الشاعر شخير بن بصري الوضيحي

[البرق]

قصيدة غزليه من الشعر القديم الذي يحتوي على الفاظ ومعاني عفى عليها الزمن

واهملها الشعراء بسبب تغيير المفاهيم والشاعر شخير يتصف با الكرم ويسمى

(( ابا السريان ))




يا أهل الركاب ركابكم وانياتي = نحايفن ارقابهن مثل الاقواس
طفح الضلوع فخوذهن مبرماتي = يشدن قطاتين على البيض جلاس
حمرٍ مفجع نحورهن كالفواتي = دليلهن عن تيهة الليل هنداس
سفنٍ إلى زان البحر بالفراتي = لا حدروهن بالمجاديف غطاس
حق علي اومي لهن بالعباتي = ياموفقين الخير دلة ومحماس
مقنــــــــد مادمروه الولاتي = وقرمش دمشق ومعه ينعش الراس
وقبل العشا نامر لكم بالشواتي = واالنجر يلعي بينكم تقل نحاس
وبن يعلق شاذره باللهاتي = عنكم يضيع ضيقة البال وعماس
شف الى ماشف بين الشفاتي = دلا بشغل الهند يصبغ على الكاس
منتحرات عيد باقصى الهباتي = بكل معنى وافي الحظ قرناس
بحق الذي فرض علينا الصلاتي = وبيت النبي يزورونه الناس
لوأعرضوا لي المها وارداتي = ومعصبات بالمقارين جلاس
ماخذ حذا مضنون عيني شفاتي = اللي علومه بالمعاليق غطاس
اوقفوا به اللي للحرايب عصاتي = قاسين بالهيات هذا لهم ساس
نصيحة للي يشيل الوصاتي = الصيد هج وقلعه كثر الاوناس
تلع الرقاب مسلهبات البناتي = خطو المهاة اللي لها القلب يماس

شاكر لكم

[أبو حواس]

صح لسانك ولسان الشاعر شخير ..

ولا هنت يا البرق ..

تحيتي

[البرق]

مشكور اخوي

(( ابو حواس ))

على مرورك والله لايهينك ,,,,,,,,,

[ابن هباس]

صح لسان الشاعر..
..وسلمت على لنقل..

[خيــال الــدهما]

صح لسانك ولسان الشاعر شخير ..