قصيده صوتيه للشاعر حمود البدر بمناسبة وقعة الصريف

[صالح الغفيلي]

السلام عليكم ورحمه الله وبركاته

شلونكم اخواني اعضاء منتدانا الكرام

وأعتذر منكم لطول غيابي الذي ليس بيدي بل انشغالي الكثير والمتواصل

هذه قصيده لشاعر الكويت / حمود البدر بمناسبة وقعة الصريف في الامير عبدالعزيز الرشيد

يلقيها / عبدالله الفضالة .

وهي عبارة عن تصميم من احد اعمالي


WIDTH=400 HEIGHT=350

[الأجودي]

اخوي صالح الغفيلي

عزالله انه خوش قصيده قالها الشاعر المعروف شاعر الكويت حمود البدر

سلمت لنا يالعزوه

[فهد بن مغامس]

تسلم وتعيش يا صالح الغفيلي ولك من كل شكر وتقدير
توجع القلب ها القصيده

[فهد بن مغامس]

تسلم وتعيش يا صالح الغفيلي ولك من كل شكر وتقدير
توجع القلب ها القصيده

[محمد السنجاري]

شكراً يا صالح على إضافة هذه القصيده النادره للشاعر حمود بن ناصر البدر أحد شعار الكويت المشهورين .

وقصة القصيده المذكوره هي كالتالي : -

مبارك الصباح قال للشيوخ ومن معه في معركة الصريف شوفو ابن رشيد انسحب من المعركه ( وهو يحسبه خوف ) وقال مبارك للشاعر حمود البدر إقصد ابن رشيد إنسحب ، والقصيده طويله جداً ، ذكر بعضاً منها الأخ صالح بصوت عبدالله الفضاله .

وحينما سمع الشاعر صالح السكيني من أهالي شقراء القصيده للشاعر حمود البدر قال هذه القصيده وهو كان متأكد بان ابن رشيد لن ينسحب من المعركه ، وأبيات السكيني هي كالتالي : -


ياعلي جفني عن كرى النوم دارا=كنه يحط بناظر العين سنجار
سهران مالي يانديمي قرارا=يامسندي وشلون ضاعن الافكار
ناظر ركاب حمود جتنا تبارا=ومشيّع ٍ مدحه على السيف بالكار
ياعلي قرب كيتب لي خيارا=وسجلةٍ نكتب بها عدل الأسطار
نرسل جواب من حشا الصدر ثارا=مثايل ماقالهن كل شعار
وخلاف ذا دنيت ناب الفقارا=راسه الى شال الخطر تقل به زار
إنشر من الجمعه وتال النهارا=نطوك ورى وبرك يطلعن الاشعار
وانشد عن المطران وعريب دارا=وسنّع مبارك منزله وين هو صار
تلقاه بالصمان دون الزبارا=يرعى بريضان زهت كل نوار
القول قبل الفعل مابه ممارا=والذم مايدقم طويلين الاشبار
وقولٍ بلا فعلٍ لو قيل عارا=تراه مثل اللي نفخته بمزمار
والكذب محدٍ فيه بايع وشارا=يكمل ولو هو عايش كل الاقطار
والصدق يوضي بالدجى له نوارا=والكذب مايرفع عواميد سيار
طير البحر ماينوصف للحرارا=لو طار تلقونه على سيف الابحار
والخيل غمق طنيها والمهارا=والنار يقبس من مقابيسها نار
تمدح مطير ويام عنكم يسارا=في ضفكم يرعون من عشب الاقفار
لاشك لامن أشهب الملح ثارا=هجّو وخلّوكم على جانب الدار
لابد من يومٍ يجيله كرارا=تشوف علوى بأول القوم ذيار
جاكم ولد متعب ذعار السكارا=ماض الفعايل (..........) ودّمار
له لابةٍ مايلبسون الوزارا=ولا جمّعوهم من حساوي وبحار
سلات اهل حايل عيال صغارا=لطامة العايل قبل دور الأبكار
ان سبلو بالكون جولك نصارا=قبيلهم لاشافهم يعطي إدبار
وبأيمانهم صنع العجم والنصارا=وموازرٍ تشبه هماليل الأمطار

وهذا كان رد السكيني على حمود البدر قبل المعركه .

بعد ماحدثة المعركه وإنهزم إبن صباح ومن معه هزيمه نكراء أمام شمر وإبن رشيد رد الشاعر الشيخ سليمان ابن جمهور على حمود البدر شاعر الكويت بهذه القصيده :-


جنح الدجى جاشا به الفكر حارا=محتار مدري وين تندار الأفكار
عفت الكرى ومجاضعي للعذارا=ياكن يطعن قومة القلب مسمار
قبل البشير محيسنٍ مع نهارا=الربع قسمين بهم بارد وحار
احدٍ يقول ياناس الحكم دارا=لإبن صباح اللي ولى بر وابحار
واحدٍ نذر واحدٍ حلف بالجوارا=ماصار مثله بالجزيره والأقطار
وحدٍ صعد بالمدح راس المنارا=لمباركٍ لولا الحيا ياملا صار
إندر خماله وصار مدحه خسارا=اصبح وظنّه مابلغ عشر معشار
الحمد للي بإيده الأمر صارا=المطّلع عالم خفّيات الأسرار
بخلاف ذا ياراكبين البكارا=عيرات من ذروات حفّات الاوبار
خمس وخمس عيونهن كالشرارا=مافوقهن غير السفايف والاكوار
بسمحات الأيدي نابيات الفقارا=عوص النضى من نسل ذروات عقار
خص الخواصر مانشن بالحوارا=محنونيات ابليل لاقوس لاطار
من جاء لدار خيار مابالديارا=هلا الزبيد اجواد و اكرام واخيار
مادوّر النّمام فيهم نعارا=يخس الخسيس اللي بهم قال بزوار
اولاد نجدٍ بالفخر والممارا=بالطيب وإلا بالردى مالهم كار
ياركب سيرو بالنهار الجهارا=على عيون الناس لوذو بالأكوار
بالحزم عقب العزم سيرو يسارا=خلو حسن بصري يمين عن الدار
ياركب هيلو الحذار الحذارا=عن نوم أو يوم تقيمون خطار
ارخو لهن الخطم ليل ونهارا=حتى تجون حمود بالدار محتار
اقروه مني بالتحيه وقارا=ماجاء ليل وما سطع نور الانوار
وخوذو له الخاطر وقولو مجارا=ماجور يامكسور من غير جبار
من عقب ماقيلك عليك إستدارا=كيف انت مع ربعك على ضفوة النار
ياحمود من قيلك بقيله تجارا=تقدح وتمدح والفعل مابعد صار
جورك ومكرك يابن ناصر قرارا=اخطيت ياعمس البصيره والافكار
هل كيف تبني لك من الكذب دارا=وتشيّد المبنى على درب الاخطار
لاعاد مال الملتجي بك قرارا=لارحم ابو من دق بجوارك جوار
مبنى بنيته صار ساسه هيارا=سوس على شافي شفا جرف وانهار
الكذب به شؤمٍ ولؤمٍ وعارا=بقولة ترانا من صواريم سنجار
عيال الحراير مثل اباها حرارا=وجميع طيرٍ لاليغرك وان طار
هل كيف لأسرار المغيب تجارا=ياحمود ليه أنهاك ياعمس الابصار
لاعاد مالك بالعلوم انتظارا=ولا انت بشيخٍ ياخذ الغلب والثار
تخوض ببحورٍ تلاطم بغارا=بأمر الولي تندار بإقبال وإدبار
يرفع وياضع ويسمع ويارا=ويحكم دواليب بالأقدار تندار
وينصر ويدمر والكسر والجبارا=بإيد الولي قهار دمار الأعمار
بالغيب لك رجمٍ بليا انتمارا=حكمّت ربعك بالحكايا والاشعار
الحكم ماهو بالمنى والنمارا=إيضا ولا بالطهبله توخذ ديار
والكذب مثل الجم وان نزح غارا=والفعل مثل اليم سيار الابحار
ياليت لو مالك لسانك هجارا=ماكان جاك من الشعر كثر ماصار
ياليت ابو جابر من سنامن لوارا=حكمه ولا سيّر لنجدٍ ولا سار
وإيزاه ربع الفا وعريب دارا=واهل البحر والبدو يدون الاعشار
ياحمود سرتو من بلدكم بطارا=وزمتكم انفسكم لحكمٍ وتدبار
وثرتُ وصرتُ بالتماني نمارا=وطابت لكم قطع الفيافي والاقطار
بقوم بها مغصوب واحدٍ بكارا=مابين بحري والحضر واهل الاهوار
قوم به الهيا بن ناصر كبارا=قبل الملاقى تحسب القوم دقار
غرتكم المهله بليل ونهارا=حتى انتهت مده انفاس واعمار
يوم انت بالتنهات ترعى الخضارا=ومربعٍ تقطف زماليق الازهار
الحر خطو النوب يخطي الحبارا=والضان ترثع دام سرحان ماثار
ياحمود وين جنانك اللي تجارا=ظنك بها تغذي شجرها والاثمار
اصبح ماها غايرٍ ثم غارا=قبل المساء غارت وشبت بها النار
تقول مايطري علينا انحدارا=تبون حايل مع قفار لكم دار
خاب الرجاء فيكم وصرتُ أسارا=واحدٍ دفن واحدٍ معشى للأطيار
خدراتها دار الفلك واستدارا=هبن ولام وداركم دور زوار
جاكم بلاكم من هواكم وصارا=نهاركم ليلٍ وضاعن الافكار
بين الصريف وبين هاك الزبارا=حقّت ولا بقّت لكم عين ديار
ان كنت واعي فانتبه لاتوارا=هيهات مالدرهم يشاديه دينار
المدح ماطوّل شبورٍ قصارا=والذم مايدقم طويلين الاشبار
تمدح مبارك ياعشير السكارا=قبل الفعل له رمع زودٍ وتدبار
وحنا لمدحه مانقوله جهارا=إلا لفعلٍ يابن ناصر وتذكار
ماصار مثل الضيغمي بالبكارا=إليا أقفى على عين المعادي بالأدبار
لابد له من دورةٍ وافترارا=مراكب تفتر وعيون واسفار
إليا أرجفت معه السبايا وغارا=يشبه لهاتيك الهواجر وألأنصار
حالو ولا زالو وجالو حذارا=وهدوّ ولا ردوّ لك الله عن الحار
هذا فخر سكان حايل قفارا=ظنك بهم ماكمّلو دشن الاكوار
من فعلهم يدوّر قوي =خلوّه يرغي عقب ماكان هدار
من عقب مايدعى امير الإمارا=والناس بأمره بالبراري والأبحار
واليوم دخّل بالمناور نصارا=اللي براسه طاح من زود واخطار
هذا الفخر ياحمود هاللي يتمارا=فعل الرشيد اللي رأيته بالأبصار
لا لاطلو وجهك سواد وسمارا=حيثك خبيث وداري مار مكار
وحاطت بكم خيل عليها نمارا=ضياغم جوكم على قب وامهار
سلّو وولّو في سيوف النصارا=مع صنع ابن باني للأرقاب بتار
قوم على قوم عبيد وحرارا=بكبودهم مرٍ وبقلوبهم نار
قومٍ لأخو نوره بليل ونهارا=ياطون لو ياطا شخانيب الأوعار
قومٍ تفت الكبد هي والمرارا=حريبهم يشرب قراطيع الأمرار
قومٍ لها بقلوب الأعداء ذعارا=تشفي غليله من قبيله الى ثار
قومٍ تراها من طناها سهارا=على الحكم عيّو بالأملح عن الدار
قومٍ لها عزٍ ونصرٍ تبارا=ياعل عزه بالجزيره والأقطار
قومٍ لها يومٍ تبيع العمارا=منول البضر بسيوفهم تشتعل نار
قومٍ ربو بالحرب ماهم تجارا=مالها خختشن المعارك والاكوار
قومٍ بها زومٍ نهار المثارا=إليا اذكر حربهم عند حلو الكرى طار
قومٍ لهم مني سلام ووقارا=جميعهم مابين جهال وصغار
وصلو على سيد قريش وقارا=مالعلع القمري على روس الأشجار

[الشمري2006]

مشكور اخوي الغفيلي على هالقصيده الجميله

والف شكر

والدنيا ماتدوم

[بتار]

يعطيك الف عافيه

[الأشهب الزوبعي]

صالح الغفيلي عساك على القوه

محمد السنجاري تسلم والله يعطيك العافيه




الأشهب الزوبعي

[أحمـــــــد]

الله يعطيك العافية يالغلا

تصميم رائع جدا

وماقصرت

[فيصل بن نجيفان]

أبو عبيد

اهلا بك ودائم تأتي بكل ما هو مفيد وتاريخي

قصيده مشهوره لشاعر الكويت حمود البدر

يعطيك العافيه ابو عبيد وننتظر منك المزيد

.
.



كما أشكر الاخ والكاتب المتميز محمد السنجاري على هذه الاضافه .


.
.


تحياتي لكـ

[سنجار]

تسلم ياابو عبيد على القصيده وعلى التصميم الرائع انت مبدع

واشكر الاخ محمد السنجاري على الاضافه الرائعه

فزيدوا منتداكم بابداعكم وتحياتي لكم

[ابوو عايض]

الله يعطيك الف عافيه اخووي صالح
تحيــــــــــــــــاتي

[سنعوووسي]

الجنازة رثع بهم والله


الله يرحموه



يعطيك العافية

[نايف الطواله]

رائع ياصالح





غبة فأتية بما يعوض هذا الغياب





سلمت يمينك

[هادي الوجعان]

يعطيك العافيه اخوي صالح والله انها قصيدة جزله وتحكي حقيقة المعركه واللي صار فيها
ماقصرت يالسنجاري(يالخال)جبتها بوقتها يعطيكم العافيه جميعا
اخوكم/هاي الوجعان

[سيف الطنايا]

تم الغاء التثبيت

لكون الموضوع اخذ حقه من القرائه

[كايد الشمري]

سلمت لنا يالعزوه

[فدا شمر]

بسم الله الرحمن الرحيم
السلام عليكم ورحمة الله وبركاته
يعطيك العافيه بس وشلون احمله ونشرها عن طريق البلوتوث

[فدا شمر]

بسم الله الرحمن الرحيم
السلام عليكم ورحمة الله وبركاته
يعطيك العافيه بس وشلون احمله

[ربد الشمال]

تسلم علي المشاركه


والله لايهينك


تحيتي

[أبو حواس]

مشكوووووووووور أخووووووووووووووي على موضوعك الرائع

والله يعطيك ألف عافيه

ولا هنت

تقبل مروري

أخوك أبو حواس

[اهل الحيسه]

بيض الله وجيهكم

[أبو عبدالله]

شكرا لكم جميعا




تحياتي لكم

[دواس الظلمه]

بيض الله وجهك ولاهنت على القصيده

[مضيف برزان]

كارن لخو نورة وحناء لنا كار000000000000مشكور اخوي على هالمقطع ولله لايهينك

[ربد الشمال]

تسلم علي المشاركه
والله لايهينك
تحيتي

[ابن برزان]

رئعه ومميزه لك مني اجمل التحيا
على القصيد الجميل
يعطيك العافيه تقبل مروري
ابن برزان