المهندس الرااقي
2008-05-24, 06:37 PM
مما قال الشاعر حمود بن محمد بن عمران السويدي بالشيخ / عبدالعزيز بن عبدالكريم بن رمان
قال الذي من ضامره ما استفاده=من فيض قرح يصخر القاف مليان
سبحان خالق جندها مع جماده= ومقسم اصنافه على اشكال واللوان
المطلع على سراير عـــبــــاده= يعلم عن الماضي واللي تو ماكان
ومن بعد توحيد الولي وانفراده = نشرح كلام مع دليل وبـــــــرهـــان
خمسة معاني حايزات السياده =ماغيرهن لمدور العز مــــيـــــــدان
راي سديد وقو باس وجلاده= مع الصخاء والعلم والعقل مـــــيــزان
ومن حاز كل الخمس حصل مراده= وادرك علوا المجد بالسر واعلان
ومن راقب الباري عليه اعتماده= ويازانت النيه مقام الفتـــــــى زان
ومن عاش بالحيلات يظهر فساده= لو فاز يوم تال الايام يــنــهــــان
ولاينفع الخاين كثير أجـــتــهــاده= مهما تحيل خايب السد خـــســـران
زرع تصودف قبل يكمل حصاده =لا استثمر الزارع ولاسد ديـــــــان
ومن لا تواسا للنجيبه شداده= مايامن الراكب ليامس بــــبــــطــــان
ياكبرت القاله وعظمة وكاده= يهون حله مع موارث بــلـــيـــهـــان
اللي خذابه من جدوده شهاده=عيال الحمايل باللوازم لهم شـــــان
يوم ان بعض الناس ياخذ حياده=تحمله عبدالعزيز بن رمـــــــــان
شيخ ولد شيخ له الطيب عاده=فزع لناس بين قاتل وسجــــــــان
وبلادهم ماهي حوالي بلاده=ولاحد توقع له ولاهي با لاقــــمــــان
زحزيح مايرضى دروب الزهاده=ماقال للمضيوم لو رحت لفلان
طلع طلوع الحر حزة هــــداده= كل يتحلى وقفته وسط ديـــــوان
واخوان الانور عارفين سدادهوقاموا بتقديره كريمين الايمان
شيخ حكيم والحكومة سناده=الله يجازيهم جزيلات الاحسان
كم خير يا أحتاج شدوا عضاده= حرار نجد أهل الصخا قبل وذلان
وابي انصح اللي غافل عن رقاده=نصيحة والنصح يشرى بالأثمان
اتعب لطرق الخير لو به نكاده= دنياك قبلك ماعطت حي أمـــــان
وماحر من جو يخلف براده=وما أشتد من وقت وراه الرخا بان
والحصن كل حصان يعرف مقاده= راع المسيره لاتناظر للأبـــدان
ومن لادرى هرج العرب وأنتقاده= قاده هوى نفسه على درب حقران
ياجاك عي طاغي في عناده=لاتفوت الفرصه تر الوقت خوان
شطر جنابك عن مصافا سواده=واحذرك ابو وجهين حلاف الاديان
ياسمع علم حط فوقه زياده=ولقح قلوب الناس من غير وكدان
ومن جاك لأمر الطيب للطيب باده= ترا عشرة الطيب شهاده وعنوان
وصلوا على الهادي بشير السعاده=المصطفى المختار من نسل عدنان
قال الذي من ضامره ما استفاده=من فيض قرح يصخر القاف مليان
سبحان خالق جندها مع جماده= ومقسم اصنافه على اشكال واللوان
المطلع على سراير عـــبــــاده= يعلم عن الماضي واللي تو ماكان
ومن بعد توحيد الولي وانفراده = نشرح كلام مع دليل وبـــــــرهـــان
خمسة معاني حايزات السياده =ماغيرهن لمدور العز مــــيـــــــدان
راي سديد وقو باس وجلاده= مع الصخاء والعلم والعقل مـــــيــزان
ومن حاز كل الخمس حصل مراده= وادرك علوا المجد بالسر واعلان
ومن راقب الباري عليه اعتماده= ويازانت النيه مقام الفتـــــــى زان
ومن عاش بالحيلات يظهر فساده= لو فاز يوم تال الايام يــنــهــــان
ولاينفع الخاين كثير أجـــتــهــاده= مهما تحيل خايب السد خـــســـران
زرع تصودف قبل يكمل حصاده =لا استثمر الزارع ولاسد ديـــــــان
ومن لا تواسا للنجيبه شداده= مايامن الراكب ليامس بــــبــــطــــان
ياكبرت القاله وعظمة وكاده= يهون حله مع موارث بــلـــيـــهـــان
اللي خذابه من جدوده شهاده=عيال الحمايل باللوازم لهم شـــــان
يوم ان بعض الناس ياخذ حياده=تحمله عبدالعزيز بن رمـــــــــان
شيخ ولد شيخ له الطيب عاده=فزع لناس بين قاتل وسجــــــــان
وبلادهم ماهي حوالي بلاده=ولاحد توقع له ولاهي با لاقــــمــــان
زحزيح مايرضى دروب الزهاده=ماقال للمضيوم لو رحت لفلان
طلع طلوع الحر حزة هــــداده= كل يتحلى وقفته وسط ديـــــوان
واخوان الانور عارفين سدادهوقاموا بتقديره كريمين الايمان
شيخ حكيم والحكومة سناده=الله يجازيهم جزيلات الاحسان
كم خير يا أحتاج شدوا عضاده= حرار نجد أهل الصخا قبل وذلان
وابي انصح اللي غافل عن رقاده=نصيحة والنصح يشرى بالأثمان
اتعب لطرق الخير لو به نكاده= دنياك قبلك ماعطت حي أمـــــان
وماحر من جو يخلف براده=وما أشتد من وقت وراه الرخا بان
والحصن كل حصان يعرف مقاده= راع المسيره لاتناظر للأبـــدان
ومن لادرى هرج العرب وأنتقاده= قاده هوى نفسه على درب حقران
ياجاك عي طاغي في عناده=لاتفوت الفرصه تر الوقت خوان
شطر جنابك عن مصافا سواده=واحذرك ابو وجهين حلاف الاديان
ياسمع علم حط فوقه زياده=ولقح قلوب الناس من غير وكدان
ومن جاك لأمر الطيب للطيب باده= ترا عشرة الطيب شهاده وعنوان
وصلوا على الهادي بشير السعاده=المصطفى المختار من نسل عدنان