ابسأل عن قصيدة لشرعان الرمالي

[خالد التومي]

الشاعر شرعان الرمالي اعجابي فيه لايوصف , حفظت له قصيدتين مشهورتين من قديم وهما :

الاولى : ياراكب ثنتين يشدن الاقواس

والثانية : يامير ياشيخ الندى والسماحه


والقصيدتين معروفه للجميع , اللي ابسأل عنه قصيدة ثالثه لشرعان سمعتها مبطي بشريط وضيعته وهي ماهي طويله

واللي اذكر ان قافية الشطر الثاني جيمية ومن كلماته ( عجاجه)

تكفون ياربعي اللي عنده خبر عنه لايخلينا , وكان عنده زيادة على هالقصيدتين , اكون ممنون له جداً

[سيف الطنايا]

للاسف اخي العزيز خالد ليست لدي هذه القصيده وانشالله ستجد من يفيدك من الاعضاء وسامحنا علي القصور يالغالي

[أورنس]

ابشرررررر بسعدك يا خالد التومي

هذه القصيده الاولى :

ياراكب ثنتين يشدن الاقواس **** من دار ريضان الحجر حركني
مافوقهن كود الدويرع وجلاس **** وسفايف بين اربع يلعبني
تحركنا من عندنا حين الامراس **** ومضى سواد الليل مابركني
حكن علم عذفا يسارن من الرأس **** والظهر مع ورد الحفر يشربني
وحطو لهم مع هقلة الحضر بلاس **** عن الحضر واللي بالخلا يسرحني
وليا لفيتوا عند مدقوق الالعاس **** الجادل اللي بالمحبه محني
قولوا على حبل الرجا نطوي الياس **** ولبيض غيره كلهن يحرمني
ولو يندوي جرحي دويته بزفواس **** ولا بني رفاف البيت منكم ومني
والله يعلم بالخفايا والآجاس ***حيث مضى من صغر سنك وسني
وياعم اللي طعت بي هرج الانجاس *** طاوعت هرج الناس واخلفت ظني
طعت بي ياعم دايس ودرباس *** وعوارض صدقتها وابعدني
ومن لااخذ من درس الاسلاف نبراس **** تمضي حياته بالرجا والتمني
واقفيت ادير بظامري كل هوجاس *** على وليف بالحشا غاب عني
تكبي خواطرهم ليا جيت عساس **** ولاتقل انا منهم ولاهمب مني
ومريت دار ماتقل جنة الاوناس **** وونيت ودموع العيون ذرفني
جيت المراح اللي بالعشب محتاس **** العشب في مضرب وسادة معني
محذا شبة الناس ومشتاقة الراس *** وثلاث لايبكن ولاينبكني
لي بنت عم ماوطت درب الادناس **** ولادنست يوم النساء يدنسني
ضربتها وانا احسب الضرب نوماس **** طلقتها يوم افخت العقل مني
ياناس كيف العين تبكي على ناس *** وكيف العيون بلا رمد يسهرني
لو ينشكي حبي على ذيب لاخماس *** يسرح مع الطليان مايجفلني
ولو ينشكي حبي على طير قرناس *** اضحى الضحى بمويكره مستكني
ولو ينشكي حبي على قب الافراس **** عين نهار الكون لايفزعني
ولو ينشكي حبي على الميت ماناس **** يثور من بين النصايب يوني
ولو البيوت مشددينه بالامراس **** عين مع الخفرات لاينبنني
وحتى النجوم اللي مع الليل غلاس **** لو ينشكي حبه لهن وقفني
ولو ان غوطة (دم سلمان ) واضراس **** يدرن بماقلبي لقلبه يكني
تلقى سهل جبة هضاب ومنحاس **** وحتى الجبل بالقاع صار متثني
اشرفت رأس ضراس من فوق الاطعاس **** ولالوم طراد الهوى لو يجني
هليت دمع العين واوميت بالراس **** ورافقت كور العيس ياما ابعدني
ورفعت نفسي عن شبا كل وسواس **** البعد احلى من حياة التمني
انا زبون الحرد للخيل مدباس **** ياكلشن شهب الشوارب نخني
نفسي تشوم عن التدلبح مع الساس **** ولاعاش من هو عن رفيقه يكني
من شيدوا (زينة ) على غيد واغراس **** ليا نسيت رسومهم ذكرني
ياعم انا لي طلبة الراس بالراس *** ياعم شوف رسومهم ماانمحني
ولو صرت ان القلاع ماشلت الاضراس ***** والموس مايقطع بليا مسني
ياصار ماربعن على الرائ جلاس **** وجنحان طير السعد يلفحني
نصير دوم للصقاقير مدواس ***** مثل اللي يسمع صفير المغني
والله يلولا بكرة يبووناس **** حبه سكن باقصى الضماير محني
والله لو هي ماتبيني فلا باس **** لاشك خبثان النفوس طردني
وانا احمد اللي خالق كل الانفاس **** وجعل وساع القاع مافيه مني
دار بدار ولامناخات الانجاس **** ياصار مايمناك عينك تزني
في بلدة الغراف من جملة الناس ***** ولا نيب من يرجي الخلايق تحني
دار به الاكرام والطيب به ساس **** دايم تذكرني ليال مضني


وسابحث عن الثانيه واجيبه لك يا خالد ..


تقبل التحيه

[خالد التومي]

معذور اخوي عواد ...........


ان سانحت حطيت كبش على مير ............... وان عاضبت يسد قولة هلابه


اخوي اورنس : تسلم ولاقصرت يالوافي ... لكن اللي ابيه القصيدة الثالثة غير الثنتين الاولات وان كان فيه زود

عليهن فحيهلا ........

ولك تحيات اخوك

[الحزينه]

اخي العزيز

خالد التومي

اهلا بك وحياك الله

تم نقل موضوعك الى الصناديد مكانه المخصص

وشاكره للاخ لورنس على ايراد قصيدة الشاعر شرعان الرمالي

تحياتي لكما