حجاب بن نحيت والجنازه!!!!

[وميض]

السلام عليكم فالبدايه اخواني جميعا..

ولي الشرف يومني اكتب بين عيال عم واخوان

في موقع الطنايا اللي هو واجهه لشمر كله

وفيه عن اخبار اجدادنا وامرانا وقصايدهم

وحروبهم حتى اللي يجهله شي يجي ويلقى العلم الوكاد

المهم على كثر مروري بالمنتديات لقيتلي بمنتدى والمصيبه

انه منتدى ماهو يم هالسوالف ابد موضوع وبصراحه حاك بنفسي

وماسمعت لا عن السالفه ولا عن القصيده وبصراحه وجوده

بهكا المنتدى لحاله يوحي ان السالفه ملغومه لانه حط

السالفه والقصيده بمكان كانه يغيبه مايبي احد يدريبه

يوم شفة الردود الا ماعندك احد لاحد ناقش ولااحد اضاف شي

اللي بينلي ان الناس هذولا من جنبه وان راعي السالفه متعمد هالشي

واذا كان ماهي صحيح فهو يبي يصنعله مجد من لاشي

اما اذا السالفه موثقه وصحيح فمن حصل شي يستاهله

وشمر مثل اي قبيله تكسب وتهزم وماكبير غير الله

المهم عاد مااطول عليكم ابيكم تشوفون السالفه والقصيده وتعطوني رايكم

والف شكر...


[هذه القصه لمعركه بين الشيخ حجاب بن عبدالمحسن بن نحيت والامير عبدالعزيز بن رشيد وتذكرت هذه القصه وانا اتصفح مشاركة الأخت فوز بقصيده لشاعره شمريه في الشيخ حجاب بن نحيت وتذكرت هذه القصه وهي ان الشيخ عقاب بن عبدالمحسن بن نحيت أخذ ابل محمله لأبن رشيد فأقسم ابن رشيد ان يغزو حرب وكان في مجلس ابن رشيد عندما امر جنوده ان يستعدوا للغزو الامير حمود بن عبيد بن رشيد ونصح الامير عبدالعزيز بعدم الغزو لاكنه لم يستمع له فغزى قبيلة حرب وتعرض للهزيمه هو ومن معه وقد نجا من الموت في تلك المعركه من قبيلة حرب فقال الأمير عبدالعزيز بن متعب الرشيد هذه الأبيات يصف فيها المعركه

جريت من حمر الطعاميس شمر **** أ ميلين العقل فوق الطواقي
معهم سلاح يرهب اللي يشوفه **** نطعن به قلوب العدى بالملاقي
وصكوا عليه متعبين السبايا **** اجهار مانضرب دروب المتاقي
وعقب طلوع الشمس جريت غاره **** نبي وضحٍ عليها العراقي
جينا كما سيفٍ شطيرٍ حده **** وجونا كما ضلعٍ بليا مراقي
ناسٍ تعزوى العزوه السالميه **** ماهم محوشة الغنم بالمتاقي
تلومني ياحمود وانت متريح **** عند العذارى مستريحٍ تخافي
والله لولا سابقي فززت بي **** تفزيز ربداً ذيروها الطراقي
اني لروح اقطع من ضرب شلفهم **** شلفٍ تشيل الراس عن التراقي

[ابن الطنايا]

مغازي شمر مع حرب كثيره


ولاننسي الواقعه الشمهوره معركه المليدا

ننتظر اهل العرف

[زقروط الزقروطـــــي]

السلام عليكم ورحمة الله وبركاته

اخي/ وميض

انا على حسب معرفتي انا الامير/ عبدالعزيز المتعب الرشيد(رحمه الله) لم يهزم في اي معركه

وثانيا انا الامير/عبدالعزيز الرشيد لم يكن يقول الشعر غير كم بيت من الشعر ومعروفة عند الجميع وضع على كلمة لم يقول الشعر مئة خط

فمن وين جبت لنا هالقصيده هذي ((يالطيب))

اما بخصوص كلامك ان شمر مثل اي قبيلة تكسب وتهزم وماكبير غير الله ((اذكر ربك ياخوي ليش حنا قلنا غيرهالكلام)) (( الله عزوجل سبحانه وتعالى كبير ولا كبير فوقه)) لاتقعد تألف من بنات افكارك حبيب قلبي

اما بخصوص المعركه التي قلتها فأن لم اسمع بها وثق تماما انا شمر لو هزمت في معركه سوف نقول هزمت
وان انتصرت نقول انتصرت لان الاعتراف بالحق فضيله


على فكرة ترى رقم العضويه مالك خوش رقم999 :102: للبيع تراني شراااااي

وتقبل تحيااااااااااااااااااااااااااااااتي

[الصريح]

الاخ وميض

لم نسمع عن اي معركة بين بن نحيت وشمر

والذي نعرفه ان بن نحيت صديق للرشيد ومن رعاياهم

ــــ

معركة المليدا ليس لها علاقة في حرب

هي بين شمر بقيادة محمد المهاد واهل القصيم ويسمونها احيانا الضلفعه
وهي الذي يقول فيها حمود العبيد الرشيد

يومٍ جرا بالضلفعه له اضلالي000 يعده المولود للي بالاصلاب

صكوا عليهم شمر كاء الحجالي000 ماكنها الا حوطةٍ مالها باب

[بتار]

غريبة وبعدين اذا كنتم تسمعون بأبو النازي كان عند ابن صباح وسأل ابن ابو النازي قاله له من اطيب القبايل واقواها رد ابو النازي وقال عتيبة والعجمان وقحطان وعنزة وووووووو
فرد ابن صباح وقال ليه ما ذكرت شمر قال ابو النازي شمر دولة ماهي قبيلة يا بعد حيي

اما حرب والف نعم اجواد وبينا وبين شرهم الله لكن ماسمعت هالكلام هذا

[متعب الخريصي]

صراحه اول مره اسمع هالكلام

[وميض]

ابن الطنايا,,

يابعد فرتي والله هالفره

انت الوحيد اللي جا لموضوعي وقراه كامل

وعرف اني جاي منغبن ابي العلم الوكاد

هذا اولا ثانيا طالبك يالغالي ادري انه مهو مسموح احط روابط

لمواقع ثانيه بس بعض الربع قامو يحكون جنوبهم يحسبوني

جاي اتحرش واتدحلس بسم شمري وامرر سوالف على قولة الزقروطي

من بنات افكاري معني ماني متزوج عزوبي وماكل هوا المهم

ابحط للزقروطي رابط وحيد للموضوع بالمحل اللي لقيته به

واذا راحله يبي يبن الصحيح من الخرطي

[وميض]

اقول يالزقروطي,,

اولا انا لوني ماني شمري جيتك وعلمتك باصلي

ماجيت اتدحلس عندك اجيبلك سالفه وقصيده

وياصار ماعندك عرف بعلوم الرجال ياوليدي افضل انك تسكت

اما انا فنيتي سليمه لقية هالسالفه والقصيده بموقع ابحطلك رابطه رح سجل وتلقى اللي كتب الموضوع

وتلقاني بنفس الاسم راد عليه صحيح اني ماكذبته لاني مااقدر الا بشي بين

وانا الحمدلله الله معطينن عقل اذا مااعرف انشد الرجال اللي يجيبون العلم

ولونك قرية الموضوع كله وخلية العجله كان عرفة اني شمري وجاي ادور رد لهالي جايب السالفه

وثاني مره انصحك اركد قبل لا تعجل وعين من الله خير وتعوذ من الشيطان

والرقم للبيع مسيوم بستميه عندك زود ابشر افرق السوم ومبروك عليك

قبل لاانسى هاك الرابط

رابط السالفه ارعص هنيا (http://www.alm7aba.com/vb/showthread.php?t=9480)

[بتار]

عينوا خير يالربع

[زقروط الزقروطـــــي]

السلام عليكم ورحمة الله وبركاته

اخوي/ وميض

منهو الي قال انك جاي اتدوحس عندنا ( كل من يرى الناس بعين طبعه)

ونعم بك ندري انك شمري ليه في احد قال انك (تشيكوسلوفاكي)

وبعدين هذا كلامك عيب مالو داعي ياعميمي( (وياصار ماعندك عرف بعلوم الرجال ياوليدي افضل انك تسكت) ) وارد على غلطتك هذي واقول لك الله يسامحك لانك للاسف فهت ردي عليك اني قاعد استخف في كلامك وباين عليك انك تشتك من ادنات الدون مو اقولك (كل من يرى الناس بعين طبعه)

وبعدين حبيبي قلبي ابي اعرف شلي خلاك تعصب ونرفزك الظاهر انك انت ماقريت ردي من اولوا واحب اذكرك ((بحديث الرسول صلى الله عليه وسلم " ليس الشديد بالصُّرَعة ، إنما الشديد الذي يَملك نفسه عند الغضب " صدق رسول الله صلى الله عليه وسلم))


وانا قلتلك انوه الامير/عبدالعزيز الرشيد(رحمة الله) لم يكن يقول الشعر غير كم بيت من الشعر ومعروفة عند الجميع
والحرب التي نقلتها لنا من منتدى(؟؟؟) لم اسمع بها وحتى ردود الاخوه عليك قالو انا هذي الحرب لم نسمع بها !!!!!!!!!!!!!!!!!

حتى الاخ العزيز مشرف اقسام القبيله الصريح/ وهو عندوه خلفيه واسعه وملم في هذه المواضيع وقال لم نسمع بها !!!!!!!!!!!!!!!!! (عينا عليه بارده عشان مانحسدوه)

وعلى موضوع الرابط / من اسم المنتدى (؟؟؟) الي نقلت منه الموضوع يبدولي انه منتدى غير متخصص في هذه المواضيع

ولكن يبدوا انك توك مبتدئ في المشاركه في المنتديات لان ياخوي مو اي موضوع ينقري يتصدق على سبيل المثال يعني الحين انا لو قريت بأي منتدى حدى هالمنتديات ان شمر موطنهم الاصلي جزر الواق واق هل اصدق هذا الكلام!!!!!!!!!!
ولكن يبدو انك انت تصدق كل مايكتب حتى لو قرائت انا الارض حلزونيه وليست كروية

مشكور على نصيحتك هذي((وثاني مره انصحك اركد قبل لا تعجل وعين من الله خير وتعوذ من الشيطان)) وانا اقول لو توفر هالنصيحه لنفسك!!!!!!!!!!!
لاني الحمدلله معين من الله خير ومتعوذ من الشيطان (اعوذ با لله من الشيطان الرجيم)

فيجب عليك ياوميض ان تتقبل الراي والراي الاخر ويكون صدرك واسع للنقد لان مهو كل واحد عارضك بموضوع يعني صار ضدك او يبي يستهزء في كلامك او يبي يتفنظز ((لان الاختلاف بالراي لايفسد للود قضيه)) لانك كتبت موضوع وتبي الرد وردينا على الموضوع فيجب عليك ان تحترم ردودنا ووجهة نظرنا لاننا لم نمسك او نجرحك في الكلام (الي محرق خبزك شنهوووووووو) !!!!!!!!!!!!!!!!

وثق تماما انني كتبتوا ردي على موضوعك منطلقـًا من قلبـًا صافي وخالي من كل معاني الخلفيات المظلمه الذي يبدو انك تخطط لها !!!!!!

وانك ضننت بي الســـوء ((ان بعض الظن اثم))

واحب ان اذكرك بشئ اننا هنا في( منتديات الطنايا) اسرة واحده متحابه متكاتفه للرقي في هذا المنتدى الكريم

انتهـــــــــــــــــــــــــــــــــى


اخي/ بتار
خيـــــــــر بوجهك ياوجه الخير يابعد حيي وعسانا نكون كلنا دوم من اهل الخير (اجمعيـــــن)

ولكن الاخ/وميض ( بسلمتواااااااااا ) يبدو انوه توه جديد على شغل المنتديات !!!!!!!!!!!!!!!!!!!!!!!!!!!

وتقبلوا تحياتي

سبحانك اللهم وبحمدك اشهد انا لا اله الا انت استغفرك واتوب اليك

[وميض]

زقروط,,

يالغالي حتسيك واجد معليش

بس الرقم مثل ماعلمتك سيم بستميه عندك زود

والا ياجانن احد ابيعه

وسع صدرك وازحف تنحف..

وياعله خير

[الأشهب الزوبعي]

السلام عليكم ،،،،،،،،،، يا الله حييهم كل واحد باسمه

مساء الخير ،،،،،

أنا أقول يحذف هذه الخرافه والتؤليف وأنا أدليت برأيي وأقول الأختلاف بالرأي لا يفسد للود قضيه

يا وميض

شمر ثقال الروس ماهم خفايا*** الله خلقهم فوق الأسياد سادات

ان جاء العطاء شمر كبار العطايا*** وان جاءالوفاء مايعرفون الخيانات

وان جاء الزعل شمر لقبهم طنايا ***هذا كلام صدق وعندي إثبات



وعيال عمي السناعيس وأهل اللحيسه وهم عزوتي كلهم شمر..........


الأشهب الزوبعي

[عبدالكريم الوبيري]

انا كنت اسمع من كبار السن ان شمّر في السابق كانت تدافع عن حرب للاسباب آنفة الذكر :

شمر اكثر من حرب عددا.

كانوا حكّام لنجد والجزيره تقريبا.

وغيرها من الاسباب

بعدين مع احترامي الشديد لقبيلة حرب ( ما هم نطيحن لنا ) ....

ولا عمري على كثر ماسمعت من الشيبان هاالسالفه ؟؟؟؟؟؟؟؟؟؟؟؟؟؟؟؟؟؟؟؟

ياجماعه شــــــــــــمّـــــــــــر كانت تناطح قبايل بمعركه وحده وتفوز فيشن عاد حرب

المس من خلال تصفحي للموضوع ان وميض يستفسر ... فالا احد يفهموه غلط ... الرجال ماغلط مجرد استفسار

وعساكم على القوة يالابتي

[بتار]

اقول وميض الله الله بالرقم لعن ابوحيك لا يروح منك الا بشئ يسوا :139:











وشف يا حيي تراني رفيقك اذا صار ما صار عطن الرقم:91:







:147:

[راعي البويضا]

السلام عليكم
ومشكورين على الموضوع

انا قبل ثلاث سنوات سمعت في السلفه والقصيده
من زميلي حربي وقمت ادور
ولقيت مصدر واحد لقصيده والسلفه
ولكني نسيت اسم الكتب
ولكن الكتب في مكتبة الامه فوق
في الحفر



أخوكم //راعي البويضا

[أحمـــــــد]

مساء الخير جميعا


وبالنسبة للقصة والقصيدة اللي كتبها أخونا وميض


الله وأعلم أنتمنى من اللي عندهم علم يذكرون الدليل

بس أنا اللي أعرفه أن الجنازة لم يهزم وليس له قصائدالا واحده أو أثنين

وسلامتكم

[زقروط الزقروطـــــي]

السلام عليكم ورحمة الله وبركاته
اخي العزيز / وميض
حجي كثير بس مو كثر حجيك اجل تنزل ردين ورى بعض وبنفس الوقت على العموم ماعلينا وعلى قولتك يعلو خير وانا اتقبل حجيك بكل صدر رحب
واحب اوضحلك اني انا ماني مجذبك محشوم يابعد حيي بس الظاهر انك فهمت الموضوع غلط واني مجذبك وحقك علي اذا انا ضايقتك بشئ
ويااخي العزيز اوضح لك ثاني مره .........
الامير/عبدالعزيز بن متعب الرشيد(رحمه الله) هذه هي قصائده المعروفه وانا القصيده التي تفضلت بها من المنتدى الذي ذكرته ليست له
اليك قصائده.........
هذه قالها في معركة الصريف.....
بعد الإنتهاء من المعركة وإنتصار شمر، ...قال الأمير عبدالعزيز الجنازه لواحد من أخوياه رح لحايل وعلم الأميرحمود العبيد تراه ما ينام و بشره بالنصر وعزه بالعيال وخذ هالبيتين، يقول الجنازه وللعلم فالامير عبد العزيز ليس شاعر ولم يقل الشعر قط ... الا مرتين .... هذه احداهن:
يــا هـيـه يـــا راكـــب الـمـامـون
.............................سلم على ساهر العيني
قــل ابــن صـبـاح وبـــن سـعــدون
........................... وبن سعود وبأ الخيلي
كـسـرتـهـم والـقـضــي مـمــهــون
........................... بعيال شمر على الخيلي
اركــض كـمــا شـوشــة المـجـنـون
........................... سبحان ربى مسوينـي

والمره الاخرى التي قال شعرا فيها ...هي قبل وفاته بأيام ::
راع الجمل وده يطيح === واللي على متنه رماه
ياعيال انا مالي نطيح === مليت من تال الحياه
وان الامير عبدالعزيز المتعب الرشيد(رحمه الله )لم يهزم في اي معركه
واود ان اخبرك بشئ ان شمر انتصرت في معركة الصريف بمشيئة الله وفضله وفضل شجاعة وبسالة ابناء شمر وكان امامها جميع القبائل تقريبا
اذا كيف لقيبلة حرب ان تنتصر على شمر مع احترامي الشديد لقبيلة حرب!!!!!!!!
ملاحظه......
اخي وميض/العنت الشيطان تبيع الرقم لحد غير تراني مجهز فلوس العربون وترانا حاضرين:113:بالي تطلب عليه لاني سمعت ان في طرف ثاني يبي يشري الرقم ((الاخ بتاااااار))
ومره ثانيه اقولك حقكك علي اذا انت فهمتني غلط وتضل اخو عزيز :147:
وتحياتي لك

[رفيق القمرا]

الغالي وميض
غيرتك على قبيلتك واضحة ولا أحد وتشكر عليها
ويعطيك العافية

اما القصيدة والسالفة

فهي بالأحرى كما ذكر الأخوان
فهي غير معروفة لدى الجميع


اما الجنازة رحمه الله فهو ليس بشاعر
وماقال الإ ابيات معروف كلها معروفة

وزقروط بين ماقصر


الامير/عبدالعزيز بن متعب الرشيد(رحمه الله) هذه هي قصائده المعروفه وانا القصيده التي تفضلت بها من المنتدى الذي ذكرته ليست له
اليك قصائده.........
هذه قالها في معركة الصريف.....
بعد الإنتهاء من المعركة وإنتصار شمر، ...قال الأمير عبدالعزيز الجنازه لواحد من أخوياه رح لحايل وعلم الأميرحمود العبيد تراه ما ينام و بشره بالنصر وعزه بالعيال وخذ هالبيتين، يقول الجنازه وللعلم فالامير عبد العزيز ليس شاعر ولم يقل الشعر قط ... الا مرتين .... هذه احداهن:
يــا هـيـه يـــا راكـــب الـمـامـون
.............................سلم على ساهر العيني
قــل ابــن صـبـاح وبـــن سـعــدون
........................... وبن سعود وبأ الخيلي
كـسـرتـهـم والـقـضــي مـمــهــون
........................... بعيال شمر على الخيلي
اركــض كـمــا شـوشــة المـجـنـون
........................... سبحان ربى مسوينـي

والمره الاخرى التي قال شعرا فيها ...هي قبل وفاته بأيام ::
راع الجمل وده يطيح === واللي على متنه رماه
ياعيال انا مالي نطيح === مليت من تال الحياه
وان الامير عبدالعزيز المتعب الرشيد(رحمه الله )لم يهزم في اي معركه

على كل حال العرب تعد اللي له واللي عليه
وياما ذكرنا اللي علينا


اتمنى انك لقيت اللي تبيه حتى تقدر ترد على الموضوع بهاك المنتدى



وترى الفلوس تروح وتجي
لا تبيع الرقم



]

[ابن برزان]

اضم صوتي مع اخواني معركه غريبه
لم نسمع عنها والقصيده مدري من وين
بطلنا لم يهزم ولم يكن يجيد القصيد
بل يجيد نتف الروس الموهقه
يا الحبيب شكلك نايم وتحلم
اصح يانايم لايجيك
الجنازه ياااا؟؟؟
ابن برزان