ديــــــــوان الاميــــــر عبــدالله العلــي الرشيـــد

[علي الوهبي]

بسم الله الرحمن الرحيم

أخواني الاعضاء ،، ودنا لو نجمع تاريخنا ومجدنا من التفرق ،، ومثل ماكتبنا ديوان للأمير عبيد الرشيد ودنا نكتب ديوان وقصائد الامير عبدالله ،، وان نتعاون على جمعها ،،

ونرجوا من جميع الاخوان اللي عنده قصيده يذكر قصته ولو مختصره حتى تكون واضحه ،،

ودمتم سالمين ولاتحرمونا من مساعداتكم ،، واسمحولي بالبدايه ،،


__________________________________________________ ___________________________

هذي القصيدة قاله الامير عبدالله يوم رد الحكم لفيصل بن تركي بن عبدالله ،، يوم دخل القصر هو و40 رجال معه وذبح مشاري ،، وحتى انه بقى ينذبح لولا رحمة الله سبحانه ثم شجاعته عندما تناطح هو وعبد مشاري وكان العبد هامه ويالله ذبحه ،،
وحصله بعض الجروح والاصابات ,, ولكن(( للشدايد رجال)) ،، فقال القصيده هذي يوم طلع من القصر ورد الحكم لأهله ،، وفيها عتاب موجه لاهل عنيزه ،،

وهذي القصيده تسمى الشيخه ،، يقول به ويرسله للامير فيصل بن تركي الذي كان من أعز أخوانه وأصدقائه،، ويشرح له ما حدث له وعن أخباره .. فيقول ..



الحمد لله فازع لمن شكاله = والحمد له ثاني على كل الاحوال
والحمد له ثالث بقدرة فعاله = حي(ن) قدير(ن) عد ما قايل(ن) قال
أو عد ماترمي لواعج خياله = بسح(ن) وتسكاب(ن) وديم(ن) وهمال
رب السما رزق الورى من نواله = محي الهشيم الميت الدارس البال
كل الثنا والشكرله والجلاله = سيدي ومسنادي الا ضكني الحال
كم ضيقتن من منّته جت وزاله = وزادن بعز(ن) ماهقيناه بالبال
فاللي بنا لولا الولي ما نناله = مير الولي يسعى وما نام فعال
ياما طلبنا كل من به شكا له = نبغي الركود من أهل نجد(ن) ولا ضال
ومن عقب ماعجزوا عني بالغياله = شبوا لنار الحرب بالقيظ صوال
ومن شب نار(ن) تحرقه باشتعاله = وصارت عقوبه تابعة ذل واذلال
وأنا أحمد الله ماكرهنا لقاله = الا تكون عقوبته عز وأقبال
والبغي كم من ناس حلّوا رجاله = وياما هلك بالبغي من ماضي اجيال
عاد خلاف الزود شف وش جرى له = ياعونة الله مامن الحي عقّال
( فاللي علينا الجار نرفي خماله = ونفزع لمن جانا من الضيم دخال )
( وللضيف نقرى حين تبرك رحاله = ومن أمنّا والمحتري ما نهج حال )
( وان جاء صديقي من عدوه صياله = عميلنا نرخص له الحال والمال )
ولا نزود ولو تزود السلاله = من دم هامات العدا عل وانهال
ومن جا يريد الزين يعطى سؤاله = وعن عاني الله ما قطعنا له أوصال
فإن كان هو ركب الرشا للمحاله = واستثقلت ماني من الحرب ملاّل
( نصبر كما تصبر رواسي جباله = ما ننهزع من وطي حافي ولا نعال )
وخلاف ذا يامن يودي رساله = في صفح مصقولن عليه القلم سال
سلم على منهو غدا الشوق واله = ومشاهد اللي للثقيلات حمال
غشّ الحريب اللي براسه صعاله = وعز الضعيف وزيف ضيعات الأعجال
بالجود ينقض من يعدد خصاله = كل المراجل حاشهن دق وجلال
ان قال خبرن صاحبي كيف حاله ؟ = عطه الجواب اللي كتبنا والامثال
يقول : قله ياخلف من غداله = من الحي والميت مع العم والخال
ركبوا على عوص النجايب عياله = يبروا لهم يابو سمي كل خيال
جاؤا ضحايا شيخ ماهي نطاله* = وصاروا لما رادوا على كل مشوال
زادوا وبادوا من هبايب شماله = وكلن له الله يوم يحسبن الاعمال
( ويمناي ماترضى زوايد شماله = وتعطي الحقوق أهل المعالي والارذال )
( ومن عقب شيمتنا نبدّل فساله = حتى نشوف اللي على الحرب صمّال )
ونشوف حرب اللي يباهي بماله = ياشيخ ياتالي كريمين الاسبال
( والسيف للتايه ستاد(ن) حناله = وندل به من هو عن الجاد قد مال )
واللي كبا لونه فحنا صقاله = ولاهو من السطوات والضرب كلاّّّّّّّّّّّّّّّّّّّّّّّّّّّّّّّّّّّّّّّّّّّّّّل
( هذي علوم ديارنا من بغى له = مشروب ماه الا بقبّاض الآجال )
لياما صفت بالسيف ماهي جماله = ونثني الرتاع بجامد القيد وعقال

* نطاله = الخديعه
تقبلوا التحيه ولاتحرمونا من مشاركاتكم حتى يكتمل هذا الصرح

[نهار بن هيشان الوبير]

الاخ العاصف

الف شكر لك على ايراد هذه القصص والاشعار لعبدالله الرشيد

وانت دائمأ سباق لجلب العلوم الطيبه وهذ ليس غريب على من مثلك ينتمي الى معدن من انقاء المعادن( اهل الحيسه)


هذه القصيدة قالها عبدالله بعد ان اغاروا اهل القصيم على اطراف شمر واخذوا حلال منهم

وطلب منهم عبدالله ارجاعه ولكنهم رفضوا كما طلب من الامام فيصل ان يتوسط في الموضوع

وبالفعل قام الامام وارسل شخصان واحد اسمه فرحان والثاني يقال له بن سبيت

ولكن اهل القصيم قاموا يماطلون مع مراسيل الامام مما اغضب عبدالله وقام وارسل اخوه عبيد على راس سرية

الى اهل القصيم وقتلهم واخذ حلالهم
والدليل قوله في الابيات من ضمن القصيدة التي اوردها حضرتك ولكن لم تذكرها ضمن القصيدة

قد تكون غير موجودة عندك او سقطة سهوأ كما يقولون

والذي يقول فيها

هذا جزاء من هو خطك عصاله000 فرحان وبن سبيت مالقاهم البال

وجاهم عبيدأ لاعدمنا خياله000 حطه لهم ربي نجمأ وزلزال

كما ان هناك بيت وهو اشهر بيت في هذه القصيدة لم يرد ذكره قد يكون سقط سهوأايضأ

وهو الذي يقول

شهودي بجلدي والعدو به بداله000 والناس تدري بالجدايد والاسمال


الف تحيه لك والف شكر

[فيصل بن نجيفان]

ألف شكر لك اخي العاصف على ما تقوم به من طرح مواضيع رائعة ذات قيمه وذات فائده

تعود على الجميع بالنفع ..

سيتم تثبيت الموضوع ونشره لكافه الأعضاء ...


ولي عوده

[القاصف]

(( المَتـحَـف )) أو ( العـاصِــف ))

كِلاهُما ( واحِد ) !


دائماً لا نقرأُ لك .. إلاّ ما هُوَ (( مُفـيدٌ )) و (( هـادِف ))

وكِلاهُما ( رائـع ) !



سبَق وأن أتحفتَنا بديوان الأمير الشاعِر ( عبيد بن رشيد ) ؛ وها أنتَ ذا تُتحفنا بقصائد :

الأمير الشاعر : ( عبد الله بن رشـيد ) .. رحمة الله عليهُم ..


أنا لن أُشارِك بقصيده .. بل لوثيقه .. على أن أعودَ ثانيَةً لأُشارِك بقصائد الأمير .


وثيقة بتوقيع الأمير / عبدالله بن رشيد :
---------------------------------------------------------
في كِتاب (( عُلَمـاء لبـده )) للأستاذ " أحمد العريفي " هُناكَ العَديد مِنَ الوثائِق ..
وهذه إحداهُن .. وهيَ بخط الشيخ " عبدالله بن خزام " وتوقيع الأمير :
عبدالله بن رشيد في عام 1257هـ - أي قبل 169عاماً -

http://www.geocities.com/shammar_2006/mmabeed.jpg




أسـتاذنا وموسـوعتنا الشعبيّة الشامِله :

[ ا ل ع ا ص ف ]


http://www.ejaa.net/vb/images/smilies/jaz.gif

صحّ الله لسانك يا مُبـدِع

بإنتــظار مُشارَكات الأعضاء بهذا الموضـوع المُهِم والرائع





http://www.altanaya.net/uplaod/files/alsn3-1114700027.jpg

http://www.ejaa.net/vb/images/smilies/wafaq.gif

[سيف الطنايا]

السلام عليكم ورحمه الله وبركاته
باديء ذي بدء احب ارحب بالعاصف والذي جائنا كالعاصفه وابدع وتميز وخلانا بهالغبره شكرا اخي ابوحمدان علي موضوع المتميزي واشكر الاخوان علي اضافاتهم الجميله والمفيده
واسمحلي يابوعوض ترا ماعندنا مراقبين يضيفون وابي امسح اضافتك وتوقيعك بعد :biggrin::biggrin::biggrin:

تراها مزحه شكرا للجميع

[فيصل بن نجيفان]

هذه تكمله للقصيده التي اضفتها أخي العاصف


الحمد للباري فزاع من شكا له = والحمد ثاني على كل الاحوال
والحمد ثالث بقدرت فعاله = حمد كثير عد ما قايل ً قال
وعد ما فوق الوطى من رماله = وساح الظلال من العوالي ومازال
وعد ما ترمي لواقح خياله = بسح و سكاب وديم همال
رب السماء رزق الوطا من نواله = يحيي الهشيم الميت الدارس البال
كل الثناء والشكر له ولـ جلاله = سبحان من هو كل ماراد فعال
مولاي عازل شمسها عن ظلاله = مسندي ومسنادي ليا ضكنا الجال
كم ضيقتً جتنا وعنا ازاله = زادت بعز ما هقيناه بالبال
الحمد لله ما كرهنا لقا له = لا تصير عقوبته عز وأقبال
ويا ما طلبنا كل من به شكا له = نبي الركود من اهل نجد ولا ضال
من عقب ما عجز وغني بالغياله =شبو لنا حرب وبالقيض صوال
ومن شب نار حرقه باشتعاله =وصارت عواقب تابعه ذل واذلال
وهذاك فعل الشر بلي سعاله = برمية الميدان من غير حبال
والبغي كم ناس خلص من رجاله = ويما هلك بالبغى من ماض الاجيال
عاداه خلف الزود شف وش جراله = في روفت الله مامن الحي عقال
ومن قال ذا فعلي فذا من هباله = الله معاوني على من علي عال
فالي نبي لولا الوالي ما نناله = مير الوالي يسعا ولاهوب غفال
والكل يكتب بالقلم ما جراله = شره وخيره من الخالق المال
يبسط ويرفع بالقدر من فعاله = تدبير خلقة ما لنا فيه مدخال
والي يريد الزين يعطى سواله = وانا اعانن الله ما قطعنابالوصال
وان كان هو ركب الرشا بالمحاله = واستثقلت ماني في الحرب ملال
اصبر كما تصبر رواسي جباله = ما تنهزع من مشي حافي ونعال
ومن عاق ضاع فالما ودر زلاله = نسقيه وبل لين يروا ويكتال
ومن زاد زدنا له بقول وعتاله = في حبل من لافي نواصيه تحتال
وخلاف ذا يا مودي للرساله = في صفح مصقول عليه القلم سال
سلام هو للي على الشوف واله = مشاهد الي للثقيلات حمال
غشى الحريب الي براسه صعاله = وعز الضعيف وريف ضيف بالامحال
بالطيب يتعب من يعدد خصاله = كل المراجل حاشهن دق و جلال
سلم عليه ولا تقل له مقاله = الا ان كان انه نشد عني او سال
وقال اخبرن عن صاحي كيف حاله = فعطه العلوم الي كتبنا والامثال
وقل له يقول لك يا خلف من غداله = من الحي والميت من العم و الخال
ركبوا على عوص النحايب عياله = يبرا لهم يابو سمي كم خيال
جوه الضحا يا شيخ ماهي نطاله = وصادر وطاردوا على كل مشوال
هذاك حق الي خطوطك عصاله = من عقب دزيت له كم مرسال
ولا طاع حكي الي بنصح حكا له = فرحان وابن سبيت ملقاهم البال
يبي يرد الي مضا من هباله = والي مضا عوج سراميد وطوال
وزاد ووتاد ومن هبايب شماله = وكل له الله يوم يجمعن الاعمال
والله لولا يوم كربت حباله = خوف نغيضك ما نزيده بالاشغال
من عقب شماته بدا بالسفاله = حنا نشوف الى علي الحرب صمال
ونشوف حرب الي يباهي جماله = يا شيخ يا تالي كريمين الاسبال
سيلات دقة قبل يلحق جلاله = هذاك قولي له ولاني بذلال
هذي علوم ديار من له صفاله = ولا شرب ماه الا بتقصيف الاجال
لو كان ماشافو وعافو تواله = صارت عواقبهم كتوب وجهال
الصدق يشهد له وغيره رذاله = وقول بلا فعل لو قيل بطال
شهودي بجلدي والعدو به بداله = والناس تدري بالجدايد والاسمال
لما صفت بالسيف ماهي خماله = وجودت لنا دفاع بالقيد وعقال
ومن قال قول من مايتمم مقاله = لا عاش من يقصر عنه وزنه مثقال
ومن خالف امرك لو صديق فناله = من الولي طاعون كبد وسلال
سيوف اليا شاله ستاد حناله = ندمر به من هو عن الحادث مال
واليا كبالونه محينا صقاله = ولولا هو من التصطات والضرب كلال
وعبيد الي لا عد منا خياله = حطه لهم مولاي نجم وزلزال
فن كان تبغا اليوم نقصر طواله = اعزم ولا تنظر لراضي وزعال
اهرج قليل ولا تكثر جداله = عقلك وقلبك لا تفكر للأقوال
ودنياك تظهر من خفيه لياله = ولا تكن من عقب مافات غفال
والضيف يقرا حين تبرك رحاله = من غير من لا نحتري مانهج فال
وان جت صديق من عدو حياله = عميلنا نرخص له العمر و الما ل
ويا من بنا سرحه وضايع مواله = ولا بات في قلبه من البوق ولوال
وله انزود لو نورد سلاله = من دم هامات العدا عل وانهال
والستر ندفع تاليه في سهاله = ولا نبي بتو ميره من الناس قبال
وصلات ربي عد دابي نماله = علي نبي خصه الله بالأرسال

[السيدعليان]

ونشوف حـرب اللـي يباهـي بمالـه
ياشيـخ ياتالـي كريمـيـن الاسـبـال
( والسيـف للتايـه ستـاد(ن) حنالـه
وندل به من هو عن الجاد قـد مـال )
واللـي كبـا لونـه فحـنـا صقـالـه
ولاهو من السطوات والضـرب كـلاّّّّّّّّّّّّّّّّّّّّّّّّّّّّّّّّّّّّّّّّّّّّّّ ل

بارك اله فيك اخى العاصـف

[فيصل بن نجيفان]

عاد الامير عبدالله الرشيد لحائل لأخذ زوحته نورة بنت ابن عيسى ودخل القصر وكان يعرف مسالك قصر " المقطع " الساكنه به زوجته وقد استطاع ان يتفاهم معها ويخرجها من القصر ودبرت الحيلة ولحقت به ومشت حلفه وبعد برهه من الزمن قابلا رجلا من اعوانه يدعى
حسين الشلاقي ومشى معهما وكان أبن رخيص قد أعد لهما عند النيصيه ( قريه شمال حائل بنحو 15 كيلو ) فالتفت الامير عبدالله الرشيد الى زوجته وراى اثر دم على اقدامها لعدم احتمالها المشي فقال لرفيقه حسين احملها فأمتنع فكرر عليه الطلب وقال هذه القصيده :-

ارم النعول لمعزل العين يا حسيـن=أو اقطع لها من ردن ثوبـك ليانـه
جنب حفاة القاع واتبع بهـا الليـن=واقصر إخطا رجليك وامش امشيانه
يا خوك والله ما لها سبت رجليـن=يا حسين شيب بالضمير إهكعانـه
وإن شلتها يا حسين ترما بها شيـن=حيث الخوي يا حسين مثل الأمانـه
ما يستشك يا حسين غير الردييـن=وإلا ترى الطيب وسيعـن بطانـه

وبعد ما انشد الامير هذه القصيده حملها حسين ..

[علي الوهبي]

هلا ومرحبا بخوي الصريح
لنا الشرف بتواجدك بالموضوع ،، الله لا يهينك ،، وماعليك زود طال عمرك انت الشرف وانتم البركه

وصح الله لسانك على التعديل

وانا اعتذر ،، لان والله البيتين حافظهن زي اسمي ومدري شلون ماكتبتهن ،، لكن منكم السموحه والعذر ،،

واما السالفه فنعم هو مرسله للأمير فيصل وبه عتاب لاهل القصيم وايضا ذكربه ويذكره وش حصله يوم دخل القصر وردوله الحكم ،،

ومثل ماذكرت ،،

اشكرك مره اخرى واعتذر عن التقصير لان القصيده موجوده عندي بكتاب ثاني،، وانا كتبته لكم من كتاب الازهار الناديه ،، والا انا ماني حافظه كله ،، فيوم شفت ردودكم بحثت عنه ووجد ان كلامكم هو الصحيح ،، ووجدت به الاضفات اللي ضافها اخونا فيصل ،،

لكم التحيه والعذر وحنا بعضنا يكمل بعض

الله لا يهينكم

================================================== =========================

اهلا هلا بخونا القاصف

شاكرلك على مشاركتك الطيبه ،، واشكرك على هذا المدح ولو انك اعطيتني فوق حقي ،، لكن هذا ان دل فهو يدل على طيب اصلك ومعدنك الطيب واخلاقك الحميده

ادامك الله ذخر وبنتظار مشاركاتك

================================================== =============

هلا بالخريصي عواد يالله حيه

الله يسلمك يالغالي والف شكر على التواجد ،، دمت ولاهنت على مامدحتنا به ،، وحنا ماسوينا شي يستاهل المدح ،،
فانتم تستاهلون كل خير

الله يعزك ولا يحرمنا منك
وبنتظار روائعك

لك التحيه

================================================== ================
هلا ببو عبدالله هلا بالصقر

الف شكر على أضافتك وتعديلك الله لا يهينك ،، وان حصل مننا نقص فانتم الكماله والبركه

دمت ولاهنت

================================================== ===============
هلا مليون بخونا السيد عليان
زدتنا شرف بتواجدك الكريم
الله لا يهينك ولا تحرمنا من مشاركاتك

تقبل التحيه

[مرزوق الشمري]

الاخ العاصف تحيه وشكرا لمجهودك

[علي الوهبي]

الله يعطيكم العافيه

وياهلا بخونا مرزوق وشاكرلك هالمساعده الطيبه

================================================== ===========

وهذه الابيات قاله الامير عبدالله الرشيد عندما كان في العراق ويوم تفرق هو وربعه فقال هالابيات



الربع شدوا ضمر(ن) مثل الاقواس = حيل(ن) يفلن حيل راعي الرديه
تعاطوا المعبار من عند دواس = وانا على الخابور مالي مطيه
(( كلن تذكر عزوة له من الناس = وأنا أتذكر عزوتي الشمــــــــريه ))
لا دك في نفسي ثمانين هوجاس = الشاوري بالكيس والنار حيه
مزيت ما ييبس معاليقي إيباس = يبرد هجوس القلب لوبه خطيه

لكم التحيه ونتمنا مشاركة أخونا ،،

[شوق سلمى]

السلام عليكم ورحمه الله وبركاته
مشكورين على هالموضوع اللي يعتبر من الزم المواضيع لان اغلب قصايد الرشيد وخذت وضاعت. فهنا يمكن نجمع لو بعضه.

انا سراحه عندي قصيده ماني حافضه زين بس ابطرحه هنا واللي عنده تصحيح له لايبخل

القصيده هذ لعبدالله الرشيد يوم هو بالعراق ويتمنى يرجع لديره ذبحوه الشوق يقول:

ياعيال ياركاب هجن(ن) هفـــاهيف
هنيــــكم يامـــــــانعينا عن الــــهور
يامن يوديـــــني من السيف لــــــريف
هذا مــــناي وكل من طاعلي شــور
سوابي البرغوث شي(ن) زعــــانيف
من شاف وجهي قال ياحول مجدور
وا ديرتي صوبه هضاب(ن) مشانيف
من دونها ياما مضالي من الكــــور
هي دارنا هي عزنا غاية الكـــيف
ياما بهــا من خير وافي شـــــــبور
.............
...........
والقصيده اطول من هلون بس هاذ اللي عندي
لكم مني كل الشكر والامتنان والاحترام
فتقبلو تحياتي واشواقي

[حاتم الطائي]

اخواني احب ابيّن لكم قصيده على بحر احدى قصائد الامير عبد الله بن رشيد //

حر الى منه شهر صاد ماراد @@@ ماهوممسّح صيدته خاب راجيه

ابوطلال الضيغمي فرز الاولاد @@@ زيزوم غلبا باللقاء ينطح التيه

بقتامة مع فجة الصبح تـــنقاد @@@ والمال عيّال الطنا يفلـــحو فيه

وممن مدحه بشجاعه اخوه عبيد في قوله

يتلون عيد الضيف ريف المساكين @@@ الشيخ ابو متعب عزيز النزايل

ولقد عبّر عبد الله بن رشيد عن شجاعته مفتخرا بها امام الاخرين او متحديا لخصومه 0ومن ذلك قوله:

ان كان هو ركب الرشا للمحاله @@@واستثقلت ماني من الحرب ملال

اصبر كما تصبر رواسي جباله @@@ ما تنهزع من وطي حافي ونعال

شهودي بجلدي والعدو به بداله @@@والناس تدري بالجدايد والاسمال

ومن ذلك قوله

لي ديرة مابه حذا البرد والجوع @@@لولاي حفيته بضرب الهنــادي

حميتها عن كل دوار مطمـــــوع@@@ حي نصبحهم وحي نهـــــادي

اخو عبيد اللي هبا كل مسبوع@@@اسهر الى نامت عيون السرادي

أحاول الدنيا بداخل ومطلوع@@@بالمـــال والا مرهـــفات الحـدادي

واما قوله تحديا للخصوم فمنه:-

عيسى يقول الحرب مابه لنا ازواد@@@انشد مسوي السيف قل ليه حانيه

ان كان ما نرويه من دم الاضداد @@@ودوه يم العرفــــــجيــــــه ترويه

والله لو اني من ورا جسر بغداد@@@اني لكم مثل العمد عند راعــــيه

فقد كان رحمه الله صارما مهيبا ارجف الاعراب بالغارات حتى خافه قريبهم وبعيدهم

وقال عنه ابن بشر:-(كان ذا راي وشجاعه ) (الليث الشجاع) والصارم القطّاع ) (الشجاع والسيف القطّاع)اما ضاري الرشيد فذكر

انه(شجاع حليم كريم) واتفقت كتب الرحّاله والمؤرخين والمحللين في ان الشجاعه كانت من اهّم صفات الامير /عبد الله بن رشيد

في الختام ارجو من اخواني واخواتي القراء المعذره اذا يوجد خطأ او تقصير ولكم اجمل تحياتي

[بندر الخريصي]

قد لا اظيف المزيد على اخواني

ولا كن هذا الامير من القله الذين تصدق اقوالهم افعالهم

وهذه دره من درره رحمة الله عليه


حنـا علينـا الجـار نرفـا خمـالـه=ونفزع لمن جانا من الضيـق دخـال

والضيف يقـرأ حين تبـرك رحالـه=عميلنـا نرخـص له الحـال والمـال

وإن جا عـدو من صديقـن صبالـه=ما بات وبقلبـه مـن البـوق ولـوال

ونصبر كما تصبـر رواسـي حبالـه=ما تنهـزع من وطي خافـي ونعـال

ولا اعلم ان كانت لها بقيه.................

[غيث]

تسلم بندر على تواصلك الدائم
ونشاطك المستمر.

[غيث]

تسلم بندر على تواصلك الدائم
ونشاطك المستمر.

[^^الشامخ^^]

شكرا على الموضوع

[ابن هذيل]

بسم الله الرحمن الرحيم

اخي على الوهبي

بيض الله وجهك على الديوان

الرائــــــــــــــــــــــــــــع


للامير الشاعر/عبدالله الرشيد


رحمـــــــــه الله


تقبل تحيتي

[عزوتى شمرية]

ألف شكر



مجهودك لا يعلى علية

[فواز الغسلان]

بسم الله الرحمن الرحيم


شكرا جزيلا للاخوه جميعا الذين تجاذبوا اطراف الحديث عن سيرة


الامير عبدالله العلي الرشيد وماتحتويه من شجاعه وحميه واشعار


فاخره تبقى وشاحا مجوهرا على عنق تاريخ الجزيره العربيه وهنا


احب توضيح نقطه قليل من تطرق اليها وهي اتجاه عبدالله بن رشيد


للتدين القوي في اواخر حياته عندما عاد اميرا بحايل لذلك نجد انه


حرص على الحج عندما اسند مهام الاماره لعبيد وكانت سببا في


قصيدة عبيد بحقوق الخوي وذلك انه عندما عاد من الحج سأل اهل


حايل عن عبيد وشلونه معكم قالو والنعم بس عيبه فزع لخويه


شريده وحطه على روسنا وقصد عبيد الجوهره ومنها:

ربعي لقوا بي عقب شيبي عذاريب000

عيبن لقوه مفسرين الحلامي

وقلت اخبروني وش لقيتوا من العيب000

قالوا على ساقة رفيقك تحامي

قلت ذا عيب ومن قديمن لنا عيب000

متوارثينه من خوال وعمامي


الى اخر القصيده الرائعه وهي معروفه للجميع0000

وكذلك انه لم يخوض معركه الا اذا كانت دفاعا عن الديره مثل كون


بقعاء بل انه منع شمر قبل المعركه انهم لايجيرون احد من هذولا


مدمهم طامعين بكشف سترنا بوسط ديارنا قال العرفجي:

اودعوا فرساننا جضعن جضوع00 مثل يوم النحر بارقاب الكباش


وركب اخو سرى على الصفراء اللموع00 وقال يالقصمان مافيها مهاش00

سربة الصايح يلفون المنوع00 بس عيت سربتن لبسه قماش


يقصد السربه اللي لبسه قماش (الرشيد) لمنع عبدالله من ذلك00

وكذلك قصيدته التي ارسلها للامام فيصل بن تركي وكانت تحتوي


على عشرة ابيات كلها عقيده توحيد وتحميد وتمجيد لله سبحانه00


وكذلك ان الاسلميه اللي ذبح ابن سليم ولده بعيد رمضان جت اولا


لعبدالله تنخاه فقال ياشمريه ولدك كل يوم ذابح منهم واحد علشان


بعير واللي يذبح لايجزع من الذبح فلما خرجت قال لها احد اللي


حوله انتي وش تبين بعبدالله وهو قاعد ينقل مصلاه من مكان


لمكان روحي لشراب العذافات عبيد00 وفعلا نخت عبيد وجوابه


تعرفونه اخو رثعه وش سوى بابن سليم وقصيدته اللي مطلعه:


ياناس من ينشد لنا الخالديه00 وشلون كيفه يوم خلي المكاني


ذبحت زوجه فوق بنت العبيه00 عامين ماشمه عريب الحصاني


كله لعيني صيحة الاسلميه00 ارخيت صرخه في طوال الاذاني


وش اللي يحرم دمكم بالضحيه00 واللي يحلل دمنا برمضاني


يقول ((ارخيت صرخه)) وماادري وشلون يتجرأ البعض قدام الله


وخلقه ويقول صرخه للملك عبدالعزيز رحمه الله000


ومن الادله قوله (((بالشيخه))):

والشر ندفع جانبه بالسهاله00 ولانا لتقريبه من الناس قبال00


وهذا الذي دفع عبدالله للركود مما جعل البعض يظن ان عبيد اشجع


من عبدالله وهذا خطأ واضح وانما غلب على عبدالله التدين وهو سبب


ركوده رحمه الله000 اتاسف للاطاله ولعل بماكتبت لو شي بسيط


من الفايده والسلام (((الراوي)))

[الـــغريب]

بيض الله وجهك اخوووي على الوهبي

ديوان الرائع للامير عبدالله العلي الرشيد



واخوووي فواز الغسلان بيض الله وجهك للمداخله الرائعه

للامير عبدالله على الرشيد

يعطيكم العافيه على الموضوع الرائع

[وولدعلي]

الله يعطيكم العافيه الجميع

اتمنى من الاخوه المشرفين أن يعطوى
ديوان الامير(عبدالله الرشيـــــــــد) رحمه الله تعالى واسكنه فسيح الجنان

(اهتمام) اكثر واكثر

لانه امير شمر وفارس شمر ومؤسس دولة شمر وشاعر شمر وشجاع شمر وشيخ شمر وووووووووووووووالى مالى نهايه


الم يقل رحمه الله لاجدادكم

(والله لو اني من ورى جسر بغداد&&أني لكم مثل العمل عند راعيه)

[أبو فراس]

معقوله نيستوا قصيدة الأمير عبدالله بن رشيد اللي هي أشهر قصايده على الأطلاق واللي تعد بالفعل ارث وتاريخ وملحمه بطوليه عظيمه للامير الراحل عليه رحمه الله .........




ياهيه ياللي لي من الناس وداد .................ماترحمون الحال ياعزوتي ليه



ماترحمون اللي غدا دمعه ابداد ................... لاله زمان وحرّق الدمع خدّيه



لالي زمانٍ ماتهنيت برقاد ................. وقصر الحشا قامت تهدّم مبانيه



من يوم شفت الشوق مزبور الانهاد .................ومجلّيٍ عن دار جدّه وأهاليه



وأقفى يجر الثوب للضلع شرّاد................... امشلّحٍ ياطا على اطراف رجليه



الشوك ماله عن حيا الرجل ردّاد .....................الاّ ولا سبتٍ قويٍ يوقّيه



يامن يسوي له زرابيلٍ جداد...................من الميّ لو ياطا على القطن يحفيه



بمشمرخات الهيف بالزحف صعّاد ....................وكم ماعرٍ من خوف لاروام راقيه



اخذ ثمانٍ مع ثمانٍ له ازواد....................... ولالقى من عزوته من يلفّيه



وجبّة سقاها من اول الوسم رعّاد .............. ماطالعت خشم ام سلمان تسقيه



حيث انها للمنهزم دار ميعاد..................... ومن لاذ به تقل الحرم لايذٍ فيه



ومسيخ ابن فرحان عريب الاجداد.................كل العساكر نكّسّه تتلي البيه



نكّسّ بهم عامر ومحسن وفهاد ..................والكل منهم مارجع يم اهاليه



وفزنا على شهب الغوارب منه غاد...............وكم عيّلٍ يبكي من القيظ شاويه



وجينا قليبٍ صايرٍ وسط الانفاد.................... بالخمس مع نصف الثمانين ندليه



لابن رخيص النازلٍ حد الاجراد......................ق ال اقبلوا انتم هل البيت ياهيه



يابن رخيص الحضر يبغون ببلاد .................. والحيضري بالهدي يكره تبدويه



ونبغي نقارب من هل الجوف خلاّد .............وندعي عسى ان الوبل يسقي مفاليه



واهل سكاكا نعم بذالة الزاد................ونعم النكيف اليا لفى السير طاويه



اويّ والله يالضويحي من أجواد...............ونعم الرفيق ليا نصى لمدح أهاليه



والمدح بدّو فيه لرشيد وبجاد...................والكل منهم سيف يقطع بحدّيه



وشلنا على حمرٍ طويلات الابداد....................يم الشمال ونيّه الهور نبغيه



كن جيت لي بدوانٍ بالاذواد ورّاد ................... وكلٍ يزين للعشاير نواديه



واحلو شرشوح المغاتير لانقاد ................. لادوّه الراعي بحلو التداويه



ليا الشط لي في يمّه الشط منقاد ...............كن الشفّلّح فوق موجه تجاريه



ياما عليه من المخاليق وعباد ..................والكل منهم وال الاقدار مشقيه



هذاك فلاحٍ وهذاك كرّاد .......................وهذا مريحٍ وساهراتٍ دواليه



وهذا يهل الغزل من فوق الاعواد ................. وهذاك يبرم له وهذا يساديه



كن جيت لي سوقٍ ورا جسربغداد .................. كن الدبل كتفان يزهي بلوحيه



قبّة ذهب ياقوت حتى الزمرّاد .................يزوغ قلب المسطحي وان مشى فيه



لاهو بشفٍ لي ولاهو بالامراد................... ولاهو هواي وطاري النفس يطريه



من يوم جانا العلم تحرير الاوكاد................. قل العساكر غرّبوا تتلي البيه



وحنا بديرة من يعدّون الاجداد .................... هذا ولد عمّه وهذا بناخيه



هب الهوا ياذاري الريح وانقاد ................. ويامن يدور قضى حلاله واهاليه



الله يسوّد وجهكم ياهل الواد ............... سود السماء كل الخلايق تراعيه



من باب خدامٍ ليا باب عوّاد .....................ومن ينتخي بالضيغميه تطاليه



ياللي نسيتوا عمل الاجرب وفهّاد..................ومن عقب هذا داخلينٍ قهاويه



حتى جرادٍ في جماعاتنا ساد ................ هذا يخسخس به وهذا مجلّيه



لو تجتمع كل الخلايق بميعاد.......................ا لاّ جرادٍ مالك الله نصافيه



والله لو انّي من ورا جسر بغداد ................ انّي لكم مثل العمل عند راعيه



عيسى يقول الحرب للمال نفّاد...................والمال من هبّت نسايم ذواريه



ياللي تقول الشر مابه لنا ازواد ..............انشد مسوّي السيف هو ليه حانيه



لاصار ما ترويـّه من دم الاضداد.....................ود هّ لعند العرفجيه وترويه



ولاصار ما مرٍ يزغرت بالاكباد ....................ترى الموصّى يسفه اللي موصيه



ولاصار ما ناصل ونضرب بالاحداد ................... هبيت ياسيفٍ طوى الهم راعيه



ولاصار ماهمٍ بصنديد الاولاد ......................فألعن شبابٍ مايبهّيه راعيه

[ربد الشمال]

يعطيكم العافيه جميع

علي مشاركاتكم

[أبو حواس]

مشكوووور أخوي موضوعك جميل



وتقبل مروري


أخوك أبو حواس

[خذاني الشوق]

السلام عليكم
اخوي العزيز علي الوهيبي
الله يعطيك العافيه على النقل المميز ...
والحقيقه لي مداخله حول موضوع قصيده الامير عبدالله ابن رشيد(رحمة الله عليه) وحسب ما سمعت من كبار السن الثقات انه يوم يدخل القصر ماكان معاه الا واحد من خوياه (عبد) ... وتمكنو من قتل العبد حق مشاري (حمزه) ومن ثم دخلو على مشاري وتعاركو معه وقتلوه ... والقصيده قالها بعد ما عينه فيصل ابن تركي لأمارة حايل وقال القصيده بعد ما قام عبيد الرشيد بذبح ابن سليم امير عنيزه واخذ ثار الاسلميه اللي نخت عبدالله يوم ابن سليم ذبح ولدها يوم العيد بعد ذالك زعل الامير فيصل بن تركي وارسله عبدالله هاذه القصيده .. هذا والله اعلم,,,,

[فيصل السلماني]

السلام عليكم ورحمة الله وبركاته
أولا هذا أول رد لي من أشتركت بالمنتدى
مشكور على القصيدة أخوي علي ماقصرت

[عوادالعلي]

يامالين العافيه

والله يابوه قصايد اني ادورهن دوره اشكر صاحب الموضوع وكل من اضاف

مشاركه وودي لو اني احفظ شي اشارككم به لكن ؟؟ الذاكره عطلانه

[فدا شمر]

مشكوووووووووور

[فيصل السلماني]

العاصف مجهود كبير تستاهل الثناء عليه الله يعطيك العافية

[فينوس]

مشكورين على الفكرة واتمنى ان تفعل اكثر وتضاف جميع المعلومات المتعلقة بحكم الامير عبدالله العلي الرشيد

[يوسف الصنخ]

^&)§¤°^°§°^°¤§(&^الله يعطيكم العافية على الابداع الرائع والجميل وعسالكم للقوة ان شاء الله تعالى ؟ وعذروني تروني مسجل جديد وان شاء الله اجيبلكم الجديد؟^&)§¤°^°§°^°¤§(&^

[محمد بن فهد الشمري]

بيض الله وجهك اخوي ولاهنت



:)

[][رحــ*R7aAL*ــال][]

الله يعطيك العافيه لاهنت

بانتضار جديدك

[راعي صرخه]

مشكوووووووووووووووووور

رحم الله الأمير عبدالله

راعي صرخه

[العبدي]

اختيارك موفق دائماً
يعطيك العافيه وماقصرت

[صعــب المنــأأأل]

اخوي العاصف ماقصرت



مشكور على مشاركتك الحلوه


تقبل مروري

[آلعمر لحظآت]

موضوع رائع وجميل

رحم الله ألامير عبدالله آل رشيد وأسكنه فسيح جناته

بطل وشجاع وشاعر ودين !!

لله درك من رجل

ألف شكر لصاحب الموضوع ولمن ساعده !!

تقديري !!

[ابن عمود]

يعطيـّـك آلعآفيــّـه آخـووي

ومآقصـررت يآوولـد آلعمـ .. ونشـووف جديــٌـدك

[مهره عصت كل خيال !!]

موضوع رائع يستحق الاشاده وبيض الله وجه صاحب الفكره

وكلي فخر بأن تكون اول ردودي في هذا المجال

بكتب نبذه عن حياة عبدالله العلي الرشيد


الأمير عبدالله العلي بن رشيد . . . شاعر كبير . . . من مشاهير فرسان قبيلة ((شمر)) مؤسس إمارة ((آل رشيد)) بجبل حائل سنة 1240هـ على وجه التقريب
ولد عبدالله بن رشيد حوالي سنة 1218هـ في حائل ولم يكن من بيت إمارة . . . كان والده ((علي بن رشيد)) يعيش في حائل تحت إمارة ((آل علي)) من ((شمر)) وكانت بأيديهم إمارة الجبل لكن طموح عبدالله لم يتوقف عند حد معين بل كان يتطلع إلى إمارة حائل وبالتالي إمارة جزيرة العرب كلها . . . عاش في عهد سادت به الفوضى وتشتت به شمل القبائل بالجزيرة العربية . . . وكان عبدالله وشقيقه ((عبيد)) يحاولان تحيق طموحاتهما حتى أجلاهما ((عيسى بن علي)) أمير حائل عنها فهرب ((عبدالله)) إلى العراق و ((عبيد)) إلى جبال حائل ومن العراق عاد ((عبدالله)) إلى الرياض وانضم إلى جيش الإمام ((فيصل بن تركي)) وكان له دور كبير باستعادة ((فيصل بن تركي)) للرياض من يد ابن عمه ((مشاري بن عبدالرحمن)) الذي قتل الإمام ((تركي بن عبدالله)) واستولى على الرياض بغياب فيصل بن تركي
وقد استطاع عبدالله العلي من دخول القصر والاستيلاء عليه حيث كان زعيم الفدائيين الذين تسللوا إلى القصر وسيطروا عليه . . . وعاد عبدالله بعدها إلى حائل واستلم إمارتها بعد تصفية خصومه من آل علي .

وللابداع بقيه

[أبن داغر]

مشكور على الموضوع القيم

[الحسيني الخريصي]

يعطيك العافية






وتقبل تحياتي ومروري......

[آلعمر لحظآت]

رحم الله الامير الفارس \ عبدالله الرشيد

عافاك الله يالغالي على الديوان ..

[الحسيني الخريصي]

يعطيك العافية


وصح لسان صاحب القصيدة




وتقبل مروري وتحياتي......

[السعلووهـ]

الله يعطيكم العافيه

الى الامام دائمآ







تحياتي

[فـــ شمر ــزعة]

عاد الامير عبدالله الرشيد لحائل لأخذ زوحته نورة بنت ابن عيسى ودخل القصر وكان يعرف مسالك قصر " المقطع " الساكنه به زوجته وقد استطاع ان يتفاهم معها ويخرجها من القصر ودبرت الحيلة ولحقت به ومشت حلفه وبعد برهه من الزمن قابلا رجلا من اعوانه يدعى
حسين الشلاقي ومشى معهما وكان أبن رخيص قد أعد لهما عند النيصيه ( قريه شمال حائل بنحو 15 كيلو ) فالتفت الامير عبدالله الرشيد الى زوجته وراى اثر دم على اقدامها لعدم احتمالها المشي فقال لرفيقه حسين احملها فأمتنع فكرر عليه الطلب وقال هذه القصيده :-

ارم النعول لمعزل العين يا حسيـن=أو اقطع لها من ردن ثوبـك ليانـه
جنب حفاة القاع واتبع بهـا الليـن=واقصر إخطا رجليك وامش امشيانه
يا خوك والله ما لها سبت رجليـن=يا حسين شيب بالضمير إهكعانـه
وإن شلتها يا حسين ترما بها شيـن=حيث الخوي يا حسين مثل الأمانـه
ما يستشك يا حسين غير الردييـن=وإلا ترى الطيب وسيعـن بطانـه

وبعد ما انشد الامير هذه القصيده حملها حسين ..


اخوي فيصل احببت ان اوضح بعض النقاط ..

ان حسين لم اقرأ ولم اسمع من الشيبان خاصة انه من الشلقان وانماعبد كان عند الامير عبدالله الرشيد.

وثاني بند كما قرأت وسمعت من الشيبان لم يذكروا ان حسين حملها .

ولما قال (وان شلتها ياحسين ترا مابها شين) من باب ذكر حسن النوايا فقط.

[تركي فرحان المنديل]

العاصف مجهود كبير تستاهل الثناء عليه الله يعطيك العافية

[المعيي]

السلام عليكم
فيه قصيدة للامير عبدالله بن رشيد رحمه الله
ومنها
الي يعادينا نعاديه بجموع ،، بكتم الجموع الي تلوع الفوادي
كم واحدٍ عاني لنا يشكي الجوع ،،حاديه من لوعات الايام حادي
لو مانعرفه راح منا بمطموع،،من راس مالٍ نجمعه للنفادي

ارجو اذا احد يعرف البقية لايبخل بها
وسلامتكم

[زين بدوي]

الله يعطيك العافيه ... مشكور


أخوك

{{ زين بدوي }}

.

[عجزت انساكـ]

الاخ العاصف

الف شكر لك على ايراد هذه القصص والاشعار لعبدالله الرشيد

[الشجاعه ورث]

علي الوهبي



الله يعطيك العافيه على ماطرحت وبيض الله وجهك



الله يرحمه والمسلمين اجمعين

اخوك الضيغمي

[ياليتني شمريه]

اتمنى اني أتعرف اكثر على الامير عبدالله

وعلى قصائده الجميله

[ابو بازعي]

مشكور على القصائد ويعطيك العافية

[احمد الشريان]

تسلم يالنشمي

[نواف سعد]

مشكـــــــــــــــــــــــــــــــــــــورين

[طوووط]

مشكووووور

[اباتشي]

الله يعطيك العافيه ولكن ودي لو انك ذاكر
اكثر من قصه وقصيدة للأمير عبدالله الرشيــد

[عليمي]

بارك الله فيك اخوي العاصف

[عليمي]

تسلم اخوي على الوهبي

[ملك الشعر الشمري]

الــــلـه يعطــــيـك العــــافـيه
لا هــــنـت
ملك الشعر الشمري

[أوباما]

كفوللجميع كفوللجميع كفوللجميع كفوللجميع كفوللجميع كفوللجميع كفوللجميع كفوللجميع كفوللجميع كفوللجميع كفوللجميع كفوللجميع كفوللجميع

[سـهيل]

ألف شكر لك على ما تقوم به من طرح مواضيع رائعة ذات قيمه وذات فائده

تعود على الجميع بالنفع ..

[ملك الشعر الشمري]

مشكور

والله يعطيك العافيه ولا هنت

ملك الشعر الشمري

[الحربان]

ابن نجيفان السلام عليكم

وجدتها على ماقالو هذي القصيده الى ابيها

ارم النعول لمعزل العين يا حسيـن
أو اقطع لها من ردن ثوبـك ليانـه
جنب حفاة القاع واتبع بهـا الليـن
واقصر إخطا رجليك وامش امشيانه
يا خوك والله ما لها سبت رجليـن
يا حسين شيب بالضميـر إهكعانـه
وإن شلتها يا حسين ترما بها شيـن
حيث الخوي يا حسين مثل الأمانـه
ما يستشك يا حسين غيـر الردييـن
وإلا ترى الطيـب وسيعـن بطانـه

وابي اعرف هذي القصيده كامله والا باقي ابيها كلها الله يخليك ووين كان فيه يوم قالها يطولي عمرك يالطني

الحربان

[مقرن الزيد]

مشكور ويعطيك العافية

[حنا السناعيس]

..علي الوهيبي..

..موضوعكـــ رآآآآآآئع..

.. وهذه درر ثمينه يجب ان لا يدفنها الزمن..

..تحيآآآآآآآآتي ..

[سامي الرخيص الشمري]

مشكور اخوي على المجهود وبارك الله فيك

[بشر]

بارك الله بك , شكراً أخي الكريم

[معلم السناعيس]

الله يرحم أمير شمر ابن رشيد

[الجابر]

يكفي أنك يا علي الوهبي يالعشير دأئمآ سباق لجلب العلوم الطيبه

[المفرقاوي]

السلام عليكم ورحمة الله وبركاته
بارك الله بك , شكراً أخي الكريم

[المفرقاوي]

السلام عليكم ورحمة الله وبركاته
بارك الله بيكم
الله يعطيكو العافية

[ظفيري بناخي شمر]

الله يعطيك العافيه و الف شكر

[الاسلم]

مشكوررررررررررررر وماقصرت

[دنيا الطنايا]

يعطيك العافيه

[دنيا الطنايا]

بارك الله بك , شكراً أخي الكريم
مشكور يعطيك العافية

[% بنت الطنايا %]

يعطيك العافية ماقصرت
وان شاء الله ان مانبخل على جمع القصص والقصايد
من تاريخنا
والا يسعنى الا الشكر والتقدير على ماتبذله ...

لك احترامي ,,,

[الكهلاني]

ارجو من الاخوان افادتى عن هذه القصىده والتى تنسب الى الامير عبدالله الرشيد حيث انى عجزت وانا ادوره ومنها هذه الابيات:

باتت حلام الليل مابه مسره *** اشيجمع الغالي على غير ميعاد
ويشجمع اللي بنجدن مقره *** وانا على شط الفلاليح قعاد
يا فلبي اللي غادين جلد شنه *** يلعبه الغربي على جسر بغداد

[بنت الزوبع]

صحت يمناك ولاهنت ومشكورعلى ايراد هذه القصص والاشعار لعبدالله الرشيد
ولاتعبت

[سامي الرخيص الشمري]

بارك الله فيك أخي الغالي جهد طيب


تقبل مروري وحترامي وتقديري

[فتى المطاوع]

بيض الله وجهك

[سيف سنجار]

1
1
1
1
1




صراحه مجرد الفكره الكتابه عن الرشيد بحد ذاته احياء لتاريخ واحياء التاريخ يعني احياء

كل فريس شمر واحياء ذكر فريس شمر يعني احياء لكل بطولات شمر التي ترفع الراس

وشمر سابقا لم تسمح لاي شخص ومهما كان ان يفرقها او يدس الدسائس ولكن اليوم هناك

بعض العابثين بتاريخ شمر او يحاولون تفرقة شمر حتى انهم وصلو الا نسب بعض فند شمر

لغير شمر وهذا اجحاف بحقوق شمر كلنا يعلم انه تشابه الاسماء موجود في كل القبايل فلماذا

التحريف اسف اطلت وخرجت عن صلب الموضوع بدون درايه اكرر اسفي لك مني فائق الاحترام

وخالص التحيه انت وجميع المشاركين

[المعيي]

لي ديرتن ما به حذا البرد والجوع = لولاي عفيته بضرب الهنادي

حاميتها عن كل دوارمطـــــــموع = حيـــــن ٍ نصبحهـم وحيــــن ٍ نهــــادي

عمال نو الخيــــر نجزاه بنفـــــوع = من مالنا نكــــــثر عليه العــــــدادي

عمال نو السّـــو نجّـــزاه بنجـــوع = ونجّرن توالي اللـــــــيل حسه ينادي

بالكف قاطوع والقلب مصموع = مهي حكايا رقصتك يابو هــــادي

أخو عبيد ليّــا هبّا كل مسبــّـــــوع = اسهر ليا نامت عيــــــــون السرادي

أكـــــايد الدنيا بداخل ومطلّـــــوع = بالــــمال والا مرهـــفاتن حـــــدادي

وكم خيّرن عانين لنا يشكي الجوع = حاديـــه من ضيـــــم الايــام حــادي

لــو مانعــرفه راح منا بمنـــفـوع = من ســاس مالـّن نجــعــله للنــفــادي

يالسناعيس نبي التكمله

[مشاري العطاوي]

لاهنت على ديوان الامير عبدالله

[نبهان الزميلي]

يعطيك العافيه على السالفه والقصيده وعندي مداخله وارجوو المعذره اذا كلامي به غلط ..

اما عندي معلومه ومدري عن صحتهااا

ان حسين يلي اخذ نووره زوجت الامير عبدالله الرشيد له

هو حسين الصلبي مو حسين الشلاقي

وشكرن هذا يلي اعرفه وارجوو الافاده اذا معلوومتن غلط ...؟

و حسين ما شاالها بعد القصيده

هذا يلي اعرفه انا ودمتم وارجوو افاادتي ...

[ظل الياسمين]

يعطيك العافية

دمت بود

[فوق السحاب]

رحمه الله الله يبارك فيك جهد طيب

[نواف ابن صخيل]

يعطيك العاااافيه اخوي على جهووودك

والله مااالك الا طيبت الخاطر
والعلم الزين

[لعيون الطنايا]

رحم الله الامير عبيد ال رشيد

سلمت يمينك على النقل المميز

[مانع العطاوي]

مشكور على هذا الصرح الجميل وهذه الشخصيات التي لم ولن تتكر في التاريخ

[حمد الحريري]

لاهنت ,,

رحم الله الأمير عبدالله العلي الرشيد ,,

[جمال السنجاري]

الله يعطيكم الف عافيه ماقصرتو

والله يرحم الامير عبدالله ويسكنه فسيح جناااته

[السيف الحاد]

مشكور اخوي عاصف موضوع جميل

[$بروق الطنايا$]

صــ لسانك ـــح ولسان شاعرنا

يعطيك الف عافيه على الطرح الرائع

[سنجار]

الاخ علي الوهبي الف شكر على هذا الابداع

الامير عبد الله الرشيد كان طموحه كبير وبادء ذي بدأ يريد ان يحمي ديار شمر من الطامعين واثناء جلوته يبيت الاسباب الواضحه رحمه الله بهذه الابيات






ياعبيد عفنا الدار ياعبيد عفناه =خله يعل البوم يعوي بجاله

الدار مثل البنت لياكشف مغطاه= ياعاد ماتدرى عواقب رجاله

من مايجر السيف والضد ينحاه=يقدم على شره ويرخي حباله

من فوق ماتضرب حنوكه بيمناه=من حدوها واذواد در حشاله

المرجله ماله حدود ومنهاه = والذل يرث بالقلوب اشتعاله

والفعل طب لاهل القلوب المغلاه= يجلى صدى كبد ٍمن اللي جراله

يضرب ويضرب والسبب هو مناياه= ولابد من الروح العزيزه زواله

المال عيشه للرجال المهباه =اللي تربت مالها بالدخاله

ومن قد سرده مانشد عن رزاياه= ومن كدر الصافي شرب من زلاله



وهذ القصيده تبين سبب مجلاه وقد كنت تمنى ان يذكر مع القصائد افعاله وبطولاته

[محمد عياد الشمري]

في فترة من الفترات كانت الخلافات في حائل قد وصلت إلى حد القتل بين أبناء العمومة
لذا اضطر الفارس عبدالله العلي الرشيد للخروج خارج البلدة بعد خلافه مع أبناء عــمه
وكان خادمه " حسين" يرافقه وكانت زوجته تصر على الخروج معهم فـرفـض اصطحابها رافة بها وأمرها بالرجوع..
وعندما خرجوا من البلدة تفاجاؤا بها خلفهم ، ولحرصها على اللحاق بهم نسيت ان تـلبس حـذاءً ،
وكانت على وشك الولادة أيضًا ، فصعـب أن يرجعوها للبلدة أو أن يتركوها ، فأخذوها معهم ..
ولما كانت زوجة عبدالله الرشيد أميرة وزوجة أمير ولم تعتد على المشي حافية القدمين
فقد كانت تعرج أثناء مشيها على الأرض الوعرة ،وحين رآها عبدالله الرشيد ضاقت نفسه بما هي عليه ،
وأنشد هذه الأبيات:

ارم النعل لمغيزل العين ياحسين *** واقطع لها من ردن ثوبك ليانه
يا حسين والله مالها سبت رجلين *** يا حسين شيّب بالضمير اهكعانه
جنّب حثاث القاع واضرب لها اللين *** واقصر خطاك شوي وامش مشيانه
ان شلتها يا حسين ترا مابها شين *** ترى الخوي يا حسين مثل الامانه
ما يستشك يا حسين كود الرديين *** وإلا ترى الطيّب وسيع بطانه
لابد ما حنا عن الضلع مقفين *** ولابد ما ناطا النفود وليانه

ولأن امرأته كانت على وشك الوضع ,
أمر ابن رشيد خادمه حسين أن يبقى معها
في غار حتى تلد جنينها,
وأمره أيضا أن يتخلص من الجنين , ويأتي بأمه حتى لا يعيق مسيرهم,
وخوفا أن يسمع أحد الأعداء صوت الصغير ويدل على مكانهم .
بقي حسين حـتى أنجبـت المـرأة ابنها , وحـمـلـه حسين وكان يرتدى المرودن
ويضع الصغير فيه , ثم لحق بعمه وعندما قربوا منه,
سمع ابن رشيد صوت الطفل ,
فقال : لماذا يا حسين لم تتخلص منه ؟
فقال حسين: أفا يا عمي أتخلص من شيخ ٍ من شيوخي ؟!!!
فأصبح الولد هو متعب بن عبدالله الرشيد والد عبد العزيز المتعب الشهير بالجنازة .


ياهيه ياللي لي من الناس وداد=ماترحمون الحال ياعزوتي ليه

ماترحمون اللي غدا دمعه ابداد=لاله زمان وحرّق الدمع خدّيه

لالي زمانٍ ماتهنيت برقاد=وقصر الحشا قامت تهدّم مبانيه

من يوم شفت الشوق مزبور الانهاد=ومجلّيٍ عن دار جدّه وأهاليه

وأقفى يجر الثوب للضلع شرّاد=امشلّحٍ ياطا على اطراف رجليه

الشوك ماله عن حيا الرجل ردّاد=الاّ ولا سبتٍ قويٍ يوقّيه

يامن يسوي له زرابيلٍ جداد=من الميّ لو ياطا على القطن يحفيه

بمشمرخات الهيف بالزحف صعّاد=وكم ماعرٍ من خوف الاروام راقيه

اخذ ثمانٍ مع ثمانٍ له ازواد=ولالقى من عزوته من يلفّيه

وجبّة سقاها من اول الوسم رعّاد=ماطالعت خشم ام سلمان تسقيه

حيث انها للمنهزم دار ميعاد=ومن لاذ به تقل الحرم لايذٍ فيه

ومسيخ ابن فرحان عريب الاجداد=كل العساكر نكّسّه تتلي البيه

نكّسّ بهم عامر ومحسن وفهاد=والكل منهم مارجع يم اهاليه

وفزنا على شهب الغوارب منه غاد=وكم عيّلٍ يبكي من القيظ شاويه

وجينا قليبٍ صايرٍ وسط الانفاد=بالخمس مع نصف الثمانين ندليه

لابن رخيص النازلٍ حد الاجراد=قال اقبلوا وانتم هل البيت ياهيه

يابن رخيص الحضر يبغون ببلاد=والحيضري بالهدي يكره تبدويه

ونبغي نقارب من هل الجوف خلاّد=وندعي عسى ان الوبل يسقي مفاليه

واهل سكاكا نعم بذالة الزاد=ونعم النكيف اليا لفى السير طاويه

اويّ والله يالضويحي من أجواد=ونعم الرفيق ليا نصى لمدح أهاليه

والمدح بدّو فيه لرشيد وبجاد=والكل منهم سيف يقطع بحدّيه

وشلنا على حمرٍ طويلات الابداد=يم الشمال ونيّه الهور نبغيه

كن جيت لي بدوانٍ بالاذواد ورّاد=وكلٍ يزين للعشاير نواديه

واحلو شرشوح المغاتير لانقاد=لادوّه الراعي بحلو التداويه

ليا الشط لي في يمّه الشط منقاد=كن الشفّلّح فوق موجه تجاريه

ياما عليه من المخاليق وعباد=والكل منهم وال الاقدار مشقيه

هذاك فلاحٍ وهذاك كرّاد=وهذا مريحٍ وساهراتٍ دواليه

وهذا يهل الغزل من فوق الاعواد=وهذاك يبرم له وهذا يساديه

كن جيت لي سوقٍ ورا جسر بغداد=كن الدبل كتفان يزهي بلوحيه

قبّة ذهب ياقوت حتى الزمرّاد=يزوغ قلب المسطحي وان مشى فيه

لاهو بشفٍ لي ولاهو بالامراد=ولاهو هواي وطاري النفس يطريه

من يوم جانا العلم تحرير الاوكاد=قيل العساكر غرّبوا تتلي البيه

وحنا بديرة من يعدّون الاجداد=هذا ولد عمّه وهذا بناخيه

هب الهوا ياذاري الريح وانقاد=ويامن يدور قضى حلاله واهاليه

الله يسوّد وجهكم ياهل الواد=سود السماء كل الخلايق تراعيه

من باب خدامٍ ليا باب عوّاد=ومن ينتخي بالضيغميه تطاليه

ياللي نسيتوا عمل الاجرب وفهّاد=ومن عقب هذا داخلينٍ قهاويه

حتى جرادٍ في جماعاتنا ساد=هذا يخسخس به وهذا مجلّيه

لو تجتمع كل الخلايق بميعاد=الاّ جرادٍ مالك الله نصافيه

والله لو انّي من ورا جسر بغداد=انّي لكم مثل العمل عند راعيه

عيسى يقول الحرب للمال نفّاد=والمال من هبّت نسايم ذواريه

ياللي تقول الشر مابه لنا ازواد=انشد مسوّي السيف وليه حانيه

لاصار ما يرويه من دم الاضداد=يدّيه يم العرفجيه وترويه

ولاصار مامرٍ يزغرت بالاكباد=ترى الموصّى يسفه اللي موصيه

ولاصار ما ناصل ونضرب بالاحداد=هبيت ياسيفٍ طوى الهم راعيه

ولاصار ماهمٍ بصنديد الاولاد=فألعن شبابٍ مايبهّيه راعيه

(مـــــنـــــقـــــول لـــلأمــــانـــــة)

[الشمري لورد]

[IMG]http://السلام[/I ابو فراس يعطيك العافيه وكل من يجتهد علي المواضيع الطيبه ولا صارما هم بصنديدالاولاد فلعن شباب ما يبيه راعيه الله يرحمكم يالرشيد كلكم ويرحم اموات المسلميم امين