قصيددة التبيناوي في معركة الجميما

[شايع الشمري]

ابناء عمومتي الطنايا من لديه اضافة هذه الابيات فليتفضل يامزنة غرا نشت واستهله000000على الجميما نثرت حر ماها ثارت على النوري دخاخين جله000وماشب من نار عمسنا سناها صابت اخو بتلا وعناز كله 0000جابه من البشري تراعد لحاها الخيل عن وجه الضياغم تجله0000والخيل باالصايح تزايد عياها والخيل معها زامل مردف له0000وسعود شوق الي جدبد صباها

[ربد الشمال]

ان شالله من عنده اضافه من الاخوان ماهو مقصر

وراح يجيب ماعنده

[الـعـبـدي]

ان شاء الله شمر ما يقصرون يجيبون القصيدة كاملة
عاداتهم الفزعة بس اصبر شوي

[أبو حواس]

هلا وغلا إنشاء الله الإخوان يجيبونها كامله,,

[راكان المعجل]

ابناء عمومتي الطنايا من لديه اضافة هذه الابيات فليتفضل يامزنة غرا نشت واستهله000000على الجميما نثرت حر ماها ثارت على النوري دخاخين جله000وماشب من نار عمسنا سناها صابت اخو بتلا وعناز كله 0000جابه من البشري تراعد لحاها الخيل عن وجه الضياغم تجله0000والخيل باالصايح تزايد عياها والخيل معها زامل مردف له0000وسعود شوق الي جدبد صباها

هلا وغلا بريف الضيوف بالنسبه لهذه القصيده فهي ليست للتبيناوي

ولكن هي لخلف الرقيبا الاسلمي ويقول رحمه الله :-


سميـت بالرحمـن والحـمـــــــــد لله= وانحمد اللي يـوم قلتـه قضاهــــــــا
ولفتها بـك يـا زبـون المخلـــــــــــه=يالضيغمي ياملحق البـل هواهـــــــا
يامزنةٍ غـرا نشـت واستهلــــــــــه=غشا الزبـالا والجميمـا غثاهــــــــا
سحابةٍ منهـا الخبـاري تملـــــــــــه=صديق عينك مـا يوقـف بماهـــــــــا
صارت بها الخلفات مثل الاهلــــــه=خذت سنين مـا تبعهـا ضناهـــــــــا
ياما غدابـه مـن حـلال وحلـــــــــــه=وناسٍ تـدوج بالمعـارة نساهـــــــــا
صارت على "النوري" دخاخين جله= وما شب من نارن عمسنا سناهــــــا
الخيل عن وجه الضياغـم تجلـــــــه= والخيل بـ"الصايح" تـزايد عياهــــا
والخيل معها "زامـلٍ" مردفلـــــــــه=و"سعود" شوق اللي جديد صباهــا
كم خفـرةٍ تقـول واحسبــــــــي الله=تدعي على "النوري" بحزة مساهــا
تركض وتشعط ثوبها مـا فطن لــــه= وعلى عضـوبٍ تـزايد بلاهـــــــــا
عفيت يمين اللـي عبـاه وحكلــــــــه= والضبعة العرجا رمالـه عشاهـــــا

وهذه قصيده الامير زامل السبهان الله يرحمه وهو القائد الحقيقي في تلك المعركه وهو خال الامير سعود العبدالعزيز الرشيد رحمه الله ويقول زامل بعد المعركه :-




يا نفس صادمتك علـى كل الاحــــــوال=وانخــــاك يا نفـــــــس الخطـا بالـيقيني
كلٍ شرب قبلي مـــن الــــــهم فنــــجال=وأنا فقدت حمـــــود حبـس الكمينــــــي
وصار عيوني بالخفا تهــــــمل اهمـــال= وقيمة ثــلاث سنين قلبي حــزينــــــــي
وعرفت ما غير التـــــــجلَد والاجمــال=وطول المــــدى عيَا يبيَح كــنينـــــــــي
وأيقنت أن العــــمر يفنى وينـــــــــزال= وصبرت وإن الله مع الصــــابرينـــــي
ولاويتـــــــها يوم أنها تشده البــــــــال=بشرقي نجد والشــمال أجمـعينـــــــــي
إبن ســـــــعود أقبل على الدار صـوال= وأرسل لإبن شعلان وجو مجملينـــــي
تواعدوا ثم أرســـــــلوا لإبن هــــــذال=اللي يبي عز البـــــــداوة يجــينـــــــي
جونا كما وصف الدبا حين ما هـــــــال= وشربوا جبا اللبة وجو صايلينــــــــــي
هم حايلوا كيـــــدي وأنا صرت غربال=ولا تنفع الحيـــلة بمن هو فطــينـــــــي
وناطحتهم بالله وأكـــوان وأفـــــعــــال=وضــربٍ يخلَــي كل قاسي يلـينـــــــي
ياما على العيـــرات طوَعت من عـــال= وياما قطعـت فرحــــة العــايلــينـــــــي
وياما حميت وقلت فرز الوغى قـــــال=وحطَـيت نفـسي حافـظٍ له ظمينــــــــي
هذاك ماجوب البناخي على الخـــــــال=وصـيَور ما كل المخــفى يبيــــنـــــــي

وهذه قصيده أحدى شاعرات الروله بعد المعركه:-



نواف وش هقوتك فينــــا=جيناك والكبد منسطمــــه
جيناك سبهان حادينــــــا=والمسعد اللي به الخطمه
وابوك ماهو مقدينــــــــا=ـ يحط لطمه ورا لطمـــــه
خلينا غالي مبانينــــــــــا=ماخذنا من قشنا القطمــه



وتوجد قصائد لشعراء من شمر أخرى وتقبل مروري وشكرا" لك

[ابن برزان]

يعطيك العافيه اخوي راكان المعجل
على طرح القصيده الرائعه
والشكر موصول ريف الضيوف
ابن برزان

[شايع الشمري]

ماقصرتو ياالطنايا وشكرآ ياراكان المعجل انا رجال اهتم بتاريخ الطنايا واتمنا اني ماانقل الا الصحيح وشكرا على الافاده

[سلطان الشعيفي]

يعطيك العافيه اخوي راكان المعجل
على طرح القصيده الرائعه
والشكر موصول ريف الضيوف