البرق
2008-06-15, 12:28 AM
سر يا قلم واستخبر القلـب ينبيـك=واصحى تزيغ بدارج الراي حذراك
يا قلب لا تبدي حـوادث بلاويـك=الا لمن هـو يحفـظ السـد ويـاك
تبدي من احداث الدهر من شكاويك=كن الدهر بك ناصب حبل الاشراك
لا تستريب ان شفت ضيق المساليك=كم واحدٍ قبلك توطـاه مـا جـاك
اصبر ودولاب الدهر لـه مفاكيـك=كم فرج المولى لمثلـك وشـرواك
يا قلب لا تنسى حبيـبٍ مصافيـك=متمسـكٍ بحبـال لامـه ولامـاك
ما زل يومٍ مـا تحـرا حراويـك=الا ولك بالطوع يطلـب مهـاواك
واحذر تقاصي واحدٍ ما يقاصيـك=واسمح خطا من كان يسمح خطاياك
هذي وصوف الحب يا قلب تنبيـك=وتحذرك عن قرب هـذا وهـذاك
واتبع هوى من هو يتابع مهاويـك=الى صفا فـورّه نوايـا صفايـاك
ما دام قلبه لك على الـود هاويـك=ومصافي ما بان لك منـه جفـواك
لا تجعله مثل الـذي مـا يدانيـك=وتسبب الفرقا وتكشـف إمّغطـاك
لازم على الخل الذي في مماشيـك=يمشي ولو حالت به اقدار الافـلاك
هذي علاماتـه ولا فيـه تشكيـك=والشاهد الواضح الى من تنصـاك
يبدي سلامه حين شافـك يحييـك=ترحيب مشتاق لشوفـك ورؤيـاك
ادعج غنج حـط العـذارا مماليـك=والى سطى بسيوف الالحاظ فتـاك
فتح زهـر ورد الخـدود المداليـك=والى تبسم واضـح الـدرّ بـاداك
محلاه الى اقبل في تمدريه يغريـك=يشبه قضيب البان او ناعم الـراك
زين البها في عشرة الحب يرضيك=عذب النبا سهلٍ جنابـه وضحـاك
عـز الله انـه بالمهمـات يشفيـك=عند اللقا ومسامـر الحـب يهنـاك
بالله يا قلب الخطـا مـن يداويـك=عقبه من الخفرات ويزيـل بلـواك
يا قلب عقبه لو ترى البيض تاليـك=محدٍ يِعيضـك فيـه لا ذا ولا ذاك
هذا عديل الـروح هـذا يعاطيـك=كاس المحبه وينتحي عـن دنايـاك
هذا الذي له منـزلٍ فـي خوافيـك=داخل حشا الروح العزيزه تـولاك
هـذا نديـم الغـي هـذا يناجيـك=بالسر والسر الخفـي مـا تعـداك
هذا يدور عشرتـك مـا يشانيـك=هذا الذي له رغبـة فـي ملامـاك
هذا الحبيب بصافي الـود يسقيـك=كاس يزيل مدوخل الهـم بحشـاك
هذا على ما تشتهـي دوم يعطيـك=حسب المطوعه ما يخالف نوايـاك
متمسكٍ بعراك مـا منـه تفكيـك=راغب ومغرى فيك ماطاع لسـواك
الـزم حبالـك لا تبيـن مساويـك=غض النظر عن عابـرات تعـداك
هذا هو المقبـل وغيـره يراويـك=وجه النفاق ومقفي عـن ملامـاك
قل للعذول اقصر وقهقر خطاويـك=ما سمع كلامك لو تكلمت يـا ذاك
عندي على هـذا شهـود تكافيـك=الموت بالطرف الحور حين يلقـاك
ومجـدل مثـل العرابيـد يغريـك=والشاهد الثالث على الدرب خـلاك
يا زين لا تصغي لمن هو حكى فيك=ومعذبه سلطـان جهـره بنجـواك
الله يديم أنسك ويكمـت امعاديـك=ويزيد بالبلوى لمـن هـو تبـلاك
واسلم وطالع سعدك اضحى يباريك=من فـوق سبـع عاليـات تعـلاك
وتقبلو تحياتي..
يا قلب لا تبدي حـوادث بلاويـك=الا لمن هـو يحفـظ السـد ويـاك
تبدي من احداث الدهر من شكاويك=كن الدهر بك ناصب حبل الاشراك
لا تستريب ان شفت ضيق المساليك=كم واحدٍ قبلك توطـاه مـا جـاك
اصبر ودولاب الدهر لـه مفاكيـك=كم فرج المولى لمثلـك وشـرواك
يا قلب لا تنسى حبيـبٍ مصافيـك=متمسـكٍ بحبـال لامـه ولامـاك
ما زل يومٍ مـا تحـرا حراويـك=الا ولك بالطوع يطلـب مهـاواك
واحذر تقاصي واحدٍ ما يقاصيـك=واسمح خطا من كان يسمح خطاياك
هذي وصوف الحب يا قلب تنبيـك=وتحذرك عن قرب هـذا وهـذاك
واتبع هوى من هو يتابع مهاويـك=الى صفا فـورّه نوايـا صفايـاك
ما دام قلبه لك على الـود هاويـك=ومصافي ما بان لك منـه جفـواك
لا تجعله مثل الـذي مـا يدانيـك=وتسبب الفرقا وتكشـف إمّغطـاك
لازم على الخل الذي في مماشيـك=يمشي ولو حالت به اقدار الافـلاك
هذي علاماتـه ولا فيـه تشكيـك=والشاهد الواضح الى من تنصـاك
يبدي سلامه حين شافـك يحييـك=ترحيب مشتاق لشوفـك ورؤيـاك
ادعج غنج حـط العـذارا مماليـك=والى سطى بسيوف الالحاظ فتـاك
فتح زهـر ورد الخـدود المداليـك=والى تبسم واضـح الـدرّ بـاداك
محلاه الى اقبل في تمدريه يغريـك=يشبه قضيب البان او ناعم الـراك
زين البها في عشرة الحب يرضيك=عذب النبا سهلٍ جنابـه وضحـاك
عـز الله انـه بالمهمـات يشفيـك=عند اللقا ومسامـر الحـب يهنـاك
بالله يا قلب الخطـا مـن يداويـك=عقبه من الخفرات ويزيـل بلـواك
يا قلب عقبه لو ترى البيض تاليـك=محدٍ يِعيضـك فيـه لا ذا ولا ذاك
هذا عديل الـروح هـذا يعاطيـك=كاس المحبه وينتحي عـن دنايـاك
هذا الذي له منـزلٍ فـي خوافيـك=داخل حشا الروح العزيزه تـولاك
هـذا نديـم الغـي هـذا يناجيـك=بالسر والسر الخفـي مـا تعـداك
هذا يدور عشرتـك مـا يشانيـك=هذا الذي له رغبـة فـي ملامـاك
هذا الحبيب بصافي الـود يسقيـك=كاس يزيل مدوخل الهـم بحشـاك
هذا على ما تشتهـي دوم يعطيـك=حسب المطوعه ما يخالف نوايـاك
متمسكٍ بعراك مـا منـه تفكيـك=راغب ومغرى فيك ماطاع لسـواك
الـزم حبالـك لا تبيـن مساويـك=غض النظر عن عابـرات تعـداك
هذا هو المقبـل وغيـره يراويـك=وجه النفاق ومقفي عـن ملامـاك
قل للعذول اقصر وقهقر خطاويـك=ما سمع كلامك لو تكلمت يـا ذاك
عندي على هـذا شهـود تكافيـك=الموت بالطرف الحور حين يلقـاك
ومجـدل مثـل العرابيـد يغريـك=والشاهد الثالث على الدرب خـلاك
يا زين لا تصغي لمن هو حكى فيك=ومعذبه سلطـان جهـره بنجـواك
الله يديم أنسك ويكمـت امعاديـك=ويزيد بالبلوى لمـن هـو تبـلاك
واسلم وطالع سعدك اضحى يباريك=من فـوق سبـع عاليـات تعـلاك
وتقبلو تحياتي..