سيف الطنايا
2005-02-07, 01:02 PM
السلام عليكم ورحمه الله وبركاته
بعد مقتل الامير عبد العزيز بن متعب ال رشيد تنازع ال رشيد على امارة حائل وشمر فاستولى محمد بن طلال ال رشيد على حكم حائل بعد ما فر ابن عمه عبد الله بن متعب ال رشيد الى ابن سعود خوفا من ابن عمه محمد بن طلال ان يقتله وفي ظل تنزاع ابناء العمومه على الحكم زعلت قبيلة شمر على محمد بن طلال ال رشيد فرحلت قبيلة شمر الى بادية العراق تاركة منطقة حائل في ظل تلك الاحداث قام الملك عبدالعزيز ال سعود بارسال فيصل بن سلطان الدويش على راس جيشه الكبير لمحاربة ابن رشيد فحاصر مدينة حائل فارسل ابن رشيد قصيدة كتبها محمد العوني يستفزع قبيلة شمر وعند سماع قبيلة شمر هذه القصيدة وهم في بادية العراق جاءوا يبكون كبيرهم وصغيرهم لفك الحصار عن مدينة حائل فقطعوا المسافة التي بين بادية العراق ومدينة حائل من ثلاثة شهور الى عشرة ايام وفعلت هذه القصيدة ما لاتفعله السيوف حيث أثرت في قبيلة شمر فانتصروا وانهزم الدويش وجيشه امام ابن رشيد ، قال العوني مخاطبا قبيلة شمر على لسان ابن رشيد قصيدة أبكتني عند قراءتها :
عزي لقلبٍ كل ما طرف الليل=عليه صارن الدقايق جلايل
واعتاظ عن طيب الكرى بالتعاليل = بافكـار واذكار وقـول وقايل
والعين كن ابموقها يـدرج الميل =عيت تطيق النوم من فور جايل
على بني عمي اسنادي عن الميل =نطاحة الكايد اكبار الحمايل
اقفوا كما مزنٍ ثقيـل المخاييل =من زاعج الغربي حدر له شعايل
شمر مقابيس المنايا هل الخيل =عصمان الاريا مقحميـن الدبايل
يا دار وين أهل المهار المشاويل =اهل النزول اللـي تعـز النزايل
بكيتهم يوم ارتكى فوقـي الشيـل =وذكرتهم يو اقبل الضد صايل
وصاح الصياح وطوحن الهلاهيل =وهلت ادموع معكرشات الجدايل
وقلت ابشرن ما دام بالعمر تمهيل =.ما دام ما رزت علينا النضايل
لا تبكين الوحدة قِل الرجاجيل =مـا دام عين الله علينا تخايل
وظهرت أنا باسم العصاة المشاكيل =لو هم قليل يدركون الجمايل
هم حاصلي لا كملنّا المحاصيل =غوش الجبل خزني غلامين حايل
باعوا عزيز العمر دون المضاليل =وحموا حماها مقدمين الفعايل
قالوا عليهم قلت يزجوا اهل الخيل =وقهرتهم غصب ووردوا غلايل
واذنيت هجنٍ يقربن المحاويل =هوج هجاهيج اهجاف نحايل
عليكم يطرب قلوب المراسيل =خفقات رفقات صلاب جلايل
قلايص عوص صعاصع شماليل =من سلسلة نسل السباق السلايل
الصبح مدن كنهن جولة الريل =رفيحٍ علت من فوقها ارجال حايل
وصبح اربعٍ تلفي نزول كما الليل =شمّر إليا عدت فروع القبايل
أدنى بالادنى خبروهم بتفصيل =لا تسفهون اصفارهم والجمايل
ولازم إليا شافوا اركاب مقابيل =تلزمهم النشدات عن سكن حايل
قولوا لهم يا مقبلين على خيل =نجد واهلها يطلبون الاوايل
جونا هل العارض جموع كما الليل =يبغون دار هابها كل عايل
وجرى لمنا يومٍ يا طب به الشيـل =يطيح ما تشنى عليها الرحايل
واضفا على عكاش مثل الهماليل =يا طول ما حنا لهم بالاوايل
وين الطنايا ؟ وين شرابة الهيل =وين الرجال اللي تشيل الثقايل؟
وين السيوف اللي نعدل بها الميل=وين الرماح اللي ترد كل عايل ؟
وين النشاما والعصاة المفاليل ؟=وجميع من ضربه تضيع الدلايل
نشرب بهم صافي القراح الشهاليل =وننزل بهم غصب على كل طايل
تذكرتهم يوم ارتدم فوقي الشيل = ونخيتهم يوم اقبل الضد صايل
غلبا ترى بلدانكـم لبسـت النيل =تنخى الرجال المكرمين الاصايل
تنخى اهل العادة كرام الاسابيل =يوم التعازي والدخن له صلايل
قلته وانا معكم على العدل والميل= لعل ما نعتاظ عنكم بدايل
تمت وصلوا عد وبل المخاييل= على نبي الحق ما زال زايل==========================منقوووول
وازيد ايضا انا عليها قصيده من كتاب (ديوان الشاعر محمد العوني) هذه القصيد الجميله
مضي الليل وانحنن النجوم وقـام=وضو الصبح يجلي عن سناه ظلام
وانا ساهر مالاجت العين بالكري=اديـر قـالات وهــن عـظـام
واقالب القـالات وانحـار فاقتـي=بعـاد يـردون الحريـب عظـام
وهم سيفي القاطع اليا زامت العدا=وهـو لكـل النايبـات احــزام
نخيتهـم والضـد بينـي وبينهـم=وتمنيت لو هم يسمعـون كـلام
وتمنيت لو شافوا خيـول تذودنـا=وتـرد باطـراف البـلاد اجهـام
مناديب انا انخاكم تردون ماجري=علي كنس بتـرا الفخـوذ همـام
عوص رعن الحجتين ورودهـن=الياما غدن مثل الفحـول حسـام
هن منيه المنيوب هن غايه المني=هيـم دعاهـن الهجيـج هيـام
شدوا عليهن بالعـوادي وبالكـم=تنامـون وانـا ماهتـان بمنـام
سيروا كفاكم شر مابان واختفـي=علي هرب خمص البطون احيـام
شاشن من صيحات علوا وساقمن=عن الشرب والمرعي قزن اعدام
واركبتكم من فوقها عقب حفلهـا=تردون لطيـار الشعـاف سـلام
تعدون ماشفتوا وشافت عيونكـم=وتبدون بالهرج المصيب اشمـام
تقولون ينخاكم من الظيم شيخكـم=غلامين ماعقب الصيـاح مقـام
تنخاكم السمرا وعكاش والحمـي=واجـا وجلديـه تــرد مــلام
وسلمي تنادي وين الاسلم بصوتها=واغدت قلوب السامعيـن حطـام
تصيح وين برغش تحسبه حاضر=عـزاه ماتـدري عليـه اهـدام
تمنيت لو الموت قـد زار قبـل ذا=ولاشفت بين الهضبتيـن اخيـام
ياليت عين للسناعيـس وايقـت=تنظر ذرا السمـرا عليـه قتـام
وتشوف لها يوم بعكـاش ضدنـا=غشي الخريمي من وراه ازحـام
غلبا ببني عمي وركني وعدتـي=غلبا الـي شـط الحريـب اوزام
غلبا ترا كل شي يباع ويشتـري=سوا العز بيعه بالسحـوت حـرام
ترا كل ماحاش الفتـي رد للفتـي=سوا الطيب يبقـي للرجـال دوام
ولا تمتدح بنت الاصيل اليا جـذت=عن عاده امهاتـه تصيـر اقـدام
ولا تنتفع باصل امها هي وابوهـا=الي عاد ماتكسي الحريـب قتـام
غلبا بكيت وصاحت الدار عقبكـم=نخيتكـم وانتـم بـعـاد مــرام
العفو ياما دونكـم مـن زراجـه=ومن سهلـه ينبـي وراه عـدام
يقولون لي خفراتكم وين دارهـم=وادموعهن فوق الخـدود نظـام
يصيحـن ويـن شمـر دلالـنـا=وباقدامهن عقـب التـراف لكـام
غلامين كيف اسهر وتنام عيونكم=وامسـي بهـم وتقبلـون طعـام
وسلامتكم
وتقبلوا تحيات اخوكم عواد الخريصي
بعد مقتل الامير عبد العزيز بن متعب ال رشيد تنازع ال رشيد على امارة حائل وشمر فاستولى محمد بن طلال ال رشيد على حكم حائل بعد ما فر ابن عمه عبد الله بن متعب ال رشيد الى ابن سعود خوفا من ابن عمه محمد بن طلال ان يقتله وفي ظل تنزاع ابناء العمومه على الحكم زعلت قبيلة شمر على محمد بن طلال ال رشيد فرحلت قبيلة شمر الى بادية العراق تاركة منطقة حائل في ظل تلك الاحداث قام الملك عبدالعزيز ال سعود بارسال فيصل بن سلطان الدويش على راس جيشه الكبير لمحاربة ابن رشيد فحاصر مدينة حائل فارسل ابن رشيد قصيدة كتبها محمد العوني يستفزع قبيلة شمر وعند سماع قبيلة شمر هذه القصيدة وهم في بادية العراق جاءوا يبكون كبيرهم وصغيرهم لفك الحصار عن مدينة حائل فقطعوا المسافة التي بين بادية العراق ومدينة حائل من ثلاثة شهور الى عشرة ايام وفعلت هذه القصيدة ما لاتفعله السيوف حيث أثرت في قبيلة شمر فانتصروا وانهزم الدويش وجيشه امام ابن رشيد ، قال العوني مخاطبا قبيلة شمر على لسان ابن رشيد قصيدة أبكتني عند قراءتها :
عزي لقلبٍ كل ما طرف الليل=عليه صارن الدقايق جلايل
واعتاظ عن طيب الكرى بالتعاليل = بافكـار واذكار وقـول وقايل
والعين كن ابموقها يـدرج الميل =عيت تطيق النوم من فور جايل
على بني عمي اسنادي عن الميل =نطاحة الكايد اكبار الحمايل
اقفوا كما مزنٍ ثقيـل المخاييل =من زاعج الغربي حدر له شعايل
شمر مقابيس المنايا هل الخيل =عصمان الاريا مقحميـن الدبايل
يا دار وين أهل المهار المشاويل =اهل النزول اللـي تعـز النزايل
بكيتهم يوم ارتكى فوقـي الشيـل =وذكرتهم يو اقبل الضد صايل
وصاح الصياح وطوحن الهلاهيل =وهلت ادموع معكرشات الجدايل
وقلت ابشرن ما دام بالعمر تمهيل =.ما دام ما رزت علينا النضايل
لا تبكين الوحدة قِل الرجاجيل =مـا دام عين الله علينا تخايل
وظهرت أنا باسم العصاة المشاكيل =لو هم قليل يدركون الجمايل
هم حاصلي لا كملنّا المحاصيل =غوش الجبل خزني غلامين حايل
باعوا عزيز العمر دون المضاليل =وحموا حماها مقدمين الفعايل
قالوا عليهم قلت يزجوا اهل الخيل =وقهرتهم غصب ووردوا غلايل
واذنيت هجنٍ يقربن المحاويل =هوج هجاهيج اهجاف نحايل
عليكم يطرب قلوب المراسيل =خفقات رفقات صلاب جلايل
قلايص عوص صعاصع شماليل =من سلسلة نسل السباق السلايل
الصبح مدن كنهن جولة الريل =رفيحٍ علت من فوقها ارجال حايل
وصبح اربعٍ تلفي نزول كما الليل =شمّر إليا عدت فروع القبايل
أدنى بالادنى خبروهم بتفصيل =لا تسفهون اصفارهم والجمايل
ولازم إليا شافوا اركاب مقابيل =تلزمهم النشدات عن سكن حايل
قولوا لهم يا مقبلين على خيل =نجد واهلها يطلبون الاوايل
جونا هل العارض جموع كما الليل =يبغون دار هابها كل عايل
وجرى لمنا يومٍ يا طب به الشيـل =يطيح ما تشنى عليها الرحايل
واضفا على عكاش مثل الهماليل =يا طول ما حنا لهم بالاوايل
وين الطنايا ؟ وين شرابة الهيل =وين الرجال اللي تشيل الثقايل؟
وين السيوف اللي نعدل بها الميل=وين الرماح اللي ترد كل عايل ؟
وين النشاما والعصاة المفاليل ؟=وجميع من ضربه تضيع الدلايل
نشرب بهم صافي القراح الشهاليل =وننزل بهم غصب على كل طايل
تذكرتهم يوم ارتدم فوقي الشيل = ونخيتهم يوم اقبل الضد صايل
غلبا ترى بلدانكـم لبسـت النيل =تنخى الرجال المكرمين الاصايل
تنخى اهل العادة كرام الاسابيل =يوم التعازي والدخن له صلايل
قلته وانا معكم على العدل والميل= لعل ما نعتاظ عنكم بدايل
تمت وصلوا عد وبل المخاييل= على نبي الحق ما زال زايل==========================منقوووول
وازيد ايضا انا عليها قصيده من كتاب (ديوان الشاعر محمد العوني) هذه القصيد الجميله
مضي الليل وانحنن النجوم وقـام=وضو الصبح يجلي عن سناه ظلام
وانا ساهر مالاجت العين بالكري=اديـر قـالات وهــن عـظـام
واقالب القـالات وانحـار فاقتـي=بعـاد يـردون الحريـب عظـام
وهم سيفي القاطع اليا زامت العدا=وهـو لكـل النايبـات احــزام
نخيتهـم والضـد بينـي وبينهـم=وتمنيت لو هم يسمعـون كـلام
وتمنيت لو شافوا خيـول تذودنـا=وتـرد باطـراف البـلاد اجهـام
مناديب انا انخاكم تردون ماجري=علي كنس بتـرا الفخـوذ همـام
عوص رعن الحجتين ورودهـن=الياما غدن مثل الفحـول حسـام
هن منيه المنيوب هن غايه المني=هيـم دعاهـن الهجيـج هيـام
شدوا عليهن بالعـوادي وبالكـم=تنامـون وانـا ماهتـان بمنـام
سيروا كفاكم شر مابان واختفـي=علي هرب خمص البطون احيـام
شاشن من صيحات علوا وساقمن=عن الشرب والمرعي قزن اعدام
واركبتكم من فوقها عقب حفلهـا=تردون لطيـار الشعـاف سـلام
تعدون ماشفتوا وشافت عيونكـم=وتبدون بالهرج المصيب اشمـام
تقولون ينخاكم من الظيم شيخكـم=غلامين ماعقب الصيـاح مقـام
تنخاكم السمرا وعكاش والحمـي=واجـا وجلديـه تــرد مــلام
وسلمي تنادي وين الاسلم بصوتها=واغدت قلوب السامعيـن حطـام
تصيح وين برغش تحسبه حاضر=عـزاه ماتـدري عليـه اهـدام
تمنيت لو الموت قـد زار قبـل ذا=ولاشفت بين الهضبتيـن اخيـام
ياليت عين للسناعيـس وايقـت=تنظر ذرا السمـرا عليـه قتـام
وتشوف لها يوم بعكـاش ضدنـا=غشي الخريمي من وراه ازحـام
غلبا ببني عمي وركني وعدتـي=غلبا الـي شـط الحريـب اوزام
غلبا ترا كل شي يباع ويشتـري=سوا العز بيعه بالسحـوت حـرام
ترا كل ماحاش الفتـي رد للفتـي=سوا الطيب يبقـي للرجـال دوام
ولا تمتدح بنت الاصيل اليا جـذت=عن عاده امهاتـه تصيـر اقـدام
ولا تنتفع باصل امها هي وابوهـا=الي عاد ماتكسي الحريـب قتـام
غلبا بكيت وصاحت الدار عقبكـم=نخيتكـم وانتـم بـعـاد مــرام
العفو ياما دونكـم مـن زراجـه=ومن سهلـه ينبـي وراه عـدام
يقولون لي خفراتكم وين دارهـم=وادموعهن فوق الخـدود نظـام
يصيحـن ويـن شمـر دلالـنـا=وباقدامهن عقـب التـراف لكـام
غلامين كيف اسهر وتنام عيونكم=وامسـي بهـم وتقبلـون طعـام
وسلامتكم
وتقبلوا تحيات اخوكم عواد الخريصي