الاسلمي
2005-08-27, 12:39 AM
البارحة مدري وش الي خذاني = يوم اجنبو عني من الضيقة اشملت
جيت اتكلم بس عيى لساني = ماكني الا مرتكب ذنب واخملت
اللة يسامح من ذكرت ونساني = وانا ادري لاتذكرتة تجملت
عانيت وادري كل طيب يعاني = وعلى حساب طعوني الخضر جاملت
ياما خذوا مني ولاحدن عطاني = من طيبتي في حق نفسي تساهلت
عزاي لامنة تجهم زماني = يممت وجهي للكريم وتوسلت
واللي يبي قربي وبعدي لقاني = امشي على وضح النقا ماتختلت
يامن سكن اجملزوايا كياني = ياما على نفسي عشانك تحاملت
مرات احس انك معي شخص ثاني= ومرات احس انك حبيبي ومازلت
لاتفرح انك دجت بين المحاني = لو ماتخون الذاكرة ماتسللت
عشان ماضيك الجميل وعشاني = حاول تشيل من الوفاء ربع ماشلت
ماني على خبرك حبيبي تراني = حتى عن صغار الاماني تنازلت
جيت اتكلم بس عيى لساني = ماكني الا مرتكب ذنب واخملت
اللة يسامح من ذكرت ونساني = وانا ادري لاتذكرتة تجملت
عانيت وادري كل طيب يعاني = وعلى حساب طعوني الخضر جاملت
ياما خذوا مني ولاحدن عطاني = من طيبتي في حق نفسي تساهلت
عزاي لامنة تجهم زماني = يممت وجهي للكريم وتوسلت
واللي يبي قربي وبعدي لقاني = امشي على وضح النقا ماتختلت
يامن سكن اجملزوايا كياني = ياما على نفسي عشانك تحاملت
مرات احس انك معي شخص ثاني= ومرات احس انك حبيبي ومازلت
لاتفرح انك دجت بين المحاني = لو ماتخون الذاكرة ماتسللت
عشان ماضيك الجميل وعشاني = حاول تشيل من الوفاء ربع ماشلت
ماني على خبرك حبيبي تراني = حتى عن صغار الاماني تنازلت