ويأتينا بخبر أشخاص,,,, وشكراً
الابيات الاولى هي موجه الى احدى حكام حائل من آل رشيد ويبدو ان قايل الابيات بينه وبين ابن رشيد (لا اعرف منهو بالتحديد من آل رشيد) خلاف أو سوء تفاهم فيقول:

لا تضـيّع القـــالات بأديــان وشهــود
الأّ يــا كــلّــت عــن الفــــعل يمنـــاك

يا صـار ما تقبل على الغبن والـزود
يا ضـاربك رمـح الطواعـين بأشـواك

اما الأبيات الثانية يبدو أن شاعرها من شمر وقد قالها على اثر غزو ومعركة يقول في قصيدته:

حصــلنـا علــى الدحيلـه كــــراره
والجمـع طلـعت الشـمـس مزبـــور

عقيـدهـم نـواف؟ براسـه نمــاره
عقـيد قـومٍ وقايمـيـنن علـى شـــور

والهـوش كمّـل واوصلونـا قـراره
وقام الطنـى يزقح على كـل ممــرور

يبون شقـحن حين طيحـت حـواره
أهلهن حضور وبيـرق الموت منشـور

وخطـوا الغـليّم لابــدن بالـــوزاره
يالبيـض حطّـن له خلاخـيـل وخســـور

هذا وارجوا من لديه معرفة الاشارة في المنتدى اذا لم يكن هناك حساسية في الأبيات وفي مواضيع الابيات لأني لا اعرف عن قصص القصيدتين وليس لدي سوى هذه الأبيات واذا كان هناك حساسية وجرح ارجوا الاشارة بالخاص.

وتقبلوا زاكي تحيتي وعاطر شوقي
اخوكم
القفيعي

[المرجف]

بارك الله فيك اخوي وبذاكرتك:68:

والله يالعزوة هذا واحدن ماعنده خبر عن القصايد اللي انت ذكرت .. فالمعذرة

وننتظر من يفيدنا

تسلم يالقفيعي

تحيتي

[الـقـفـيـعـي]

اخوي المرجف

لاهنت وعسى الخير فالك والسعد منالك

مشكور على المرور ننتظر اذا حصلت عنهن خبر يابعدحيي

تقبل تحيتي

[][رحــ*R7aAL*ــال][]

الله يعطيك العافيه

[أبو حواس]

إنشاء اللهـ الأخوان يفيدونكـ يا الغالي,,,,,

[الـقـفـيـعـي]

س: ما أحد حصل شي عن الابيات اللي استفسرت عنها ؟؟؟


وتقبلوا تحياتي

[سنجار]

الابيات اللي وضعتها قيلت على اثر غزو الفدعان للفداغه وحصلت معركه

قويه بين الفدعان من عنزه والفداغه من شمر في موقع يقال له الدحيله

بقيادة نواف ابن قعيشيش وقتل في تلك المعركه وكان النصر للفداغه

وتحياتي لك يالقفيعي

[الـقـفـيـعـي]

مشكوووووووور يا سنجار

زين الله يعافيك مع خيط من خيوط القصيدة


تعال ابي حلقك

من اللي قال الابيات ؟؟؟؟؟؟؟؟؟؟؟؟؟؟؟؟؟؟؟؟؟؟؟

من السويد والا من الفداغة يعني والا ممكن يكون من وين؟


مشكور على المرور

[راكان المعجل]

أخي العزيز القفيعي هذه القصيده للمخضرم سليمان بن نوطان من الفداغه بعد أن تم حصارهم من أبن قعيشيش نواف وقد أنتصرة شمر ((الفداغه)) بهذه المعركه نصرا" وصلت مسامعه الى نجد وقد قتل بهذا المعركه الشيخ نواف أبن قعيشيش وقد وجه الشاعر قصيدته الى الشيخ صفوق الجربا وبدايتها يقول:-



راكب من فوق مومي غياره = حر يكرب طلعة الشمس مذعور

وتلفي لبيت نابيا" بالزباره = ولد المحزم يذبح الفرز والخور

وصارة علينا بالدحيله كراره = الجمع جانا طلعت الشمس مذبور

جتنى جموع مايتخفى غتاره = صابورهم يمشي على متن صابور


وعقيـدهـم نـواف بعينه نمــاره=مقدم جموعا" ثايرين(ن) علـى شـــور

يبون بيوتا" شمخا" بالزباره = وجونا صباح مع سنا فجت النور

وصحنا عليهم صيحتا" بعتباره = وغدولهم عيال الفديغي تقل سور

وتشالقوا نواف مثل السعاره = بشلف يشلقن الاباعر مع الزور


وهي أطول من كذا فأن أردتها كامله أضفتها وهذه القصيده مقاربه لقصيده دخيل أبن ناعم

بعد المعركه التي جرت بين الصبحي ومن معهم من شمر وعنزه وقد أنتصرة شمر بها أيضا"

ويقول :-



من واهج بالصدر نطيت قاره = رجم طويل من أول الوسم ماثور

من ونتي ذوبت صم الحجاره = وطيرة من المرقاب عقبان وطيور


ومنها ماذكرته أنت هنا

يبون شقح حين طيحت حواره = هلها حضور وبيرق الموت منشور
خطـوا الغليـم لا بـد بالـوزارة=يالبيض حطن له خلاخيل وخصور



وهذا دليل على التداخل بينهن ولكن لدي القصيدتين الاصليتين الغير متداخلات هذا ما أحببت أن أضيفه للفائده وشكرا" لك...!!

تمنياتي لك بالتوفيق

[سنجار]

حسب ماسمعت انه غرير الفداغي يالغالي لا تقضب حلقي عندك الاخ راكان

ماقصر وعلى اثره قال ابن رشيد ابيات اتمنى ان تكون عندك

سلامي للنازلين بزرق =اللي ورى الخابور واللي دونه

اطلب عسى شوفاتهم ماتفرق =بجاه جياب المطر من مزونه

انظر الى شيمة الرشيد يطلب ان شوفات اهل الجزيره ماتفرق حتى يكونوا اقوياء ضد

اعدائهم

[الـقـفـيـعـي]

عافك الله لا هنت يالغالي

اشكرك على التدوير والبحث

حلقي ما اطلقه لين ناصل شواطي ترابه

مدامنا بين لج بحوره ما اخليك

معك لين اصل للمرادي والا تر شنينه يركب دنينه

ابغى القصيدتين توردهن كاملات او اللي عندك منهن حقت الفداغي وابن ناعم

وتسلم يالغالي

[فيصل السلماني]

يعطيك العافية على المشاركة

تقبل مروري

[الـقـفـيـعـي]

الاخ راكان


بشر وش وصار ننتظر القصيدتين


والثانية بشر ما حصلت منه قايله من شمر اللي يقول

لا تضيع القالات باديان وشهود **** الا يا كلت عن الفعل يمناك

البيت موجه لابن رشيد

[راكان المعجل]

الاخ راكان


بشر وش وصار ننتظر القصيدتين


والثانية بشر ما حصلت منه قايله من شمر اللي يقول

لا تضيع القالات باديان وشهود **** الا يا كلت عن الفعل يمناك

البيت موجه لابن رشيد

أخي الغالي القفيعي بالنسبه للقصيدتين فهن موجودات ولكن الوقت ضيق تعرف مشاغل الدنيا

الله يكفينا شرها وبالنسبه لهذا البيت أظنه من ضمن قصيده لأحد الشيوخ وقد رد عليها

الامير عبيد الرشيد وهو يلومه فيها ومنها..!!!




ياشيخ أشوفك محيي جرة العود = تعطي وتذكر لك لناس عطاياك

من راس تعطيني وبالخط لحمود = وبالعون ماهي سهمة من سجاياك

والله ماشديتها طالب زود = ولايمد بنيه الشرق لولاك

أن جازلك كذيت لعيال محمود = تسعين من أعطاهم الحق حاشاك


وسوف أرجع

لجميع المخطوطات عسى أني أجدها وعساك على القوه ...!!!

[الـقـفـيـعـي]

عافاك الله اخ راكان لا هنت

خذ راحتك تراني وسيع صدر متى ما توفرنا بس اذا نزلتهن حط تنويه باي وقت بالمستقبل علشان اعرف انهن هن القصيدتين وانت متى ما فضت

اما بالنسبة للقصيدة الثانية ما اتوقع برى القبيلة ويمكن من شيوخ شمر او شعراهم واتوقع انه من سنجاره انا بعيد عن الديره والشيبان والا كان تفرغت لهم بس متى ما حصلت ولا اتوقع رد عبيدالرشيد اللي ذكرته على البيتين الي ذكرت واضح بالموضوع واسلوب قصيدة عبيد.


لا هنت يا راكان اشكرك على الحرص المبدئي

[راكان المعجل]

عافاك الله اخ راكان لا هنت

خذ راحتك تراني وسيع صدر متى ما توفرنا بس اذا نزلتهن حط تنويه باي وقت بالمستقبل علشان اعرف انهن هن القصيدتين وانت متى ما فضت

اما بالنسبة للقصيدة الثانية ما اتوقع برى القبيلة ويمكن من شيوخ شمر او شعراهم واتوقع انه من سنجاره انا بعيد عن الديره والشيبان والا كان تفرغت لهم بس متى ما حصلت ولا اتوقع رد عبيدالرشيد اللي ذكرته على البيتين الي ذكرت واضح بالموضوع واسلوب قصيدة عبيد.


لا هنت يا راكان اشكرك على الحرص المبدئي

أما الابيات التي جبتها أنا فهي لعبيد الرشيد وموجوده بمخطوط عبيد لهوبر وهن أربع أبيات

وأن حصلت غيرهن أبشر باللي ينزلهن لك وبالنسبه للمعني بقصيده عبيد فأنا لا أعرفه ولكن

بنأء" على قصيدة عبيد أعتقد بأن المعني ليس من القبيله وأنا سوف أبحثلك عن القصيدتين

غديني ألقاهن وعساك على القوه...!!!

[الـقـفـيـعـي]

اخ راكان

مابي قصيدة عبيد قصيدة عبيد ماهي رد على الابيات اللي استفسرت عنها متأكد انا وهذا شي واضح من سياق ابيات عبيد انا اسئل عن قايل الابيات الموجهه لاحد حكام ال رشيد مدري هو عبيد والا عبدالله والا غيره :


لا تضيع القالات بأديان وشهود****
الا يا كلت عن الفعل يمناك

يا صار ما تقبل على الغبن والزود****
ياضاربك رمح الطواعين باشواك

هذا سوالي من قايل البيتين هذولن وهي موجهه لابن رشيد بسبب خلاف بينهم ؟؟

والقصيدتين اللي قلب ؟


وتسلم على اهتمامك