(( قصيدة البخناني بالأمير سعود الرشيد ))

[محمد السنجاري]

السلام عليكم ورحمة الله وبركاته

..

هذه قصيده للشاعر البخناني من حاضرة أهل حائل قالها بالامير سعود بن عبدالعزيز الرشيد ( ابو خشم ) ،، رحمه الله : -


قال الذي يبدع على كل ما راد=من ضامره ماجاب قيله عواري

ظرف على بدعه للامثال واستاد=ولا قال قيل باغي به يماري

وخلاف ذا ياراكبٍ فوق فدّاد=اسرع من البابور ماله مباري

مافوقه الا الخرج زاهيه وشداد=ومن خلقته ماقلبه كل شاري

يرعى من الطايف ليا جسر بغـداد=ليا الشام ليا وادي الدواسر جهاري

يرعى بضف الشيخ صعصيع الاولاد=من خلقته يرعى الخطر ما يداري

يلفي سعود الضيغمي ضد الاضداد=ضد الضديد ليا حصل للمثاري

سم على كبد المعادي ليا زاد=بمصقـلٍ حـده يبـت العتاري

شيخٍ على الصابور بالضيق وراد=يدلي كا حـرٍ يصيد الحباري

ليا تنهض طير شلوى تره صاد=متعودٍ للصيد ورثٍ وضاري

ومتعودٍ يسقي العدو مر الانكاد=ليا حل له عند الاجانيب طاري

وحريبنا لو هو ورى النير من غاد=لازم ليا جاه النذر فر ساري

[فيصل بن نجيفان]

الأخ محمد السنجاري

السلام عليكم

والف شكر لك على أضافه هذه القصيده الرائعة للشاعر البخناني بالأمير سعود الرشيد ( أبو خشم )


يلفي سعود الضيغمي ضد الاضـداد=
ضد الضديد ليـا حصـل للمثـاري

سم على كبـد المعـادي ليـا زاد=
بمصقـلٍ حـده يبـت العـتـاري

شيخٍ على الصابور بالضيـق وراد=
يدلي كـا حـرٍ يصيـد الحبـاري

ليا تنهض طير شلوى تـره صـاد=
متعـودٍ للصيـد ورثٍ وضــاري

ومتعودٍ يسقي العدو مـر الانكـاد=
ليا حل له عند الاجانيـب طـاري

وحريبنا لو هو ورى النير من غاد=
لازم ليا جاه النـذر فـر سـاري

فعلا أبيات في غايه الروعه في مدح الأمير سعود الرشيد وهذه صورة الأمير سعود الرشيد ويظهر خلفه عبده درعان :-

http://www.allshmr.com/vb/attachment.php?attachmentid=45&stc=1

يعطيك العافيه يا محمد وزد لنا من هذه المواضيع الرائعة والمفيده

[محمد السنجاري]

( ~ فيصل بن نجيفان ~ )

الف شكر يا العزوه على المرور والتعقيب الأكثر من رائع .

والله لا يهينك على إضافة صورة الأمير سعود الرشيد .

تقبّل خالص تحياتي أخوك // محمد السنجاري .

[عايش الزوبعي]

محمد السنجاري

يعطيك العاااافيه على هذه القصيده الجميله والى الامام يابن العم

تحياااااتي لك

[محمد السنجاري]

( ~ الزوبعي عايش ~ )

الف شكر يابن العم على المرور والتعقيب الجميل .

تقبّل خالص تحياتي أخوك : -

محمد السنجاري .

[أحمـــــــد]

(((((((((((((((( محمد )))))))))))))))))


لاهنت وعساك على القوة يارب

لقد ابدعت بما كتبت من قصيدة رائعه

وبأنتظار أبداعاتك الرائعه مثل هذا النوع

تحياتي لك

[فيصل بن نجيفان]

لا تهون يا محمد

ويعطيك العافيه

[متعب الخريصي]

الف شكر اخوي محمد على هالقصيده الرائعه
والله يعطيك العافيه

[سنجار]

تسلم اخي محمد على القصيده لسعود الرشيد ابو خشم ومازال الكلام عن سعود يذكر نوري الشعلان اغار على اطراف
رفحه وكان مجمع قبائل معه من مناطق البشري في سوريا باالمظاهير وتعرض لهم سعود الرشيد وحصلت معركة الجميما وقال
هذه الابيات غير كامله عندي ولكن اذكر منه هذه وارغب ان تتأكد منها ومن شاعرها

يومن على الجميما لك الله = ماشب من ناره عمسنا سناه
------------------------------------ = جابه من البشري تراعد لحاها
سعود الرشيدمزنتن مستهله= الضبعة العرجا رماله عشاها
كبدن يبسها وكبدن يبله = وكبدن على حوض المنايا رماها
ابن شعلان النوري خلىحرمتله= بظهر ذلوله طب عذرى وجاه

خلى الحريم مخمده باالاظله = ----------------------------------------
ارجوا التاكد منها ومن شاعرها ووضعها واكرر الشكر لك وتحياتي

[المهر]

بسم الله الرحمن الرحيم
الأخ / محمد السنجاري تحيه طيبه ونشكرك على نقل قصيده البخناني وهى قصيده رائعه ويبدو أن البخناني كانت علاقتهم
قويه بين الرشيد والبخانين وصلة بين شمر والبخانين 0 وهذا ابراهيم صالح البخناني قال هذه القصيده وهى انه جاه مولود
جديد وسماه (ضاري} على أسم ضاري ابن طواله اخو صلفه وقال احد الأشخاص وش جاب شمر لأهل حايل وش جابكم لضاري
ورد الشاعر على هذا الكلام بهذه القصيد 0 ( قالو وش اللى جابلك ضاري تسميبه }


قالو وش اللى جابلك ضاري تسميبه وش جاب شمر لأهل حايل وصناعــــــــــه
قلت أسمعو ياخفاف العقل والريبــه ياللى نفوسه على الصناع لكــــاعــــــــه
حناّ وشمر هل الطولات والطيبـــــــه يعزناعزهم ونقوم لرفـــــــــاعــــــــــــــه
شمر هى اللابه اللى كيف نعطيبـــه سور الجبل لاحزانا الوقت وافجـــاعـــــــه
وقولوا لبرزان يحكاية الغيبــــــــــه ترو البويضاء تنبيكم عن اوضـــــاعـــــــه
الباب من بين صفقاته اغديبــــــــــه كم رأس شيخ خضع للسمع والطاعــــــــــه
ولاان تسميت بعقيدِ كلن ايهيبــــــه ياما شهدت له ظهور الخيل واكواعـــــــــه
ويوم الفعايل وهل الصولات تحكيبه الى صاح اخو{صلفه} الضارى على اسباعه
حناّ نتفاخر الى منه عوى ذيبـــــــه ذيب الجبل الى عوى لزو له أظلاعـــــــــــه
وحنا جسد ياخفاف العقل نمشيبـــه حضره وبدوه سهوم القوم واطمـــــــاعـــــه
حايل هى الأم وكيف الأم نرميبـــــه ومتى عيال الكرم تقـــــاسم أرباعـــــــــــه
والاّأسم ضاري أسم ونحب ندعيبـه نفخر بفعله وعســــى ضارى على أطباعــه

شعر /ابراهيم صالح البخناني

[فيصل بن نجيفان]

الف شكر لك يالمهر على هذه الاضافه ...

والاّأسم ضاري أسم ونحب ندعيبـه = نفخر بفعله وعســــى ضارى على أطباعــه

[علي الوهبي]

موضوع رائع

الاخ محمد الله يعطيك العافيه قصيده رائعه في مدح ابوخشم ..

وكذلك الشكر موجه لاخونا فيصل بن نجيفان على ماقدمه

ولاننسى اضافه اخونا المهر الرائعه


اللــــــــــــــــه يعطيكم العافيه جميعا ...

تقبلوا تحياتي الحاره لكم

[ربد الشمال]

يعطيك العافيه علي المشاركه

والله لايهينك


تحيتي

[][رحــ*R7aAL*ــال][]

الله يعطيك العافيه على القصيده لاهنت ياغااالي

[صعــب المنــأأأل]

محمد مشكور على الموضوع الراقي من شخص راقي



تقبل مروري السريع