قصيده في الأمير محمد العبدالله الرشيد

[أبو فدغم]

بسم الله الرحمن الرحيم
قصائد المدح بالامير محمد العبدالله الرشيد
كثيره ومتعدده....لكن مايميز قصيدة جارالله ابو جري
انها بالاضافه للقيمه التاريخيه فهي ذات قيمه جغرافيه ايضا
وتعطينا بعض حدود دولة (المهاد) الامير محمد العبد الله الرشيد
بالاضافه انني ارغب في مناقشتها مع الاخوه في ديوان التاريخ
من حيث الاماكن والقبائل والحدود وما الى ذلك....!!
-------------------------------------------------------------





مزنٍ نشا عقب الضحا مـن هضابـه=دهاش مرهاش سهج كـل حلَـه ...

مزنٍ علـى مـزنٍ تقافـا سحابـه =وأنا اذكر الله ضافي نجـد كلَـه ...

أسقي من الوفره 1 لضلع اللهابه 2.=وسنًد لينبع 3واصبحت مستطلـه ...

وديًم على خذما 4وصـبٍ انسكابـه=وقد سالت الوديان من غشنةٍ لـه ...

واصبح على ميقوع5 عزل ربابـه =.وتواقعت منـه الطيـور المجلـه ...

على الطعوس الحمر طيـر ترابـه .=ملَى البراك وخضرت عقب علـه ...

كن الشهر بركـون نايـف سحابـه=خط الحياغـب المطربـان كلـه ...

وحمود أبو ماجـد غميـق صوابـه=ريف الهجافا كان هـي مشفحلـه ...

للضعف شط مـا يقلـص شرابـه =.وعلى الضديد أنكد من الشري كله ...

والضيغمـي كـل المراجـل غدابـه=لوى عليها كلهـا معصـب لـه ...

الحكم سيف وجـوده مـع انصابـه= بدر جلى كل النجـوم المطلـه ...

لاهـو بمشرقهـا ولايـوم غـابـه=ولأبعدتنشـي بـه البـيـض لله ...

لاباجـود جـودا ولا ينصخـى بـه=ولا حاتم صخى ولاهـو لـد لـه ...

طرش الخنافـر والنجاجيـر جابـه=وجانا البشير وقلت انا الحمـد لله ...

من ديرة الخرمه 6الياضلـع طابـه=شروا المحوص الواردة جرة لـه ...

شقـح كمـا الريـلان جـرد رقابـه=كـدر يوسمهـا سـواه الأهلـه ...

ابن منيخـر عقـب ذا عـاف مابـه=اقفى بعجمـان الرخـم مستذلـه ...

ياويل ضـد الضيغمـي مـن عقابـه=من ادعـى بالبعـد عـي يدلـه ...

جاء للطبيق7 اودع عليهم ضبابـه =.بوديان بيشة7 ماجرت غارة لـه ...

فجحان ابن ناصر ظهر مـن ثيابـه=فصخ يوم انه... شلوطه ثم ملـه ...

راحـت مظاهيـره وطرشـه نهابـه=عداه سلطان العرب عشقـة لـه ...

وعلى بطي من فرز الابطـال عابـه=طير السعد حطه تحت مخلب لـه ...

للحـول مـا والله يبـري صـوابـه=جاه العقاب الصيرمي ثـم شلـه ...

فهـدٍ زراج اللـيـث ماينهقـابـه.=حرٍ...طيور الشرق تخضع لظلله....

افطـر وصـام وثـم نـزل كتابـه.=وافطر ودنّا كـل وجنـا سجلّـه...

عقب الصخور استزهبـوا وانتوابـه=.وخلا الثقيل وفاض نجـدٍ بسلـه....

بشهـبٍ لـك الله كنهـن الذيـابـه.=.ياما فجن مـن غـرةٍ مسفهلـه....

شيخٍ خذاه العزم (لديـار يابـه)..8.=.تقللت...تتبـع..ذراهـا وظـلـه...

بامر الولي وسعود حامـي جنابـه.=على ابن زبن مع سنا الصبح علـه..

قفوا المتلّي هـو وعمـره صخابـه.=ليا اوجهوا...قدامهم قاصرن لـه...

يامـا صفـق ذولا بذولا...وجابـه.=وياما بهـج كبـدٍ وكبدٍ....مغلّـه...

وياما عطى من مهرةٍ ماحكـى بـه.=ومن صرّةٍ تغنـي الفقـار المقلّـه...

ياميـر ياعـز الجبـل والقـرابـه.=.يامودعٍ...بقلـوب الاضـداد علّـه..

يا امير تشكيك الرمـك مـع ركابـه.=اخفوفهـا وردوفهـا مستمـلّـه....

تسعيـن ليلـه والرسـن بالغرابـه=.لياما غدن ذروات مثـل الاهلـه....

ياسور نجد ونورهـا وانـت بابـه.=الرجل من مشيه على الشوك ملـه..

تعطي الاصايـل والسلايـل وهابـه=.وانا اتحـرى والله الـي يحلـه...

صلوا على المختار باحسـن جوابـه=عدّ الرمال ومـاذرى الريـح كلـه..
------------------------------------------------

1-الوفره.... الكويت
2-اللهابه في الصمان
3-ينبع ....المنطقه الغربيه....البحر الاحمر
4-خذما قرب الجوف
5-ميقوع -قرب الجوف ايضا
6-ديرة الخرمه.....بين الطايف وبيشه
7-وديان بيشه....بيشه المشهوره قرب خميس مشيط
8- ديار يابه.........العراق

[سنجار]

الف شكر اخي ابو فدغم وصح لسان الشاعر ورحم الله الامير محمد العبدالله الرشيد

الاخ ابو فدغم اسمح لي بتنسيق القصيده

[أبو حواس]

سلمت يمناك على هالنقل..

[راعي صرخه]

مشكووووووووووووووووووووووووووووووووووووووووووووووو وووور

رحم الله الأمير محمد (أمير العرب)

راعي صرخه

[شايع الشمري]

مشكور على النقل المييز

[ابن برزان]

قصيده في قمه الروعه
يعطيك العافيه
ابن برزان

[المستمع]

يعطيك العافيه
على النقل

[طلال العلي]

هلا ابو فدغم

انما نشرها الاخ غازي العلي
هناك.................................!!


لكي تكون هنا....وتستفيد منتديات شمر منها

من حقك عدم ذكر الموقع

ولكن من حق الكاتب عليك
ان تذكر اسمه لان القصيده لم تنشر من قبل

ولانها اخذت سنوات من البحث والتدقيق

وانا في غتى عن كتابة الرابط لانه يتعارض مع انظمة المنتديات كافه...!!

[ربد الشمال]

شكرا علي مشاركتك المتميزه


وبانتظار مشاركات اخري


تثري منتدي قبيلة شمر الرسمي

كل الود وخالص التحيه