قصيدة العـوني على لسان بن رشـيد

[القاصف]

الشاعِر (محمد عبدالله العوني) قال قِصـيده على لسان الشيخ سعود ابن

عبدالعزيز بن رشيد ( ابو خشـم ) .. حين حاصَر (نواف بن نووي بن شعلان) في بلدة سكاكا

بالجوف ، ينتخي فرسان شمّر للحاق بسـعود :



راكـبٍ فـوقِ حـرٍ يذعـره ِظلّـه=مثل طيرٍ كفخ مـن كـفِّ قضّابـه

ياما حلا فرّتـه والخـرْج زاه لـه=والميراك على متنـه تنثنـي بـه

من "سكاكا" ترحـل واتـرك الذلـه=واحذر الخوف هاجوسك تهنى بـه

سـر لشمّـر وخبِّـر لابتـي كلّـه=لابتي بالملاقـا حـيِّ مِـن لا بـه

قل الوادى ابو عافـت بعـد قلـه=يانهـار علـى الجوبـه تحـلابـه

الدخان من فوقنا كن الدجـى ظلـه=والرويلي وابـن شعـلان وقرابـه

دريوا إنّـا قليـل وادركـوا خلـه=وارتكينـا بعـون الله وحجـابـه

ما نعرف الضحى من كثر خلق الله=وين شمر هـلَ العـادات والجابـه

وين مطنـي وعبـاس وربـعٍ لـه=ويهـا كربـة لـوان لهـا لا بـه

وين هابس وبرجس هم وربع لـه=وين عبده إلـى ماحـل ضبضابـه

وانخ راعي المليحا لا تساهـل لـه=وانخ شمر وعظ الصوت يدري به

وانخ فهران اخو رفعه ورمـح لـه=لا التقـى بالملاقـا كـف قضابـه

وانخ ضاري والاسلم قل تجي كلـه=واخو صلفه إلى ما انه كلـخ نابـه

وانخ أخو شاهه المنصور وافطن له=وانخ مطلق مع التومـان بالجابـه

وانخ سنجار وقاسم ساتـر الخلـه=وانخ غضبان أبو علوش واقرابـه

وانخ عدوان ابو مدوح وربـع لـه=يرفع الصـوت للفلحـان بالجابـه

وانخ فهاد وبايق هـم وربـع لـه=وانخ شيبان شمـر وانـخ شبابـه

وانخ مياح واهـل الديـن والملـه=وانخ الإخوان عز الدين وحجابـه

[الساري]

القاصف قصيده رائعة للعوني بلسان بن رشيد

ما قصرت

[شعاع العز]

سلمك الله يا أستاذ ( القـاصــف ) على القصـيده الرائعه

و دمت كاتباً ممـيزاً





( شعاع العِز )

[سبيع الغلبا]

الاخ العزيـز القـاصف

الغائب والحـاضر في الأذهان دائماً ,,,


أولا كل عام وأنت بخير وصحه وسلامه ,,,


وثانياً أقول بأنك دائماً لا تأتي إلا بالشئ الرائع والمتميز فعلاً


سلمت ..ومـاقصرت ..ياراعي اللحيسه ..شكراً لك ودمت بخير


أخوك/سـبيـع الـغـلـبـا .....(فـايـز)

[ابن عمود]

القاصف قصيده رائعة للعوني بلسان بن رشيد

ما قصرت

[الاشعلي111]

صح لسانك وعافاك ربي

[ابوو عايض]

صح لسانك يالقاصف على القصيده الرائعه التاريخيه للمبدع العوني الله يرحمه

تحيــــــــاتي

[ساهر]

صح لسانك يالقاصف ولسان الشاعر العوني الله يرحمه


بالفعل قصيدة رائعة للشاعر العوني


تقبل تحيتي

[سعد الأسلمي]

يعطيك العافيه على القصيدة الرائعه


وقصة المعركه

معركة الجوف وقعت عام 1338هجرية

كانت الجوف تحت حكم النوري بن شعلان وكانت علاقة بن مويشير (من كبار أهالي الجوف ) في البدايه مع النوري بن شعلان جيده لما كان يتصف به النوري من الحكمه وبعد النظر..وكان الاحترام المتبادل قائما بين الرجلين..وذلك اثناء مباشرة النوري بن شعلان حكم الجوف بنفسه.
ولكن بدأت هذه العلاقه بالتوترعندما غادر النوري الجوف لسوريا وترك الامر لابنه نواف بن شعلان .. والذي بدوره اوكل الامر لمنصوب اسمه عامر "المشورب" فأخذ هذا المنصوب يعتدي على بعض الاهالي ويجبرهم على بناء قصر بن شعلان بالسخره ودفع الاتاوه..فاشتكوا الى بن مويشير (باعتباره من كبارهم) ..والذي طلب من المنصوب التوقف عن تعدياته على الاهالي وحذره من مغبة الاستمرار بذلك. ولكنه لم يرتدع وتمادى بعد ان وجد التأييد والمسانده من نواف بن شعلان..حتى وصل به الأمر أن منع بنت بن مويشير ان تروي من الماء.
عند ذلك طلب بن مويشير من بن شعلان عزل هذا المنصوب عن الجوف فلم يوافق بن شعلان وأبقى المنصوب عامر "المشورب" بالجوف.
بعدها قرر بن مويشير قتل المنصوب عامر "المشورب" والثوره على حكم بن شعلان وتقويضه في الجوف .وكان ذلك في عام 1338هجريه
.... أرسل بن مويشير مرسولا الى سعود بن رشيد يخبره بأنه قرر قتل منصوب بن شعلان على الجوف عامر المشورب..وابدى بن رشيد استعداده للتحالف مع بن مويشير في حال تنفيذ تهديده بقتل منصوب بن شعلان .
بعد ذلك قام بن مويشير بالهجوم على قصر بن شعلان بسكاكا فقتل منصوب بن شعلان عامر المشورب واستولى على قصر بن شعلان .
بعد ذلك جمع نواف بن شعلان قوه كبيره ضمت الى جانب الروله وبن هذال عدة قبائل أخرى منها الحويطات بقيادة عودة أبو تايه والعوازم والشرارات وكثير من بادية الشمال والأردن بالاضافه لغالبية اهالي البلدتين سكاكا ودومة الجندل .

والشاهدعلى مشاركة الشرارات والعوازم والحويطات بقيادة أبو تايه هو قول محمد العوني :
وجـبــت الــعــوازم والــشــرارات هـتـمــه ................... وابـوتـايــه يــرثــع بـغـبـيــر هــجـــار
والشاهد الاخر على مشاركة بن هذال هو قول بن مويشير :
وخليف قال اليوم دور بن هذال......... وانا احمدالله يوم غير هواهــــــــا
والشاهد على مشاركة (الديرتين) سكاكا ودومة الجندل مع بن شعلان هو قول العوني :
وابــــن مـويـشـيـر تـبــيــن بـقـولـكــم .......وثــــارت عـلـيــه الـديـرتـيــن وحـــــار

.. وبعد أن جمع بن شعلان هذه الحشود وحاصر بن مويشر في سكاكا طلب منه التسليم فرفض .
كذلك فقد طلب كبار أهل الجوف المنضمين لابن شعلان ومنهم خليف ابن سراح (خليف الثاني وليس الاول ) من ابن مويشير التسليم فرفض أيضا
قال خليف: (سلّم يا ابن موشير )
فقال ابن مويشير :
ياخليف انا منصوركان الدهرطال000انا وراي حماة سلمى وجــاهــــا
اصبر يجيك الضيغمي حام الاثقال0000حتى يقودك كل جربا طلاهـــــا
اصبرتجي لباسة الجوخ والشال0000صبيان حايل فرحت اللي نخاهـــا

وقاوم بن مويشير هذا الحصار بشراسه وحصلت مناوشات بين الطرفين..ولم يتمكن بن شعلان من الاستيلاء على سكاكا.. واثناء ذلك طلب بن مويشير المدد من بن رشيد بإرساله للقصيدة التالية :

يالله ياللي عالم غيبات الاحوال …............ياللي يدك كلن ترجا عطاهــــا
تاسف لمن طقه مع الغبن سلال 0000000ونفس لحق بها التلف وش دواها
اللي سبا حالي غضب شقر الاجدال 0000بيض تشكا من هضايم عداهـــا
(يشير الشاعر لمنع بنته من الماء)

من يوم سور العز هدوه الانذال 0000000تنعاف دار بين اهلها شقاهـــا

(يشير إلى أهل الجوف الذين تحالفوا مع بن شعلان)

يادار دورتي باهاليك الابدال 00000000مثل الطموح اللي بعجة هواها
شلون عقب الشيب دارت بالاجهال 0000قامت تبخر حضنها مع غطاهـــا
آه على اللي تقطع الدو مشوال 00000تشدى رفيف الوارده من قطاها
باغ لحايل زبن من طقه الجال 0000000من دور عبدالله ذرا من نصاهـــا
هذي بلاد مطوعة كل من عال 000000دار المعزه والضياغم حماهـــــــا
اول هداد سعود بين له افعال 000000اولاد وايل يوم صالوا خذاهــــــا
حر شهر وان نفض الريش فعال 00000عناز اليا شط الفرات حداهــــــــا
قفوا مع اللبه وضلوا على حال 00000وحرم عليهم شربة من جباهـــــا
واشيب عين اللي هكاليوم زمال 0000ضاقت على ناس طليفيح جاهــا

(يشير إلى انتصار سعود بن رشيد على عنزة بمعرك
ة الجميماء وتجليته لهم إلى العراق )

للساع عيت صفرة الكبد تنجال 000000مادام ديرة حينا ماولاهــــــــــا
لولا العيا من يقطع اللغف صوال 0000حايل معفاة على اللي بغاهــــا
نارالهشيم بضامري تشعل اشعال000وش يدري اللي بالقدم ماوطاهــا
ان جيت باللي بديرة العم والخال0000يوم خربوها مستشيرة نساهـــا
ياأمير وكّل قايد المزن وخيال 000000وقل للخدم من له جواد يحذاهــــا
ورجالك اللي للثقيلات شيال 0000000كم واحد من دون عمه ثناهـــــــا
ياهل الركاب اللي من البعد نحال0000ريضو خفاف الجيش يبرد حذاهــا
وجال كما جول القطا عقب مقيال0000من يوم مدّن للمسير معناهــــــــا
قولوا لشمر تدني الحيل والحال00000اللي يعرفون القدا من عياهـــــا
الميت يقعد لو عليه الثرى هال 000000بين اللحود وبين غامق وطاهـــا
شوفوا حمي المرتعد وبن هذال0000وابن الفقير شهاب طقه بلاهـــــــا
ابروا سباق الخيل دايم وعمال00000تروه لمثل اليوم حق غذاهــــــــــا
الا ولو تدرون منصور وش قال00000عود بكا حق لعينه بكاهــــــــــــا
من مقعد بين البغيضين غربال00000اللي يشوف مهونته مارتضاهـــــا
وخليف قال اليوم دور بن هذال0000وانا احمدالله يوم غير هواهــــــــا

(إثبات اشتراك بن هذال بالمعركة)

ماحكم الاحكم الاله مازال 0000000زولت سراب الليل وابدت ضحاهــــا
دنياك توريك العجايب والاهوال000مالت عليك وربعنا العز جاهــــــــا
يوم ان عزك ثار حطاب ماضال0000واليوم راعي الدين يبغي وفاهـــا
ياخليف انا منصوركان الدهرطال000انا وراي حماة سلمى وجــاهــــا
اصبر يجيك الضيغمي حام الاثقال0000حتى يقودك كل جربا طلاهـــــا
اصبرتجي لباسة الجوخ والشال0000صبيان حايل فرحت اللي نخاهـــا
عنداخونوره قفلوا كل مشوال00000أهل الجبل تحرفو بمغزاهــــــــا
تسع الف مردوفه وتسع الف خيال000هذا الوعد سلطان نجد دعاهــــا
قال بن طلمس دونهم دو وسهال00000وش ادرى اللي بين سلمى واجاها

(يستبعدون فزعة بن رشيد لبعد المسافة )

تالي زمانك بالدرجتين الاسفال000000حضك ثبا والحقت دلوك رشاهـــا
خفاك يامنصوركان الدهر طال000000آيس عن اهلك القديمه رجاهــــا
منصورقال ان ماوليتن بالاكمال00000صم الرمك عيب على اللي قناها
هدت خزام بطلت كل فعال00000000وانا احمد اللي يوم باسى طفاها
يابن قعيد يقتضي منك رجال000000زامل لياشد الرسن واعتلاهـــــــا
إبراهيم يثني وان هبا كل ذلال000000يما على حوض المنايا رماهـــــا
حامي عقاب الخيل والدم شلال00000يوم ان قطي الخيل ترشح دماها
ربعي هل العاده على شهب الاذيال00000عبده الياعج السبايا غشاها
لازم يجونك بين حفيان واقبال0000000ياعركة لابدهم من لقاهــــــــا
ياتونك الاسلم سريعين الاقبال000000اركوا على عوص النجايب سراها
حق عليهم بيعت العمروالمال00000000والحال عقب مهونة وش غلاها
وعقاب برز عطفة الحرب والشال00000شوق الهنوف اللي صخيف حشاها
وانا اترجى رد برغش ولا ضال000000واثار راضه رايهم من هداهــــــــا
يوم جاهم النويديس مرسال00000000تريضوا تلحق بحامي تلاهــــــــــا
حيف على غوش الزميلات ورمال00000لاعاد شوشاة الحرايب مناهــــــا
هذي بناس نية الشط نزال 000000000من الهور مبدين الركايب سراها
عليهن التومان كسابة الفال00000000عاداتهم سوق الحريبه قفاهـــا
وختمت باسم الميم والحمد والدال00000بصلاة رب العرش رافع سماها

فلبى سعود بن رشيد النداء وتوجه الى الجوف بنفسه على رأس قوة قليلة تقدر بثلاثمائة رجل حيث لم يكن لديه الوقت الكافي لحشد شمر

ســار ابو مشــعل وربعـه ثلاث مـية...... والـرويلات كـثر ســــيعان الـــرمـالي

وعندما وصل الى مشارف سكاكا وجد ان بن شعلان قد حشد قوة كبيره تفوق قوة بن رشيد وقوة بن مويشير بكثير(كما ذكرت سابقا) .فنزل بن رشيد في مكان شرق بلدة اللقايط بالقرب من سكاكا واستشار كبار قومه عندما وجد قوة بن شعلان كبيره.. فأشار عليه بعضهم بالرجوع الى حايل حتى يتمكن من حشد قوة اكبر من شمر واهل حايل ..فغضب سعود بن رشيد من هذا الرأي فقال [ والله يا علم صدر مني لابن مويشير ما أخلفه لو على هلاكي].. والشاهد قول العوني :

وشـلــع طـيــر شـلــوي ماتـسـمـع لقـولـنـا .........................يــقــول مـا دون الـرفــيــق اعـــــذار
وعـيـب عـلـي مـثـلـي الـيــا هـــد ينـثـنـي......................... الا شـــاف نـيــران الـحـريـب اكــبــار
انــا صـلـب عـبـدالله وانـــا شـبـلـه الـــذي ........................بـــنـــي لـلـمـعـالــي فــــــوق داره دار

وفي هذه الفترة قال العوني قصيدة على لسان سعود بن رشيد يستنجد بأبناء عمه شمر ليناصروه في حربه ضد بن شعلان . قال الشاعر محمد العوني:

راكب فوق حر يذعره ظله............ مثل طير كفخ من كف قضابه

ماحلا فزته والخرج زاه(ن) له......... والميارك على متنه ثنى به

من(سكاكا) ترحل واترك الذله.......... واحذر الهاجوس خوفك تهنى به

سر لشمر وخبر لابتي كله........... لابتي بالملاقا حي من لابه

قل لوادي وابو عافت بعد قله............. يانهار على الجوبه تحلا به

الدخن فوقنا كن الدجى ظله............. والرويلي وابن شعلان واقرابه

دريوا ان قليل وادركوا خله.............. وارتكينا بعون الله وحجابه

مانعرف الضحى من كثر خلق الله.......... وين شمر هل العادات والجابه

وين مطني وعباس وربع له.............. ويّها كربة لو ان لها لابه

وين هباس وبرجس هم وربع له....... وين عبده الى ماحل ضبضابه

وانخ راعي المليحا لا تساهل له... وانخ شمر وعط الصوت يدرى به

وانخ فهران اخو رفعه ورمح له........ الا التقى بالملاقا كف قضابه

وانخ ضاري والاسلم قل تجي كله.... واخو صلفه الى ماانه كلخ نابه

وانخ اخو شاهه المنصور وافطن له..وانخ مطلق مع التومان بالجابه

وانخ سنجر وقاسم ساتر الخله..وانخ غضبان ابو علوش واقرابه

وانخ عدوان ابو ممدوح وربع له..... يرفع الصوت للفلجان بالجابه

وانخ فهاد وبايق هم وربع له ...... وانخ شيبان شمر وانخ اشبابه

وانخ مياح واهل الدين والمله.... وانخ الاخوان عز الدين واحجابه


كذلك قال عبدالله الطلال الرشيد (ابن عم الامير سعود بن رشيد ) للشاعر حشم الجهيلي الشمري (اقصد يا حشم ... فزّع شمر) فقال قصيدة فركب عبدالله الطلال وحشم وساروا تجاه شمر وكان غالبيتهم بعيدين عن الجوف ( وكان أقربهم ضاري بن طواله نازل حول الكويت ...... لاحظوا المسافة) يطلبون منهم المدد لسعود ابن رشيد.
فلما وصلوا لضاري بن طواله الذي كان على خلاف مع سعود بن رشيد رحمهم الله أجمعين بسبب شأن داخلي لشمر .والذي من أجله (جلا) ضاري ومن معه من الأسلم ألى الجهراء وسفوان وما حولها.
وعندما وصل عبدالله الطلال والشاعر الجهيلي الى الاسلم 0 أناخوا ركايبهم وبعد قليل جاءهم عبد من عبيد ضاري وهو يقود بعير وعندما قرب من الرجلين عقر البعير بالسيف وقال: يقول عمي : ( هذا قدركم ) والآن تفضلوا .
ثم ذهب الثلاثة الى بيت ضاري.
وجلس عبدالله الطلال الرشيد وضاري (متراكين )على الشداد .
عندها قام الجهيلي وقال : (الرخصة يا محفوظ ) ويقصد ضاري
قال ضاري: (استرخص من خويك)
قال الجهيلي: (كلنا عيال وعند ابوهم(
قال ضاري : (تفضل) ثم قام وجلس على ركبتيه أمام ضاري وبدأ بالقصيدة فاقترب رجال الأسلم حوله يستمعون (وعيونهم طايره) وأثناء القصيدة تغيرت وجوه الرجال .
وعندما انتهت القصيدة ضرب ضاري الارض بشوحط كان بيده وقال: (حت خيال الهدلاء طويل .... انا اخو صلفه ...... تبون الجمل و ما حمل أو مسلولة)
وفي رواية: (تبيه مسلولة وإلا يقشع هالمثومن ولا يبنى إلا بسكاكا) .
قال عبدالله الطلال : ( لا ... نبيه مسلولة ياأخو صلفة ربعنا محاصرين (يقصد بن مويشير)وأخاف إن يقضي زهابهم أو يحصل لهم مكروه)0
قال ضاري : ظهورهن.
(( الجمل وما حمل: يعنى حنا واهلنا وبيوتنا
مسلولة : يعنى على الخيل فقط
المثومن : بيت الشعر ))

وأورد لكم بعض الأبيات من قصيدة الجهيلي:

ياللــــه ياللي للمخاليــــق حسّاب ............... يالي على كل القبايل نظيري
ياللي لنار الحــــرب بالجوف شباب............... عليك من ركضة سعود خطيري
سعود ورد للجوف من عقب مزهاب ..............وانتم عن الجوبه شمال صديري
يقول وين اللي يجـــــزون الاصعاب ............اللي على حياض المنايا خميري
صيحو لنــا وانخو طويلين الاطناب .............. ديهم على أهل الجبل يستديري


..... وصل ضاري للجوف وعندما وصل الجوف حصلت المعركة فانهزم نواف بن النوري بن شعلان من المعركة كما انهزم عودة أبو تايه شيخ الحويطات أمام ضاري .
والشاهد قول العوني :
وخــــلا الـمـدافــع والـمـكـايـن وانــهــزم ............ هـــو وابـوتـايـه قـفــل عـقـلــه وطــــار
عــقــب الـمـكـافخ والـخـطــوط وقـولـهــم................ حـنــا ســبــاع صــــار ديــــك وخــــار
سـاعــه لـمــح بالـعـيـن غـلـبـا وشـافـهــم ............. بـــــدّل بـنــيــات الـثــبــات فـــــرار

وعندما جاء نواف منهزما من المعركة سلّم عليه أبوه النوري ولا رد نواف على أبوه فقال الأب : (تهجرني وانا ابوك )
قال نواف : (ايه اهجرك .... تنحّط انت وابن دغمي لك خمس شهور ..... جيناك وجاك العون ، وهذولا مايتحاكون (يقصد ضاري وسعود ) وفزعوا لبعض )
قال الأب : (هذولا ليا اجتمعوا عند شيخهم يرهبون الدول ما هو انت معك هالجيوش وعجزت عن بن مويشير وهو رجال واحد بس )
والشاهد على هذا هو قول العوني :
وجـنــب عـــن امـــه والـعـيـال ووالــــده ........... وذا عــلــي مـثــلــه كـبــيــر وعـــــار

(يقصد أن رده على والده بهذه الطريقة عار )


وانتهت المعركة بانتصار شمر .

وقتل من الرولة فقط في ذلك اليوم 500 رجل غير القبائل الأخرى .قال العوني:

وخمـسـمـيـه مـــــن لابـــــه وايـلــيــه ...............خــــلاه لـلـضـبـاع والـسـبــاع مـــــزار

قال العوني :

الاعــمــار ســفــن والـلـيـالـي بــحـــار ..............والاقــــدار تــجــري والـغـبــاب اغــــزار
ولـو هــب لـــه ولـــم ســــارت سـلـيـمـه ................صــيــور مــرجــوع اعـلــمــار دمـــــار
الـهــي مـــلاذي مـسـنـدي وانـــت فـزعـتـي........... لاعــــاد واحــــد والـخــصــوم اكــثـــار
وانــا فــي حـمـاك وحــدر ظـلــك وجـيـرتـك ..............وتـبـريـت مـــن غـيــرك وكــــل جــــوار
فـوضـت انــا امــري لــك بحـيـلـي وحيـلـتـي............. وحــاشــاك جــــار فـــــي ذراك يـــــذار
ونويـت انـا ابـعـد بـعـد اتكـالـي علـى الـولـي............ عــــداد مــاشـــاف الـنـظـيــر وصـــــار
واقــــول لـلـركــب العـقـيـلـي تـرحــلــوا ................عـلــى اكـــوار وسـعــات الـجـبـاه حــــرار
جــلايـــل فـــــج الـنـحـــور عــلاكـــم ....................عــلــى اول جــلــس مـابـهــن اعــشـــار
حـيــل تـبــاري بالمـسـيـر الـــي ادلــجــن ...................مــشـــن مـــــن دار وجـــــن ديـــــار
لابــاس لــو رضـتــوا لـنــا قـــدر مـاطــرا ...................مـايـوجــبــن الـسـاعـتـيــن احـــيــــار
الــي قـضـي يــا ركـــب شـانــي وشـانـكـم................. هـمــوا هــمــام مــــا تــــلاه احــــوار
لا حــركــوهــن بـالـمــســر ولـجـلــجــن.................... يــشـدن شــــادوف حـــــداه اعــصـــار
اركبتـهـن مـــن نـقــره الـجــوف واشـمـلـن............... كـمــا جـــول ربــــد صـابـهــن اذيــــار
وعـقــب خـمــس لـيــلات يـلـفـن قـبـيـلـه ....................لـهــم بـالـثـنـا عــلــم ابــعــد وكــــار
يـلـفـن لـبــن شـعــلان نـــواف شـيـخـهـم ....................يـقـولـون لـــه عــلــم ايــعــد اجــهــار
يـقـولـون هـــو مـالــه شـبـيــه مـقـاتــل....................... يـاكــود مــــا يـكـتــب عـلـيــه دمــــار
ونخـبـرك فــي عـشـر لـيــلات جـــرن لـنــا..................... شـفـنــا بــهـــن بـالـنـاضـريـن كــبـــار
وهـمـيــت بــامــر مـايـهـمــه غــيـــرك .....................وبـغـيــت تـقـنــص بـالـدجــاج حـــــرار
وجـبــت الــعــوازم والــشــرارات هـتـمــه .........................وابـوتـايــه يــرثــع بـغـبـيــر هــجـــار
وحـاشـي ولـــي الـعــرش يـخـلـف عـوايــده ....................يـركــب عـلــي ســـرج الـحـصـان حـمــار
تـكـابــرت مـنـزلـكـم عـلـيـنـا وعـقـلـكــم .......................تحسـبـونـنـا حــظــر حــمـــا احــظـــار
وحـنــا نـــدور الـنــاس مـاهــي تــدورنــا .......................لاشــــك ذي ثـــــارت بـغــيــر اعــيـــار
جـونــا منـاجـيـب مـــن الـجــوف قـولـهــم ....................مــاعــاد بـالـجـوبـه يــســـوج وســـــار
وجـيـنــا ثـلاثـمـيــه ذلـــــول نـحـثـهــا ......................نـبــغــي نــعـــدل مــايـــل وايــســـار
لـمــا وردنـــا الـحــزل جــانــا ركــايــب .......................يـقـولـون كـــل الــلــي ايــقــال بــــوار
يـقـولـون بـــن شـعــلان بـالـجـوف نـــازل ......................ومـنـهـو لـكــم قــبــل صــديــق وبــــار
وابــــن مـويـشـيـر تـبــيــن بـقـولـكــم .............................وثــــارت عـلـيــه الـديـرتـيــن وحـــــار
يـنـخــاك يــازبــن الـمـخـيـف ودونـــــه ........................نـــار يـشـطـر عــــن ســنــاه شــــرار
وأشـرنــا بـربــع الـــراس والـحــاق قــــوه ....................تــــودع بـوالــيــد الـحــديــد اكــســـار

(أشاروا بالمدد بسبب تفوق بن شعلان العددي )

وشـلــع طـيــر شـلــوي ماتـسـمـع لقـولـنـا ....................يــقــول مـا دون الـرفــيــق اعـــــذار
وعـيـب عـلـي مـثـلـي الـيــا هـــد ينـثـنـي.................... الا شـــاف نـيــران الـحـريـب اكــبــار
انــا صـلـب عـبـدالله وانـــا شـبـلـه الـــذي ..................بـــنـــي لـلـمـعـالــي فــــــوق داره دار
وهــــي لـجــدانــي تــعـــدد بـقـولـهــم .....................نــدخــل ولا نـنـشــد عـــــن الـمـعـبــار
وصـفـق مـثـل غــواص هــوي وسط غـبــه ...................وشـفـتــوا بــنــا يالـطـيـبـيـن عـــــوار
وكـثـروا هــل الخـونـات مــع كـثــر قـومـكـم.................. ورمــتــوا أمــــور مــاتـــرام اعــســـار
وزود طـمـعـكـم قـلـنــا قــبـــل فـعـلـنــا ......................وحــنــا بـصـكــات الــلـــزوم اكــثـــاار
وجـيـتــوا اجــمــوع صـايـلـيـن تـبـونـنــا ......................وهـقـواتـكـم قــبــل الــزحـــام اقــمـــار
ولــمــا سـمـعـتـوا غـلامــيــن قـومــنــا .....................تــنــادي بــصــوت لـلـحـريـب اذعـــــار
ووردوا شفـقـيـن عــلــي الــمــوت كـنـهــم ...................وورد تــعــايــل مـاعـلــيــه احـــيــــار
تـنـاخـوا صـبـيــان الـجـبــل دون شـيـخـهـم ..................الـــي صـــك كــــلاب الـحـديــد وجــــار
ولــمــا صــدرتــوا تـطـلـبـون بـيـوتـكــم .....................والــمــوت بـاتـلاكــم يــخـــم اخــيـــار
شفـتـوا وعـفـتـوا رايـكــم عـقــب مـاجــرى................... تـقـولــون نـرويـهــم بــطـــول مـــــدار
مـسـاكـيـن مــايــدرون مـنـهــو قبـيـلـهـم .......................الـــى شـــب لـلـحـرب الـضــروس سـعــار
مـادريــوا انـــه شـالـهـم مــــن تـرابـهــم ......................وهــــم مــــادروا وش بـالـزمــان يــــدار
ابــــرم عـلـيـهــم حـيــلــه ضـيـغـمـيـه ....................بـعـقــل وتـدبــيــر وســـــداد وســـــار
اضـــرم لـهــم نـــار حــاظــي شــرارهــا ..........................ايـضــا بــعــد عـقـبــه قــفــاه بــنــار
ارســـل لـحــر نــــادر مــــن مـجـاذبــه .......................ابـنــه الــــي قــــام الـخـصـيـم وثــــار
وســعــود حــمــال الاثــقــال ابـومـشـعـل ......................عـلــي ردتـــاه ســـج اركــــاب وســــار
لـمــا لــفــي بــــه عــــزوه شـمـريــه ....................شـمــر الـــي قــــب الـعـجــاج وثــــار
ومـن حيـن جـاهـم صــاح بالـصـوت بينـهـم .....................وبـكــي عـبــره مـنـهــا بــكــن اعــبــار
بـكــي وقـــال الـشـيـخ يـنـخــا جـمـعـكـم ....................بـنــي عـمـنـا مــــن تـرقـبــون اخــيــار
بـكــي عـبــره مـنـهـا جـــرن ادمـوعـهــم ....................ومـنــا غـــداد مـــع الـجـلــوس انــثــار
شـمـر الــي مــن الـعــرب عـــدت الـعــرب ......................تـــري دونـهــم كـــل الـعـلــوم اصــغــار
لــهــم بـالـعــلا والـمـعـضــلات قــدايـــم ....................الـــي قـــل جــــم الـمـوجـبـات وغــــار
ومـــن دار قـحـطـان ومـــن قـبــل الـتـبــع ...............لــهــم بـالـعــلا وبـالـطـايــلات مــنـــار
نمـتـهـم الـــي العـلـيـا فــــروع قـبـايــل ..................مـاهــن لـفــاق مــــن حـظـيــر حــظــار
والله لــولاهــم فــــلا يــذكـــر الــوفـــا.................... ولا لـلـحـمـيــه بـالــعــبــاد مـــــــدار
شـهــد لـقـولـي يـــوم جــانــب شـيـخـهـم ....................وهـــم قـبــل غضـبـيـن عـلـيــه اجــهــار
مـشـوا مــن شـنـق شــط الـفــرات عـقـايـب ...................ســيــل غــشــا وادي رويــــل احــمـــار
مـشـي مــن يـمـيـن قـبــلا وانـهــل دوقـــه..................... عــجــل غــشــا روس الـجـبــال اغــبــار
تـلافــوا عـلــي الـحــزل الـقـديـم واقـبـلـوا ........................عـلــي اكـــوار حـيــل كـنـهــن امــهــار
عـلـي ايـسـر سكـاكـا لفـاهـم سـقــي الـوبــا ................لـمــا ركـــب خـشــم الـطـعـوس وســــار
يـرعــد ويـبــرق والـغـضـب فـــي جـوانـبـه....................... شــــم ابـوسـلـطــان ســنـــاه ونـــــار
وخـــلا هـــل الـعـلـيـا وخــــلا حـلالـهــم................... وخــــــلا خــيــامــه والاذواد يـــســـار
وخمـس ـمـيـه مـــــن لابـــــه وايـلــيــه .........................خــــلاه لـلـضـبـاع والـسـبــاع مـــــزار
وجـنــب عـــن امـــه والـعـيـال ووالــــده ........................وذا عــلــي مـثــلــه كـبــيــر وعـــــار
وخــــلا الـمـدافــع والـمـكـايـن وانــهــزم ....................هـــو وابـوتـايـه قـفــل عـقـلــه وطــــار
عــقــب الـمـكـالـخ والـخـطــوط وقـولـهــم .......................حـنــا ســبــاع صــــار ديــــك وخــــار
سـاعــه لـمــح بالـعـيـن غـلـبـا وشـافـهــم .........................بـــــدل بـنــيــات الـثــبــات فـــــرار
لابــــد مـن يــوم تـصــيــده شـبـولـهــم ........................لـــو اخـطــته مــــره تـصـيــده امــــرار
عـلـي راي ابومشـعـل مـعــدل صـغــا الـعــدا ................شـيــخ يـهــدي مـــن عــــلاه اصــطــار
نـشــا بـشــب الـحــرب والـضــرب مـولــع .....................صـغـيــر ولا طــالــت عـلـيــه اشــبـــار

( كان عمره في هذه المعركة 18سنة ،حيث قتل سعود بن رشيد وعمره 20 سنة وهذه المعركة قبل مقتله بسنتين)

كـريــم السـجـايـا كـــل مـاحــاش طــولــه ...................تــزايـــد بـحــلــم وعــفـــه ووقـــــار
وربــيــط جــــاش بـالـمـلاقـى والــوغـــا .................ضـحـي الـكـون مــن ضــرب الـفـوارس خــار
وهــو ضــارب الاخـطـار مــن دون مــا بـغــى.............. وهـــو مـــودع الـعـظـم الصـلـيـب اكـســار
وهــو مـقـدم الهيـجـا وهـــو قـطـبـه الـــذي ....................عـلــيــه دالــوبـــة رحـــــاه ايـــــدار
وهـــو عـظـيـم الـشــان والـجــاه والـثـنــا .................وهـــو واحـــد الـدنـيــا بـغـيــر انــكــار
فياطـالـبـيـن الـحـكــم لاتـجـهـلـون بـــــه .............رويـــدا تـــري قـضــب الـنجــوم اعــســار
تـمــت وصـلــي الله عـلــي سـيــد الــمــلا .....................عــدد مــن قـصــد بـيـتـه وحـــج وزار


وقد قيل بعد هذه المعركة الكثير من (العرضات) الاحتفالية بالنصر :

قال الشاعرفهد الفويه رحمه الله :

يانديبي على حمرا ردوم
حرة له ثلاث سنين حايل

اركبه يا مبشر بالعلوم
لم شمر صناديد القبايل

قل جرى ساعة تجلا الهموم
تبري الكبد من باق الغلايل

جاك بن شعلان وجموعه تزوم
عبروهم خبيثين الدغايل

قام ابو مشعل السبع الضروم
صاح بالصوت ياصبيان حايل

قالوا العمر ماهو باللزوم
سبلوا وركضوا صدق صمايل

وردوا ورد قطعان تحوم
خلوا الدم فوق القاع سايل

وابن هذال والغثيان شوم
ذبحنا له كسبنا به نفايل

والجنايز غدوا مثل الرجوم
وا حسايف عزيزين النزايل

حيف ابوتايه راع القحوم
ماثنى دون نقاض الجدايل


وهذه عرضة للعوني بعد المعركة:

مزنه حل الغضب في جوانبها=قادها المولى علي راس عدوانه

امطرت بالموت والفوت صايبها=صار بأمره صبها فوق عدوانه

هلت القصدير وسعود يندبها = وانزعج سوا البلا قبل دخانه

الفخر والمدح للي بجانبها = يوم حل البين والنفس بلشانه

عاش من كفه ضحي الكون خضبها=يوم خطو اللاش به طارت اذهانه

امدحوا من هد وأدمى مخالبها = قدم ربعه ماتتقي بحيطانه

امدحوا صبيان حايل جلايبها=وردوا بايمانهم كل عطشانه

يوم قام سعود بالصوت يندبها=وردوا حوض المنايا علي شانه

خلوا الشعلان تطرخ ذوايبها=عند غرس الجوف تروح من شانه

ذيبي اللي بالغضا لا تجنبها= عن هل العليا تراهم بجدرانه



وهذه عرضة أخرى للعوني في نفس المعركه : -

يانديبي سر علي كور قطعيه=حره من ساس ذروات مفروده

ماحلا زوله بدو خلاويه=كنها الربدا عن الدوح مطروده

راكبه ياصاح يا طيب النيه=والضحي هذاك بالحزل منشوده

قل جري يوم عبوس سمك فيّه=زلزل الضلعان والقاع برعوده

بيننا كن الموازر ضحي الهيه=ضوح برق الصيف والهند مجروده

والجنايز مثل جدع الجناديه =قبل شرب الماء علي جال ماروده

والدما سالت علي القاع سبليه=عشبها للطير والذيب وجنوده

سته اغواش شعالين مع ميه=من رويل كنها الحيد مرجوده

سلبوا صبيان حايل قصاويه=وردوا ورد علي الماء ماكوده

لين بلوا كل نفس شقاويه=اشهد ان الطيب هم راس ماروده

يوم قام سعود ينخا الفداويه=زادت العلمان والعز بسعوده

شيخنا زبن الونيه عن السيه=في نهار يصبح الشيب مالوده


وقال أحد شعراء شمر بعد المعركة (عرضة) :

صـار ابو مشــعل على العدوان ســـية...... من شـفا حـايل تشــافا للشــــــمالي

إرتحــل هــو والســناعــيـس أجــمعية...... طـاب كـيـفي يوم مـدو بإحـــتـمالي

ســار ابو مشــعل وربعـه ثلاث مـية...... والـرويلات كـثر ســــيعان الـــرمـالي

إجـــذبــوهـــم شـــــمرٍ بالمـــهــمـهـية...... كـم شـــيخٍ دحـل فــمه بالــــرمالي

يـوم ابــــو تـا يــه شـــرد فــوق العــبية...... جـنب الحــلة وطـرشـــه والحــالي

ويــوم ابــن روضــان ماتبرد كــــويـة...... ســيل القــيــعان دمــه والســــهالي




تحياتي لكم

[ابن برزان]

الله يعطيك العافيه موضوع
جميل ورائع سلمت اناملك
تقبل مروري شكرآ لك
ابن برزان

والشكر موصول لولد العم سعد الآسلمي
على مداخلته القيمه وارائعه والفايده
للـــــــــــجمــــــــبع