كــحــيــلان
2008-04-01, 01:09 AM
السلام عليكم .. وياالله حيهم
يقول لك دايما العلم الغانم ليا حصلوه اجداد الشخص تكليف اكثر من ان يكون تشريف
يعني الواحد ليا منه زل واخطا قالوا ياملا البعد بعيد عن جدوه
وليا منهم بغوا يوصونوه قالوا ياملا اللّي ترى جدك فلان
لكن علم الجد ياصار غانم وجو عيالوه واحفادوه مثلوه ماتقول شي
جحر الذيب مايطلع منوه حصني
لكن يغثك ياصار الشايب علموه غانم وعقبن جوك احفادوه سمرمد
فيه شاعرن اسلمي يقول :
عزاه يابعض الاجاويد عـزاه
صارت خلايفهم رماد عقب نار
نرجع لموضوعنا يالربع
معشي الذيب مكازي بن سعيد من العليان من الدغيرات من عبده من شمر
شيخ شمل الدغيرات غني عن التعريف اكيد سمعتوا بوه واحفادوه من عقبوه والف نعم والله
علمهم غانم شروى من يقرأ المهم
صارت عقب سالفة جدهم بعض السوالف اللي بعضه قد يكون طريف
********
هذا يقولون شباط بن مكازي بن سعيد بغى يذبحوه لوه ذيب
لكن ربك ستر عليه وفكه من هالذيب
وانشد شباط هذه الابيات عقب ماسلم من الذيب قائلا :
ياذيب مانستاهله منك ياذيـب
اعمالنا بالخير نبي الجـزا بـه
ابوي عشاء ابوك بالوقت ياذيب
في ليلةٍ غدرا مظـلٍ سحابـه
يوم العفون مطولين المشاعيب
كلن يصيح ويستديـرن كلابـه
********
وهذا يقولون فيه واحد اسمه ابن طويهر التميمي شاعر
وقاصر السعيّد وقصيرا للعليان وكل ماهذا متقهوي عند واحد منهم
ومايعدا عندهم وهو يجيه اكا الواحد قال يابن طويهر انت ماتستحي
بس تبطح و تجلط عند هالرجال وكل ماهذا ببيوتهم استح
فانشد بن طويهر قائلا:
هذي دلال اللي هله عشوا الذيب
مالك بهم مدخال ياذا اللجاجـه
هل اللوازم في حلول المواجيب
يوم العجم تنزل شعيب العجاجه
*********
وهذا فيه شاعرين صارت بينهم مشاكل
يقول الاول يقصد الثاني:
يذكر (........) يدور الطيب
بالليـل لانـام بالظلـمـا
الطيب يبي منسف وتعصيب
وهذاك طبعٍ لاهـل سلمـا
شمر يعشون حتى الذيـب
ولا انت ماتعشي الا المـا
*******
وسلااااااااااااااامتكم
تحيتي
يقول لك دايما العلم الغانم ليا حصلوه اجداد الشخص تكليف اكثر من ان يكون تشريف
يعني الواحد ليا منه زل واخطا قالوا ياملا البعد بعيد عن جدوه
وليا منهم بغوا يوصونوه قالوا ياملا اللّي ترى جدك فلان
لكن علم الجد ياصار غانم وجو عيالوه واحفادوه مثلوه ماتقول شي
جحر الذيب مايطلع منوه حصني
لكن يغثك ياصار الشايب علموه غانم وعقبن جوك احفادوه سمرمد
فيه شاعرن اسلمي يقول :
عزاه يابعض الاجاويد عـزاه
صارت خلايفهم رماد عقب نار
نرجع لموضوعنا يالربع
معشي الذيب مكازي بن سعيد من العليان من الدغيرات من عبده من شمر
شيخ شمل الدغيرات غني عن التعريف اكيد سمعتوا بوه واحفادوه من عقبوه والف نعم والله
علمهم غانم شروى من يقرأ المهم
صارت عقب سالفة جدهم بعض السوالف اللي بعضه قد يكون طريف
********
هذا يقولون شباط بن مكازي بن سعيد بغى يذبحوه لوه ذيب
لكن ربك ستر عليه وفكه من هالذيب
وانشد شباط هذه الابيات عقب ماسلم من الذيب قائلا :
ياذيب مانستاهله منك ياذيـب
اعمالنا بالخير نبي الجـزا بـه
ابوي عشاء ابوك بالوقت ياذيب
في ليلةٍ غدرا مظـلٍ سحابـه
يوم العفون مطولين المشاعيب
كلن يصيح ويستديـرن كلابـه
********
وهذا يقولون فيه واحد اسمه ابن طويهر التميمي شاعر
وقاصر السعيّد وقصيرا للعليان وكل ماهذا متقهوي عند واحد منهم
ومايعدا عندهم وهو يجيه اكا الواحد قال يابن طويهر انت ماتستحي
بس تبطح و تجلط عند هالرجال وكل ماهذا ببيوتهم استح
فانشد بن طويهر قائلا:
هذي دلال اللي هله عشوا الذيب
مالك بهم مدخال ياذا اللجاجـه
هل اللوازم في حلول المواجيب
يوم العجم تنزل شعيب العجاجه
*********
وهذا فيه شاعرين صارت بينهم مشاكل
يقول الاول يقصد الثاني:
يذكر (........) يدور الطيب
بالليـل لانـام بالظلـمـا
الطيب يبي منسف وتعصيب
وهذاك طبعٍ لاهـل سلمـا
شمر يعشون حتى الذيـب
ولا انت ماتعشي الا المـا
*******
وسلااااااااااااااامتكم
تحيتي