ذكرى جبل شمر بجوفه حفرها

[صهيل الاصايل]

ريحة شمال وهبت اليوم نسناس= لاواهني منهو يعانق خضرها
كم هيضت قلب تولع ومحتاس =ذكرى جبل شمر بجوفه حفرها
احب شمر واهل شمر على الراس= اسرى كرم ياكثرهم من اثرها
اويه حايل ياهل الود هي ساس= ماليلةٍ فيها ندم من سهرها
في قلب نجد وشاقني حر الانفاس= من لوعةٍ وسط الحشا من سهرها
وين البخور وراعي العود لوداس= فوق ارضها يعرف كوامن دررها
ريحة شمال وهبت اليوم يناس= تروي عطش قلب تحرى مطرها
مشية حمامه شدها واثق الساس= من طيبها خانت خطاوي نظرها
ما طاوعت عيني وهي تشرق احساس= رغم العطش اخفت شعور غمرها
قالت بعد حيي على الدرب حراس= شف عينهم تحت الخطاوي بصرها
اي راعهم فوق العتب خي جلاس= كم نظرةٍ منهم لذعني شررها
الباب دربي رح وطقه ولاباس= دام النوايا خير عشقك مهرها
درب الخطيه ياولد يثني الراس= وحنا كرامتنا اصيلٍ شجرها
ما ينثني راسي ابد رغم الافلاس= الا بواجب خمس ربي عمرها
ثم اختفت عقب الوهج ضحكة الماس= مع قامة سبحان منهو امرها
راحت وهي صوره على بيض قرطاس= تمسح جميع افكار زاهي قمرها
ياصورةٍ بالقلب هي فوق الاجناس= في وحدتي عيني تلقف خبرها
هذا شعور فاح ما طاوع الياس= في ليلةٍ بالطول عدت شهرها
حايل ترى الحيله تحايل على الراس= وش حيلتي والحال حايل وترها

[أبو حواس]

سلمت أخي العزيز على هالمشاركه الروووووووعهـ...

[ولد الطنايا]

الله يعطيك ألف عافية .

ولد الطنايا

[ربد الشمال]

يعطيك العافيه علي المشاركه

والله لايهينك

تحيتي

[ابو النوري]

مشكور صهيل الاصايل على المشاركة الطيبة

لك وافر التقدير

[ابن برزان]

قصيده مميزه ورائعه
لك مني اجمل التحايا
تقبل مروري
ابن برزان

[صهيل الاصايل]

مشكورين على المرور
تقبلوا تحياتي

[الـقـفـيـعـي]

صــــــح لســـــــانـــــك


مــــــدد ماله عـــــــدد الى الابــــــــد


يا سلاااااااااااااااااااااام


صهيل الاصايل


ابيات ابـــــــــــداع


اسجل اعجابي


لاهنت اشكرك من العمق على هذه المشاركه

[راعي الشعبه]

سلمت ولاهنت يالغالي
الله يعطيك عافيه

[خالد شمر]

صهيل الاصايل

ماقلته هو بحد ذاته صهيل الاصايل

سلمت يداك

تقبل مروري

خالد شمررر