ابحث عن قصيدة لعبيد الرشيد ..!!؟

[المرجف]

بحثت عن هالقصيدة بديوان الأمير الشاعر / عبيد العلي الرشيد

ولكن لم اجدها ؟؟

يقول الأمير عبيد العلي الرشيد من قصيدة طويلة :-

ماهو مهمن فيصل وبن هذال ** اللي مهمن بلشن به مهنـا

إلى أن يقول :

والعلم الآخر عندنا يا حمى الذال ** بأدنى بيوتٍ منزله هـاك عنـا

تتلى ضعون مدبرة كـل خيـال ** من ضيغم وبالأصل يعزون منا

اتمنى فزعتكم ياعيال الطنايا:85:

تحيتي

[كــحــيــلان]

يقول الأمير عبيد العلي الرشيد من قصيدة طويلة :-

ماهو مهمن فيصل وبن هذال ** اللي مهمن بلشن به مهنـا

إلى أن يقول :

والعلم الآخر عندنا يا حمى الذال ** بأدنى بيوتٍ منزله هـاك عنـا

تتلى ضعون مدبرة كـل خيـال ** من ضيغم وبالأصل يعزون منا


ياهلا بالمرجف لو عندي علم بهالقصيدة تسان جبته لك يالبناخي

لكن ان شاءالله الاخوان مايقصرون

تحيتي لك يالمرجف

[راكان المعجل]

هلا وغلا بالمرجف أبشر بس أنا تعبان وودي أريح وخذ اللي أقدر أكتبه لك اليوم والظاهر أنك تبيه بشي الله يستر منه هههههههه....!!!!

ماهو مهمن فيصل وأبن هذال = اللي مهمن بلشة به مهنا

مع واحد غض من الزين مكتال = راعي قرون فوق متنه تثنى

سلم عليه وقل له مثل ماقال = وعقب الغلا قايم علي بتجنا

يا بوخلف جز عن مراعات الاسمال = وشف لك جديد يازبون المجنا

والعلم الاخر عندنا ياحمى الذال = بادنى بيوت منزله هاك عنا

تتلي ظعون مدبره كل خيال = من ضيغم وبالأصل يعزون منا

والله هو اللي عالم كل الاحوال = سوالف ما ينتعلم بهنا

والا أنا ودي مع سميحات الاقبال = ناخذ لنا وقت بعجاتهنا

يامن يخبر فيصل فرز الابطال = أن الجبل دونه عن الضد خنا

يوم الوغى تلحق على كل مشوال = ومطارق والموت باطرافهنا

وين القصير ومارد هو وشلال = وغرايس باشناقهن قطعنا

ستين يوم بوسط الجوف نزال = وركابنا يم الجبل يسفرنا

ماجيت كان أنته شفي بالأفعال= تظهر حسين ياحمى كل دنا

نهجت يم العيط وخطيت صلال = والعوج لو كثرن فلا يثمرنا

تعبت وأنا أكتب وبكره أكمله لك....!!!

[راكان المعجل]

وهذي قصيدة البطل الفاتك والقائد المحنك والشاعر المخضرم والامير المتواضع

والنجم القاصم عبيد بن علي الرشيد رحمه الله تعالى

ويقول أخوه الامير عبدالله العلي الرشيد :-


وعبيد اللي لاعدمنا خياله = حطه لهم ربي نجم وزلزال


فهو من بنى المجد وأسس القواعد له بجرأته الفائقه في قتال الاعداء والذود عن الحمى

فقد صخره ألله تعالى لخدمة أخيه في البناء العظيم الذي أستمر لقرن من الزمان ولولا الطمع لما أنهد وتلاشى ولم يبقى منه سوى الاطلال فرحم الله الامير عبيد بن علي الرشيد وأسكنه فسيح جناته والى القصيده كامله وهي من النوع الثقيل وبها توضيح للمطلع عن أمور كثير

قد جمعها الامير الشاعر بهذه القصيده الساميه :-



ماهو مهمن فيصل وأبن هذال = اللي مهمن بلشة به مهنا

مع واحد غض من الزين مكتال = راعي قرون فوق متنه تثنا

سلم عليه وقل له مثل ماقال = وعقب الغلا قايم علي بتجنا

يا بوخلف جز عن مراعات الاسمال = وشف لك جديد يازبون المجنا

والعلم الاخر عندنا ياحمى الذال = بدنا بيوت منزله هاك عنا

تتلي ظعون مدبره كل خيال = من ضيغم وبالأصل يعزون منا

والله هو اللي عالم كل الاحوال = سوالف ما ينتعلم بهنا

والا أنا ودي مع سميحات الاقبال = ناخذ لنا وقت بعجاتهنا

يامن يخبر فيصل فرز الابطال = أن الجبل دونه عن الضد خنا

يوم الوغى تلحق على كل مشوال = ومطارق والموت باطرافهنا

وين القصير ومارد هو وشلال = وغرايس باشناقهن قطعنا

ستين يوم بوسط الجوف نزال = وركابنا يم الجبل يسفرنا

ماجيت كان أنته شفي بالأفعال= تظهر حسين ياحمى كل دنا

نهجت يم العيط وخطيت صلال = والعوج لو كثرن فلا يثمرنا

الاوتلقى عندالاطعاس غربال = وانشد عن اللي جاه باطرافهنا

لسيوفنا وسم بهامات من صال = وعقب النقايص يطلب الصلح منا

مشهور خلي بالرحى بأيسر الجال = يدعيك كان أنك لقربي تمنا

وليل ونهار وقربنا يشده البال = وجدك ترى ذباحة الشيخ حنا

فالله بحق العرش وبحق الانفال = وبحق من له يابس الجذع حنا

يرميك يوم أنك تشريت الاوشال = اللي تبي لك خشرة في وطنا

نلحق بك اللي فات من ماضي الاجيال= بمخفرات همنا سنهنا

أغداك تفريقك على ضدك المال = أعطيت من لايفرحه لك فنا

والوجه منا يابن شهلان بأقبال = أن ساعفت ترنا بقيعان خنا

ذا قول من يازن كلامه اليا قال = ولاهو ببلشان بطلاعهنا

وصلوا على اللي جا من الرب مرسال = بالفاتحه وأزكى سلام مثناوالسلام عليكم...!!

[المرجف]

يقول الأمير عبيد العلي الرشيد من قصيدة طويلة :-

ماهو مهمن فيصل وبن هذال ** اللي مهمن بلشن به مهنـا

إلى أن يقول :

والعلم الآخر عندنا يا حمى الذال ** بأدنى بيوتٍ منزله هـاك عنـا

تتلى ضعون مدبرة كـل خيـال ** من ضيغم وبالأصل يعزون منا


ياهلا بالمرجف لو عندي علم بهالقصيدة تسان جبته لك يالبناخي

لكن ان شاءالله الاخوان مايقصرون

تحيتي لك يالمرجف

تسلم على مرورك يالطيب

تحيتي

[المرجف]

الا يابعدحيي والله ياركان

والف نعم بك ياخو سلمى

الف الف شكر على هذا التواصل يالعزوة


اصلـك يافـي لــو دونــك فيـافـي

وافي يابعدي



تحيتي

[أبو حواس]

نشكر الأخ راكان على هذي القصيدهـ الرائعه...

تحيتي

[سنجار]

الاخ المرجف مشكور على هذا البحث الذي اظهر هذه الرائعه

والشكر للاخ راكان على هذه الجوهره

[سلطان الشعيفي]

نشكر الأخ راكان على هذه القصيدهـ الرائعه

وشكرا لاخينا المرجف

[سيف الطنايا]

انا جاي فزاع ابعلمك انك ماراح تلقي علمك الا عند راكان

وصدق ظني

ماشاء عليك يابن معجل استاذ ونستفيد منه بالتاريخ

[فيصل السلماني]

يعطيك العافية على المشاركة

تقبل مروري