عبدالله التومي
2008-03-14, 07:57 PM
اسعد الله مساكم وصباحكم بكل خير
أعتذر عن أنقطاعي الطويل واقدم لكم قصيدة عسى أن تشفع لغيابي.
البارحة والفكر ينضح بمافيه=شي(ن) اطيقه وشي ماني بطيقه
البال ضامي والنوايا مداليه=أقلط دلالي واوخر بريقه
يسري علي الهم وارجع اسريه=لين امتلى صدري من الهم ضيقه
مر الزمن خرب على بعض حاليه=محتاج للنسيان بأية طريقه
ودي أجمع من شتاتي تواليه=واخذ معي من جور وقتي وثيقة
واسأل زماني كيف أو وين أو ليه=مابين مر الوقت واصل الحقيقه
ماقد عرفت الذل ولاعترف فيه=واحدث الالباب باللي يليقه
ولاني ماأنسب شي ماني مسويه=مبطي ضمايرهم بحقده غريقه
حتى الرفيق اللي على الطيب ناصيه=غره زمانه لين أخفى بريقه
بس الخوي ان خان الله يجازيه=ماعاد ينفع عقبها حلو ريقه
قفيت عن خوة أبوريال وجنيه=ماعاد يصلح لي ولاني رفيقه
وشريت خوة طيبين المشاريه=اللي مخابرهم اصالة عريقه
اللي أذا ضاقت عليك المهاميه=يفزع ولو بينك وبينه حريقه
بس انت ياللي صعب شعري يعديه=حبك انامه واحلمه واستفيقه
لبيه ياللي كل ماقلت لبيه=ماغبت عن بالي ولو هي دقيقه
من كثر ماحبه واوده واغليه=أعشقه عشق اللي تمنى عشيقه
يعني احبك حب لا لا تحاتيه=بعيني تساوي جميع الخليقة
زبدة كلامي وابتدي وانتهي فيه=اللي بقلبي هم ماني بطيقه
واذا التوى بي هاجس الفكر اسريه=واني ماطيق الهم يعني ماطيقه
دمتم بود
.
.
.
.
.
أخوكم عبدالله التومي
أعتذر عن أنقطاعي الطويل واقدم لكم قصيدة عسى أن تشفع لغيابي.
البارحة والفكر ينضح بمافيه=شي(ن) اطيقه وشي ماني بطيقه
البال ضامي والنوايا مداليه=أقلط دلالي واوخر بريقه
يسري علي الهم وارجع اسريه=لين امتلى صدري من الهم ضيقه
مر الزمن خرب على بعض حاليه=محتاج للنسيان بأية طريقه
ودي أجمع من شتاتي تواليه=واخذ معي من جور وقتي وثيقة
واسأل زماني كيف أو وين أو ليه=مابين مر الوقت واصل الحقيقه
ماقد عرفت الذل ولاعترف فيه=واحدث الالباب باللي يليقه
ولاني ماأنسب شي ماني مسويه=مبطي ضمايرهم بحقده غريقه
حتى الرفيق اللي على الطيب ناصيه=غره زمانه لين أخفى بريقه
بس الخوي ان خان الله يجازيه=ماعاد ينفع عقبها حلو ريقه
قفيت عن خوة أبوريال وجنيه=ماعاد يصلح لي ولاني رفيقه
وشريت خوة طيبين المشاريه=اللي مخابرهم اصالة عريقه
اللي أذا ضاقت عليك المهاميه=يفزع ولو بينك وبينه حريقه
بس انت ياللي صعب شعري يعديه=حبك انامه واحلمه واستفيقه
لبيه ياللي كل ماقلت لبيه=ماغبت عن بالي ولو هي دقيقه
من كثر ماحبه واوده واغليه=أعشقه عشق اللي تمنى عشيقه
يعني احبك حب لا لا تحاتيه=بعيني تساوي جميع الخليقة
زبدة كلامي وابتدي وانتهي فيه=اللي بقلبي هم ماني بطيقه
واذا التوى بي هاجس الفكر اسريه=واني ماطيق الهم يعني ماطيقه
دمتم بود
.
.
.
.
.
أخوكم عبدالله التومي