القصيده الصحيحه لعبيد الرشيد

[شمري مغترب]

مساء الخير جميعا..................::::

فيه موضوع كثير من اعضاء المنتدى يقولونه وكلهم ما فيهم اللي جاب العلم الصحيح

هو قصيده عبيد الرشيد والاسلميه يوم هي تنتخي به


السالفه ماني ضابظه بالظبط لكن القصيده حافظه اكثر من اسمي وهي





يالطير انشد لي الخالديه وشلون كيفها عقب ما خلي المنامي
شليت زوجه فوق بنت العبيه وارويت سيفي من دم عريض الاذاني
كله لعين صرخه الاسلميه يافرحه المضيوم واللي نخاني
وش يحرم دمهم بالضحيه وحنا يحلل دمنا برمضاني


مع الاحترام لجميع اعضاء المنتدى هاذي القصيده الصحيحه لاني احبها اكثر من عمري ودايم ارددها

والسموحه منكم ................................
بس بالله سوال شلون حايل
ياحظكم ياللي بحايل والله ولهان موت على حائل









طلب اخير ..... قصيده ياليت شمر هل لي اللي دخيلهم مايظامي

اللي يعرفها امانه ينزلها على المنتدى هي وسالفتها









وسلامكتم

[ذيب الطنايا]

شمري مغترب

مشكور على القصيده لعبيد الرشيد بس ابي اعدله لك ولا تزعل على لان القصيده ما هي مثل ما قلت

يقول عبيد

يابو بطين انشد لي الخالديه ......... وشلون نومه يوم خلي المكاني
شليت زوجه فوق بنت العبيه ......... عامين ما شمه عريب الحصاني
كله لعيني صيحة الاسلميه ............ دللت سيفي في طويل الاذني
وش يحرم دمكم بالضحيه............... وحنا يحلل دمنا برمضاني

[ابوخليف]

مشكورين اخواني وماقصرتوا
وانا ابي اعدلبه بس هاه لاتزعلوووووووووووون كلكم
يقول عبيد

ياحسين ماتنشد الخالديه ......... وشلون نومه يوم خلي المكاني
شليت شوقه فوق بنت العبيه ......... عامين ما شمه عريب الحصاني
كله لعيني صيحة الاسلميه ............ ارويت صرخه من عريض الاذني
اللي حلل دمنا بالضحيه............... هم وش يحرم دمهم برمضاني

لان الشمري ذبح بالضحيه وعبيد ذبح الحضري برمضان

[علي الوهبي]

هلا بالجميع

والراي الصحيح والكلام الصحيح هو كلام اخونا ذيب الطنايا ولا قصور بكم ،،

لان ابن سليم ذبح ولد الاسلميه بعيد رمضان ويوم وصل عبيد العلم حلف الا يخرب عيدهم مثل ماخربوا عيد الاسلميه ونطر لعيد الضحيه واول يوم من الصبح والناس معيده جاهم عبيد الرشيد وذبح ابن سليم ،، وجا خوي ابن سليم اسمه ابو بطين وتقل انه لام وعتب على عبيد انه ذبحه بعيد المسلمين ،، فرد عليه عبيد بهالابيات ،، والخالديه هي مرت ابن سليم

ولكم التحيه

وابشروا باللي يبي يالليت شمر هللي

[الحيران]

شمري مغترب

مشكور على مانقلته لنا

وانا ارى بعد الصحيح اللي كتبه ذيب الطنايا

لان عبيد الرشيد غزاهم بيوم العيد عيد الاضحى
والاسلميه اتت لعبيد عقب عيد رمضان وقالتله السالفه
اني انتخيت بك ياعبيد وقتل ولدي على هذا السبب

وعبيد خلاه لعيد الاضحى

وجاهم وهم طالعين من المسجد ويتعايدون

حريم ورجال

وايضا فيه قصيده لعلي اجدها شاعرها شمري

من اللي مع عبيد راحو

يقول فيها بمعناها

ان حريمهم عقب ماهم يتسالمون ويتعايدون

قامن يلقطن جثث رجالهن


اخي شمري مغترب

طلبك ..... قصيده ياليت شمر هل لي اللي دخيلهم مايظامي

هذه انشاالله اليومين ابحث عنه بكتبي و انشرها

حسب مايقال ان اللي قالت الابيات دوسريه

واللي من ضمن القصيده تقول ياليت ربي ماخلقني دوسريه

وسبب القصيده كانت متزوجه احد شيوخ شمر من القويعي

كان الامير محمد العبدالله معينه امير على محافظات الرياض حاليآ

المجمعه واللي حوله


تحياااااااتي لك اخوي

[عبدالكريم الوبيري]

السلام عليكم

اقربكم للصواب هو ذيب الطنايا

مع الاحترام للاخوه الاخرين ... ولكل مخطئ ومصيب

[بتار]

يعطيكم العافية على هذه الابيات

[راكان المعجل]

سلام الله عليكم ياشباب ياذيب الطنايا القصيدة اللي ذكرته لعبيد بس تراك لعبت بصدر البيت وبالوزن والقصيدة فزعت عبيد للاسلميه عندما قتل ابن سليم ولدها بسبب دخوله الحما للرعي حمى السليم وكانت الزبحه في رمضان فصاحت الام وتستنجد بعبيد وهي تقول عبيد يارجالي عند القصر وكانو العبيد يبعدونه ولكن عبيد سمعه وقال اتركوه وش عنده فأخبرته بالموضوع فقال هدي نفسك ان الله احياني لضحيبهم ولما ضحابهم قال القصيده ويسندها على ولده حمود
ياحمود.. انشدلي العرفجيه.....وشلون كيفه .يوم .خلي المنامي
شليت زوجه فوق بنت العبيه...اربع .اسنين. ما علاها... حصاني
كله لعيني...صيحة الاسلميه......أرويت صرخه من عريض الاذاني
هم وش يحرم دمهم بالضحيه....وحنا.... يحلل ...دمنا بالرمضاني؟؟؟


رحمك الله يابوحمود


وشكرا لكم

[ابن برزان]

يعطيك العافيه
على المشاركه
اللجميله
ابن برزان